| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
7. පඨමඉද්‌ධිපාදසුත්‌තං
7. Paṭhamaiddhipādasuttaṃ
‘‘කතමෙ පඤ්‌ච? ඉධ, භික්‌ඛවෙ, භික්‌ඛු ඡන්‌දසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති, වීරියසමාධි…පෙ.… චිත්‌තසමාධි… වීමංසාසමාධිපධානසඞ්‌ඛාරසමන්‌නාගතං ඉද්‌ධිපාදං භාවෙති, උස්‌සොළ්‌හිඤ්‌ඤෙව පඤ්‌චමිං 5. යො හි කොචි, භික්‌ඛවෙ, භික්‌ඛු වා භික්‌ඛුනී වා ඉමෙ පඤ්‌ච ධම්‌මෙ භාවෙති, ඉමෙ පඤ්‌ච ධම්‌මෙ බහුලීකරොති, තස්‌ස ද්‌වින්‌නං ඵලානං අඤ්‌ඤතරං ඵලං පාටිකඞ්‌ඛං – දිට්‌ඨෙව ධම්‌මෙ අඤ්‌ඤා, සති වා උපාදිසෙසෙ අනාගාමිතා’’ති. සත්‌තමං.
‘‘Katame pañca? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti, ussoḷhiññeva pañcamiṃ 6. Yo hi koci, bhikkhave, bhikkhu vā bhikkhunī vā ime pañca dhamme bhāveti, ime pañca dhamme bahulīkaroti, tassa dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 7-10. පඨමඉද්‌ධිපාදසුත්‌තාදිවණ්‌ණනා • 7-10. Paṭhamaiddhipādasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6-10. සාජීවසුත්‌තාදිවණ්‌ණනා • 6-10. Sājīvasuttādivaṇṇanā
