| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. பட²மகே³லஞ்ஞஸுத்தவண்ணனா
7. Paṭhamagelaññasuttavaṇṇanā
255. ஸத்தமே யேன கி³லானஸாலா தேனுபஸங்கமீதி ‘‘ஸதே³வகே லோகே அக்³க³புக்³க³லோ ததா²க³தோபி கி³லானுபட்டா²னங் க³ச்ச²தி, உபட்டா²தப்³ப³யுத்தகா நாம கி³லானாதி பி⁴க்கூ² ஸத்³த³ஹித்வா ஓகப்பெத்வா கி³லானே உபட்டா²தப்³பே³ மஞ்ஞிஸ்ஸந்தீ’’தி ச ‘‘யே தத்த² கம்மட்டா²னஸப்பாயா, தேஸங் கம்மட்டா²னங் கதெ²ஸ்ஸாமீ’’தி ச சிந்தெத்வா உபஸங்கமி. காயே காயானுபஸ்ஸீதிஆதீ³ஸு யங் வத்தப்³ப³ங், தங் பரதோ வக்கா²ம. அனிச்சானுபஸ்ஸீதி அனிச்சதங் அனுபஸ்ஸந்தோ. வயானுபஸ்ஸீதி வயங் அனுபஸ்ஸந்தோ. விராகா³னுபஸ்ஸீதி விராக³ங் அனுபஸ்ஸந்தோ. நிரோதா⁴னுபஸ்ஸீதி நிரோத⁴ங் அனுபஸ்ஸந்தோ. படினிஸ்ஸக்³கா³னுபஸ்ஸீதி படினிஸ்ஸக்³க³ங் அனுபஸ்ஸந்தோ.
255. Sattame yena gilānasālā tenupasaṅkamīti ‘‘sadevake loke aggapuggalo tathāgatopi gilānupaṭṭhānaṃ gacchati, upaṭṭhātabbayuttakā nāma gilānāti bhikkhū saddahitvā okappetvā gilāne upaṭṭhātabbe maññissantī’’ti ca ‘‘ye tattha kammaṭṭhānasappāyā, tesaṃ kammaṭṭhānaṃ kathessāmī’’ti ca cintetvā upasaṅkami. Kāye kāyānupassītiādīsu yaṃ vattabbaṃ, taṃ parato vakkhāma. Aniccānupassīti aniccataṃ anupassanto. Vayānupassīti vayaṃ anupassanto. Virāgānupassīti virāgaṃ anupassanto. Nirodhānupassīti nirodhaṃ anupassanto. Paṭinissaggānupassīti paṭinissaggaṃ anupassanto.
எத்தாவதா கிங் த³ஸ்ஸிதங் ஹோதி? இமஸ்ஸ பி⁴க்கு²னோ ஆக³மனீயபடிபதா³, ஸதிபட்டா²னாபி ஹி புப்³ப³பா⁴கா³யேவ, ஸம்பஜஞ்ஞேபி அனிச்சானுபஸ்ஸனா வயானுபஸ்ஸனா விராகா³னுபஸ்ஸனாதி ச இமாபி திஸ்ஸோ அனுபஸ்ஸனா புப்³ப³பா⁴கா³யேவ, நிரோதா⁴னுபஸ்ஸனாபி படினிஸ்ஸக்³கா³னுபஸ்ஸனாபி இமா த்³வே மிஸ்ஸகா. எத்தாவதா இமஸ்ஸ பி⁴க்கு²னோ பா⁴வனாகாலோ த³ஸ்ஸிதோதி. ஸேஸங் வுத்தனயமேவ.
Ettāvatā kiṃ dassitaṃ hoti? Imassa bhikkhuno āgamanīyapaṭipadā, satipaṭṭhānāpi hi pubbabhāgāyeva, sampajaññepi aniccānupassanā vayānupassanā virāgānupassanāti ca imāpi tisso anupassanā pubbabhāgāyeva, nirodhānupassanāpi paṭinissaggānupassanāpi imā dve missakā. Ettāvatā imassa bhikkhuno bhāvanākālo dassitoti. Sesaṃ vuttanayameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. பட²மகே³லஞ்ஞஸுத்தங் • 7. Paṭhamagelaññasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. பட²மகே³லஞ்ஞஸுத்தவண்ணனா • 7. Paṭhamagelaññasuttavaṇṇanā
