| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. དུཏིཡཔཎྞཱསཀཾ
2. Dutiyapaṇṇāsakaṃ
(༦) ༡. བྲཱཧྨཎཝགྒོ
(6) 1. Brāhmaṇavaggo
༡. པཋམདྭེབྲཱཧྨཎསུཏྟཝཎྞནཱ
1. Paṭhamadvebrāhmaṇasuttavaṇṇanā
༥༢. བྲཱཧྨཎཝགྒསྶ པཋམེ ཛརཱཛིཎྞཱཏི ཛརཱཝསེན ཛིཎྞཱ, ན བྱཱདྷིཨཱདཱིནཾ ཝསེན ཛིཎྞསདིསཏྟཱ ཛིཎྞཱ། ཝཡོཝུདྡྷཱཏི ཝཡསོ ཝུདྡྷིཔྤཏྟིཡཱ ཝུདྡྷཱ, ན སཱིལཱདིཝུདྡྷིཡཱ། ཛཱཏིམཧལླཀཱཏི ཛཱཏིཡཱ མཧནྟཏཱཡ ཙིརརཏྟཉྙུཏཱཡ ཛཱཏིམཧལླཀཱ། ཏཡོ ཨདྡྷེ ཨཏིཀྐནྟཱཏི པཋམོ, མཛ྄ཛྷིམོ, པཙྪིམོཏི ཏཡོ ཨདྡྷེ ཨཏཱིཏཱ། ཏཏིཡཾ ཝཡཾ ཨནུཔྤཏྟཱཏི ཏཏོ ཨེཝ པཙྪིམཾ ཝཡཾ ཨནུཔྤཏྟཱ། ཨཀཏབྷཡཔརིཏྟཱཎཱཏི ཨེཏྠ བྷཡཔརིཏྟཱཎནྟི དུགྒཏིབྷཡཏོ པརིཏྟཱཡཀཾ པུཉྙཾ, ཏཾ ཨཀཏཾ ཨེཏེཧཱིཏི ཨཀཏབྷཡཔརིཏྟཱཎཱ། པཏིཊྛཱཀམྨནྟི སུགཏིསངྑཱཏཔྤཏིཊྛཱཝཧཾ ཀམྨཾ། ཨུཔསཾཧརཱིཡཏཱིཏི སམྤཱཔཱིཡཏི། ‘‘ཨུཔནཱིཡཏཱི’’ཏི ཝུཏྟཾ, ཀིཾ ཀེན ཨུཔནཱིཡཏཱིཏི ཨཱཧ ‘‘ཨཡཉྷི ཛཱཏིཡཱ ཛརཾ ཨུཔནཱིཡཏཱི’’ཏིཨཱདི། ཨཡནྟི ལོཀོ། ཛཱཏོ ན ཛཱཏབྷཱཝེནེཝ ཏིཊྛཏི, ཨཐ ཁོ ཏཏོ པརཾ ཛརཾ པཱཔཱིཡཏི, ཛརཱཡ བྱཱདྷིཾ པཱཔཱིཡཏི། ཨེཝཾ པརཏོ པརཾ དུཀྑམེཝ ཨུཔནཱིཡཏི།
52. Brāhmaṇavaggassa paṭhame jarājiṇṇāti jarāvasena jiṇṇā, na byādhiādīnaṃ vasena jiṇṇasadisattā jiṇṇā. Vayovuddhāti vayaso vuddhippattiyā vuddhā, na sīlādivuddhiyā. Jātimahallakāti jātiyā mahantatāya cirarattaññutāya jātimahallakā. Tayo addhe atikkantāti paṭhamo, majjhimo, pacchimoti tayo addhe atītā. Tatiyaṃ vayaṃ anuppattāti tato eva pacchimaṃ vayaṃ anuppattā. Akatabhayaparittāṇāti ettha bhayaparittāṇanti duggatibhayato parittāyakaṃ puññaṃ, taṃ akataṃ etehīti akatabhayaparittāṇā. Patiṭṭhākammanti sugatisaṅkhātappatiṭṭhāvahaṃ kammaṃ. Upasaṃharīyatīti sampāpīyati. ‘‘Upanīyatī’’ti vuttaṃ, kiṃ kena upanīyatīti āha ‘‘ayañhi jātiyā jaraṃ upanīyatī’’tiādi. Ayanti loko. Jāto na jātabhāveneva tiṭṭhati, atha kho tato paraṃ jaraṃ pāpīyati, jarāya byādhiṃ pāpīyati. Evaṃ parato paraṃ dukkhameva upanīyati.
ཏཱཡནཊྛེནཱཏི རཀྑནཊྛེན། ནིལཱིཡནཊྛེནཱཏི ནིལཱིནཊྛཱནབྷཱཝེན། པཏིཊྛཱནཊྛེནཱཏི པཏིཊྛཱནབྷཱཝེན། ཨཝསྶཡནཊྛེནཱཏི ཨཝསྶཡིཏབྦབྷཱཝེན། ཨུཏྟམགཏིཝསེནཱཏི པརམགཏིབྷཱཝེན།
Tāyanaṭṭhenāti rakkhanaṭṭhena. Nilīyanaṭṭhenāti nilīnaṭṭhānabhāvena. Patiṭṭhānaṭṭhenāti patiṭṭhānabhāvena. Avassayanaṭṭhenāti avassayitabbabhāvena. Uttamagativasenāti paramagatibhāvena.
པཋམདྭེབྲཱཧྨཎསུཏྟཝཎྞནཱ ནིཊྛིཏཱ།
Paṭhamadvebrāhmaṇasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡. པཋམདྭེབྲཱཧྨཎསུཏྟཾ • 1. Paṭhamadvebrāhmaṇasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. པཋམདྭེབྲཱཧྨཎསུཏྟཝཎྞནཱ • 1. Paṭhamadvebrāhmaṇasuttavaṇṇanā
