| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൯-൧൦. പഠമഇധലോകികസുത്താദിവണ്ണനാ
9-10. Paṭhamaidhalokikasuttādivaṇṇanā
൪൯-൫൦. നവമേ ഇധലോകവിജയായാതി ഇധലോകവിജിനനത്ഥായ അഭിഭവത്ഥായ. യോ ഹി ദിട്ഠധമ്മികം അനത്ഥം പരിവജ്ജനവസേന അഭിഭവതി, തതോ ഏവ തദത്ഥം സമ്പാദേതി, സോ ഇധലോകവിജയായ പടിപന്നോ നാമ ഹോതി പച്ചത്ഥികനിഗ്ഗണ്ഹനതോ സദത്ഥസമ്പാദനതോ ച. തേനാഹ ‘‘അയംസ ലോകോ ആരദ്ധോ ഹോതീ’’തി. (പസംസാവഹതോ തയിദം പസംസാവഹനം കിത്തിസദ്ദേന ഇധലോകേ സദ്ദാനം ചിത്തതോസനവിദ്ധേയ്യഭാവാപാദനേന ച ഹോതീതി ദട്ഠബ്ബം.) സുസംവിഹിതകമ്മന്തോതി യാഗുഭത്തപചനകാലാദീനി അനതിക്കമിത്വാ തസ്സ തസ്സ സാധുകം കരണേന സുട്ഠു സംവിഹിതകമ്മന്തോ. പരലോകവിജയായാതി പരലോകസ്സ വിജിനനത്ഥായ അഭിഭവത്ഥായ. യോ ഹി സമ്പരായികം അനത്ഥം പരിവജ്ജനവസേന അഭിഭവതി, തതോ ഏവ തദത്ഥം സമ്പാദേതി, സോ പരലോകവിജയായ പടിപന്നോ നാമ ഹോതി. സേസം സബ്ബത്ഥ ഉത്താനമേവ.
49-50. Navame idhalokavijayāyāti idhalokavijinanatthāya abhibhavatthāya. Yo hi diṭṭhadhammikaṃ anatthaṃ parivajjanavasena abhibhavati, tato eva tadatthaṃ sampādeti, so idhalokavijayāya paṭipanno nāma hoti paccatthikaniggaṇhanato sadatthasampādanato ca. Tenāha ‘‘ayaṃsa loko āraddho hotī’’ti. (Pasaṃsāvahato tayidaṃ pasaṃsāvahanaṃ kittisaddena idhaloke saddānaṃ cittatosanaviddheyyabhāvāpādanena ca hotīti daṭṭhabbaṃ.) Susaṃvihitakammantoti yāgubhattapacanakālādīni anatikkamitvā tassa tassa sādhukaṃ karaṇena suṭṭhu saṃvihitakammanto. Paralokavijayāyāti paralokassa vijinanatthāya abhibhavatthāya. Yo hi samparāyikaṃ anatthaṃ parivajjanavasena abhibhavati, tato eva tadatthaṃ sampādeti, so paralokavijayāya paṭipanno nāma hoti. Sesaṃ sabbattha uttānameva.
പഠമഇധലോകികസുത്താദിവണ്ണനാ നിട്ഠിതാ.
Paṭhamaidhalokikasuttādivaṇṇanā niṭṭhitā.
ഉപോസഥവഗ്ഗവണ്ണനാ നിട്ഠിതാ.
Uposathavaggavaṇṇanā niṭṭhitā.
പഠമപണ്ണാസകം നിട്ഠിതം.
Paṭhamapaṇṇāsakaṃ niṭṭhitaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya
൯. പഠമഇധലോകികസുത്തം • 9. Paṭhamaidhalokikasuttaṃ
൧൦. ദുതിയഇധലോകികസുത്തം • 10. Dutiyaidhalokikasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൯-൧൦. ഇധലോകികസുത്തദ്വയവണ്ണനാ • 9-10. Idhalokikasuttadvayavaṇṇanā
