| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൨. ദുതിയപണ്ണാസകം
2. Dutiyapaṇṇāsakaṃ
(൬) ൧. ബ്രാഹ്മണവഗ്ഗോ
(6) 1. Brāhmaṇavaggo
൧. പഠമദ്വേബ്രാഹ്മണസുത്തവണ്ണനാ
1. Paṭhamadvebrāhmaṇasuttavaṇṇanā
൫൨. ബ്രാഹ്മണവഗ്ഗസ്സ പഠമേ ജരാജിണ്ണാതി ജരാവസേന ജിണ്ണാ, ന ബ്യാധിആദീനം വസേന ജിണ്ണസദിസത്താ ജിണ്ണാ. വയോവുദ്ധാതി വയസോ വുദ്ധിപ്പത്തിയാ വുദ്ധാ, ന സീലാദിവുദ്ധിയാ. ജാതിമഹല്ലകാതി ജാതിയാ മഹന്തതായ ചിരരത്തഞ്ഞുതായ ജാതിമഹല്ലകാ. തയോ അദ്ധേ അതിക്കന്താതി പഠമോ, മജ്ഝിമോ, പച്ഛിമോതി തയോ അദ്ധേ അതീതാ. തതിയം വയം അനുപ്പത്താതി തതോ ഏവ പച്ഛിമം വയം അനുപ്പത്താ. അകതഭയപരിത്താണാതി ഏത്ഥ ഭയപരിത്താണന്തി ദുഗ്ഗതിഭയതോ പരിത്തായകം പുഞ്ഞം, തം അകതം ഏതേഹീതി അകതഭയപരിത്താണാ. പതിട്ഠാകമ്മന്തി സുഗതിസങ്ഖാതപ്പതിട്ഠാവഹം കമ്മം. ഉപസംഹരീയതീതി സമ്പാപീയതി. ‘‘ഉപനീയതീ’’തി വുത്തം, കിം കേന ഉപനീയതീതി ആഹ ‘‘അയഞ്ഹി ജാതിയാ ജരം ഉപനീയതീ’’തിആദി. അയന്തി ലോകോ. ജാതോ ന ജാതഭാവേനേവ തിട്ഠതി, അഥ ഖോ തതോ പരം ജരം പാപീയതി, ജരായ ബ്യാധിം പാപീയതി. ഏവം പരതോ പരം ദുക്ഖമേവ ഉപനീയതി.
52. Brāhmaṇavaggassa paṭhame jarājiṇṇāti jarāvasena jiṇṇā, na byādhiādīnaṃ vasena jiṇṇasadisattā jiṇṇā. Vayovuddhāti vayaso vuddhippattiyā vuddhā, na sīlādivuddhiyā. Jātimahallakāti jātiyā mahantatāya cirarattaññutāya jātimahallakā. Tayo addhe atikkantāti paṭhamo, majjhimo, pacchimoti tayo addhe atītā. Tatiyaṃ vayaṃ anuppattāti tato eva pacchimaṃ vayaṃ anuppattā. Akatabhayaparittāṇāti ettha bhayaparittāṇanti duggatibhayato parittāyakaṃ puññaṃ, taṃ akataṃ etehīti akatabhayaparittāṇā. Patiṭṭhākammanti sugatisaṅkhātappatiṭṭhāvahaṃ kammaṃ. Upasaṃharīyatīti sampāpīyati. ‘‘Upanīyatī’’ti vuttaṃ, kiṃ kena upanīyatīti āha ‘‘ayañhi jātiyā jaraṃ upanīyatī’’tiādi. Ayanti loko. Jāto na jātabhāveneva tiṭṭhati, atha kho tato paraṃ jaraṃ pāpīyati, jarāya byādhiṃ pāpīyati. Evaṃ parato paraṃ dukkhameva upanīyati.
തായനട്ഠേനാതി രക്ഖനട്ഠേന. നിലീയനട്ഠേനാതി നിലീനട്ഠാനഭാവേന. പതിട്ഠാനട്ഠേനാതി പതിട്ഠാനഭാവേന. അവസ്സയനട്ഠേനാതി അവസ്സയിതബ്ബഭാവേന. ഉത്തമഗതിവസേനാതി പരമഗതിഭാവേന.
Tāyanaṭṭhenāti rakkhanaṭṭhena. Nilīyanaṭṭhenāti nilīnaṭṭhānabhāvena. Patiṭṭhānaṭṭhenāti patiṭṭhānabhāvena. Avassayanaṭṭhenāti avassayitabbabhāvena. Uttamagativasenāti paramagatibhāvena.
പഠമദ്വേബ്രാഹ്മണസുത്തവണ്ണനാ നിട്ഠിതാ.
Paṭhamadvebrāhmaṇasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. പഠമദ്വേബ്രാഹ്മണസുത്തം • 1. Paṭhamadvebrāhmaṇasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧. പഠമദ്വേബ്രാഹ്മണസുത്തവണ്ണനാ • 1. Paṭhamadvebrāhmaṇasuttavaṇṇanā
