| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. ਪਠਮਹਤ੍ਥਪਾਦੋਪਮਸੁਤ੍ਤਂ
9. Paṭhamahatthapādopamasuttaṃ
੨੩੬. ‘‘ਹਤ੍ਥੇਸੁ , ਭਿਕ੍ਖવੇ, ਸਤਿ ਆਦਾਨਨਿਕ੍ਖੇਪਨਂ ਪਞ੍ਞਾਯਤਿ; ਪਾਦੇਸੁ ਸਤਿ ਅਭਿਕ੍ਕਮਪਟਿਕ੍ਕਮੋ ਪਞ੍ਞਾਯਤਿ; ਪਬ੍ਬੇਸੁ ਸਤਿ ਸਮਿਞ੍ਜਨਪਸਾਰਣਂ ਪਞ੍ਞਾਯਤਿ; ਕੁਚ੍ਛਿਸ੍ਮਿਂ ਸਤਿ ਜਿਘਚ੍ਛਾ ਪਿਪਾਸਾ ਪਞ੍ਞਾਯਤਿ। ਏવਮੇવ ਖੋ, ਭਿਕ੍ਖવੇ, ਚਕ੍ਖੁਸ੍ਮਿਂ ਸਤਿ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਂ ਦੁਕ੍ਖਂ…ਪੇ॰… ਜਿવ੍ਹਾਯ ਸਤਿ ਜਿવ੍ਹਾਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਂ ਦੁਕ੍ਖਂ…ਪੇ॰… ਮਨਸ੍ਮਿਂ ਸਤਿ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਂ ਦੁਕ੍ਖਂ…ਪੇ॰…।
236. ‘‘Hatthesu , bhikkhave, sati ādānanikkhepanaṃ paññāyati; pādesu sati abhikkamapaṭikkamo paññāyati; pabbesu sati samiñjanapasāraṇaṃ paññāyati; kucchismiṃ sati jighacchā pipāsā paññāyati. Evameva kho, bhikkhave, cakkhusmiṃ sati cakkhusamphassapaccayā uppajjati ajjhattaṃ sukhaṃ dukkhaṃ…pe… jivhāya sati jivhāsamphassapaccayā uppajjati ajjhattaṃ sukhaṃ dukkhaṃ…pe… manasmiṃ sati manosamphassapaccayā uppajjati ajjhattaṃ sukhaṃ dukkhaṃ…pe….
‘‘ਹਤ੍ਥੇਸੁ, ਭਿਕ੍ਖવੇ, ਅਸਤਿ ਆਦਾਨਨਿਕ੍ਖੇਪਨਂ ਨ ਪਞ੍ਞਾਯਤਿ; ਪਾਦੇਸੁ ਅਸਤਿ ਅਭਿਕ੍ਕਮਪਟਿਕ੍ਕਮੋ ਨ ਪਞ੍ਞਾਯਤਿ; ਪਬ੍ਬੇਸੁ ਅਸਤਿ ਸਮਿਞ੍ਜਨਪਸਾਰਣਂ ਨ ਪਞ੍ਞਾਯਤਿ; ਕੁਚ੍ਛਿਸ੍ਮਿਂ ਅਸਤਿ ਜਿਘਚ੍ਛਾ ਪਿਪਾਸਾ ਨ ਪਞ੍ਞਾਯਤਿ। ਏવਮੇવ ਖੋ, ਭਿਕ੍ਖવੇ, ਚਕ੍ਖੁਸ੍ਮਿਂ ਅਸਤਿ ਚਕ੍ਖੁਸਮ੍ਫਸ੍ਸਪਚ੍ਚਯਾ ਨੁਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਂ ਦੁਕ੍ਖਂ…ਪੇ॰… ਜਿવ੍ਹਾਯ ਅਸਤਿ ਜਿવ੍ਹਾਸਮ੍ਫਸ੍ਸਪਚ੍ਚਯਾ ਨੁਪ੍ਪਜ੍ਜਤਿ…ਪੇ॰… ਮਨਸ੍ਮਿਂ ਅਸਤਿ ਮਨੋਸਮ੍ਫਸ੍ਸਪਚ੍ਚਯਾ ਨੁਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਂ ਦੁਕ੍ਖ’’ਨ੍ਤਿ। ਨવਮਂ।
‘‘Hatthesu, bhikkhave, asati ādānanikkhepanaṃ na paññāyati; pādesu asati abhikkamapaṭikkamo na paññāyati; pabbesu asati samiñjanapasāraṇaṃ na paññāyati; kucchismiṃ asati jighacchā pipāsā na paññāyati. Evameva kho, bhikkhave, cakkhusmiṃ asati cakkhusamphassapaccayā nuppajjati ajjhattaṃ sukhaṃ dukkhaṃ…pe… jivhāya asati jivhāsamphassapaccayā nuppajjati…pe… manasmiṃ asati manosamphassapaccayā nuppajjati ajjhattaṃ sukhaṃ dukkha’’nti. Navamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੯-੧੦. ਪਠਮਹਤ੍ਥਪਾਦੋਪਮਸੁਤ੍ਤਾਦਿવਣ੍ਣਨਾ • 9-10. Paṭhamahatthapādopamasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੯-੧੦. ਪਠਮਹਤ੍ਥਪਾਦੋਪਮਸੁਤ੍ਤਾਦਿવਣ੍ਣਨਾ • 9-10. Paṭhamahatthapādopamasuttādivaṇṇanā
