| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
7. පඨමගෙලඤ්‌ඤසුත්‌තවණ්‌ණනා
7. Paṭhamagelaññasuttavaṇṇanā
255. සත්‌තමෙ යෙන ගිලානසාලා තෙනුපසඞ්‌කමීති ‘‘සදෙවකෙ ලොකෙ අග්‌ගපුග්‌ගලො තථාගතොපි ගිලානුපට්‌ඨානං ගච්‌ඡති, උපට්‌ඨාතබ්‌බයුත්‌තකා නාම ගිලානාති භික්‌ඛූ සද්‌දහිත්‌වා ඔකප්‌පෙත්‌වා ගිලානෙ උපට්‌ඨාතබ්‌බෙ මඤ්‌ඤිස්‌සන්‌තී’’ති ච ‘‘යෙ තත්‌ථ කම්‌මට්‌ඨානසප්‌පායා, තෙසං කම්‌මට්‌ඨානං කථෙස්‌සාමී’’ති ච චින්‌තෙත්‌වා උපසඞ්‌කමි. කායෙ කායානුපස්‌සීතිආදීසු යං වත්‌තබ්‌බං, තං පරතො වක්‌ඛාම. අනිච්‌චානුපස්‌සීති අනිච්‌චතං අනුපස්‌සන්‌තො. වයානුපස්‌සීති වයං අනුපස්‌සන්‌තො. විරාගානුපස්‌සීති විරාගං අනුපස්‌සන්‌තො. නිරොධානුපස්‌සීති නිරොධං අනුපස්‌සන්‌තො. පටිනිස්‌සග්‌ගානුපස්‌සීති පටිනිස්‌සග්‌ගං අනුපස්‌සන්‌තො.
255. Sattame yena gilānasālā tenupasaṅkamīti ‘‘sadevake loke aggapuggalo tathāgatopi gilānupaṭṭhānaṃ gacchati, upaṭṭhātabbayuttakā nāma gilānāti bhikkhū saddahitvā okappetvā gilāne upaṭṭhātabbe maññissantī’’ti ca ‘‘ye tattha kammaṭṭhānasappāyā, tesaṃ kammaṭṭhānaṃ kathessāmī’’ti ca cintetvā upasaṅkami. Kāye kāyānupassītiādīsu yaṃ vattabbaṃ, taṃ parato vakkhāma. Aniccānupassīti aniccataṃ anupassanto. Vayānupassīti vayaṃ anupassanto. Virāgānupassīti virāgaṃ anupassanto. Nirodhānupassīti nirodhaṃ anupassanto. Paṭinissaggānupassīti paṭinissaggaṃ anupassanto.
එත්‌තාවතා කිං දස්‌සිතං හොති? ඉමස්‌ස භික්‌ඛුනො ආගමනීයපටිපදා, සතිපට්‌ඨානාපි හි පුබ්‌බභාගායෙව, සම්‌පජඤ්‌ඤෙපි අනිච්‌චානුපස්‌සනා වයානුපස්‌සනා විරාගානුපස්‌සනාති ච ඉමාපි තිස්‌සො අනුපස්‌සනා පුබ්‌බභාගායෙව, නිරොධානුපස්‌සනාපි පටිනිස්‌සග්‌ගානුපස්‌සනාපි ඉමා ද්‌වෙ මිස්‌සකා. එත්‌තාවතා ඉමස්‌ස භික්‌ඛුනො භාවනාකාලො දස්‌සිතොති. සෙසං වුත්‌තනයමෙව.
Ettāvatā kiṃ dassitaṃ hoti? Imassa bhikkhuno āgamanīyapaṭipadā, satipaṭṭhānāpi hi pubbabhāgāyeva, sampajaññepi aniccānupassanā vayānupassanā virāgānupassanāti ca imāpi tisso anupassanā pubbabhāgāyeva, nirodhānupassanāpi paṭinissaggānupassanāpi imā dve missakā. Ettāvatā imassa bhikkhuno bhāvanākālo dassitoti. Sesaṃ vuttanayameva.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 7. පඨමගෙලඤ්‌ඤසුත්‌තං • 7. Paṭhamagelaññasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 7. පඨමගෙලඤ්‌ඤසුත්‌තවණ්‌ණනා • 7. Paṭhamagelaññasuttavaṇṇanā
