Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)

    ੨. ਦੁਤਿਯਪਣ੍ਣਾਸਕਂ

    2. Dutiyapaṇṇāsakaṃ

    (੬) ੧. ਬ੍ਰਾਹ੍ਮਣવਗ੍ਗੋ

    (6) 1. Brāhmaṇavaggo

    ੧. ਪਠਮਦ੍વੇਬ੍ਰਾਹ੍ਮਣਸੁਤ੍ਤવਣ੍ਣਨਾ

    1. Paṭhamadvebrāhmaṇasuttavaṇṇanā

    ੫੨. ਬ੍ਰਾਹ੍ਮਣવਗ੍ਗਸ੍ਸ ਪਠਮੇ ਜਿਣ੍ਣਾਤਿ ਜਰਾਜਿਣ੍ਣਾ। વੁਦ੍ਧਾਤਿ વਯੋવੁਦ੍ਧਾ। ਮਹਲ੍ਲਕਾਤਿ ਜਾਤਿਮਹਲ੍ਲਕਾ। ਅਦ੍ਧਗਤਾਤਿ ਤਯੋ ਅਦ੍ਧੇ ਅਤਿਕ੍ਕਨ੍ਤਾ। વਯੋਅਨੁਪ੍ਪਤ੍ਤਾਤਿ ਤਤਿਯਂ વਯਂ ਅਨੁਪ੍ਪਤ੍ਤਾ। ਯੇਨ ਭਗવਾ ਤੇਨੁਪਸਙ੍ਕਮਿਂਸੂਤਿ ਪੁਤ੍ਤਦਾਰੇ ਅਤ੍ਤਨੋ વਚਨਂ ਅਕਰੋਨ੍ਤੇ ਦਿਸ੍વਾ ‘‘ਸਮਣਸ੍ਸ ਗੋਤਮਸ੍ਸ ਸਨ੍ਤਿਕਂ ਗਨ੍ਤ੍વਾ ਨਿਯ੍ਯਾਨਿਕਮਗ੍ਗਂ ਗવੇਸਿਸ੍ਸਾਮਾ’’ਤਿ ਚਿਨ੍ਤੇਤ੍વਾ ਉਪਸਙ੍ਕਮਿਂਸੁ। ਮਯਮਸ੍ਸੁ, ਭੋ ਗੋਤਮ, ਬ੍ਰਾਹ੍ਮਣਾਤਿ; ਭੋ ਗੋਤਮ, ਮਯਂ ਬ੍ਰਾਹ੍ਮਣਾ ਨ ਖਤ੍ਤਿਯਾ ਨਾਮਚ੍ਚਾ ਨ ਗਹਪਤਿਕਾਤਿ ਬ੍ਰਾਹ੍ਮਣਭਾવਂ ਜਾਨਾਪੇਤ੍વਾ ਜਿਣ੍ਣਾਤਿਆਦਿਮਾਹਂਸੁ। ਅਕਤਭੀਰੁਤ੍ਤਾਣਾਤਿ ਅਕਤਭਯਪਰਿਤ੍ਤਾਣਾ। ਅવਸ੍ਸਯਭੂਤਂ ਪਤਿਟ੍ਠਾਕਮ੍ਮਂ ਅਮ੍ਹੇਹਿ ਨ ਕਤਨ੍ਤਿ ਦਸ੍ਸੇਨ੍ਤਿ। ਤਗ੍ਘਾਤਿ ਏਕਂਸਤ੍ਥੇ ਨਿਪਾਤੋ, ਸਮ੍ਪਟਿਚ੍ਛਨਤ੍ਥੇ વਾ। ਏਕਨ੍ਤੇਨ ਤੁਮ੍ਹੇ ਏવਰੂਪਾ, ਅਹਮ੍ਪਿ ਖੋ ਏਤਂ ਸਮ੍ਪਟਿਚ੍ਛਾਮੀਤਿ ਚ ਦਸ੍ਸੇਤਿ। ਉਪਨੀਯਤੀਤਿ ਉਪਸਂਹਰੀਯਤਿ। ਅਯਂ ਹਿ ਜਾਤਿਯਾ ਜਰਂ ਉਪਨੀਯਤਿ, ਜਰਾਯ ਬ੍ਯਾਧਿਂ, ਬ੍ਯਾਧਿਨਾ ਮਰਣਂ, ਮਰਣੇਨ ਪੁਨ ਜਾਤਿਂ। ਤੇਨ વੁਤ੍ਤਂ – ‘‘ਉਪਨੀਯਤੀ’’ਤਿ।

    52. Brāhmaṇavaggassa paṭhame jiṇṇāti jarājiṇṇā. Vuddhāti vayovuddhā. Mahallakāti jātimahallakā. Addhagatāti tayo addhe atikkantā. Vayoanuppattāti tatiyaṃ vayaṃ anuppattā. Yena bhagavā tenupasaṅkamiṃsūti puttadāre attano vacanaṃ akaronte disvā ‘‘samaṇassa gotamassa santikaṃ gantvā niyyānikamaggaṃ gavesissāmā’’ti cintetvā upasaṅkamiṃsu. Mayamassu, bho gotama, brāhmaṇāti; bho gotama, mayaṃ brāhmaṇā na khattiyā nāmaccā na gahapatikāti brāhmaṇabhāvaṃ jānāpetvā jiṇṇātiādimāhaṃsu. Akatabhīruttāṇāti akatabhayaparittāṇā. Avassayabhūtaṃ patiṭṭhākammaṃ amhehi na katanti dassenti. Tagghāti ekaṃsatthe nipāto, sampaṭicchanatthe vā. Ekantena tumhe evarūpā, ahampi kho etaṃ sampaṭicchāmīti ca dasseti. Upanīyatīti upasaṃharīyati. Ayaṃ hi jātiyā jaraṃ upanīyati, jarāya byādhiṃ, byādhinā maraṇaṃ, maraṇena puna jātiṃ. Tena vuttaṃ – ‘‘upanīyatī’’ti.

    ਇਦਾਨਿ ਯਸ੍ਮਾ ਤੇ ਬ੍ਰਾਹ੍ਮਣਾ ਮਹਲ੍ਲਕਤ੍ਤਾ ਪਬ੍ਬਜਿਤ੍વਾਪਿ વਤ੍ਤਂ ਪੂਰੇਤੁਂ ਨ ਸਕ੍ਖਿਸ੍ਸਨ੍ਤਿ, ਤਸ੍ਮਾ ਨੇ ਪਞ੍ਚਸੁ ਸੀਲੇਸੁ ਪਤਿਟ੍ਠਾਪੇਨ੍ਤੋ ਭਗવਾ ਯੋਧ ਕਾਯੇਨ ਸਂਯਮੋਤਿਆਦਿਮਾਹ। ਤਤ੍ਥ ਕਾਯੇਨ ਸਂਯਮੋਤਿ ਕਾਯਦ੍વਾਰੇਨ ਸਂવਰੋ। ਸੇਸੇਸੁਪਿ ਏਸੇવ ਨਯੋ। ਤਂ ਤਸ੍ਸ ਪੇਤਸ੍ਸਾਤਿ ਤਂ ਪੁਞ੍ਞਂ ਤਸ੍ਸ ਪਰਲੋਕਂ ਗਤਸ੍ਸ ਤਾਯਨਟ੍ਠੇਨ ਤਾਣਂ, ਨਿਲੀਯਨਟ੍ਠੇਨ ਲੇਣਂ, ਪਤਿਟ੍ਠਾਨਟ੍ਠੇਨ ਦੀਪੋ, ਅવਸ੍ਸਯਨਟ੍ਠੇਨ ਸਰਣਂ, ਉਤ੍ਤਮਗਤਿવਸੇਨ ਪਰਾਯਣਞ੍ਚ ਹੋਤੀਤਿ ਦਸ੍ਸੇਤਿ। ਗਾਥਾ ਉਤ੍ਤਾਨਤ੍ਥਾਯੇવ। ਏવਂ ਤੇ ਬ੍ਰਾਹ੍ਮਣਾ ਤਥਾਗਤੇਨ ਪਞ੍ਚਸੁ ਸੀਲੇਸੁ ਸਮਾਦਪਿਤਾ ਯਾવਜੀવਂ ਪਞ੍ਚ ਸੀਲਾਨਿ ਰਕ੍ਖਿਤ੍વਾ ਸਗ੍ਗੇ ਨਿਬ੍ਬਤ੍ਤਿਂਸੁ।

    Idāni yasmā te brāhmaṇā mahallakattā pabbajitvāpi vattaṃ pūretuṃ na sakkhissanti, tasmā ne pañcasu sīlesu patiṭṭhāpento bhagavā yodha kāyena saṃyamotiādimāha. Tattha kāyena saṃyamoti kāyadvārena saṃvaro. Sesesupi eseva nayo. Taṃ tassa petassāti taṃ puññaṃ tassa paralokaṃ gatassa tāyanaṭṭhena tāṇaṃ, nilīyanaṭṭhena leṇaṃ, patiṭṭhānaṭṭhena dīpo, avassayanaṭṭhena saraṇaṃ, uttamagativasena parāyaṇañca hotīti dasseti. Gāthā uttānatthāyeva. Evaṃ te brāhmaṇā tathāgatena pañcasu sīlesu samādapitā yāvajīvaṃ pañca sīlāni rakkhitvā sagge nibbattiṃsu.







    Related texts:



    ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਪਠਮਦ੍વੇਬ੍ਰਾਹ੍ਮਣਸੁਤ੍ਤਂ • 1. Paṭhamadvebrāhmaṇasuttaṃ

    ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਪਠਮਦ੍વੇਬ੍ਰਾਹ੍ਮਣਸੁਤ੍ਤવਣ੍ਣਨਾ • 1. Paṭhamadvebrāhmaṇasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact