| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၉-၁၀. ပဌမဣဓလောကိကသုတ္တာဒိဝဏ္ဏနာ
9-10. Paṭhamaidhalokikasuttādivaṇṇanā
၄၉-၅၀. နဝမေ ဣဓလောကဝိဇယာယာတိ ဣဓလောကဝိဇိနနတ္ထာယ အဘိဘဝတ္ထာယ။ ယော ဟိ ဒိဋ္ဌဓမ္မိကံ အနတ္ထံ ပရိဝဇ္ဇနဝသေန အဘိဘဝတိ, တတော ဧဝ တဒတ္ထံ သမ္ပာဒေတိ, သော ဣဓလောကဝိဇယာယ ပဋိပန္နော နာမ ဟောတိ ပစ္စတ္ထိကနိဂ္ဂဏ္ဟနတော သဒတ္ထသမ္ပာဒနတော စ။ တေနာဟ ‘‘အယံသ လောကော အာရဒ္ဓော ဟောတီ’’တိ။ (ပသံသာဝဟတော တယိဒံ ပသံသာဝဟနံ ကိတ္တိသဒ္ဒေန ဣဓလောကေ သဒ္ဒာနံ စိတ္တတောသနဝိဒ္ဓေယ္ယဘာဝာပာဒနေန စ ဟောတီတိ ဒဋ္ဌဗ္ဗံ။) သုသံဝိဟိတကမ္မန္တောတိ ယာဂုဘတ္တပစနကာလာဒီနိ အနတိက္ကမိတ္ဝာ တသ္သ တသ္သ သာဓုကံ ကရဏေန သုဋ္ဌု သံဝိဟိတကမ္မန္တော။ ပရလောကဝိဇယာယာတိ ပရလောကသ္သ ဝိဇိနနတ္ထာယ အဘိဘဝတ္ထာယ။ ယော ဟိ သမ္ပရာယိကံ အနတ္ထံ ပရိဝဇ္ဇနဝသေန အဘိဘဝတိ, တတော ဧဝ တဒတ္ထံ သမ္ပာဒေတိ, သော ပရလောကဝိဇယာယ ပဋိပန္နော နာမ ဟောတိ။ သေသံ သဗ္ဗတ္ထ ဥတ္တာနမေဝ။
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
ပဌမဣဓလောကိကသုတ္တာဒိဝဏ္ဏနာ နိဋ္ဌိတာ။
Paṭhamaidhalokikasuttādivaṇṇanā niṭṭhitā.
ဥပောသထဝဂ္ဂဝဏ္ဏနာ နိဋ္ဌိတာ။
Uposathavaggavaṇṇanā niṭṭhitā.
ပဌမပဏ္ဏာသကံ နိဋ္ဌိတံ။
Paṭhamapaṇṇāsakaṃ niṭṭhitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၉. ပဌမဣဓလောကိကသုတ္တံ • 9. Paṭhamaidhalokikasuttaṃ
၁၀. ဒုတိယဣဓလောကိကသုတ္တံ • 10. Dutiyaidhalokikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉-၁၀. ဣဓလောကိကသုတ္တဒ္ဝယဝဏ္ဏနာ • 9-10. Idhalokikasuttadvayavaṇṇanā
