| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. পঠমহিতসুত্তং
7. Paṭhamahitasuttaṃ
১৭. ‘‘পঞ্চহি , ভিক্খৰে, ধম্মেহি সমন্নাগতো ভিক্খু অত্তহিতায পটিপন্নো হোতি, নো পরহিতায। কতমেহি পঞ্চহি? ইধ, ভিক্খৰে, ভিক্খু অত্তনা সীলসম্পন্নো হোতি, নো পরং সীলসম্পদায সমাদপেতি; অত্তনা সমাধিসম্পন্নো হোতি, নো পরং সমাধিসম্পদায সমাদপেতি; অত্তনা পঞ্ঞাসম্পন্নো হোতি, নো পরং পঞ্ঞাসম্পদায সমাদপেতি; অত্তনা ৰিমুত্তিসম্পন্নো হোতি, নো পরং ৰিমুত্তিসম্পদায সমাদপেতি; অত্তনা ৰিমুত্তিঞাণদস্সনসম্পন্নো হোতি, নো পরং ৰিমুত্তিঞাণদস্সনসম্পদায সমাদপেতি। ইমেহি খো, ভিক্খৰে, পঞ্চহি অঙ্গেহি সমন্নাগতো ভিক্খু অত্তহিতায পটিপন্নো হোতি, নো পরহিতাযা’’তি। সত্তমং।
17. ‘‘Pañcahi , bhikkhave, dhammehi samannāgato bhikkhu attahitāya paṭipanno hoti, no parahitāya. Katamehi pañcahi? Idha, bhikkhave, bhikkhu attanā sīlasampanno hoti, no paraṃ sīlasampadāya samādapeti; attanā samādhisampanno hoti, no paraṃ samādhisampadāya samādapeti; attanā paññāsampanno hoti, no paraṃ paññāsampadāya samādapeti; attanā vimuttisampanno hoti, no paraṃ vimuttisampadāya samādapeti; attanā vimuttiñāṇadassanasampanno hoti, no paraṃ vimuttiñāṇadassanasampadāya samādapeti. Imehi kho, bhikkhave, pañcahi aṅgehi samannāgato bhikkhu attahitāya paṭipanno hoti, no parahitāyā’’ti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. পঠমহিতসুত্তৰণ্ণনা • 7. Paṭhamahitasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৫-১০. দট্ঠব্বসুত্তাদিৰণ্ণনা • 5-10. Daṭṭhabbasuttādivaṇṇanā
