| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. པཋམཛྷཱནསུཏྟཾ
6. Paṭhamajhānasuttaṃ
༢༥༦. ‘‘པཉྩིམེ, བྷིཀྑཝེ, དྷམྨེ ཨཔྤཧཱཡ ཨབྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ། ཀཏམེ པཉྩ? ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ – ཨིམེ ཁོ, བྷིཀྑཝེ, པཉྩ དྷམྨེ ཨཔྤཧཱཡ ཨབྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ།
256. ‘‘Pañcime, bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme appahāya abhabbo paṭhamaṃ jhānaṃ upasampajja viharituṃ.
‘‘པཉྩིམེ, བྷིཀྑཝེ, དྷམྨེ པཧཱཡ བྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུཾ། ཀཏམེ པཉྩ? ཨཱཝཱསམཙྪརིཡཾ, ཀུལམཙྪརིཡཾ, ལཱབྷམཙྪརིཡཾ, ཝཎྞམཙྪརིཡཾ, དྷམྨམཙྪརིཡཾ – ཨིམེ ཁོ, བྷིཀྑཝེ, པཉྩ དྷམྨེ པཧཱཡ བྷབྦོ པཋམཾ ཛྷཱནཾ ཨུཔསམྤཛྫ ཝིཧརིཏུ’’ནྟི། ཚཊྛཾ།
‘‘Pañcime, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme pahāya bhabbo paṭhamaṃ jhānaṃ upasampajja viharitu’’nti. Chaṭṭhaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམདཱིགྷཙཱརིཀསུཏྟཱདིཝཎྞནཱ • 1-10. Paṭhamadīghacārikasuttādivaṇṇanā
