| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. батамаг̇злан̃н̃асуд̇д̇ам̣
7. Paṭhamagelaññasuttaṃ
255. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. ат̇а ко бхаг̇аваа сааяанхасамаяам̣ бадисаллаанаа вудтид̇о язна г̇илаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси –
255. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhagavā sāyanhasamayaṃ paṭisallānā vuṭṭhito yena gilānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi –
‘‘сад̇о, бхигкавз, бхигку самбаж̇аано гаалам̣ ааг̇амзяяа. аяам̣ во амхаагам̣ анусаасаний.
‘‘Sato, bhikkhave, bhikkhu sampajāno kālaṃ āgameyya. Ayaṃ vo amhākaṃ anusāsanī.
‘‘гат̇ан̃жа, бхигкавз, бхигку сад̇о ход̇и? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу взд̣̇анаанубассий вихарад̇и…бз… жид̇д̇з жид̇д̇аанубассий вихарад̇и…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣ . звам̣ ко, бхигкавз, бхигку сад̇о ход̇и.
‘‘Kathañca, bhikkhave, bhikkhu sato hoti? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu vedanānupassī viharati…pe… citte cittānupassī viharati…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ . Evaṃ kho, bhikkhave, bhikkhu sato hoti.
‘‘гат̇ан̃жа, бхигкавз, бхигку самбаж̇аано ход̇и? ид̇ха, бхигкавз, бхигку абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и. звам̣ ко, бхигкавз, бхигку самбаж̇аанагаарий ход̇и. сад̇о, бхигкавз, бхигку самбаж̇аано гаалам̣ ааг̇амзяяа. аяам̣ во амхаагам̣ анусаасаний.
‘‘Kathañca, bhikkhave, bhikkhu sampajāno hoti? Idha, bhikkhave, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti. Evaṃ kho, bhikkhave, bhikkhu sampajānakārī hoti. Sato, bhikkhave, bhikkhu sampajāno kālaṃ āgameyya. Ayaṃ vo amhākaṃ anusāsanī.
‘‘д̇асса жз, бхигкавз, бхигкуно звам̣ сад̇асса самбаж̇аанасса аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и сукаа взд̣̇анаа, со звам̣ баж̇аанаад̇и – ‘уббаннаа ко мяааяам̣ сукаа взд̣̇анаа. саа жа ко бадижжа, но аббадижжа. гим̣ бадижжа? имамзва гааяам̣ бадижжа. аяам̣ ко бана гааяо анижжо сан̇кад̇о бадижжасамуббанно. анижжам̣ ко бана сан̇кад̇ам̣ бадижжасамуббаннам̣ гааяам̣ бадижжа уббаннаа сукаа взд̣̇анаа гуд̇о нижжаа бхависсад̇ий’д̇и! со гааяз жа сукааяа жа взд̣̇анааяа анижжаанубассий вихарад̇и, ваяаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. д̇асса гааяз жа сукааяа жа взд̣̇анааяа анижжаанубассино вихарад̇о, ваяаанубассино вихарад̇о, вирааг̇аанубассино вихарад̇о, нирод̇хаанубассино вихарад̇о, бадиниссаг̇г̇аанубассино вихарад̇о, яо гааяз жа сукааяа жа взд̣̇анааяа рааг̇аанусаяо, со бахийяад̇и.
‘‘Tassa ce, bhikkhave, bhikkhuno evaṃ satassa sampajānassa appamattassa ātāpino pahitattassa viharato uppajjati sukhā vedanā, so evaṃ pajānāti – ‘uppannā kho myāyaṃ sukhā vedanā. Sā ca kho paṭicca, no appaṭicca. Kiṃ paṭicca? Imameva kāyaṃ paṭicca. Ayaṃ kho pana kāyo anicco saṅkhato paṭiccasamuppanno. Aniccaṃ kho pana saṅkhataṃ paṭiccasamuppannaṃ kāyaṃ paṭicca uppannā sukhā vedanā kuto niccā bhavissatī’ti! So kāye ca sukhāya ca vedanāya aniccānupassī viharati, vayānupassī viharati, virāgānupassī viharati, nirodhānupassī viharati, paṭinissaggānupassī viharati. Tassa kāye ca sukhāya ca vedanāya aniccānupassino viharato, vayānupassino viharato, virāgānupassino viharato, nirodhānupassino viharato, paṭinissaggānupassino viharato, yo kāye ca sukhāya ca vedanāya rāgānusayo, so pahīyati.
‘‘д̇асса жз, бхигкавз, бхигкуно звам̣ сад̇асса самбаж̇аанасса аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и д̣̇угкаа взд̣̇анаа. со звам̣ баж̇аанаад̇и – ‘уббаннаа ко мяааяам̣ д̣̇угкаа взд̣̇анаа. саа жа ко бадижжа, но аббадижжа. гим̣ бадижжа? имамзва гааяам̣ бадижжа. аяам̣ ко бана гааяо анижжо сан̇кад̇о бадижжасамуббанно. анижжам̣ ко бана сан̇кад̇ам̣ бадижжасамуббаннам̣ гааяам̣ бадижжа уббаннаа д̣̇угкаа взд̣̇анаа гуд̇о нижжаа бхависсад̇ий’д̇и! со гааяз жа д̣̇угкааяа взд̣̇анааяа анижжаанубассий вихарад̇и, ваяаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. д̇асса гааяз жа д̣̇угкааяа жа взд̣̇анааяа анижжаанубассино вихарад̇о…бз… бадиниссаг̇г̇аанубассино вихарад̇о, яо гааяз жа д̣̇угкааяа жа взд̣̇анааяа бадигхаанусаяо, со бахийяад̇и.
‘‘Tassa ce, bhikkhave, bhikkhuno evaṃ satassa sampajānassa appamattassa ātāpino pahitattassa viharato uppajjati dukkhā vedanā. So evaṃ pajānāti – ‘uppannā kho myāyaṃ dukkhā vedanā. Sā ca kho paṭicca, no appaṭicca. Kiṃ paṭicca? Imameva kāyaṃ paṭicca. Ayaṃ kho pana kāyo anicco saṅkhato paṭiccasamuppanno. Aniccaṃ kho pana saṅkhataṃ paṭiccasamuppannaṃ kāyaṃ paṭicca uppannā dukkhā vedanā kuto niccā bhavissatī’ti! So kāye ca dukkhāya vedanāya aniccānupassī viharati, vayānupassī viharati, virāgānupassī viharati, nirodhānupassī viharati, paṭinissaggānupassī viharati. Tassa kāye ca dukkhāya ca vedanāya aniccānupassino viharato…pe… paṭinissaggānupassino viharato, yo kāye ca dukkhāya ca vedanāya paṭighānusayo, so pahīyati.
‘‘д̇асса жз, бхигкавз, бхигкуно звам̣ сад̇асса самбаж̇аанасса аббамад̇д̇асса аад̇аабино бахид̇ад̇д̇асса вихарад̇о уббаж̇ж̇ад̇и ад̣̇угкамасукаа взд̣̇анаа, со звам̣ баж̇аанаад̇и – ‘уббаннаа ко мяааяам̣ ад̣̇угкамасукаа взд̣̇анаа. саа жа ко бадижжа, но аббадижжа. гим̣ бадижжа? имамзва гааяам̣ бадижжа. аяам̣ ко бана гааяо анижжо сан̇кад̇о бадижжасамуббанно. анижжам̣ ко бана сан̇кад̇ам̣ бадижжасамуббаннам̣ гааяам̣ бадижжа уббаннаа ад̣̇угкамасукаа взд̣̇анаа гуд̇о нижжаа бхависсад̇ий’д̇и! со гааяз жа ад̣̇угкамасукааяа жа взд̣̇анааяа анижжаанубассий вихарад̇и, ваяаанубассий вихарад̇и, вирааг̇аанубассий вихарад̇и, нирод̇хаанубассий вихарад̇и, бадиниссаг̇г̇аанубассий вихарад̇и. д̇асса гааяз жа ад̣̇угкамасукааяа жа взд̣̇анааяа анижжаанубассино вихарад̇о…бз… бадиниссаг̇г̇аанубассино вихарад̇о, яо гааяз жа ад̣̇угкамасукааяа жа взд̣̇анааяа авиж̇ж̇аанусаяо, со бахийяад̇и.
‘‘Tassa ce, bhikkhave, bhikkhuno evaṃ satassa sampajānassa appamattassa ātāpino pahitattassa viharato uppajjati adukkhamasukhā vedanā, so evaṃ pajānāti – ‘uppannā kho myāyaṃ adukkhamasukhā vedanā. Sā ca kho paṭicca, no appaṭicca. Kiṃ paṭicca? Imameva kāyaṃ paṭicca. Ayaṃ kho pana kāyo anicco saṅkhato paṭiccasamuppanno. Aniccaṃ kho pana saṅkhataṃ paṭiccasamuppannaṃ kāyaṃ paṭicca uppannā adukkhamasukhā vedanā kuto niccā bhavissatī’ti! So kāye ca adukkhamasukhāya ca vedanāya aniccānupassī viharati, vayānupassī viharati, virāgānupassī viharati, nirodhānupassī viharati, paṭinissaggānupassī viharati. Tassa kāye ca adukkhamasukhāya ca vedanāya aniccānupassino viharato…pe… paṭinissaggānupassino viharato, yo kāye ca adukkhamasukhāya ca vedanāya avijjānusayo, so pahīyati.
‘‘со сукан̃жз взд̣̇анам̣ взд̣̇аяад̇и, саа анижжаад̇и баж̇аанаад̇и, анаж̇жхосид̇аад̇и баж̇аанаад̇и, анабхинанд̣̇ид̇аад̇и баж̇аанаад̇и; д̣̇угкан̃жз взд̣̇анам̣ взд̣̇аяад̇и, саа анижжаад̇и баж̇аанаад̇и, анаж̇жхосид̇аад̇и баж̇аанаад̇и, анабхинанд̣̇ид̇аад̇и баж̇аанаад̇и; ад̣̇угкамасукан̃жз взд̣̇анам̣ взд̣̇аяад̇и, саа анижжаад̇и баж̇аанаад̇и, анаж̇жхосид̇аад̇и баж̇аанаад̇и, анабхинанд̣̇ид̇аад̇и баж̇аанаад̇и. со сукан̃жз взд̣̇анам̣ взд̣̇аяад̇и, висан̃н̃уд̇д̇о нам̣ взд̣̇аяад̇и; д̣̇угкан̃жз взд̣̇анам̣ взд̣̇аяад̇и, висан̃н̃уд̇д̇о нам̣ взд̣̇аяад̇и; ад̣̇угкамасукан̃жз взд̣̇анам̣ взд̣̇аяад̇и, висан̃н̃уд̇д̇о нам̣ взд̣̇аяад̇и. со гааяабарияанд̇игам̣ взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и, ж̇ийвид̇абарияанд̇игам̣ взд̣̇анам̣ взд̣̇аяамаано ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и 1 баж̇аанаад̇и.
‘‘So sukhañce vedanaṃ vedayati, sā aniccāti pajānāti, anajjhositāti pajānāti, anabhinanditāti pajānāti; dukkhañce vedanaṃ vedayati, sā aniccāti pajānāti, anajjhositāti pajānāti, anabhinanditāti pajānāti; adukkhamasukhañce vedanaṃ vedayati, sā aniccāti pajānāti, anajjhositāti pajānāti, anabhinanditāti pajānāti. So sukhañce vedanaṃ vedayati, visaññutto naṃ vedayati; dukkhañce vedanaṃ vedayati, visaññutto naṃ vedayati; adukkhamasukhañce vedanaṃ vedayati, visaññutto naṃ vedayati. So kāyapariyantikaṃ vedanaṃ vedayamāno ‘kāyapariyantikaṃ vedanaṃ vedayāmī’ti pajānāti, jīvitapariyantikaṃ vedanaṃ vedayamāno ‘jīvitapariyantikaṃ vedanaṃ vedayāmī’ti pajānāti. ‘Kāyassa bhedā uddhaṃ jīvitapariyādānā idheva sabbavedayitāni anabhinanditāni sītībhavissantī’ti 2 pajānāti.
‘‘сзяяат̇ааби, бхигкавз, д̇злан̃жа бадижжа ваддин̃жа бадижжа д̇злаббад̣̇ийбо жхааязяяа, д̇ассзва д̇зласса жа ваддияаа жа барияаад̣̇аанаа анаахааро ниб̣б̣ааязяяа; звамзва ко, бхигкавз, бхигку гааяабарияанд̇игам̣ взд̣̇анам̣ взд̣̇аяамаано ‘гааяабарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ж̇ийвид̇абарияанд̇игам̣ взд̣̇анам̣ взд̣̇аяамаано ‘ж̇ийвид̇абарияанд̇игам̣ взд̣̇анам̣ взд̣̇аяаамий’д̇и баж̇аанаад̇и. ‘гааяасса бхзд̣̇аа уд̣̇д̇хам̣ ж̇ийвид̇абарияаад̣̇аанаа ид̇хзва саб̣б̣авзд̣̇аяид̇аани анабхинанд̣̇ид̇аани сийд̇ийбхависсанд̇ий’д̇и баж̇аанаад̇ий’’д̇и. сад̇д̇амам̣.
‘‘Seyyathāpi, bhikkhave, telañca paṭicca vaṭṭiñca paṭicca telappadīpo jhāyeyya, tasseva telassa ca vaṭṭiyā ca pariyādānā anāhāro nibbāyeyya; evameva kho, bhikkhave, bhikkhu kāyapariyantikaṃ vedanaṃ vedayamāno ‘kāyapariyantikaṃ vedanaṃ vedayāmī’ti pajānāti. Jīvitapariyantikaṃ vedanaṃ vedayamāno ‘jīvitapariyantikaṃ vedanaṃ vedayāmī’ti pajānāti. ‘Kāyassa bhedā uddhaṃ jīvitapariyādānā idheva sabbavedayitāni anabhinanditāni sītībhavissantī’ti pajānātī’’ti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. батамаг̇злан̃н̃асуд̇д̇аван̣н̣анаа • 7. Paṭhamagelaññasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. батамаг̇злан̃н̃асуд̇д̇аван̣н̣анаа • 7. Paṭhamagelaññasuttavaṇṇanā
