| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. പഠമഇസിദത്തസുത്തവണ്ണനാ
2. Paṭhamaisidattasuttavaṇṇanā
൩൪൪. ദുതിയേ ആയസ്മന്തം ഥേരന്തി തേസു ഥേരേസു ജേട്ഠകം മഹാഥേരം. തുണ്ഹീ അഹോസീതി ജാനന്തോപി അവിസാരദത്താ ന കിഞ്ചി ബ്യാഹരി. ബ്യാകരോമഹം ഭന്തേതി ‘‘അയം ഥേരോ നേവ അത്തനാ ബ്യാകരോതി, ന അഞ്ഞേ അജ്ഝേസതി, ഉപാസകോപി ഭിക്ഖുസങ്ഘം വിഹേസേതി, അഹമേതം ബ്യാകരിത്വാ ഫാസുവിഹാരം കത്വാ ദസ്സാമീ’’തി ചിന്തേത്വാ ആസനതോ വുട്ഠായ ഥേരസ്സ സന്തികം ഗന്ത്വാ ഏവം ഓകാസമകാസി, കതാവകാസോ പന അത്തനോ ആസനേ നിസീദിത്വാ ബ്യാകാസി.
344. Dutiye āyasmantaṃ theranti tesu theresu jeṭṭhakaṃ mahātheraṃ. Tuṇhī ahosīti jānantopi avisāradattā na kiñci byāhari. Byākaromahaṃ bhanteti ‘‘ayaṃ thero neva attanā byākaroti, na aññe ajjhesati, upāsakopi bhikkhusaṅghaṃ viheseti, ahametaṃ byākaritvā phāsuvihāraṃ katvā dassāmī’’ti cintetvā āsanato vuṭṭhāya therassa santikaṃ gantvā evaṃ okāsamakāsi, katāvakāso pana attano āsane nisīditvā byākāsi.
സഹത്ഥാതി സഹത്ഥേന. സന്തപ്പേസീതി യാവദിച്ഛകം ദേന്തോ സുട്ഠു തപ്പേസി. സമ്പവാരേസീതി ‘‘അലം അല’’ന്തി ഹത്ഥസഞ്ഞായ ചേവ വാചായ ച പടിക്ഖിപാപേസി. ഓനീതപത്തപാണിനോതി പാണിതോ അപനീതപത്താ ധോവിത്വാ ഥവികായ ഓസാപേത്വാ അംസേ ലഗ്ഗിതപത്താതി അത്ഥോ.
Sahatthāti sahatthena. Santappesīti yāvadicchakaṃ dento suṭṭhu tappesi. Sampavāresīti ‘‘alaṃ ala’’nti hatthasaññāya ceva vācāya ca paṭikkhipāpesi. Onītapattapāṇinoti pāṇito apanītapattā dhovitvā thavikāya osāpetvā aṃse laggitapattāti attho.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൨. പഠമഇസിദത്തസുത്തം • 2. Paṭhamaisidattasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൨. പഠമഇസിദത്തസുത്തവണ്ണനാ • 2. Paṭhamaisidattasuttavaṇṇanā
