| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੩. ਪਠਮਹਤ੍ਥਕਸੁਤ੍ਤਂ
3. Paṭhamahatthakasuttaṃ
੨੩. ਏਕਂ ਸਮਯਂ ਭਗવਾ ਆਲ਼વਿਯਂ વਿਹਰਤਿ ਅਗ੍ਗਾਲ਼વੇ ਚੇਤਿਯੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਸਤ੍ਤਹਿ , ਭਿਕ੍ਖવੇ, ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤਂ ਹਤ੍ਥਕਂ ਆਲ਼વਕਂ ਧਾਰੇਥ। ਕਤਮੇਹਿ ਸਤ੍ਤਹਿ? ਸਦ੍ਧੋ ਹਿ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਸੀਲવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਹਿਰੀਮਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਓਤ੍ਤਪ੍ਪੀ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਬਹੁਸ੍ਸੁਤੋ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਚਾਗવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਪਞ੍ਞવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ – ਇਮੇਹਿ ਖੋ, ਭਿਕ੍ਖવੇ, ਸਤ੍ਤਹਿ ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤਂ ਹਤ੍ਥਕਂ ਆਲ਼વਕਂ ਧਾਰੇਥਾ’’ਤਿ। ਇਦਮવੋਚ ਭਗવਾ। ਇਦਂ વਤ੍વਾਨ ਸੁਗਤੋ ਉਟ੍ਠਾਯਾਸਨਾ વਿਹਾਰਂ ਪਾવਿਸਿ।
23. Ekaṃ samayaṃ bhagavā āḷaviyaṃ viharati aggāḷave cetiye. Tatra kho bhagavā bhikkhū āmantesi – ‘‘sattahi , bhikkhave, acchariyehi abbhutehi dhammehi samannāgataṃ hatthakaṃ āḷavakaṃ dhāretha. Katamehi sattahi? Saddho hi, bhikkhave, hatthako āḷavako; sīlavā, bhikkhave, hatthako āḷavako; hirīmā, bhikkhave, hatthako āḷavako; ottappī, bhikkhave, hatthako āḷavako; bahussuto, bhikkhave, hatthako āḷavako; cāgavā, bhikkhave, hatthako āḷavako; paññavā, bhikkhave, hatthako āḷavako – imehi kho, bhikkhave, sattahi acchariyehi abbhutehi dhammehi samannāgataṃ hatthakaṃ āḷavakaṃ dhārethā’’ti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
ਅਥ ਖੋ ਅਞ੍ਞਤਰੋ ਭਿਕ੍ਖੁ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਹਤ੍ਥਕਸ੍ਸ ਆਲ਼વਕਸ੍ਸ ਨਿવੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਅਥ ਖੋ ਹਤ੍ਥਕੋ ਆਲ਼વਕੋ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਤਂ ਭਿਕ੍ਖੁਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਹਤ੍ਥਕਂ ਆਲ਼વਕਂ ਸੋ ਭਿਕ੍ਖੁ ਏਤਦવੋਚ –
Atha kho aññataro bhikkhu pubbaṇhasamayaṃ nivāsetvā pattacīvaramādāya yena hatthakassa āḷavakassa nivesanaṃ tenupasaṅkami; upasaṅkamitvā paññatte āsane nisīdi. Atha kho hatthako āḷavako yena so bhikkhu tenupasaṅkami; upasaṅkamitvā taṃ bhikkhuṃ abhivādetvā ekamantaṃ nisīdi. Ekamantaṃ nisinnaṃ kho hatthakaṃ āḷavakaṃ so bhikkhu etadavoca –
‘‘ਸਤ੍ਤਹਿ ਖੋ ਤ੍વਂ, ਆવੁਸੋ, ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤੋ ਭਗવਤਾ ਬ੍ਯਾਕਤੋ। ਕਤਮੇਹਿ ਸਤ੍ਤਹਿ? ‘ਸਦ੍ਧੋ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਸੀਲવਾ…ਪੇ॰… ਹਿਰਿਮਾ… ਓਤ੍ਤਪ੍ਪੀ… ਬਹੁਸ੍ਸੁਤੋ… ਚਾਗવਾ… ਪਞ੍ਞવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ’ਤਿ। ਇਮੇਹਿ ਖੋ ਤ੍વਂ, ਆવੁਸੋ, ਸਤ੍ਤਹਿ ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤੋ ਭਗવਤਾ ਬ੍ਯਾਕਤੋ’’ਤਿ। ‘‘ਕਚ੍ਚਿਤ੍ਥ, ਭਨ੍ਤੇ, ਨ ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’’ਤਿ? ‘‘ਨ ਹੇਤ੍ਥ, ਆવੁਸੋ , ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’’ਤਿ। ‘‘ਸਾਧੁ, ਭਨ੍ਤੇ, ਯਦੇਤ੍ਥ ਨ ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’’ਤਿ।
‘‘Sattahi kho tvaṃ, āvuso, acchariyehi abbhutehi dhammehi samannāgato bhagavatā byākato. Katamehi sattahi? ‘Saddho, bhikkhave, hatthako āḷavako; sīlavā…pe… hirimā… ottappī… bahussuto… cāgavā… paññavā, bhikkhave, hatthako āḷavako’ti. Imehi kho tvaṃ, āvuso, sattahi acchariyehi abbhutehi dhammehi samannāgato bhagavatā byākato’’ti. ‘‘Kaccittha, bhante, na koci gihī ahosi odātavasano’’ti? ‘‘Na hettha, āvuso , koci gihī ahosi odātavasano’’ti. ‘‘Sādhu, bhante, yadettha na koci gihī ahosi odātavasano’’ti.
ਅਥ ਖੋ ਸੋ ਭਿਕ੍ਖੁ ਹਤ੍ਥਕਸ੍ਸ ਆਲ਼વਕਸ੍ਸ ਨਿવੇਸਨੇ ਪਿਣ੍ਡਪਾਤਂ ਗਹੇਤ੍વਾ ਉਟ੍ਠਾਯਾਸਨਾ ਪਕ੍ਕਾਮਿ । ਅਥ ਖੋ ਸੋ ਭਿਕ੍ਖੁ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਯੇਨ ਭਗવਾ ਤੇਨੁਪਸਙ੍ਕਮਿ ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਭਿਕ੍ਖੁ ਭਗવਨ੍ਤਂ ਏਤਦવੋਚ –
Atha kho so bhikkhu hatthakassa āḷavakassa nivesane piṇḍapātaṃ gahetvā uṭṭhāyāsanā pakkāmi . Atha kho so bhikkhu pacchābhattaṃ piṇḍapātapaṭikkanto yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca –
‘‘ਇਧਾਹਂ, ਭਨ੍ਤੇ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਹਤ੍ਥਕਸ੍ਸ ਆਲ਼વਕਸ੍ਸ ਨਿવੇਸਨਂ ਤੇਨੁਪਸਙ੍ਕਮਿਂ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿਂ। ਅਥ ਖੋ, ਭਨ੍ਤੇ, ਹਤ੍ਥਕੋ ਆਲ਼વਕੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਨ੍ਤੇ, ਹਤ੍ਥਕਂ ਆਲ਼વਕਂ ਏਤਦવਚਂ – ‘ਸਤ੍ਤਹਿ ਖੋ ਤ੍વਂ, ਆવੁਸੋ, ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤੋ ਭਗવਤਾ ਬ੍ਯਾਕਤੋ। ਕਤਮੇਹਿ ਸਤ੍ਤਹਿ? ਸਦ੍ਧੋ, ਭਿਕ੍ਖવੇ, ਹਤ੍ਥਕੋ ਆਲ਼વਕੋ; ਸੀਲવਾ…ਪੇ॰… ਹਿਰਿਮਾ… ਓਤ੍ਤਪ੍ਪੀ… ਬਹੁਸ੍ਸੁਤੋ… ਚਾਗવਾ… ਪਞ੍ਞવਾ, ਭਿਕ੍ਖવੇ, ਹਤ੍ਥਕੋ ਆਲ਼વਕੋਤਿ। ਇਮੇਹਿ ਖੋ ਤ੍વਂ, ਆવੁਸੋ, ਸਤ੍ਤਹਿ ਅਚ੍ਛਰਿਯੇਹਿ ਅਬ੍ਭੁਤੇਹਿ ਧਮ੍ਮੇਹਿ ਸਮਨ੍ਨਾਗਤੋ ਭਗવਤਾ ਬ੍ਯਾਕਤੋ’ਤਿ।
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya yena hatthakassa āḷavakassa nivesanaṃ tenupasaṅkamiṃ; upasaṅkamitvā paññatte āsane nisīdiṃ. Atha kho, bhante, hatthako āḷavako yenāhaṃ tenupasaṅkami; upasaṅkamitvā maṃ abhivādetvā ekamantaṃ nisīdi. Ekamantaṃ nisinnaṃ kho ahaṃ, bhante, hatthakaṃ āḷavakaṃ etadavacaṃ – ‘sattahi kho tvaṃ, āvuso, acchariyehi abbhutehi dhammehi samannāgato bhagavatā byākato. Katamehi sattahi? Saddho, bhikkhave, hatthako āḷavako; sīlavā…pe… hirimā… ottappī… bahussuto… cāgavā… paññavā, bhikkhave, hatthako āḷavakoti. Imehi kho tvaṃ, āvuso, sattahi acchariyehi abbhutehi dhammehi samannāgato bhagavatā byākato’ti.
‘‘ਏવਂ વੁਤ੍ਤੇ, ਭਨ੍ਤੇ, ਹਤ੍ਥਕੋ ਮਂ ਏਤਦવੋਚ – ‘ਕਚ੍ਚਿਤ੍ਥ, ਭਨ੍ਤੇ, ਨ ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’ਤਿ? ‘ਨ ਹੇਤ੍ਥ, ਆવੁਸੋ, ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’ਤਿ। ‘ਸਾਧੁ, ਭਨ੍ਤੇ, ਯਦੇਤ੍ਥ ਨ ਕੋਚਿ ਗਿਹੀ ਅਹੋਸਿ ਓਦਾਤવਸਨੋ’’’ਤਿ।
‘‘Evaṃ vutte, bhante, hatthako maṃ etadavoca – ‘kaccittha, bhante, na koci gihī ahosi odātavasano’ti? ‘Na hettha, āvuso, koci gihī ahosi odātavasano’ti. ‘Sādhu, bhante, yadettha na koci gihī ahosi odātavasano’’’ti.
‘‘ਸਾਧੁ ਸਾਧੁ, ਭਿਕ੍ਖੁ! ਅਪ੍ਪਿਚ੍ਛੋ ਸੋ, ਭਿਕ੍ਖੁ, ਕੁਲਪੁਤ੍ਤੋ । ਸਨ੍ਤੇਯੇવ ਅਤ੍ਤਨਿ ਕੁਸਲਧਮ੍ਮੇ ਨ ਇਚ੍ਛਤਿ ਪਰੇਹਿ ਞਾਯਮਾਨੇ 1। ਤੇਨ ਹਿ ਤ੍વਂ, ਭਿਕ੍ਖੁ, ਇਮਿਨਾਪਿ ਅਟ੍ਠਮੇਨ ਅਚ੍ਛਰਿਯੇਨ ਅਬ੍ਭੁਤੇਨ ਧਮ੍ਮੇਨ ਸਮਨ੍ਨਾਗਤਂ ਹਤ੍ਥਕਂ ਆਲ਼વਕਂ ਧਾਰੇਹਿ, ਯਦਿਦਂ ਅਪ੍ਪਿਚ੍ਛਤਾਯਾ’’ਤਿ। ਤਤਿਯਂ।
‘‘Sādhu sādhu, bhikkhu! Appiccho so, bhikkhu, kulaputto . Santeyeva attani kusaladhamme na icchati parehi ñāyamāne 2. Tena hi tvaṃ, bhikkhu, imināpi aṭṭhamena acchariyena abbhutena dhammena samannāgataṃ hatthakaṃ āḷavakaṃ dhārehi, yadidaṃ appicchatāyā’’ti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੩. ਪਠਮਹਤ੍ਥਕਸੁਤ੍ਤવਣ੍ਣਨਾ • 3. Paṭhamahatthakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਪਠਮਉਗ੍ਗਸੁਤ੍ਤਾਦਿવਣ੍ਣਨਾ • 1-7. Paṭhamauggasuttādivaṇṇanā
