| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. பட²மஇஸித³த்தஸுத்தவண்ணனா
2. Paṭhamaisidattasuttavaṇṇanā
344. து³தியே ஆயஸ்மந்தங் தே²ரந்தி தேஸு தே²ரேஸு ஜெட்ட²கங் மஹாதே²ரங். துண்ஹீ அஹோஸீதி ஜானந்தோபி அவிஸாரத³த்தா ந கிஞ்சி ப்³யாஹரி. ப்³யாகரோமஹங் ப⁴ந்தேதி ‘‘அயங் தே²ரோ நேவ அத்தனா ப்³யாகரோதி, ந அஞ்ஞே அஜ்ஜே²ஸதி, உபாஸகோபி பி⁴க்கு²ஸங்க⁴ங் விஹேஸேதி, அஹமேதங் ப்³யாகரித்வா பா²ஸுவிஹாரங் கத்வா த³ஸ்ஸாமீ’’தி சிந்தெத்வா ஆஸனதோ வுட்டா²ய தே²ரஸ்ஸ ஸந்திகங் க³ந்த்வா ஏவங் ஓகாஸமகாஸி, கதாவகாஸோ பன அத்தனோ ஆஸனே நிஸீதி³த்வா ப்³யாகாஸி.
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
ஸஹத்தா²தி ஸஹத்தே²ன. ஸந்தப்பேஸீதி யாவதி³ச்ச²கங் தெ³ந்தோ ஸுட்டு² தப்பேஸி. ஸம்பவாரேஸீதி ‘‘அலங் அல’’ந்தி ஹத்த²ஸஞ்ஞாய சேவ வாசாய ச படிக்கி²பாபேஸி. ஓனீதபத்தபாணினோதி பாணிதோ அபனீதபத்தா தோ⁴வித்வா த²விகாய ஓஸாபெத்வா அங்ஸே லக்³கி³தபத்தாதி அத்தோ².
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பட²மஇஸித³த்தஸுத்தங் • 2. Paṭhamaisidattasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பட²மஇஸித³த்தஸுத்தவண்ணனா • 2. Paṭhamaisidattasuttavaṇṇanā
