| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. батамахад̇т̇агасуд̇д̇ам̣
3. Paṭhamahatthakasuttaṃ
23. згам̣ самаяам̣ бхаг̇аваа аал̣авияам̣ вихарад̇и аг̇г̇аал̣авз жзд̇ияз. д̇ад̇ра ко бхаг̇аваа бхигкуу ааманд̇зси – ‘‘сад̇д̇ахи , бхигкавз, ажчариязхи аб̣бхуд̇зхи д̇хаммзхи саманнааг̇ад̇ам̣ хад̇т̇агам̣ аал̣авагам̣ д̇хаарзт̇а. гад̇амзхи сад̇д̇ахи? сад̣̇д̇хо хи, бхигкавз, хад̇т̇аго аал̣аваго; сийлаваа, бхигкавз, хад̇т̇аго аал̣аваго; хириймаа, бхигкавз, хад̇т̇аго аал̣аваго; од̇д̇аббий, бхигкавз, хад̇т̇аго аал̣аваго; б̣ахуссуд̇о, бхигкавз, хад̇т̇аго аал̣аваго; жааг̇аваа, бхигкавз, хад̇т̇аго аал̣аваго; бан̃н̃аваа, бхигкавз, хад̇т̇аго аал̣аваго – имзхи ко, бхигкавз, сад̇д̇ахи ажчариязхи аб̣бхуд̇зхи д̇хаммзхи саманнааг̇ад̇ам̣ хад̇т̇агам̣ аал̣авагам̣ д̇хаарзт̇аа’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
23. Ekaṃ samayaṃ bhagavā āḷaviyaṃ viharati aggāḷave cetiye. Tatra kho bhagavā bhikkhū āmantesi – ‘‘sattahi , bhikkhave, acchariyehi abbhutehi dhammehi samannāgataṃ hatthakaṃ āḷavakaṃ dhāretha. Katamehi sattahi? Saddho hi, bhikkhave, hatthako āḷavako; sīlavā, bhikkhave, hatthako āḷavako; hirīmā, bhikkhave, hatthako āḷavako; ottappī, bhikkhave, hatthako āḷavako; bahussuto, bhikkhave, hatthako āḷavako; cāgavā, bhikkhave, hatthako āḷavako; paññavā, bhikkhave, hatthako āḷavako – imehi kho, bhikkhave, sattahi acchariyehi abbhutehi dhammehi samannāgataṃ hatthakaṃ āḷavakaṃ dhārethā’’ti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
ат̇а ко ан̃н̃ад̇аро бхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна хад̇т̇агасса аал̣авагасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко хад̇т̇аго аал̣аваго язна со бхигку д̇знубасан̇гами; убасан̇гамид̇ваа д̇ам̣ бхигкум̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко хад̇т̇агам̣ аал̣авагам̣ со бхигку зд̇ад̣̇авожа –
Atha kho aññataro bhikkhu pubbaṇhasamayaṃ nivāsetvā pattacīvaramādāya yena hatthakassa āḷavakassa nivesanaṃ tenupasaṅkami; upasaṅkamitvā paññatte āsane nisīdi. Atha kho hatthako āḷavako yena so bhikkhu tenupasaṅkami; upasaṅkamitvā taṃ bhikkhuṃ abhivādetvā ekamantaṃ nisīdi. Ekamantaṃ nisinnaṃ kho hatthakaṃ āḷavakaṃ so bhikkhu etadavoca –
‘‘сад̇д̇ахи ко д̇вам̣, аавусо, ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о. гад̇амзхи сад̇д̇ахи? ‘сад̣̇д̇хо, бхигкавз, хад̇т̇аго аал̣аваго; сийлаваа…бз… хиримаа… од̇д̇аббий… б̣ахуссуд̇о… жааг̇аваа… бан̃н̃аваа, бхигкавз, хад̇т̇аго аал̣аваго’д̇и. имзхи ко д̇вам̣, аавусо, сад̇д̇ахи ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о’’д̇и. ‘‘гажжид̇т̇а, бханд̇з, на гожи г̇ихий ахоси од̣̇аад̇авасано’’д̇и? ‘‘на хзд̇т̇а, аавусо , гожи г̇ихий ахоси од̣̇аад̇авасано’’д̇и. ‘‘саад̇ху, бханд̇з, яад̣̇зд̇т̇а на гожи г̇ихий ахоси од̣̇аад̇авасано’’д̇и.
‘‘Sattahi kho tvaṃ, āvuso, acchariyehi abbhutehi dhammehi samannāgato bhagavatā byākato. Katamehi sattahi? ‘Saddho, bhikkhave, hatthako āḷavako; sīlavā…pe… hirimā… ottappī… bahussuto… cāgavā… paññavā, bhikkhave, hatthako āḷavako’ti. Imehi kho tvaṃ, āvuso, sattahi acchariyehi abbhutehi dhammehi samannāgato bhagavatā byākato’’ti. ‘‘Kaccittha, bhante, na koci gihī ahosi odātavasano’’ti? ‘‘Na hettha, āvuso , koci gihī ahosi odātavasano’’ti. ‘‘Sādhu, bhante, yadettha na koci gihī ahosi odātavasano’’ti.
ат̇а ко со бхигку хад̇т̇агасса аал̣авагасса нивзсанз бин̣д̣абаад̇ам̣ г̇ахзд̇ваа удтааяаасанаа баггаами . ат̇а ко со бхигку бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа –
Atha kho so bhikkhu hatthakassa āḷavakassa nivesane piṇḍapātaṃ gahetvā uṭṭhāyāsanā pakkāmi . Atha kho so bhikkhu pacchābhattaṃ piṇḍapātapaṭikkanto yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна хад̇т̇агасса аал̣авагасса нивзсанам̣ д̇знубасан̇гамим̣; убасан̇гамид̇ваа бан̃н̃ад̇д̇з аасанз нисийд̣̇им̣. ат̇а ко, бханд̇з, хад̇т̇аго аал̣аваго язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ахам̣, бханд̇з, хад̇т̇агам̣ аал̣авагам̣ зд̇ад̣̇аважам̣ – ‘сад̇д̇ахи ко д̇вам̣, аавусо, ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о. гад̇амзхи сад̇д̇ахи? сад̣̇д̇хо, бхигкавз, хад̇т̇аго аал̣аваго; сийлаваа…бз… хиримаа… од̇д̇аббий… б̣ахуссуд̇о… жааг̇аваа… бан̃н̃аваа, бхигкавз, хад̇т̇аго аал̣авагод̇и. имзхи ко д̇вам̣, аавусо, сад̇д̇ахи ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о’д̇и.
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya yena hatthakassa āḷavakassa nivesanaṃ tenupasaṅkamiṃ; upasaṅkamitvā paññatte āsane nisīdiṃ. Atha kho, bhante, hatthako āḷavako yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhante, hatthakaṃ āḷavakaṃ etadavacaṃ – ‘sattahi kho tvaṃ, āvuso, acchariyehi abbhutehi dhammehi samannāgato bhagavatā byākato. Katamehi sattahi? Saddho, bhikkhave, hatthako āḷavako; sīlavā…pe… hirimā… ottappī… bahussuto… cāgavā… paññavā, bhikkhave, hatthako āḷavakoti. Imehi kho tvaṃ, āvuso, sattahi acchariyehi abbhutehi dhammehi samannāgato bhagavatā byākato’ti.
‘‘звам̣ вуд̇д̇з, бханд̇з, хад̇т̇аго мам̣ зд̇ад̣̇авожа – ‘гажжид̇т̇а, бханд̇з, на гожи г̇ихий ахоси од̣̇аад̇авасано’д̇и? ‘на хзд̇т̇а, аавусо, гожи г̇ихий ахоси од̣̇аад̇авасано’д̇и. ‘саад̇ху, бханд̇з, яад̣̇зд̇т̇а на гожи г̇ихий ахоси од̣̇аад̇авасано’’’д̇и.
‘‘Evaṃ vutte, bhante, hatthako maṃ etadavoca – ‘kaccittha, bhante, na koci gihī ahosi odātavasano’ti? ‘Na hettha, āvuso, koci gihī ahosi odātavasano’ti. ‘Sādhu, bhante, yadettha na koci gihī ahosi odātavasano’’’ti.
‘‘саад̇ху саад̇ху, бхигку! аббижчо со, бхигку, гулабуд̇д̇о . санд̇зязва ад̇д̇ани гусалад̇хаммз на ижчад̇и барзхи н̃ааяамаанз 1. д̇зна хи д̇вам̣, бхигку, иминааби адтамзна ажчариязна аб̣бхуд̇зна д̇хаммзна саманнааг̇ад̇ам̣ хад̇т̇агам̣ аал̣авагам̣ д̇хаарзхи, яад̣̇ид̣̇ам̣ аббижчад̇ааяаа’’д̇и. д̇ад̇ияам̣.
‘‘Sādhu sādhu, bhikkhu! Appiccho so, bhikkhu, kulaputto . Santeyeva attani kusaladhamme na icchati parehi ñāyamāne 2. Tena hi tvaṃ, bhikkhu, imināpi aṭṭhamena acchariyena abbhutena dhammena samannāgataṃ hatthakaṃ āḷavakaṃ dhārehi, yadidaṃ appicchatāyā’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. батамахад̇т̇агасуд̇д̇аван̣н̣анаа • 3. Paṭhamahatthakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. батамауг̇г̇асуд̇д̇аад̣̇иван̣н̣анаа • 1-7. Paṭhamauggasuttādivaṇṇanā
