| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਪਠਮਗੇਲਞ੍ਞਸੁਤ੍ਤવਣ੍ਣਨਾ
7. Paṭhamagelaññasuttavaṇṇanā
੨੫੫. ਸਦ੍ਦਹਿਤ੍વਾ ਗਿਲਾਨੇ ਉਪਟ੍ਠਾਤਬ੍ਬੇ ਮਞ੍ਞਿਸ੍ਸਨ੍ਤੀਤਿ ਯੋਜਨਾ। ਤਤ੍ਥਾਤਿ ਤਸ੍ਮਿਂ ਠਾਨੇ। ਕਮ੍ਮਟ੍ਠਾਨਾਨੁਯੋਗੋ ਸਪ੍ਪਾਯੋ ਯੇਸਂ ਤੇ ਕਮ੍ਮਟ੍ਠਾਨਸਪ੍ਪਾਯਾ, ਸਤਿਪਟ੍ਠਾਨਰਤਾਤਿ ਅਤ੍ਥੋ। ਅਨਿਚ੍ਚਤਂ ਅਨੁਪਸ੍ਸਨ੍ਤੋਤਿ ਕਾਯਂ ਪਟਿਚ੍ਚ ਉਪ੍ਪਨ੍ਨਾਯ વੇਦਨਾਯ ਚ ਅਨਿਚ੍ਚਤਂ ਅਨੁਪਸ੍ਸਨ੍ਤੋ। વਯਂ ਅਨੁਪਸ੍ਸਨ੍ਤੋਤਿਆਦੀਸੁਪਿ ਏਸੇવ ਨਯੋ। વਯਨ੍ਤਿ ਪਨ ਤਾਯ ਏવ ਖਯਸਙ੍ਖਾਤਂ। વਿਰਾਗਨ੍ਤਿ વਿਰਜ੍ਜਨਂ। ਪਟਿਨਿਸ੍ਸਗ੍ਗਨ੍ਤਿ ਪਰਿਚ੍ਚਾਗਪਟਿਨਿਸ੍ਸਗ੍ਗਂ, ਪਕ੍ਖਨ੍ਦਨਪਟਿਨਿਸ੍ਸਗ੍ਗਮ੍ਪਿ વਾ।
255. Saddahitvā gilāne upaṭṭhātabbe maññissantīti yojanā. Tatthāti tasmiṃ ṭhāne. Kammaṭṭhānānuyogo sappāyo yesaṃ te kammaṭṭhānasappāyā, satipaṭṭhānaratāti attho. Aniccataṃ anupassantoti kāyaṃ paṭicca uppannāya vedanāya ca aniccataṃ anupassanto. Vayaṃ anupassantotiādīsupi eseva nayo. Vayanti pana tāya eva khayasaṅkhātaṃ. Virāganti virajjanaṃ. Paṭinissagganti pariccāgapaṭinissaggaṃ, pakkhandanapaṭinissaggampi vā.
ਆਗਮਨੀਯਪਟਿਪਦਾਤਿ ਅਰਿਯਮਗ੍ਗਸ੍ਸ ਆਗਮਨਟ੍ਠਾਨਿਯਾ ਪੁਬ੍ਬਭਾਗਪਟਿਪਦਾ। ਪੁਬ੍ਬਭਾਗਾਯੇવ ਨ ਲੋਕੁਤ੍ਤਰਾ। ਸਮ੍ਪਜਞ੍ਞਂ ਪੁਬ੍ਬਭਾਗਿਯਮੇવ। ਤਿਸ੍ਸੋ ਅਨੁਪਸ੍ਸਨਾ ਪੁਬ੍ਬਭਾਗਾਯੇવ વਿਪਸ੍ਸਨਾਪਰਿਯਾਪਨ੍ਨਤ੍ਤਾ । ਮਿਸ੍ਸਕਾਤਿ ਲੋਕਿਯਲੋਕੁਤ੍ਤਰਮਿਸ੍ਸਕਾ। ਭਾવਨਾਕਾਲੋ ਦਸ੍ਸਿਤੋ ‘‘ਨਿਰੋਧਾਨੁਪਸ੍ਸਿਨੋ વਿਹਰਤੋ, ਪਟਿਨਿਸ੍ਸਗ੍ਗਾਨੁਪਸ੍ਸਿਨੋ વਿਹਰਤੋ ਰਾਗਾਨੁਸਯੋ ਪਹੀਯਤੀ’’ਤਿ વੁਤ੍ਤਤ੍ਤਾ।
Āgamanīyapaṭipadāti ariyamaggassa āgamanaṭṭhāniyā pubbabhāgapaṭipadā. Pubbabhāgāyeva na lokuttarā. Sampajaññaṃ pubbabhāgiyameva. Tisso anupassanā pubbabhāgāyeva vipassanāpariyāpannattā . Missakāti lokiyalokuttaramissakā. Bhāvanākālo dassito ‘‘nirodhānupassino viharato, paṭinissaggānupassino viharato rāgānusayo pahīyatī’’ti vuttattā.
ਪਠਮਗੇਲਞ੍ਞਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paṭhamagelaññasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਪਠਮਗੇਲਞ੍ਞਸੁਤ੍ਤਂ • 7. Paṭhamagelaññasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਪਠਮਗੇਲਞ੍ਞਸੁਤ੍ਤવਣ੍ਣਨਾ • 7. Paṭhamagelaññasuttavaṇṇanā
