| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. батамаг̇ин̃ж̇агаавасат̇асуд̇д̇ам̣
8. Paṭhamagiñjakāvasathasuttaṃ
1004. звам̣ мз суд̇ам̣ – згам̣ самаяам̣ бхаг̇аваа н̃аад̇игз вихарад̇и г̇ин̃ж̇агаавасат̇з. ат̇а ко ааяасмаа аананд̣̇о язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа –
1004. Evaṃ me sutaṃ – ekaṃ samayaṃ bhagavā ñātike viharati giñjakāvasathe. Atha kho āyasmā ānando yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca –
‘‘саал̣хо наама, бханд̇з, бхигку гаалан̇гад̇о; д̇асса гаа г̇ад̇и го абхисамбарааяо? нанд̣̇аа наама, бханд̇з, бхигкуний гаалан̇гад̇аа; д̇ассаа гаа г̇ад̇и го абхисамбарааяо? суд̣̇ад̇д̇о наама, бханд̇з, убаасаго гаалан̇гад̇о; д̇асса гаа г̇ад̇и го абхисамбарааяо? суж̇аад̇аа наама, бханд̇з, убаасигаа гаалан̇гад̇аа; д̇ассаа гаа г̇ад̇и, го абхисамбарааяо’’д̇и?
‘‘Sāḷho nāma, bhante, bhikkhu kālaṅkato; tassa kā gati ko abhisamparāyo? Nandā nāma, bhante, bhikkhunī kālaṅkatā; tassā kā gati ko abhisamparāyo? Sudatto nāma, bhante, upāsako kālaṅkato; tassa kā gati ko abhisamparāyo? Sujātā nāma, bhante, upāsikā kālaṅkatā; tassā kā gati, ko abhisamparāyo’’ti?
‘‘саал̣хо , аананд̣̇а, бхигку гаалан̇гад̇о аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. нанд̣̇аа, аананд̣̇а, бхигкуний гаалан̇гад̇аа бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяиний анаавад̇д̇ид̇хаммаа д̇асмаа логаа. суд̣̇ад̇д̇о, аананд̣̇а, убаасаго гаалан̇гад̇о д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий; сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇и. суж̇аад̇аа, аананд̣̇а, убаасигаа гаалан̇гад̇аа д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяан̣аа.
‘‘Sāḷho , ānanda, bhikkhu kālaṅkato āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihāsi. Nandā, ānanda, bhikkhunī kālaṅkatā pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā. Sudatto, ānanda, upāsako kālaṅkato tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī; sakideva imaṃ lokaṃ āgantvā dukkhassantaṃ karissati. Sujātā, ānanda, upāsikā kālaṅkatā tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā.
‘‘анажчарияам̣ ко банзд̇ам̣, аананд̣̇а, яам̣ мануссабхууд̇о гаалам̣ гарзяяа; д̇асмим̣ д̇асмим̣ жз мам̣ гаалан̇гад̇з убасан̇гамид̇ваа зд̇амад̇т̇ам̣ бадибужчиссат̇а. вихзсаа бзсаа, аананд̣̇а, асса д̇ат̇ааг̇ад̇асса. д̇асмаад̇ихаананд̣̇а , д̇хаммаад̣̇аасам̣ наама д̇хаммабарияааяам̣ д̣̇зсзссаами; язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’.
‘‘Anacchariyaṃ kho panetaṃ, ānanda, yaṃ manussabhūto kālaṃ kareyya; tasmiṃ tasmiṃ ce maṃ kālaṅkate upasaṅkamitvā etamatthaṃ paṭipucchissatha. Vihesā pesā, ānanda, assa tathāgatassa. Tasmātihānanda , dhammādāsaṃ nāma dhammapariyāyaṃ desessāmi; yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’.
‘‘гад̇амо жа со, аананд̣̇а, д̇хаммаад̣̇аасо д̇хаммабарияааяо; язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’?
‘‘Katamo ca so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’?
‘‘ид̇ха, аананд̣̇а, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваад̇и. д̇хаммз…бз… сан̇гхз…бз… арияаганд̇зхи сийлзхи саманнааг̇ад̇о ход̇и акан̣д̣зхи…бз… самаад̇хисам̣вад̇д̇анигзхи. аяам̣ ко со, аананд̣̇а, д̇хаммаад̣̇аасо д̇хаммабарияааяо; язна саманнааг̇ад̇о арияасааваго ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о, сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и. адтамам̣.
‘‘Idha, ānanda, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Ayaṃ kho so, ānanda, dhammādāso dhammapariyāyo; yena samannāgato ariyasāvako ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto, sotāpannohamasmi avinipātadhammo niyato sambodhiparāyaṇo’’’ti. Aṭṭhamaṃ.
(д̇ийн̣иби суд̇д̇анд̇аани зганид̣̇аанаани).
(Tīṇipi suttantāni ekanidānāni).
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-9. батамаг̇ин̃ж̇агаавасат̇асуд̇д̇аад̣̇иван̣н̣анаа • 8-9. Paṭhamagiñjakāvasathasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-9. батамаг̇ин̃ж̇агаавасат̇асуд̇д̇аад̣̇иван̣н̣анаа • 8-9. Paṭhamagiñjakāvasathasuttādivaṇṇanā
