| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. பட²மஹத்த²பாதோ³பமஸுத்தங்
9. Paṭhamahatthapādopamasuttaṃ
236. ‘‘ஹத்தே²ஸு , பி⁴க்க²வே, ஸதி ஆதா³னநிக்கே²பனங் பஞ்ஞாயதி; பாதே³ஸு ஸதி அபி⁴க்கமபடிக்கமோ பஞ்ஞாயதி; பப்³பே³ஸு ஸதி ஸமிஞ்ஜனபஸாரணங் பஞ்ஞாயதி; குச்சி²ஸ்மிங் ஸதி ஜிக⁴ச்சா² பிபாஸா பஞ்ஞாயதி. ஏவமேவ கோ², பி⁴க்க²வே, சக்கு²ஸ்மிங் ஸதி சக்கு²ஸம்ப²ஸ்ஸபச்சயா உப்பஜ்ஜதி அஜ்ஜ²த்தங் ஸுக²ங் து³க்க²ங்…பே॰… ஜிவ்ஹாய ஸதி ஜிவ்ஹாஸம்ப²ஸ்ஸபச்சயா உப்பஜ்ஜதி அஜ்ஜ²த்தங் ஸுக²ங் து³க்க²ங்…பே॰… மனஸ்மிங் ஸதி மனோஸம்ப²ஸ்ஸபச்சயா உப்பஜ்ஜதி அஜ்ஜ²த்தங் ஸுக²ங் து³க்க²ங்…பே॰….
236. ‘‘Hatthesu , bhikkhave, sati ādānanikkhepanaṃ paññāyati; pādesu sati abhikkamapaṭikkamo paññāyati; pabbesu sati samiñjanapasāraṇaṃ paññāyati; kucchismiṃ sati jighacchā pipāsā paññāyati. Evameva kho, bhikkhave, cakkhusmiṃ sati cakkhusamphassapaccayā uppajjati ajjhattaṃ sukhaṃ dukkhaṃ…pe… jivhāya sati jivhāsamphassapaccayā uppajjati ajjhattaṃ sukhaṃ dukkhaṃ…pe… manasmiṃ sati manosamphassapaccayā uppajjati ajjhattaṃ sukhaṃ dukkhaṃ…pe….
‘‘ஹத்தே²ஸு, பி⁴க்க²வே, அஸதி ஆதா³னநிக்கே²பனங் ந பஞ்ஞாயதி; பாதே³ஸு அஸதி அபி⁴க்கமபடிக்கமோ ந பஞ்ஞாயதி; பப்³பே³ஸு அஸதி ஸமிஞ்ஜனபஸாரணங் ந பஞ்ஞாயதி; குச்சி²ஸ்மிங் அஸதி ஜிக⁴ச்சா² பிபாஸா ந பஞ்ஞாயதி. ஏவமேவ கோ², பி⁴க்க²வே, சக்கு²ஸ்மிங் அஸதி சக்கு²ஸம்ப²ஸ்ஸபச்சயா நுப்பஜ்ஜதி அஜ்ஜ²த்தங் ஸுக²ங் து³க்க²ங்…பே॰… ஜிவ்ஹாய அஸதி ஜிவ்ஹாஸம்ப²ஸ்ஸபச்சயா நுப்பஜ்ஜதி…பே॰… மனஸ்மிங் அஸதி மனோஸம்ப²ஸ்ஸபச்சயா நுப்பஜ்ஜதி அஜ்ஜ²த்தங் ஸுக²ங் து³க்க²’’ந்தி. நவமங்.
‘‘Hatthesu, bhikkhave, asati ādānanikkhepanaṃ na paññāyati; pādesu asati abhikkamapaṭikkamo na paññāyati; pabbesu asati samiñjanapasāraṇaṃ na paññāyati; kucchismiṃ asati jighacchā pipāsā na paññāyati. Evameva kho, bhikkhave, cakkhusmiṃ asati cakkhusamphassapaccayā nuppajjati ajjhattaṃ sukhaṃ dukkhaṃ…pe… jivhāya asati jivhāsamphassapaccayā nuppajjati…pe… manasmiṃ asati manosamphassapaccayā nuppajjati ajjhattaṃ sukhaṃ dukkha’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9-10. பட²மஹத்த²பாதோ³பமஸுத்தாதி³வண்ணனா • 9-10. Paṭhamahatthapādopamasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9-10. பட²மஹத்த²பாதோ³பமஸுத்தாதி³வண்ணனா • 9-10. Paṭhamahatthapādopamasuttādivaṇṇanā
