| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೨. ಪಠಮಇಸಿದತ್ತಸುತ್ತವಣ್ಣನಾ
2. Paṭhamaisidattasuttavaṇṇanā
೩೪೪. ದುತಿಯೇ ಆಯಸ್ಮನ್ತಂ ಥೇರನ್ತಿ ತೇಸು ಥೇರೇಸು ಜೇಟ್ಠಕಂ ಮಹಾಥೇರಂ। ತುಣ್ಹೀ ಅಹೋಸೀತಿ ಜಾನನ್ತೋಪಿ ಅವಿಸಾರದತ್ತಾ ನ ಕಿಞ್ಚಿ ಬ್ಯಾಹರಿ। ಬ್ಯಾಕರೋಮಹಂ ಭನ್ತೇತಿ ‘‘ಅಯಂ ಥೇರೋ ನೇವ ಅತ್ತನಾ ಬ್ಯಾಕರೋತಿ, ನ ಅಞ್ಞೇ ಅಜ್ಝೇಸತಿ, ಉಪಾಸಕೋಪಿ ಭಿಕ್ಖುಸಙ್ಘಂ ವಿಹೇಸೇತಿ, ಅಹಮೇತಂ ಬ್ಯಾಕರಿತ್ವಾ ಫಾಸುವಿಹಾರಂ ಕತ್ವಾ ದಸ್ಸಾಮೀ’’ತಿ ಚಿನ್ತೇತ್ವಾ ಆಸನತೋ ವುಟ್ಠಾಯ ಥೇರಸ್ಸ ಸನ್ತಿಕಂ ಗನ್ತ್ವಾ ಏವಂ ಓಕಾಸಮಕಾಸಿ, ಕತಾವಕಾಸೋ ಪನ ಅತ್ತನೋ ಆಸನೇ ನಿಸೀದಿತ್ವಾ ಬ್ಯಾಕಾಸಿ।
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
ಸಹತ್ಥಾತಿ ಸಹತ್ಥೇನ। ಸನ್ತಪ್ಪೇಸೀತಿ ಯಾವದಿಚ್ಛಕಂ ದೇನ್ತೋ ಸುಟ್ಠು ತಪ್ಪೇಸಿ। ಸಮ್ಪವಾರೇಸೀತಿ ‘‘ಅಲಂ ಅಲ’’ನ್ತಿ ಹತ್ಥಸಞ್ಞಾಯ ಚೇವ ವಾಚಾಯ ಚ ಪಟಿಕ್ಖಿಪಾಪೇಸಿ। ಓನೀತಪತ್ತಪಾಣಿನೋತಿ ಪಾಣಿತೋ ಅಪನೀತಪತ್ತಾ ಧೋವಿತ್ವಾ ಥವಿಕಾಯ ಓಸಾಪೇತ್ವಾ ಅಂಸೇ ಲಗ್ಗಿತಪತ್ತಾತಿ ಅತ್ಥೋ।
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೨. ಪಠಮಇಸಿದತ್ತಸುತ್ತಂ • 2. Paṭhamaisidattasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೨. ಪಠಮಇಸಿದತ್ತಸುತ್ತವಣ್ಣನಾ • 2. Paṭhamaisidattasuttavaṇṇanā
