| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8-9. батамаг̇ин̃ж̇агаавасат̇асуд̇д̇аад̣̇иван̣н̣анаа
8-9. Paṭhamagiñjakāvasathasuttādivaṇṇanā
1004-5. адтамз н̃аад̇игзд̇и згам̣ д̇ал̣аагам̣ ниссааяа д̣̇виннам̣ жуул̣абид̇имахаабид̇ибуд̇д̇аанам̣ д̣̇вз г̇аамаа, д̇зсу згасмим̣ г̇аамагз. г̇ин̃ж̇агаавасат̇зд̇и идтагаамаяз аавасат̇з. орамбхааг̇ияаананд̇и хздтаабхааг̇ияаанам̣, гаамабхавзязва бадисанд̇хиг̇г̇аахаабагаананд̇и ад̇т̇о. оранд̇и лад̣̇д̇ханаамзхи ваа д̇ийхи маг̇г̇зхи бахаад̇аб̣б̣аанийд̇иби орамбхааг̇ияаани. д̇ад̇т̇а гаамажчанд̣̇о б̣яаабаад̣̇од̇и имаани д̣̇вз самаабад̇д̇ияаа ваа авигкамбхид̇аани маг̇г̇зна ваа асамужчиннаани ниб̣б̣ад̇д̇ивасзна уд̣̇д̇хам̣ бхааг̇ам̣ руубабхавам̣ аруубабхавам̣ ваа г̇анд̇ум̣ на д̣̇знд̇и. саггааяад̣̇идтиаад̣̇ийни д̇ийн̣и д̇ад̇т̇а ниб̣б̣ад̇д̇амби аанзд̇ваа буна ид̇хзва ниб̣б̣ад̇д̇аабзнд̇ийд̇и саб̣б̣ааниби орамбхааг̇ияаанзва. анаавад̇д̇ид̇хаммод̇и бадисанд̇хивасзна анааг̇аманасабхааво.
1004-5. Aṭṭhame ñātiketi ekaṃ taḷākaṃ nissāya dvinnaṃ cūḷapitimahāpitiputtānaṃ dve gāmā, tesu ekasmiṃ gāmake. Giñjakāvasatheti iṭṭhakāmaye āvasathe. Orambhāgiyānanti heṭṭhābhāgiyānaṃ, kāmabhaveyeva paṭisandhiggāhāpakānanti attho. Oranti laddhanāmehi vā tīhi maggehi pahātabbānītipi orambhāgiyāni. Tattha kāmacchando byāpādoti imāni dve samāpattiyā vā avikkhambhitāni maggena vā asamucchinnāni nibbattivasena uddhaṃ bhāgaṃ rūpabhavaṃ arūpabhavaṃ vā gantuṃ na denti. Sakkāyadiṭṭhiādīni tīṇi tattha nibbattampi ānetvā puna idheva nibbattāpentīti sabbānipi orambhāgiyāneva. Anāvattidhammoti paṭisandhivasena anāgamanasabhāvo.
рааг̇ад̣̇осамохаанам̣ д̇ануд̇д̇аад̇и зд̇т̇а гад̣̇аажи уббад̇д̇ияаа жа барияудтаанаманд̣̇ад̇ааяа жаад̇и д̣̇взд̇хааби д̇анубхааво взд̣̇ид̇аб̣б̣о. сагад̣̇ааг̇аамисса хи бут̇уж̇ж̇анаанам̣ вияа абхин̣хам̣ рааг̇аад̣̇аяо на уббаж̇ж̇анд̇и, гад̣̇аажи гарахажи уббаж̇ж̇анд̇и. уббаж̇ж̇амаанаа жа на бут̇уж̇ж̇анаанам̣ вияа б̣ахалаб̣ахалаа уббаж̇ж̇анд̇и, магкибад̇д̇ам̣ вияа д̇анугаа уббаж̇ж̇анд̇и. д̣̇ийгхабхаан̣агад̇ибидагамахаасийвад̇т̇зро банааха – ‘‘яасмаа сагад̣̇ааг̇аамисса буд̇д̇ад̇хийд̇аро хонд̇и, ород̇хаа жа хонд̇и, д̇асмаа б̣ахалаа гилзсаа. ид̣̇ам̣ бана бхавад̇анугавасзна гат̇ид̇а’’нд̇и. д̇ам̣ адтагат̇ааяам̣ ‘‘сод̇аабаннасса сад̇д̇а бхавз табзд̇ваа адтамз бхавз бхавад̇анугам̣ над̇т̇и, сагад̣̇ааг̇аамисса д̣̇вз бхавз табзд̇ваа бан̃жасу бхавзсу бхавад̇анугам̣ над̇т̇и, анааг̇аамисса руубааруубабхавам̣ табзд̇ваа гаамабхавз бхавад̇анугам̣ над̇т̇и, кийн̣аасавасса гисмин̃жи бхавз бхавад̇анугам̣ над̇т̇ий’’д̇и вуд̇д̇ад̇д̇аа бадигкид̇д̇ам̣ ход̇и.
Rāgadosamohānaṃtanuttāti ettha kadāci uppattiyā ca pariyuṭṭhānamandatāya cāti dvedhāpi tanubhāvo veditabbo. Sakadāgāmissa hi puthujjanānaṃ viya abhiṇhaṃ rāgādayo na uppajjanti, kadāci karahaci uppajjanti. Uppajjamānā ca na puthujjanānaṃ viya bahalabahalā uppajjanti, makkhipattaṃ viya tanukā uppajjanti. Dīghabhāṇakatipiṭakamahāsīvatthero panāha – ‘‘yasmā sakadāgāmissa puttadhītaro honti, orodhā ca honti, tasmā bahalā kilesā. Idaṃ pana bhavatanukavasena kathita’’nti. Taṃ aṭṭhakathāyaṃ ‘‘sotāpannassa satta bhave ṭhapetvā aṭṭhame bhave bhavatanukaṃ natthi, sakadāgāmissa dve bhave ṭhapetvā pañcasu bhavesu bhavatanukaṃ natthi, anāgāmissa rūpārūpabhavaṃ ṭhapetvā kāmabhave bhavatanukaṃ natthi, khīṇāsavassa kismiñci bhave bhavatanukaṃ natthī’’ti vuttattā paṭikkhittaṃ hoti.
имам̣ логанд̇и имам̣ гаамааважаралогам̣ санд̇хааяа вуд̇д̇ам̣. аяан̃хзд̇т̇а ад̇хиббааяо – сажз хи мануссзсу сагад̣̇ааг̇аамипалам̣ бад̇д̇о д̣̇звзсу ниб̣б̣ад̇д̇ид̇ваа арахад̇д̇ам̣ сажчигарод̇и, ижжзд̇ам̣ гусалам̣. асаггонд̇о бана авассам̣ мануссалогам̣ ааг̇анд̇ваа сажчигарод̇и. д̣̇звзсу сагад̣̇ааг̇аамипалам̣ бад̇д̇оби сажз мануссзсу ниб̣б̣ад̇д̇ид̇ваа арахад̇д̇ам̣ сажчигарод̇и, ижжзд̇ам̣ гусалам̣. асаггонд̇о бана авассам̣ д̣̇звалогам̣ г̇анд̇ваа сажчигарод̇ийд̇и.
Imaṃlokanti imaṃ kāmāvacaralokaṃ sandhāya vuttaṃ. Ayañhettha adhippāyo – sace hi manussesu sakadāgāmiphalaṃ patto devesu nibbattitvā arahattaṃ sacchikaroti, iccetaṃ kusalaṃ. Asakkonto pana avassaṃ manussalokaṃ āgantvā sacchikaroti. Devesu sakadāgāmiphalaṃ pattopi sace manussesu nibbattitvā arahattaṃ sacchikaroti, iccetaṃ kusalaṃ. Asakkonto pana avassaṃ devalokaṃ gantvā sacchikarotīti.
винибад̇анам̣ винибаад̇о, наасса винибаад̇о д̇хаммод̇и авинибаад̇ад̇хаммо, жад̇уусу абааязсу авинибаад̇анасабхаавод̇и ад̇т̇о. нияад̇од̇и д̇хамманияаамзна нияад̇о. самб̣од̇хибарааяан̣од̇и убаримаг̇г̇ад̇д̇аяасан̇каад̇аа самб̣од̇хи барам̣ аяанам̣ асса г̇ад̇и бадисаран̣ам̣ авассам̣ бад̇д̇аб̣б̣аад̇и самб̣од̇хибарааяан̣о. вихзсаавзсаад̇и д̇зсам̣ д̇зсам̣ н̃аан̣аг̇ад̇им̣ н̃аан̣уубабад̇д̇им̣ н̃аан̣аабхисамбарааяам̣ ологзнд̇асса гааяагиламат̇ова зса, аананд̣̇а, д̇ат̇ааг̇ад̇ассаад̇и д̣̇ийбзд̇и. жид̇д̇авихзсаа бана б̣уд̣̇д̇хаанам̣ над̇т̇и.
Vinipatanaṃ vinipāto, nāssa vinipāto dhammoti avinipātadhammo, catūsu apāyesu avinipātanasabhāvoti attho. Niyatoti dhammaniyāmena niyato. Sambodhiparāyaṇoti uparimaggattayasaṅkhātā sambodhi paraṃ ayanaṃ assa gati paṭisaraṇaṃ avassaṃ pattabbāti sambodhiparāyaṇo. Vihesāvesāti tesaṃ tesaṃ ñāṇagatiṃ ñāṇūpapattiṃ ñāṇābhisamparāyaṃ olokentassa kāyakilamathova esa, ānanda, tathāgatassāti dīpeti. Cittavihesā pana buddhānaṃ natthi.
д̇хаммаад̣̇аасанд̇и д̇хаммамаяам̣ аад̣̇аасам̣. язнаад̇и язна д̇хаммаад̣̇аасзна саманнааг̇ад̇о. кийн̣аабааяад̣̇уг̇г̇ад̇ивинибаад̇од̇и ид̣̇ам̣ нираяаад̣̇ийнам̣язва взважанавасзнзва вуд̇д̇ам̣. нираяаад̣̇аяо хи вад̣дхисан̇каад̇ад̇о аяад̇о абзд̇ад̇д̇аа абааяо, д̣̇угкасса г̇ад̇и бадисаран̣анд̇и. д̣̇уг̇г̇ад̇и, д̣̇уггадагаарино зд̇т̇а вивасаа нибад̇анд̇ийд̇и винибаад̇о. навамам̣ уд̇д̇аанамзва.
Dhammādāsanti dhammamayaṃ ādāsaṃ. Yenāti yena dhammādāsena samannāgato. Khīṇāpāyaduggativinipātoti idaṃ nirayādīnaṃyeva vevacanavaseneva vuttaṃ. Nirayādayo hi vaḍḍhisaṅkhātato ayato apetattā apāyo, dukkhassa gati paṭisaraṇanti. Duggati, dukkaṭakārino ettha vivasā nipatantīti vinipāto. Navamaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
8. батамаг̇ин̃ж̇агаавасат̇асуд̇д̇ам̣ • 8. Paṭhamagiñjakāvasathasuttaṃ
9. д̣̇уд̇ияаг̇ин̃ж̇агаавасат̇асуд̇д̇ам̣ • 9. Dutiyagiñjakāvasathasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-9. батамаг̇ин̃ж̇агаавасат̇асуд̇д̇аад̣̇иван̣н̣анаа • 8-9. Paṭhamagiñjakāvasathasuttādivaṇṇanā
