| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. мог̇г̇аллаанасам̣яуд̇д̇ам̣
6. Moggallānasaṃyuttaṃ
1. батамажхаанабан̃хаасуд̇д̇ам̣
1. Paṭhamajhānapañhāsuttaṃ
332. згам̣ самаяам̣ ааяасмаа махаамог̇г̇аллаано саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко ааяасмаа махаамог̇г̇аллаано бхигкуу ааманд̇зси – ‘‘аавусо, бхигкавз’’д̇и. ‘‘аавусо’’д̇и ко д̇з бхигкуу ааяасмад̇о махаамог̇г̇аллаанасса бажжассосум̣. ааяасмаа махаамог̇г̇аллаано зд̇ад̣̇авожа –
332. Ekaṃ samayaṃ āyasmā mahāmoggallāno sāvatthiyaṃ viharati jetavane anāthapiṇḍikassa ārāme. Tatra kho āyasmā mahāmoggallāno bhikkhū āmantesi – ‘‘āvuso, bhikkhave’’ti. ‘‘Āvuso’’ti kho te bhikkhū āyasmato mahāmoggallānassa paccassosuṃ. Āyasmā mahāmoggallāno etadavoca –
‘‘ид̇ха маяхам̣, аавусо, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘батамам̣ жхаанам̣, батамам̣ жхаана’нд̇и вужжад̇и. гад̇амам̣ ну ко батамам̣ жхаананд̇и? д̇асса маяхам̣, аавусо, зд̇ад̣̇ахоси – ‘ид̇ха бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и батамам̣ жхаана’нд̇и. со кваахам̣, аавусо, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихараами. д̇асса маяхам̣, аавусо, иминаа вихаарзна вихарад̇о гаамасахаг̇ад̇аа сан̃н̃ааманасигаараа самуд̣̇аажаранд̇и.
‘‘Idha mayhaṃ, āvuso, rahogatassa paṭisallīnassa evaṃ cetaso parivitakko udapādi – ‘paṭhamaṃ jhānaṃ, paṭhamaṃ jhāna’nti vuccati. Katamaṃ nu kho paṭhamaṃ jhānanti? Tassa mayhaṃ, āvuso, etadahosi – ‘idha bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Idaṃ vuccati paṭhamaṃ jhāna’nti. So khvāhaṃ, āvuso, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharāmi. Tassa mayhaṃ, āvuso, iminā vihārena viharato kāmasahagatā saññāmanasikārā samudācaranti.
‘‘ат̇а ко мам̣, аавусо, бхаг̇аваа ид̣̇д̇хияаа убасан̇гамид̇ваа зд̇ад̣̇авожа – ‘мог̇г̇аллаана, мог̇г̇аллаана! маа, б̣раахман̣а, батамам̣ жхаанам̣ бамаад̣̇о, батамз жхаанз жид̇д̇ам̣ сан̣табзхи, батамз жхаанз жид̇д̇ам̣ згод̣̇им̣ гарохи 1, батамз жхаанз жид̇д̇ам̣ самаад̣̇ахаа’д̇и. со кваахам̣, аавусо, абарзна самаязна вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихаасим̣. яан̃хи д̇ам̣, аавусо, саммаа вад̣̇амаано вад̣̇зяяа – ‘сад̇т̇аараануг̇г̇ахид̇о сааваго махаабхин̃н̃ад̇ам̣ бад̇д̇о’д̇и, мамам̣ д̇ам̣ саммаа вад̣̇амаано вад̣̇зяяа – ‘сад̇т̇аараануг̇г̇ахид̇о сааваго махаабхин̃н̃ад̇ам̣ бад̇д̇о’’’д̇и. батамам̣.
‘‘Atha kho maṃ, āvuso, bhagavā iddhiyā upasaṅkamitvā etadavoca – ‘moggallāna, moggallāna! Mā, brāhmaṇa, paṭhamaṃ jhānaṃ pamādo, paṭhame jhāne cittaṃ saṇṭhapehi, paṭhame jhāne cittaṃ ekodiṃ karohi 2, paṭhame jhāne cittaṃ samādahā’ti. So khvāhaṃ, āvuso, aparena samayena vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihāsiṃ. Yañhi taṃ, āvuso, sammā vadamāno vadeyya – ‘satthārānuggahito sāvako mahābhiññataṃ patto’ti, mamaṃ taṃ sammā vadamāno vadeyya – ‘satthārānuggahito sāvako mahābhiññataṃ patto’’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-8. батамажхаанабан̃хаасуд̇д̇аад̣̇иван̣н̣анаа • 1-8. Paṭhamajhānapañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-8. батамаж̇жхаанабан̃хасуд̇д̇аад̣̇иван̣н̣анаа • 1-8. Paṭhamajjhānapañhasuttādivaṇṇanā
