| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. পঠমইসিদত্তসুত্তৰণ্ণনা
2. Paṭhamaisidattasuttavaṇṇanā
৩৪৪. দুতিযে আযস্মন্তং থেরন্তি তেসু থেরেসু জেট্ঠকং মহাথেরং। তুণ্হী অহোসীতি জানন্তোপি অৰিসারদত্তা ন কিঞ্চি ব্যাহরি। ব্যাকরোমহং ভন্তেতি ‘‘অযং থেরো নেৰ অত্তনা ব্যাকরোতি, ন অঞ্ঞে অজ্ঝেসতি, উপাসকোপি ভিক্খুসঙ্ঘং ৰিহেসেতি, অহমেতং ব্যাকরিত্ৰা ফাসুৰিহারং কত্ৰা দস্সামী’’তি চিন্তেত্ৰা আসনতো ৰুট্ঠায থেরস্স সন্তিকং গন্ত্ৰা এৰং ওকাসমকাসি, কতাৰকাসো পন অত্তনো আসনে নিসীদিত্ৰা ব্যাকাসি।
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
সহত্থাতি সহত্থেন। সন্তপ্পেসীতি যাৰদিচ্ছকং দেন্তো সুট্ঠু তপ্পেসি। সম্পৰারেসীতি ‘‘অলং অল’’ন্তি হত্থসঞ্ঞায চেৰ ৰাচায চ পটিক্খিপাপেসি। ওনীতপত্তপাণিনোতি পাণিতো অপনীতপত্তা ধোৰিত্ৰা থৰিকায ওসাপেত্ৰা অংসে লগ্গিতপত্তাতি অত্থো।
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. পঠমইসিদত্তসুত্তং • 2. Paṭhamaisidattasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. পঠমইসিদত্তসুত্তৰণ্ণনা • 2. Paṭhamaisidattasuttavaṇṇanā
