| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৯-১০. পঠমইধলোকিকসুত্তাদিৰণ্ণনা
9-10. Paṭhamaidhalokikasuttādivaṇṇanā
৪৯-৫০. নৰমে ইধলোকৰিজযাযাতি ইধলোকৰিজিননত্থায অভিভৰত্থায। যো হি দিট্ঠধম্মিকং অনত্থং পরিৰজ্জনৰসেন অভিভৰতি, ততো এৰ তদত্থং সম্পাদেতি, সো ইধলোকৰিজযায পটিপন্নো নাম হোতি পচ্চত্থিকনিগ্গণ্হনতো সদত্থসম্পাদনতো চ। তেনাহ ‘‘অযংস লোকো আরদ্ধো হোতী’’তি। (পসংসাৰহতো তযিদং পসংসাৰহনং কিত্তিসদ্দেন ইধলোকে সদ্দানং চিত্ততোসনৰিদ্ধেয্যভাৰাপাদনেন চ হোতীতি দট্ঠব্বং।) সুসংৰিহিতকম্মন্তোতি যাগুভত্তপচনকালাদীনি অনতিক্কমিত্ৰা তস্স তস্স সাধুকং করণেন সুট্ঠু সংৰিহিতকম্মন্তো। পরলোকৰিজযাযাতি পরলোকস্স ৰিজিননত্থায অভিভৰত্থায। যো হি সম্পরাযিকং অনত্থং পরিৰজ্জনৰসেন অভিভৰতি, ততো এৰ তদত্থং সম্পাদেতি, সো পরলোকৰিজযায পটিপন্নো নাম হোতি। সেসং সব্বত্থ উত্তানমেৰ।
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
পঠমইধলোকিকসুত্তাদিৰণ্ণনা নিট্ঠিতা।
Paṭhamaidhalokikasuttādivaṇṇanā niṭṭhitā.
উপোসথৰগ্গৰণ্ণনা নিট্ঠিতা।
Uposathavaggavaṇṇanā niṭṭhitā.
পঠমপণ্ণাসকং নিট্ঠিতং।
Paṭhamapaṇṇāsakaṃ niṭṭhitaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৯. পঠমইধলোকিকসুত্তং • 9. Paṭhamaidhalokikasuttaṃ
১০. দুতিযইধলোকিকসুত্তং • 10. Dutiyaidhalokikasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৯-১০. ইধলোকিকসুত্তদ্ৰযৰণ্ণনা • 9-10. Idhalokikasuttadvayavaṇṇanā
