| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. ปฐมเคลญฺญสุตฺตวณฺณนา
7. Paṭhamagelaññasuttavaṇṇanā
๒๕๕. สตฺตเม เยน คิลานสาลา เตนุปสงฺกมีติ ‘‘สเทวเก โลเก อคฺคปุคฺคโล ตถาคโตปิ คิลานุปฎฺฐานํ คจฺฉติ, อุปฎฺฐาตพฺพยุตฺตกา นาม คิลานาติ ภิกฺขู สทฺทหิตฺวา โอกเปฺปตฺวา คิลาเน อุปฎฺฐาตเพฺพ มญฺญิสฺสนฺตี’’ติ จ ‘‘เย ตตฺถ กมฺมฎฺฐานสปฺปายา, เตสํ กมฺมฎฺฐานํ กเถสฺสามี’’ติ จ จิเนฺตตฺวา อุปสงฺกมิฯ กาเย กายานุปสฺสีติอาทีสุ ยํ วตฺตพฺพํ, ตํ ปรโต วกฺขามฯ อนิจฺจานุปสฺสีติ อนิจฺจตํ อนุปสฺสโนฺตฯ วยานุปสฺสีติ วยํ อนุปสฺสโนฺตฯ วิราคานุปสฺสีติ วิราคํ อนุปสฺสโนฺตฯ นิโรธานุปสฺสีติ นิโรธํ อนุปสฺสโนฺตฯ ปฎินิสฺสคฺคานุปสฺสีติ ปฎินิสฺสคฺคํ อนุปสฺสโนฺตฯ
255. Sattame yena gilānasālā tenupasaṅkamīti ‘‘sadevake loke aggapuggalo tathāgatopi gilānupaṭṭhānaṃ gacchati, upaṭṭhātabbayuttakā nāma gilānāti bhikkhū saddahitvā okappetvā gilāne upaṭṭhātabbe maññissantī’’ti ca ‘‘ye tattha kammaṭṭhānasappāyā, tesaṃ kammaṭṭhānaṃ kathessāmī’’ti ca cintetvā upasaṅkami. Kāye kāyānupassītiādīsu yaṃ vattabbaṃ, taṃ parato vakkhāma. Aniccānupassīti aniccataṃ anupassanto. Vayānupassīti vayaṃ anupassanto. Virāgānupassīti virāgaṃ anupassanto. Nirodhānupassīti nirodhaṃ anupassanto. Paṭinissaggānupassīti paṭinissaggaṃ anupassanto.
เอตฺตาวตา กิํ ทสฺสิตํ โหติ? อิมสฺส ภิกฺขุโน อาคมนียปฎิปทา, สติปฎฺฐานาปิ หิ ปุพฺพภาคาเยว, สมฺปชเญฺญปิ อนิจฺจานุปสฺสนา วยานุปสฺสนา วิราคานุปสฺสนาติ จ อิมาปิ ติโสฺส อนุปสฺสนา ปุพฺพภาคาเยว, นิโรธานุปสฺสนาปิ ปฎินิสฺสคฺคานุปสฺสนาปิ อิมา เทฺว มิสฺสกาฯ เอตฺตาวตา อิมสฺส ภิกฺขุโน ภาวนากาโล ทสฺสิโตติฯ เสสํ วุตฺตนยเมวฯ
Ettāvatā kiṃ dassitaṃ hoti? Imassa bhikkhuno āgamanīyapaṭipadā, satipaṭṭhānāpi hi pubbabhāgāyeva, sampajaññepi aniccānupassanā vayānupassanā virāgānupassanāti ca imāpi tisso anupassanā pubbabhāgāyeva, nirodhānupassanāpi paṭinissaggānupassanāpi imā dve missakā. Ettāvatā imassa bhikkhuno bhāvanākālo dassitoti. Sesaṃ vuttanayameva.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. ปฐมเคลญฺญสุตฺตํ • 7. Paṭhamagelaññasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. ปฐมเคลญฺญสุตฺตวณฺณนา • 7. Paṭhamagelaññasuttavaṇṇanā
