| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
२. पठमइसिदत्तसुत्तवण्णना
2. Paṭhamaisidattasuttavaṇṇanā
३४४. दुतिये आयस्मन्तं थेरन्ति तेसु थेरेसु जेट्ठकं महाथेरं। तुण्ही अहोसीति जानन्तोपि अविसारदत्ता न किञ्चि ब्याहरि। ब्याकरोमहं भन्तेति ‘‘अयं थेरो नेव अत्तना ब्याकरोति, न अञ्ञे अज्झेसति, उपासकोपि भिक्खुसङ्घं विहेसेति, अहमेतं ब्याकरित्वा फासुविहारं कत्वा दस्सामी’’ति चिन्तेत्वा आसनतो वुट्ठाय थेरस्स सन्तिकं गन्त्वा एवं ओकासमकासि, कतावकासो पन अत्तनो आसने निसीदित्वा ब्याकासि।
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
सहत्थाति सहत्थेन। सन्तप्पेसीति यावदिच्छकं देन्तो सुट्ठु तप्पेसि। सम्पवारेसीति ‘‘अलं अल’’न्ति हत्थसञ्ञाय चेव वाचाय च पटिक्खिपापेसि। ओनीतपत्तपाणिनोति पाणितो अपनीतपत्ता धोवित्वा थविकाय ओसापेत्वा अंसे लग्गितपत्ताति अत्थो।
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. पठमइसिदत्तसुत्तं • 2. Paṭhamaisidattasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. पठमइसिदत्तसुत्तवण्णना • 2. Paṭhamaisidattasuttavaṇṇanā
