| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. པཋམགེལཉྙསུཏྟཝཎྞནཱ
7. Paṭhamagelaññasuttavaṇṇanā
༢༥༥. སདྡཧིཏྭཱ གིལཱནེ ཨུཔཊྛཱཏབྦེ མཉྙིསྶནྟཱིཏི ཡོཛནཱ། ཏཏྠཱཏི ཏསྨིཾ ཋཱནེ། ཀམྨཊྛཱནཱནུཡོགོ སཔྤཱཡོ ཡེསཾ ཏེ ཀམྨཊྛཱནསཔྤཱཡཱ, སཏིཔཊྛཱནརཏཱཏི ཨཏྠོ། ཨནིཙྩཏཾ ཨནུཔསྶནྟོཏི ཀཱཡཾ པཊིཙྩ ཨུཔྤནྣཱཡ ཝེདནཱཡ ཙ ཨནིཙྩཏཾ ཨནུཔསྶནྟོ། ཝཡཾ ཨནུཔསྶནྟོཏིཨཱདཱིསུཔི ཨེསེཝ ནཡོ། ཝཡནྟི པན ཏཱཡ ཨེཝ ཁཡསངྑཱཏཾ། ཝིརཱགནྟི ཝིརཛྫནཾ། པཊིནིསྶགྒནྟི པརིཙྩཱགཔཊིནིསྶགྒཾ, པཀྑནྡནཔཊིནིསྶགྒམྤི ཝཱ།
255. Saddahitvā gilāne upaṭṭhātabbe maññissantīti yojanā. Tatthāti tasmiṃ ṭhāne. Kammaṭṭhānānuyogo sappāyo yesaṃ te kammaṭṭhānasappāyā, satipaṭṭhānaratāti attho. Aniccataṃ anupassantoti kāyaṃ paṭicca uppannāya vedanāya ca aniccataṃ anupassanto. Vayaṃ anupassantotiādīsupi eseva nayo. Vayanti pana tāya eva khayasaṅkhātaṃ. Virāganti virajjanaṃ. Paṭinissagganti pariccāgapaṭinissaggaṃ, pakkhandanapaṭinissaggampi vā.
ཨཱགམནཱིཡཔཊིཔདཱཏི ཨརིཡམགྒསྶ ཨཱགམནཊྛཱནིཡཱ པུབྦབྷཱགཔཊིཔདཱ། པུབྦབྷཱགཱཡེཝ ན ལོཀུཏྟརཱ། སམྤཛཉྙཾ པུབྦབྷཱགིཡམེཝ། ཏིསྶོ ཨནུཔསྶནཱ པུབྦབྷཱགཱཡེཝ ཝིཔསྶནཱཔརིཡཱཔནྣཏྟཱ ། མིསྶཀཱཏི ལོཀིཡལོཀུཏྟརམིསྶཀཱ། བྷཱཝནཱཀཱལོ དསྶིཏོ ‘‘ནིརོདྷཱནུཔསྶིནོ ཝིཧརཏོ, པཊིནིསྶགྒཱནུཔསྶིནོ ཝིཧརཏོ རཱགཱནུསཡོ པཧཱིཡཏཱི’’ཏི ཝུཏྟཏྟཱ།
Āgamanīyapaṭipadāti ariyamaggassa āgamanaṭṭhāniyā pubbabhāgapaṭipadā. Pubbabhāgāyeva na lokuttarā. Sampajaññaṃ pubbabhāgiyameva. Tisso anupassanā pubbabhāgāyeva vipassanāpariyāpannattā . Missakāti lokiyalokuttaramissakā. Bhāvanākālo dassito ‘‘nirodhānupassino viharato, paṭinissaggānupassino viharato rāgānusayo pahīyatī’’ti vuttattā.
པཋམགེལཉྙསུཏྟཝཎྞནཱ ནིཊྛིཏཱ།
Paṭhamagelaññasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. པཋམགེལཉྙསུཏྟཾ • 7. Paṭhamagelaññasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. པཋམགེལཉྙསུཏྟཝཎྞནཱ • 7. Paṭhamagelaññasuttavaṇṇanā
