| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8-9. батамаг̇ин̃ж̇агаавасат̇асуд̇д̇аад̣̇иван̣н̣анаа
8-9. Paṭhamagiñjakāvasathasuttādivaṇṇanā
1004-5. д̣̇вз г̇аамаа д̣̇виннам̣ н̃аад̇ийнам̣ г̇аамаад̇и гад̇ваа. н̃аад̇игзд̇и звам̣лад̣̇д̇ханаамз згасмим̣ г̇аамагз. г̇ин̃ж̇агаавасат̇зд̇и г̇ин̃ж̇агаа вужжанд̇и идтагаа, г̇ин̃ж̇агаахи зва гад̇о аавасат̇о, д̇асмим̣. со гира ааваасо яат̇аа суд̇хаахи баригаммзна баяож̇анам̣ над̇т̇и, звам̣ идтагаахи зва жинид̇ваа гад̇о. д̇зна вуд̇д̇ам̣ ‘‘идтагаамаяз аавасат̇з’’д̇и. д̇улаат̇амбхад̣̇ваараб̣анд̇хагаваадапалагаани бана д̣̇аарумаяаа зва. орам̣ вужжад̇и гаамад̇хаад̇у, бажжаяабхаавзна д̇ам̣ орам̣ бхаж̇анд̇ийд̇и орамбхааг̇ияаани, орамбхааг̇асса ваа хид̇аани орамбхааг̇ияаани. д̇знааха ‘‘хздтаабхааг̇ияаана’’нд̇иаад̣̇и. д̇ийхи маг̇г̇зхийд̇и хздтимзхи д̇ийхи маг̇г̇зхи. д̇зхи бахаад̇аб̣б̣ад̇ааяа хи д̇зсам̣ сан̃н̃ож̇анаанам̣ орамбхааг̇ияад̇аа, орам̣ бхан̃ж̇ияаани ваа орамбхааг̇ияаани вуд̇д̇аани нируд̇д̇инаязна. ид̣̇аани б̣яад̇ирзгамукзна нзсам̣ орамбхааг̇ияабхаавам̣ вибхаавзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. вигкамбхид̇аани самад̇т̇ад̇аавигхаад̇зна бут̇уж̇ж̇анаанам̣, самужчиннаани саб̣б̣асо абхаавзна арияаанам̣ руубааруубабхавуубабад̇д̇ияаа виб̣анд̇ханааяа на хонд̇ийд̇и вуд̇д̇ам̣ ‘‘авигкамбхид̇аани маг̇г̇зна ваа асамужчиннааний’’д̇и. ниб̣б̣ад̇д̇ивасзнаад̇и бадисанд̇хиг̇г̇ахан̣авасзна г̇анд̇ум̣ на д̣̇знд̇и. махаг̇г̇ад̇абхаваг̇аамигаммааяууханасса виб̣анд̇ханад̇о саггааяад̣̇идтиаад̣̇ийни д̇ийн̣и сан̃н̃ож̇анаани гаамажчанд̣̇аб̣яаабаад̣̇аа вияа махаг̇г̇ад̇абхавуубабад̇д̇ияаа висзсабажжаяад̇д̇аа д̇ад̇т̇а махаг̇г̇ад̇абхавз ниб̣б̣ад̇д̇амби д̇анниб̣б̣ад̇д̇ихзд̇угаммабаригкаяз гаамабхавуубабад̇д̇ибажжаяад̇ааяа махаг̇г̇ад̇абхавад̇о аанзд̇ваа ид̇хзва гаамабхавз зва ниб̣б̣ад̇д̇аабзнд̇и. д̇асмаа саб̣б̣ааниби бан̃жаби сам̣яож̇анаани орамбхааг̇ияаанзва. бадисанд̇хивасзна анааг̇аманасабхаавод̇и бадисанд̇хиг̇г̇ахан̣авасзна д̇асмаа логаа ид̇ха на ааг̇аманасабхааво. б̣уд̣̇д̇хад̣̇ассана-т̇зрад̣̇ассана-д̇хаммассаванаанам̣ бана ад̇т̇ааяа асса ааг̇аманам̣ аниваарид̇ам̣.
1004-5.Dve gāmā dvinnaṃ ñātīnaṃ gāmāti katvā. Ñātiketi evaṃladdhanāme ekasmiṃ gāmake. Giñjakāvasatheti giñjakā vuccanti iṭṭhakā, giñjakāhi eva kato āvasatho, tasmiṃ. So kira āvāso yathā sudhāhi parikammena payojanaṃ natthi, evaṃ iṭṭhakāhi eva cinitvā kato. Tena vuttaṃ ‘‘iṭṭhakāmaye āvasathe’’ti. Tulāthambhadvārabandhakavāṭaphalakāni pana dārumayā eva. Oraṃ vuccati kāmadhātu, paccayabhāvena taṃ oraṃ bhajantīti orambhāgiyāni, orambhāgassa vā hitāni orambhāgiyāni. Tenāha ‘‘heṭṭhābhāgiyāna’’ntiādi. Tīhi maggehīti heṭṭhimehi tīhi maggehi. Tehi pahātabbatāya hi tesaṃ saññojanānaṃ orambhāgiyatā, oraṃ bhañjiyāni vā orambhāgiyāni vuttāni niruttinayena. Idāni byatirekamukhena nesaṃ orambhāgiyabhāvaṃ vibhāvetuṃ ‘‘tatthā’’tiādi vuttaṃ. Vikkhambhitāni samatthatāvighātena puthujjanānaṃ, samucchinnāni sabbaso abhāvena ariyānaṃ rūpārūpabhavūpapattiyā vibandhanāya na hontīti vuttaṃ ‘‘avikkhambhitāni maggena vā asamucchinnānī’’ti. Nibbattivasenāti paṭisandhiggahaṇavasena gantuṃ na denti. Mahaggatabhavagāmikammāyūhanassa vibandhanato sakkāyadiṭṭhiādīni tīṇi saññojanāni kāmacchandabyāpādā viya mahaggatabhavūpapattiyā visesapaccayattā tattha mahaggatabhave nibbattampi tannibbattihetukammaparikkhaye kāmabhavūpapattipaccayatāya mahaggatabhavato ānetvā idheva kāmabhave eva nibbattāpenti. Tasmā sabbānipi pañcapi saṃyojanāni orambhāgiyāneva. Paṭisandhivasena anāgamanasabhāvoti paṭisandhiggahaṇavasena tasmā lokā idha na āgamanasabhāvo. Buddhadassana-theradassana-dhammassavanānaṃ pana atthāya assa āgamanaṃ anivāritaṃ.
гад̣̇аажи уббад̇д̇ияаа вирал̣аагаарад̇аа, барияудтаанаманд̣̇ад̇ааяа аб̣ахалад̇аад̇и д̣̇взд̇хааби д̇анубхааво. абхин̣ханд̇и б̣ахусо. б̣ахалаб̣ахалаад̇и д̇иб̣б̣ад̇иб̣б̣аа. яад̇т̇а уббаж̇ж̇анд̇и, д̇ам̣ санд̇аанам̣ мад̣̇д̣̇анд̇аа паранд̇аа саад̇хзнд̇аа анд̇хагаарам̣ гаронд̇аа уббаж̇ж̇анд̇и, д̣̇вийхи бана маг̇г̇зхи бахийнад̇д̇аа д̇анугад̇анугаа манд̣̇аманд̣̇аа уббаж̇ж̇анд̇и. буд̇д̇ад̇хийд̇аро хонд̇ийд̇и ид̣̇ам̣ агааран̣ам̣. д̇ат̇аа хи ан̇г̇абажжан̇г̇абараамасанамад̇д̇знаби д̇з хонд̇и. ид̣̇анд̇и ‘‘рааг̇ад̣̇осамохаанам̣ д̇ануд̇д̇аа’’д̇и ид̣̇ам̣ важанам̣. бхавад̇анугавасзнаад̇и аббагабхававасзна. д̇анд̇и махаасийвад̇т̇зрасса важанам̣ бадигкид̇д̇анд̇и самб̣анд̇хо. яз бхаваа арияаанам̣ лаб̣бханд̇и, д̇з барибун̣н̣алагкан̣абхаваа зва. яз на лаб̣бханд̇и, д̇ад̇т̇а гийд̣̇исам̣ д̇ам̣ бхавад̇анугам̣. д̇асмаа убхаяат̇ааби бхавад̇анугасса асамбхаво зваад̇и д̣̇ассзд̇ум̣ ‘‘сод̇аабаннассаа’’д̇иаад̣̇и вуд̇д̇ам̣. адтамз бхавз бхавад̇анугам̣ над̇т̇и адтамассзва бхавасса саб̣б̣ассзва абхаавад̇о. сзсзсуби зсзва наяо.
Kadāci uppattiyā viraḷākāratā, pariyuṭṭhānamandatāya abahalatāti dvedhāpi tanubhāvo. Abhiṇhanti bahuso. Bahalabahalāti tibbatibbā. Yattha uppajjanti, taṃ santānaṃ maddantā pharantā sādhentā andhakāraṃ karontā uppajjanti, dvīhi pana maggehi pahīnattā tanukatanukā mandamandā uppajjanti. Puttadhītaro hontīti idaṃ akāraṇaṃ. Tathā hi aṅgapaccaṅgaparāmasanamattenapi te honti. Idanti ‘‘rāgadosamohānaṃ tanuttā’’ti idaṃ vacanaṃ. Bhavatanukavasenāti appakabhavavasena. Tanti mahāsīvattherassa vacanaṃ paṭikkhittanti sambandho. Ye bhavā ariyānaṃ labbhanti, te paripuṇṇalakkhaṇabhavā eva. Ye na labbhanti, tattha kīdisaṃ taṃ bhavatanukaṃ. Tasmā ubhayathāpi bhavatanukassa asambhavo evāti dassetuṃ ‘‘sotāpannassā’’tiādi vuttaṃ. Aṭṭhame bhave bhavatanukaṃ natthi aṭṭhamasseva bhavassa sabbasseva abhāvato. Sesesupi eseva nayo.
гаамааважаралогам̣ санд̇хааяа вуд̇д̇ам̣ ид̇арасса логасса васзна д̇ат̇аа вад̇д̇ум̣ асаггун̣зяяад̇д̇аа. яо хи сагад̣̇ааг̇аамий д̣̇звамануссалогзсу вомиссагавасзна ниб̣б̣ад̇д̇ад̇и, соби гаамабхававасзнзва барижчинд̣̇ид̇аб̣б̣о. бхаг̇авад̇аа жа гаамалогз тад̇ваа – ‘‘сагид̣̇зва имам̣ логам̣ ааг̇анд̇ваа’’д̇и вуд̇д̇ам̣. имам̣ логам̣ ааг̇анд̇ваад̇и жа иминаа бан̃жасу сагад̣̇ааг̇аамийсу жад̇д̇ааро важ̇ж̇зд̇ваа згова г̇ахид̇о. згажжо хи ид̇ха сагад̣̇ааг̇аамипалам̣ бад̇ваа ид̇хзва бариниб̣б̣ааяад̇и, згажжо ид̇ха бад̇ваа д̣̇звалогз бариниб̣б̣ааяад̇и, згажжо д̣̇звалогз бад̇ваа д̇ад̇т̇зва бариниб̣б̣ааяад̇и, згажжо д̣̇звалогз бад̇ваа ид̇хуубабаж̇ж̇ид̇ваа бариниб̣б̣ааяад̇и, имз жад̇д̇ааро ид̇ха на лаб̣бханд̇и. яо бана ид̇ха бад̇ваа д̣̇звалогз яаавад̇ааяугам̣ васид̇ваа буна ид̇хуубабаж̇ж̇ид̇ваа бариниб̣б̣ааяад̇и, аяамид̇ха ад̇хиббзд̇о. адтагат̇ааяам̣ бана ‘‘имам̣ логанд̇и гаамабхаво ад̇хиббзд̇о’’д̇и имамад̇т̇ам̣ вибхаавзд̇ум̣ ‘‘сажз хий’’д̇иаад̣̇инаа ан̃н̃ам̣язва жад̇уггам̣ д̣̇ассид̇ам̣.
Kāmāvacaralokaṃsandhāya vuttaṃ itarassa lokassa vasena tathā vattuṃ asakkuṇeyyattā. Yo hi sakadāgāmī devamanussalokesu vomissakavasena nibbattati, sopi kāmabhavavaseneva paricchinditabbo. Bhagavatā ca kāmaloke ṭhatvā – ‘‘sakideva imaṃ lokaṃ āgantvā’’ti vuttaṃ. Imaṃ lokaṃ āgantvāti ca iminā pañcasu sakadāgāmīsu cattāro vajjetvā ekova gahito. Ekacco hi idha sakadāgāmiphalaṃ patvā idheva parinibbāyati, ekacco idha patvā devaloke parinibbāyati, ekacco devaloke patvā tattheva parinibbāyati, ekacco devaloke patvā idhūpapajjitvā parinibbāyati, ime cattāro idha na labbhanti. Yo pana idha patvā devaloke yāvatāyukaṃ vasitvā puna idhūpapajjitvā parinibbāyati, ayamidha adhippeto. Aṭṭhakathāyaṃ pana ‘‘imaṃ lokanti kāmabhavo adhippeto’’ti imamatthaṃ vibhāvetuṃ ‘‘sace hī’’tiādinā aññaṃyeva catukkaṃ dassitaṃ.
жад̇уусу…бз… сабхаавод̇и ад̇т̇о абааяаг̇аманийяаанам̣ баабад̇хаммаанам̣ саб̣б̣асо бахийнад̇д̇аа. д̇хамманияаамзнаад̇и маг̇г̇ад̇хамманияаамзна нияад̇о убаримаг̇г̇аад̇хиг̇амасса авассам̣бхаавибхаавад̇о. д̇знааха ‘‘самб̣од̇хибарааяан̣о’’д̇и. д̇зсам̣ д̇зсам̣ н̃аан̣аг̇ад̇инд̇и д̇зсам̣ д̇зсам̣ сад̇д̇аанам̣ ‘‘асуго сод̇аабанно, асуго сагад̣̇ааг̇аамий’’д̇иаад̣̇инаа д̇ам̣д̇ам̣н̃аан̣аад̇хиг̇аманам̣ н̃аан̣уубабад̇д̇им̣. н̃аан̣аабхисамбарааяанд̇и д̇ад̇о барамби – ‘‘нияад̇о самб̣од̇хибарааяан̣о сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’’д̇иаад̣̇инаа н̃аан̣асахид̇ам̣ убабад̇д̇ибажжаяабхавам̣. ологзнд̇асса н̃аан̣ажагкунаа абзгканд̇асса. гзвалам̣ гааяагиламат̇ова, на д̇зна гаажи барзсам̣ ад̇т̇асид̣̇д̇хийд̇и ад̇хиббааяо. жид̇д̇авихзсаа жид̇д̇акзд̣̇о, саа гилзсуубасам̣хид̇ад̇д̇аа б̣уд̣̇д̇хаанам̣ над̇т̇и.
Catūsu…pe… sabhāvoti attho apāyagamanīyānaṃ pāpadhammānaṃ sabbaso pahīnattā. Dhammaniyāmenāti maggadhammaniyāmena niyato uparimaggādhigamassa avassaṃbhāvibhāvato. Tenāha ‘‘sambodhiparāyaṇo’’ti. Tesaṃ tesaṃ ñāṇagatinti tesaṃ tesaṃ sattānaṃ ‘‘asuko sotāpanno, asuko sakadāgāmī’’tiādinā taṃtaṃñāṇādhigamanaṃ ñāṇūpapattiṃ. Ñāṇābhisamparāyanti tato parampi – ‘‘niyato sambodhiparāyaṇo sakideva imaṃ lokaṃ āgantvā dukkhassantaṃ karissatī’’tiādinā ñāṇasahitaṃ upapattipaccayabhavaṃ. Olokentassa ñāṇacakkhunā apekkhantassa. Kevalaṃ kāyakilamathova, na tena kāci paresaṃ atthasiddhīti adhippāyo. Cittavihesā cittakhedo, sā kilesūpasaṃhitattā buddhānaṃ natthi.
аад̣̇иссад̇и аалогийяад̇и ад̇д̇аа зд̇знаад̇и аад̣̇аасам̣, д̇хаммабхууд̇ам̣ аад̣̇аасам̣ д̇хаммаад̣̇аасам̣, арияамаг̇г̇ан̃аан̣ассзд̇ам̣ ад̇хиважанам̣. д̇зна хи арияасааваго жад̇уусу арияасажжзсу вид̣̇д̇хасд̇асаммохад̇д̇аа ад̇д̇аанам̣ яаат̇аавад̇о н̃ад̇ваа яаат̇аавад̇о б̣яаагарзяяа, д̇аббагаасанад̇о бана д̇хаммабарияааяасса суд̇д̇асса д̇хаммаад̣̇аасад̇аа взд̣̇ид̇аб̣б̣аад̇и. язна д̇хаммаад̣̇аасзнаад̇и ид̇ха бана маг̇г̇ад̇хаммамзва вад̣̇ад̇и. сзсам̣ уд̇д̇аанад̇т̇ад̇д̇аа сувин̃н̃зяяамзваад̇и.
Ādissati ālokīyati attā etenāti ādāsaṃ, dhammabhūtaṃ ādāsaṃ dhammādāsaṃ, ariyamaggañāṇassetaṃ adhivacanaṃ. Tena hi ariyasāvako catūsu ariyasaccesu viddhastasammohattā attānaṃ yāthāvato ñatvā yāthāvato byākareyya, tappakāsanato pana dhammapariyāyassa suttassa dhammādāsatā veditabbāti. Yena dhammādāsenāti idha pana maggadhammameva vadati. Sesaṃ uttānatthattā suviññeyyamevāti.
взл̣уд̣̇ваараваг̇г̇аван̣н̣анаа нидтид̇аа.
Veḷudvāravaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
8. батамаг̇ин̃ж̇агаавасат̇асуд̇д̇ам̣ • 8. Paṭhamagiñjakāvasathasuttaṃ
9. д̣̇уд̇ияаг̇ин̃ж̇агаавасат̇асуд̇д̇ам̣ • 9. Dutiyagiñjakāvasathasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-9. батамаг̇ин̃ж̇агаавасат̇асуд̇д̇аад̣̇иван̣н̣анаа • 8-9. Paṭhamagiñjakāvasathasuttādivaṇṇanā
