| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
9-10. පඨමඉධලොකිකසුත්‌තාදිවණ්‌ණනා
9-10. Paṭhamaidhalokikasuttādivaṇṇanā
49-50. නවමෙ ඉධලොකවිජයායාති ඉධලොකවිජිනනත්‌ථාය අභිභවත්‌ථාය. යො හි දිට්‌ඨධම්‌මිකං අනත්‌ථං පරිවජ්‌ජනවසෙන අභිභවති, තතො එව තදත්‌ථං සම්‌පාදෙති, සො ඉධලොකවිජයාය පටිපන්‌නො නාම හොති පච්‌චත්‌ථිකනිග්‌ගණ්‌හනතො සදත්‌ථසම්‌පාදනතො ච. තෙනාහ ‘‘අයංස ලොකො ආරද්‌ධො හොතී’’ති. (පසංසාවහතො තයිදං පසංසාවහනං කිත්‌තිසද්‌දෙන ඉධලොකෙ සද්‌දානං චිත්‌තතොසනවිද්‌ධෙය්‍යභාවාපාදනෙන ච හොතීති දට්‌ඨබ්‌බං.) සුසංවිහිතකම්‌මන්‌තොති යාගුභත්‌තපචනකාලාදීනි අනතික්‌කමිත්‌වා තස්‌ස තස්‌ස සාධුකං කරණෙන සුට්‌ඨු සංවිහිතකම්‌මන්‌තො. පරලොකවිජයායාති පරලොකස්‌ස විජිනනත්‌ථාය අභිභවත්‌ථාය. යො හි සම්‌පරායිකං අනත්‌ථං පරිවජ්‌ජනවසෙන අභිභවති, තතො එව තදත්‌ථං සම්‌පාදෙති, සො පරලොකවිජයාය පටිපන්‌නො නාම හොති. සෙසං සබ්‌බත්‌ථ උත්‌තානමෙව.
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
පඨමඉධලොකිකසුත්‌තාදිවණ්‌ණනා නිට්‌ඨිතා.
Paṭhamaidhalokikasuttādivaṇṇanā niṭṭhitā.
උපොසථවග්‌ගවණ්‌ණනා නිට්‌ඨිතා.
Uposathavaggavaṇṇanā niṭṭhitā.
පඨමපණ්‌ණාසකං නිට්‌ඨිතං.
Paṭhamapaṇṇāsakaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
9. පඨමඉධලොකිකසුත්‌තං • 9. Paṭhamaidhalokikasuttaṃ
10. දුතියඉධලොකිකසුත්‌තං • 10. Dutiyaidhalokikasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9-10. ඉධලොකිකසුත්‌තද්‌වයවණ්‌ණනා • 9-10. Idhalokikasuttadvayavaṇṇanā
