| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਪਠਮਇਸਿਦਤ੍ਤਸੁਤ੍ਤવਣ੍ਣਨਾ
2. Paṭhamaisidattasuttavaṇṇanā
੩੪੪. ਦੁਤਿਯੇ ਆਯਸ੍ਮਨ੍ਤਂ ਥੇਰਨ੍ਤਿ ਤੇਸੁ ਥੇਰੇਸੁ ਜੇਟ੍ਠਕਂ ਮਹਾਥੇਰਂ। ਤੁਣ੍ਹੀ ਅਹੋਸੀਤਿ ਜਾਨਨ੍ਤੋਪਿ ਅવਿਸਾਰਦਤ੍ਤਾ ਨ ਕਿਞ੍ਚਿ ਬ੍ਯਾਹਰਿ। ਬ੍ਯਾਕਰੋਮਹਂ ਭਨ੍ਤੇਤਿ ‘‘ਅਯਂ ਥੇਰੋ ਨੇવ ਅਤ੍ਤਨਾ ਬ੍ਯਾਕਰੋਤਿ, ਨ ਅਞ੍ਞੇ ਅਜ੍ਝੇਸਤਿ, ਉਪਾਸਕੋਪਿ ਭਿਕ੍ਖੁਸਙ੍ਘਂ વਿਹੇਸੇਤਿ, ਅਹਮੇਤਂ ਬ੍ਯਾਕਰਿਤ੍વਾ ਫਾਸੁવਿਹਾਰਂ ਕਤ੍વਾ ਦਸ੍ਸਾਮੀ’’ਤਿ ਚਿਨ੍ਤੇਤ੍વਾ ਆਸਨਤੋ વੁਟ੍ਠਾਯ ਥੇਰਸ੍ਸ ਸਨ੍ਤਿਕਂ ਗਨ੍ਤ੍વਾ ਏવਂ ਓਕਾਸਮਕਾਸਿ, ਕਤਾવਕਾਸੋ ਪਨ ਅਤ੍ਤਨੋ ਆਸਨੇ ਨਿਸੀਦਿਤ੍વਾ ਬ੍ਯਾਕਾਸਿ।
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
ਸਹਤ੍ਥਾਤਿ ਸਹਤ੍ਥੇਨ। ਸਨ੍ਤਪ੍ਪੇਸੀਤਿ ਯਾવਦਿਚ੍ਛਕਂ ਦੇਨ੍ਤੋ ਸੁਟ੍ਠੁ ਤਪ੍ਪੇਸਿ। ਸਮ੍ਪવਾਰੇਸੀਤਿ ‘‘ਅਲਂ ਅਲ’’ਨ੍ਤਿ ਹਤ੍ਥਸਞ੍ਞਾਯ ਚੇવ વਾਚਾਯ ਚ ਪਟਿਕ੍ਖਿਪਾਪੇਸਿ। ਓਨੀਤਪਤ੍ਤਪਾਣਿਨੋਤਿ ਪਾਣਿਤੋ ਅਪਨੀਤਪਤ੍ਤਾ ਧੋવਿਤ੍વਾ ਥવਿਕਾਯ ਓਸਾਪੇਤ੍વਾ ਅਂਸੇ ਲਗ੍ਗਿਤਪਤ੍ਤਾਤਿ ਅਤ੍ਥੋ।
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਪਠਮਇਸਿਦਤ੍ਤਸੁਤ੍ਤਂ • 2. Paṭhamaisidattasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਪਠਮਇਸਿਦਤ੍ਤਸੁਤ੍ਤવਣ੍ਣਨਾ • 2. Paṭhamaisidattasuttavaṇṇanā
