| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. ทุติยปณฺณาสกํ
2. Dutiyapaṇṇāsakaṃ
(๖) ๑. พฺราหฺมณวโคฺค
(6) 1. Brāhmaṇavaggo
๑. ปฐมเทฺวพฺราหฺมณสุตฺตวณฺณนา
1. Paṭhamadvebrāhmaṇasuttavaṇṇanā
๕๒. พฺราหฺมณวคฺคสฺส ปฐเม ชราชิณฺณาติ ชราวเสน ชิณฺณา, น พฺยาธิอาทีนํ วเสน ชิณฺณสทิสตฺตา ชิณฺณาฯ วโยวุทฺธาติ วยโส วุทฺธิปฺปตฺติยา วุทฺธา, น สีลาทิวุทฺธิยาฯ ชาติมหลฺลกาติ ชาติยา มหนฺตตาย จิรรตฺตญฺญุตาย ชาติมหลฺลกาฯ ตโย อเทฺธ อติกฺกนฺตาติ ปฐโม, มชฺฌิโม, ปจฺฉิโมติ ตโย อเทฺธ อตีตาฯ ตติยํ วยํ อนุปฺปตฺตาติ ตโต เอว ปจฺฉิมํ วยํ อนุปฺปตฺตาฯ อกตภยปริตฺตาณาติ เอตฺถ ภยปริตฺตาณนฺติ ทุคฺคติภยโต ปริตฺตายกํ ปุญฺญํ, ตํ อกตํ เอเตหีติ อกตภยปริตฺตาณาฯ ปติฎฺฐากมฺมนฺติ สุคติสงฺขาตปฺปติฎฺฐาวหํ กมฺมํฯ อุปสํหรียตีติ สมฺปาปียติฯ ‘‘อุปนียตี’’ติ วุตฺตํ, กิํ เกน อุปนียตีติ อาห ‘‘อยญฺหิ ชาติยา ชรํ อุปนียตี’’ติอาทิฯ อยนฺติ โลโกฯ ชาโต น ชาตภาเวเนว ติฎฺฐติ, อถ โข ตโต ปรํ ชรํ ปาปียติ, ชราย พฺยาธิํ ปาปียติฯ เอวํ ปรโต ปรํ ทุกฺขเมว อุปนียติฯ
52. Brāhmaṇavaggassa paṭhame jarājiṇṇāti jarāvasena jiṇṇā, na byādhiādīnaṃ vasena jiṇṇasadisattā jiṇṇā. Vayovuddhāti vayaso vuddhippattiyā vuddhā, na sīlādivuddhiyā. Jātimahallakāti jātiyā mahantatāya cirarattaññutāya jātimahallakā. Tayo addhe atikkantāti paṭhamo, majjhimo, pacchimoti tayo addhe atītā. Tatiyaṃ vayaṃ anuppattāti tato eva pacchimaṃ vayaṃ anuppattā. Akatabhayaparittāṇāti ettha bhayaparittāṇanti duggatibhayato parittāyakaṃ puññaṃ, taṃ akataṃ etehīti akatabhayaparittāṇā. Patiṭṭhākammanti sugatisaṅkhātappatiṭṭhāvahaṃ kammaṃ. Upasaṃharīyatīti sampāpīyati. ‘‘Upanīyatī’’ti vuttaṃ, kiṃ kena upanīyatīti āha ‘‘ayañhi jātiyā jaraṃ upanīyatī’’tiādi. Ayanti loko. Jāto na jātabhāveneva tiṭṭhati, atha kho tato paraṃ jaraṃ pāpīyati, jarāya byādhiṃ pāpīyati. Evaṃ parato paraṃ dukkhameva upanīyati.
ตายนเฎฺฐนาติ รกฺขนเฎฺฐนฯ นิลียนเฎฺฐนาติ นิลีนฎฺฐานภาเวนฯ ปติฎฺฐานเฎฺฐนาติ ปติฎฺฐานภาเวนฯ อวสฺสยนเฎฺฐนาติ อวสฺสยิตพฺพภาเวนฯ อุตฺตมคติวเสนาติ ปรมคติภาเวนฯ
Tāyanaṭṭhenāti rakkhanaṭṭhena. Nilīyanaṭṭhenāti nilīnaṭṭhānabhāvena. Patiṭṭhānaṭṭhenāti patiṭṭhānabhāvena. Avassayanaṭṭhenāti avassayitabbabhāvena. Uttamagativasenāti paramagatibhāvena.
ปฐมเทฺวพฺราหฺมณสุตฺตวณฺณนา นิฎฺฐิตาฯ
Paṭhamadvebrāhmaṇasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. ปฐมเทฺวพฺราหฺมณสุตฺตํ • 1. Paṭhamadvebrāhmaṇasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. ปฐมเทฺวพฺราหฺมณสุตฺตวณฺณนา • 1. Paṭhamadvebrāhmaṇasuttavaṇṇanā
