| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
батамаж̇жхаанагат̇аа
Paṭhamajjhānakathā
ид̣̇аани имааяа бадибад̣̇ааяа ад̇хиг̇ад̇ам̣ батамаж̇жхаанам̣ аад̣̇им̣ гад̇ваа виж̇ж̇ад̇д̇аяабарияосаанам̣ висзсам̣ д̣̇ассзнд̇о ‘‘со ко аха’’нд̇и аад̣̇имааха. д̇ад̇т̇а вивижжзва гаамзхи вивижжа агусалзхи д̇хаммзхийд̇иаад̣̇ийнам̣ гин̃жааби ‘‘д̇ад̇т̇а гад̇амз гаамаа? чанд̣̇о гаамо, рааг̇о гаамо, чанд̣̇арааг̇о гаамо; сан̇габбо гаамо, рааг̇о гаамо, сан̇габбарааг̇о гаамо – имз вужжанд̇и гаамаа. д̇ад̇т̇а гад̇амз агусалаа д̇хаммаа? гаамажчанд̣̇о…бз… вижигижчаа – имз вужжанд̇и агусалаа д̇хаммаа. ид̇и имзхи жа гаамзхи имзхи жа агусалзхи д̇хаммзхи вивид̇д̇о ход̇и бавивид̇д̇о, д̇зна вужжад̇и – ‘вивижжзва гаамзхи вивижжа агусалзхи д̇хаммзхий’’’д̇иаад̣̇инаа (вибха. 564) наязна вибхан̇г̇зязва ад̇т̇о вуд̇д̇о. д̇ат̇ааби адтагат̇аанаяам̣ винаа на судту баагадод̇и адтагат̇аанаязнзва нам̣ багаасаяиссаама.
Idāni imāya paṭipadāya adhigataṃ paṭhamajjhānaṃ ādiṃ katvā vijjattayapariyosānaṃ visesaṃ dassento ‘‘so kho aha’’nti ādimāha. Tattha vivicceva kāmehi vivicca akusalehi dhammehītiādīnaṃ kiñcāpi ‘‘tattha katame kāmā? Chando kāmo, rāgo kāmo, chandarāgo kāmo; saṅkappo kāmo, rāgo kāmo, saṅkapparāgo kāmo – ime vuccanti kāmā. Tattha katame akusalā dhammā? Kāmacchando…pe… vicikicchā – ime vuccanti akusalā dhammā. Iti imehi ca kāmehi imehi ca akusalehi dhammehi vivitto hoti pavivitto, tena vuccati – ‘vivicceva kāmehi vivicca akusalehi dhammehī’’’tiādinā (vibha. 564) nayena vibhaṅgeyeva attho vutto. Tathāpi aṭṭhakathānayaṃ vinā na suṭṭhu pākaṭoti aṭṭhakathānayeneva naṃ pakāsayissāma.
сзяяат̇ид̣̇ам̣ – вивижжзва гаамзхийд̇и гаамзхи вивижжид̇ваа винаа худ̇ваа абасаггзд̇ваа. яо банааяамзд̇т̇а звагааро, со нияамад̇т̇од̇и взд̣̇ид̇аб̣б̣о. яасмаа жа нияамад̇т̇о, д̇асмаа д̇асмим̣ батамаж̇жхаанам̣ убасамбаж̇ж̇а вихаран̣асамаяз авиж̇ж̇амаанаанамби гаамаанам̣ д̇асса батамаж̇жхаанасса бадибагкабхаавам̣ гаамабарижжааг̇знзва жасса ад̇хиг̇амам̣ д̣̇ийбзд̇и. гат̇ам̣? ‘‘вивижжзва гаамзхий’’д̇и зван̃хи нияамз гарияамаанз ид̣̇ам̣ бан̃н̃ааяад̇и. нуунимасса жхаанасса гаамаа бадибагкабхууд̇аа, язсу сад̇и ид̣̇ам̣ на бавад̇д̇ад̇и, анд̇хагаарз сад̇и бад̣̇ийбо вияа, д̇зсам̣ барижжааг̇знзва жасса ад̇хиг̇амо ход̇и, оримад̇ийрабарижжааг̇зна бааримад̇ийрассзва, д̇асмаа нияамам̣ гарод̇ийд̇и.
Seyyathidaṃ – vivicceva kāmehīti kāmehi viviccitvā vinā hutvā apasakketvā. Yo panāyamettha evakāro, so niyamatthoti veditabbo. Yasmā ca niyamattho, tasmā tasmiṃ paṭhamajjhānaṃ upasampajja viharaṇasamaye avijjamānānampi kāmānaṃ tassa paṭhamajjhānassa paṭipakkhabhāvaṃ kāmapariccāgeneva cassa adhigamaṃ dīpeti. Kathaṃ? ‘‘Vivicceva kāmehī’’ti evañhi niyame kariyamāne idaṃ paññāyati. Nūnimassa jhānassa kāmā paṭipakkhabhūtā, yesu sati idaṃ na pavattati, andhakāre sati padīpo viya, tesaṃ pariccāgeneva cassa adhigamo hoti, orimatīrapariccāgena pārimatīrasseva, tasmā niyamaṃ karotīti.
д̇ад̇т̇а сияаа – ‘‘гасмаа банзса буб̣б̣абад̣̇зязва вуд̇д̇о на уд̇д̇арабад̣̇з, гим̣ агусалзхи д̇хаммзхи авивижжааби жхаанам̣ убасамбаж̇ж̇а вихарзяяаа’’д̇и? на ко банзд̇ам̣ звам̣ д̣̇адтаб̣б̣ам̣. д̇анниссаран̣ад̇о хи буб̣б̣абад̣̇ззва зса вуд̇д̇о. гаамад̇хаад̇усамад̇иггаманад̇о хи гаамарааг̇абадибагкад̇о жа ид̣̇ам̣ жхаанам̣ гаамаанамзва ниссаран̣ам̣. яат̇ааха – ‘‘гаамаанамзд̇ам̣ ниссаран̣ам̣, яад̣̇ид̣̇ам̣ нзгкамма’’нд̇и (ид̇иву. 72). уд̇д̇арабад̣̇зби бана яат̇аа ‘‘ид̇хзва, бхигкавз, батамо саман̣о, ид̇ха д̣̇уд̇ияо саман̣о’’д̇и (ма. ни. 1.139) зд̇т̇а звагааро аанзд̇ваа вужжад̇и, звам̣ вад̇д̇аб̣б̣о. на хи саггаа ид̇о ан̃н̃зхиби нийваран̣асан̇каад̇зхи агусалзхи д̇хаммзхи авивижжа жхаанам̣ убасамбаж̇ж̇а вихарид̇ум̣ . д̇асмаа ‘‘вивижжзва гаамзхи вивижжзва агусалзхи д̇хаммзхий’’д̇и звам̣ бад̣̇ад̣̇ваязби зса д̣̇адтаб̣б̣о. бад̣̇ад̣̇ваязби жа гин̃жааби ‘‘вивижжаа’’д̇и иминаа саад̇хааран̣аважанзна д̇ад̣̇ан̇г̇авивзгаад̣̇аяо гааяавивзгаад̣̇аяо жа саб̣б̣зби вивзгаа сан̇г̇ахам̣ г̇ажчанд̇и. д̇ат̇ааби гааяавивзго, жид̇д̇авивзго, вигкамбханавивзгод̇и д̇аяо зва ид̇ха д̣̇адтаб̣б̣аа. ‘‘гаамзхий’’д̇и иминаа бана бад̣̇зна яз жа нид̣̇д̣̇зсз ‘‘гад̇амз вад̇т̇угаамаа манаабияаа руубаа’’д̇иаад̣̇инаа (махаани. 1; вибха. 964) наязна вад̇т̇угаамаа вуд̇д̇аа, яз жа д̇ад̇т̇зва вибхан̇г̇з жа ‘‘чанд̣̇о гаамо’’д̇иаад̣̇инаа (махаани. 1) наязна гилзсагаамаа вуд̇д̇аа, д̇з саб̣б̣зби сан̇г̇ахид̇аа ижжзва д̣̇адтаб̣б̣аа. зван̃хи сад̇и ‘‘вивижжзва гаамзхий’’д̇и вад̇т̇угаамзхиби вивижжзваад̇и ад̇т̇о яуж̇ж̇ад̇и. д̇зна гааяавивзго вуд̇д̇о ход̇и.
Tattha siyā – ‘‘kasmā panesa pubbapadeyeva vutto na uttarapade, kiṃ akusalehi dhammehi aviviccāpi jhānaṃ upasampajja vihareyyā’’ti? Na kho panetaṃ evaṃ daṭṭhabbaṃ. Tannissaraṇato hi pubbapadeeva esa vutto. Kāmadhātusamatikkamanato hi kāmarāgapaṭipakkhato ca idaṃ jhānaṃ kāmānameva nissaraṇaṃ. Yathāha – ‘‘kāmānametaṃ nissaraṇaṃ, yadidaṃ nekkhamma’’nti (itivu. 72). Uttarapadepi pana yathā ‘‘idheva, bhikkhave, paṭhamo samaṇo, idha dutiyo samaṇo’’ti (ma. ni. 1.139) ettha evakāro ānetvā vuccati, evaṃ vattabbo. Na hi sakkā ito aññehipi nīvaraṇasaṅkhātehi akusalehi dhammehi avivicca jhānaṃ upasampajja viharituṃ . Tasmā ‘‘vivicceva kāmehi vivicceva akusalehi dhammehī’’ti evaṃ padadvayepi esa daṭṭhabbo. Padadvayepi ca kiñcāpi ‘‘viviccā’’ti iminā sādhāraṇavacanena tadaṅgavivekādayo kāyavivekādayo ca sabbepi vivekā saṅgahaṃ gacchanti. Tathāpi kāyaviveko, cittaviveko, vikkhambhanavivekoti tayo eva idha daṭṭhabbā. ‘‘Kāmehī’’ti iminā pana padena ye ca niddese ‘‘katame vatthukāmā manāpiyā rūpā’’tiādinā (mahāni. 1; vibha. 964) nayena vatthukāmā vuttā, ye ca tattheva vibhaṅge ca ‘‘chando kāmo’’tiādinā (mahāni. 1) nayena kilesakāmā vuttā, te sabbepi saṅgahitā icceva daṭṭhabbā. Evañhi sati ‘‘vivicceva kāmehī’’ti vatthukāmehipi viviccevāti attho yujjati. Tena kāyaviveko vutto hoti.
вивижжа агусалзхи д̇хаммзхийд̇и гилзсагаамзхи саб̣б̣аагусалзхи д̇хаммзхи ваа вивижжаад̇и ад̇т̇о яуж̇ж̇ад̇и. д̇зна жид̇д̇авивзго вуд̇д̇о ход̇и. буримзна жзд̇т̇а вад̇т̇угаамзхи вивзгаважанад̇оязва гаамасукабарижжааг̇о, д̣̇уд̇иязна гилзсагаамзхи вивзгаважанад̇о нзгкаммасукабариг̇г̇ахо вибхаавид̇о ход̇и. звам̣ вад̇т̇угаамагилзсагаамавивзгаважанад̇оязва жа зд̇зсам̣ батамзна сам̣гилзсавад̇т̇уббахаанам̣, д̣̇уд̇иязна сам̣гилзсаббахаанам̣; батамзна лолабхаавасса хзд̇убарижжааг̇о, д̣̇уд̇иязна б̣аалабхаавасса; батамзна жа баяог̇асуд̣̇д̇хи, д̣̇уд̇иязна аасаяабосанам̣ вибхаавид̇ам̣ ход̇ийд̇и вин̃н̃аад̇аб̣б̣ам̣. зса д̇аава наяо ‘‘гаамзхий’’д̇и зд̇т̇а вуд̇д̇агаамзсу вад̇т̇угаамабагкз.
Vivicca akusalehi dhammehīti kilesakāmehi sabbākusalehi dhammehi vā viviccāti attho yujjati. Tena cittaviveko vutto hoti. Purimena cettha vatthukāmehi vivekavacanatoyeva kāmasukhapariccāgo, dutiyena kilesakāmehi vivekavacanato nekkhammasukhapariggaho vibhāvito hoti. Evaṃ vatthukāmakilesakāmavivekavacanatoyeva ca etesaṃ paṭhamena saṃkilesavatthuppahānaṃ, dutiyena saṃkilesappahānaṃ; paṭhamena lolabhāvassa hetupariccāgo, dutiyena bālabhāvassa; paṭhamena ca payogasuddhi, dutiyena āsayaposanaṃ vibhāvitaṃ hotīti viññātabbaṃ. Esa tāva nayo ‘‘kāmehī’’ti ettha vuttakāmesu vatthukāmapakkhe.
гилзсагаамабагкз бана чанд̣̇од̇и жа рааг̇од̇и жа звамаад̣̇ийхи анзгабхзд̣̇о гаамажчанд̣̇оязва гаамод̇и ад̇хиббзд̇о. со жа агусалабарияаабанноби самаано, ‘‘д̇ад̇т̇а гад̇амо гаамачанд̣̇о гаамо’’д̇иаад̣̇инаа наязна вибхан̇г̇з жхаанабадибагкад̇о висум̣ вуд̇д̇о. гилзсагаамад̇д̇аа ваа буримабад̣̇з вуд̇д̇о, агусалабарияаабаннад̇д̇аа д̣̇уд̇ияабад̣̇з. анзгабхзд̣̇ад̇о жасса гаамад̇од̇и авад̇ваа гаамзхийд̇и вуд̇д̇ам̣. ан̃н̃зсамби жа д̇хаммаанам̣ агусалабхаавз виж̇ж̇амаанз ‘‘д̇ад̇т̇а гад̇амз агусалаа д̇хаммаа гаамажчанд̣̇о’’д̇иаад̣̇инаа наязна вибхан̇г̇з (вибха. 564) убарижхаанан̇г̇абажжанийгабадибагкабхаавад̣̇ассанад̇о нийваран̣аанзва вуд̇д̇аани. нийваран̣аани хи жхаанан̇г̇абажжанийгаани, д̇зсам̣ жхаанан̇г̇аанзва бадибагкаани, вид̣̇д̇хам̣сагаанийд̇и вуд̇д̇ам̣ ход̇и. д̇ат̇аа хи ‘‘самаад̇хи гаамажчанд̣̇асса бадибагко, бийд̇и б̣яаабаад̣̇асса, вид̇агго т̇инамид̣̇д̇хасса, сукам̣ уд̣̇д̇хажжагуггужжасса, вижааро вижигижчааяаа’’д̇и бздагз вуд̇д̇ам̣.
Kilesakāmapakkhe pana chandoti ca rāgoti ca evamādīhi anekabhedo kāmacchandoyeva kāmoti adhippeto. So ca akusalapariyāpannopi samāno, ‘‘tattha katamo kāmachando kāmo’’tiādinā nayena vibhaṅge jhānapaṭipakkhato visuṃ vutto. Kilesakāmattā vā purimapade vutto, akusalapariyāpannattā dutiyapade. Anekabhedato cassa kāmatoti avatvā kāmehīti vuttaṃ. Aññesampi ca dhammānaṃ akusalabhāve vijjamāne ‘‘tattha katame akusalā dhammā kāmacchando’’tiādinā nayena vibhaṅge (vibha. 564) uparijhānaṅgapaccanīkapaṭipakkhabhāvadassanato nīvaraṇāneva vuttāni. Nīvaraṇāni hi jhānaṅgapaccanīkāni, tesaṃ jhānaṅgāneva paṭipakkhāni, viddhaṃsakānīti vuttaṃ hoti. Tathā hi ‘‘samādhi kāmacchandassa paṭipakkho, pīti byāpādassa, vitakko thinamiddhassa, sukhaṃ uddhaccakukkuccassa, vicāro vicikicchāyā’’ti peṭake vuttaṃ.
звамзд̇т̇а ‘‘вивижжзва гаамзхий’’д̇и иминаа гаамажчанд̣̇асса вигкамбханавивзго вуд̇д̇о ход̇и. ‘‘вивижжа агусалзхи д̇хаммзхий’’д̇и иминаа бан̃жаннамби нийваран̣аанам̣. аг̇г̇ахид̇аг̇г̇ахан̣зна бана батамзна гаамажчанд̣̇асса, д̣̇уд̇иязна сзсанийваран̣аанам̣. д̇ат̇аа батамзна д̇ийсу агусаламуулзсу бан̃жагаамаг̇ун̣абхзд̣̇ависаяасса лобхасса, д̣̇уд̇иязна аагхаад̇авад̇т̇убхзд̣̇аад̣̇ивисаяаанам̣ д̣̇осамохаанам̣. огхаад̣̇ийсу ваа д̇хаммзсу батамзна гаамогха-гаамаяог̇а-гаамаасава-гаамубаад̣̇аана-абхиж̇жхаагааяаг̇ант̇а-гаамарааг̇а-сам̣яож̇анаанам̣, д̣̇уд̇иязна авасзсаогха-яог̇аасава-убаад̣̇аана-г̇ант̇а-сам̣яож̇анаанам̣. батамзна жа д̇ан̣хааяа д̇ам̣самбаяуд̇д̇агаанан̃жа, д̣̇уд̇иязна авиж̇ж̇ааяа д̇ам̣самбаяуд̇д̇агаанан̃жа. абижа батамзна лобхасамбаяуд̇д̇аадтажид̇д̇уббаад̣̇аанам̣, д̣̇уд̇иязна сзсаанам̣ жад̇уннам̣ агусалажид̇д̇уббаад̣̇аанам̣ вигкамбханавивзго вуд̇д̇о ход̇ийд̇и взд̣̇ид̇аб̣б̣о. аяам̣ д̇аава ‘‘вивижжзва гаамзхи вивижжа агусалзхи д̇хаммзхий’’д̇и зд̇т̇а ад̇т̇аббагаасанаа.
Evamettha ‘‘vivicceva kāmehī’’ti iminā kāmacchandassa vikkhambhanaviveko vutto hoti. ‘‘Vivicca akusalehi dhammehī’’ti iminā pañcannampi nīvaraṇānaṃ. Aggahitaggahaṇena pana paṭhamena kāmacchandassa, dutiyena sesanīvaraṇānaṃ. Tathā paṭhamena tīsu akusalamūlesu pañcakāmaguṇabhedavisayassa lobhassa, dutiyena āghātavatthubhedādivisayānaṃ dosamohānaṃ. Oghādīsu vā dhammesu paṭhamena kāmogha-kāmayoga-kāmāsava-kāmupādāna-abhijjhākāyagantha-kāmarāga-saṃyojanānaṃ, dutiyena avasesaogha-yogāsava-upādāna-gantha-saṃyojanānaṃ. Paṭhamena ca taṇhāya taṃsampayuttakānañca, dutiyena avijjāya taṃsampayuttakānañca. Apica paṭhamena lobhasampayuttaaṭṭhacittuppādānaṃ, dutiyena sesānaṃ catunnaṃ akusalacittuppādānaṃ vikkhambhanaviveko vutto hotīti veditabbo. Ayaṃ tāva ‘‘vivicceva kāmehi vivicca akusalehi dhammehī’’ti ettha atthappakāsanā.
зд̇д̇аавад̇аа жа батамасса жхаанасса бахаанан̇г̇ам̣ д̣̇ассзд̇ваа ид̣̇аани самбаяог̇ан̇г̇ам̣ д̣̇ассзнд̇о савид̇аггам̣ савижааранд̇иаад̣̇имааха. д̇ад̇т̇а вид̇агганам̣ вид̇агго, уухананд̇и вуд̇д̇ам̣ ход̇и. свааяам̣ аарамман̣з жид̇д̇асса абхиниробаналагкан̣о, аахананабарияаахананарасо. д̇ат̇аа хи ‘‘д̇зна яог̇ааважаро аарамман̣ам̣ вид̇аггаахад̇ам̣ вид̇аггабарияаахад̇ам̣ гарод̇ий’’д̇и вужжад̇и. аарамман̣з жид̇д̇асса аанаяанабажжубадтаано. вижаран̣ам̣ вижааро, анусан̃жаран̣анд̇и вуд̇д̇ам̣ ход̇и. свааяам̣ аарамман̣аанумаж̇ж̇аналагкан̣о, д̇ад̇т̇а сахаж̇аад̇аануяож̇анарасо, жид̇д̇асса ануббаб̣анд̇ханабажжубадтаано. санд̇зби жа нзсам̣ гад̇т̇ажи авиббаяог̇з ол̣ааригадтзна гхан̣даабхигхаад̇асад̣̇д̣̇о вияа жзд̇асо батамаабхинибаад̇о вид̇агго, сукумадтзна анураво вияа ануббаб̣анд̇хо вижааро. вибпаараваа жзд̇т̇а вид̇агго барибпанд̣̇анабхааво жид̇д̇асса, аагаасз уббад̇ид̇угаамасса багкино багкавигкзбо вияа бад̣̇умаабхимукабаад̇о вияа жа г̇анд̇хаануб̣анд̇хажзд̇асо бхамарасса. санд̇авуд̇д̇и вижааро наад̇ибарибпанд̣̇анабхааво жид̇д̇асса, аагаасз уббад̇ид̇асса багкино багкаббасааран̣ам̣ вияа бариб̣бхаманам̣ вияа жа бад̣̇умаабхимукабад̇ид̇асса бхамарасса бад̣̇умасса убарибхааг̇з. со бана нзсам̣ висзсо батама-д̣̇уд̇ияаж̇жхаанзсу баагадо ход̇и. ид̇и иминаа жа вид̇аггзна иминаа жа вижаарзна саха вад̇д̇ад̇и ругко вияа бубпзна жа палзна жаад̇и ид̣̇ам̣ жхаанам̣ ‘‘савид̇аггам̣ савижаара’’нд̇и вужжад̇и. вибхан̇г̇з бана ‘‘иминаа жа вид̇аггзна иминаа жа вижаарзна убзд̇о ход̇и самубзд̇о’’д̇иаад̣̇инаа (вибха. 565) наязна буг̇г̇алаад̇хидтаанаа д̣̇зсанаа гад̇аа. ад̇т̇о бана д̇ад̇рааби звамзва д̣̇адтаб̣б̣о.
Ettāvatā ca paṭhamassa jhānassa pahānaṅgaṃ dassetvā idāni sampayogaṅgaṃ dassento savitakkaṃ savicārantiādimāha. Tattha vitakkanaṃ vitakko, ūhananti vuttaṃ hoti. Svāyaṃ ārammaṇe cittassa abhiniropanalakkhaṇo, āhananapariyāhananaraso. Tathā hi ‘‘tena yogāvacaro ārammaṇaṃ vitakkāhataṃ vitakkapariyāhataṃ karotī’’ti vuccati. Ārammaṇe cittassa ānayanapaccupaṭṭhāno. Vicaraṇaṃ vicāro, anusañcaraṇanti vuttaṃ hoti. Svāyaṃ ārammaṇānumajjanalakkhaṇo, tattha sahajātānuyojanaraso, cittassa anuppabandhanapaccupaṭṭhāno. Santepi ca nesaṃ katthaci avippayoge oḷārikaṭṭhena ghaṇṭābhighātasaddo viya cetaso paṭhamābhinipāto vitakko, sukhumaṭṭhena anuravo viya anuppabandho vicāro. Vipphāravā cettha vitakko paripphandanabhāvo cittassa, ākāse uppatitukāmassa pakkhino pakkhavikkhepo viya padumābhimukhapāto viya ca gandhānubandhacetaso bhamarassa. Santavutti vicāro nātiparipphandanabhāvo cittassa, ākāse uppatitassa pakkhino pakkhappasāraṇaṃ viya paribbhamanaṃ viya ca padumābhimukhapatitassa bhamarassa padumassa uparibhāge. So pana nesaṃ viseso paṭhama-dutiyajjhānesu pākaṭo hoti. Iti iminā ca vitakkena iminā ca vicārena saha vattati rukkho viya pupphena ca phalena cāti idaṃ jhānaṃ ‘‘savitakkaṃ savicāra’’nti vuccati. Vibhaṅge pana ‘‘iminā ca vitakkena iminā ca vicārena upeto hoti samupeto’’tiādinā (vibha. 565) nayena puggalādhiṭṭhānā desanā katā. Attho pana tatrāpi evameva daṭṭhabbo.
вивзгаж̇анд̇и зд̇т̇а вивид̇д̇и вивзго, нийваран̣авиг̇амод̇и ад̇т̇о. вивид̇д̇од̇и ваа вивзго, нийваран̣авивид̇д̇о жхаанасамбаяуд̇д̇ад̇хаммараасийд̇и ад̇т̇о. д̇асмаа вивзгаа, д̇асмим̣ ваа вивзгз ж̇аад̇анд̇и вивзгаж̇ам̣. бийд̇исуканд̇и зд̇т̇а бинаяад̇ийд̇и бийд̇и, саа самбияааяаналагкан̣аа гааяажид̇д̇абийнанарасаа , паран̣арасаа ваа, од̣̇аг̇яабажжубадтаанаа. суканам̣ сукам̣, судту ваа каад̣̇ад̇и канад̇и жа гааяажид̇д̇ааб̣аад̇ханд̇и сукам̣, д̇ам̣ саад̇алагкан̣ам̣, самбаяуд̇д̇агаанам̣ убаб̣рууханарасам̣, ануг̇г̇ахабажжубадтаанам̣. сад̇иби жа нзсам̣ гад̇т̇ажи авиббаяог̇з идтаарамман̣абадилаабхад̇удти бийд̇и, бадилад̣̇д̇харасаанубхаванам̣ сукам̣. яад̇т̇а бийд̇и д̇ад̇т̇а сукам̣, яад̇т̇а сукам̣ д̇ад̇т̇а на нияамад̇о бийд̇и. сан̇каарагканд̇хасан̇г̇ахид̇аа бийд̇и, взд̣̇анаагканд̇хасан̇г̇ахид̇ам̣ сукам̣. ганд̇ааракиннасса вананд̇од̣̇агад̣̇ассанасаванзсу вияа бийд̇и, ванажчааяаббавзсанауд̣̇агабарибхог̇зсу вияа сукам̣. д̇асмим̣ д̇асмим̣ самаяз баагадабхаавад̇о жзд̇ам̣ вуд̇д̇анд̇и взд̣̇ид̇аб̣б̣ам̣. аяан̃жа бийд̇и, ид̣̇ан̃жа сукам̣, асса жхаанасса, асмим̣ ваа жхаанз ад̇т̇ийд̇и ид̣̇ам̣ жхаанам̣ ‘‘бийд̇исука’’нд̇и вужжад̇и.
Vivekajanti ettha vivitti viveko, nīvaraṇavigamoti attho. Vivittoti vā viveko, nīvaraṇavivitto jhānasampayuttadhammarāsīti attho. Tasmā vivekā, tasmiṃ vā viveke jātanti vivekajaṃ. Pītisukhanti ettha pinayatīti pīti, sā sampiyāyanalakkhaṇā kāyacittapīnanarasā , pharaṇarasā vā, odagyapaccupaṭṭhānā. Sukhanaṃ sukhaṃ, suṭṭhu vā khādati khanati ca kāyacittābādhanti sukhaṃ, taṃ sātalakkhaṇaṃ, sampayuttakānaṃ upabrūhanarasaṃ, anuggahapaccupaṭṭhānaṃ. Satipi ca nesaṃ katthaci avippayoge iṭṭhārammaṇapaṭilābhatuṭṭhi pīti, paṭiladdharasānubhavanaṃ sukhaṃ. Yattha pīti tattha sukhaṃ, yattha sukhaṃ tattha na niyamato pīti. Saṅkhārakkhandhasaṅgahitā pīti, vedanākkhandhasaṅgahitaṃ sukhaṃ. Kantārakhinnassa vanantodakadassanasavanesu viya pīti, vanacchāyappavesanaudakaparibhogesu viya sukhaṃ. Tasmiṃ tasmiṃ samaye pākaṭabhāvato cetaṃ vuttanti veditabbaṃ. Ayañca pīti, idañca sukhaṃ, assa jhānassa, asmiṃ vā jhāne atthīti idaṃ jhānaṃ ‘‘pītisukha’’nti vuccati.
ат̇а ваа бийд̇и жа сукан̃жа бийд̇исукам̣, д̇хаммавинаяаад̣̇аяо вияа. вивзгаж̇ам̣ бийд̇исукамасса жхаанасса, асмим̣ ваа жхаанз ад̇т̇ийд̇и звамби вивзгаж̇ам̣бийд̇исукам̣. яат̇зва хи жхаанам̣, звам̣ бийд̇исукам̣ бзд̇т̇а вивзгаж̇амзва ход̇и, д̇ан̃жасса ад̇т̇ийд̇и д̇асмаа згабад̣̇знзва ‘‘вивзгаж̇ам̣ бийд̇исука’’нд̇иби вад̇д̇ум̣ яуж̇ж̇ад̇и. вибхан̇г̇з бана ‘‘ид̣̇ам̣ сукам̣ имааяа бийд̇ияаа сахаг̇ад̇а’’нд̇иаад̣̇инаа (вибха. 567) наязнзд̇ам̣ вуд̇д̇ам̣. ад̇т̇о бана д̇ад̇рааби звамзва д̣̇адтаб̣б̣о.
Atha vā pīti ca sukhañca pītisukhaṃ, dhammavinayādayo viya. Vivekajaṃ pītisukhamassa jhānassa, asmiṃ vā jhāne atthīti evampi vivekajaṃpītisukhaṃ. Yatheva hi jhānaṃ, evaṃ pītisukhaṃ pettha vivekajameva hoti, tañcassa atthīti tasmā ekapadeneva ‘‘vivekajaṃ pītisukha’’ntipi vattuṃ yujjati. Vibhaṅge pana ‘‘idaṃ sukhaṃ imāya pītiyā sahagata’’ntiādinā (vibha. 567) nayenetaṃ vuttaṃ. Attho pana tatrāpi evameva daṭṭhabbo.
батаманд̇и г̇ан̣анаанубуб̣б̣ад̇аа батамам̣, ид̣̇ам̣ батамам̣ самаабаж̇ж̇ад̇ийд̇иби батамам̣. бажжанийгад̇хаммз жхаабзд̇ийд̇и жхаанам̣, иминаа яог̇ино жхааяанд̇ийд̇иби жхаанам̣, бажжанийгад̇хаммз д̣аханд̇и г̇ожарам̣ ваа жинд̇знд̇ийд̇и ад̇т̇о. саяам̣ ваа д̇ам̣ жхааяад̇и убаниж̇жхааяад̇ийд̇и жхаанам̣, д̇знзва убаниж̇жхааяаналагкан̣анд̇и вужжад̇и. д̇ад̣̇зд̇ам̣ аарамман̣уубаниж̇жхаанам̣ , лагкан̣уубаниж̇жхаананд̇и д̣̇увид̇хам̣ ход̇и. д̇ад̇т̇а аарамман̣уубаниж̇жхаананд̇и саха убажаарзна адта самаабад̇д̇ияо вужжанд̇и. гасмаа? гасин̣аад̣̇иаарамман̣уубаниж̇жхааяанад̇о. лагкан̣уубаниж̇жхаананд̇и вибассанаамаг̇г̇апалаани вужжанд̇и. гасмаа? лагкан̣уубаниж̇жхааяанад̇о. зд̇т̇а хи вибассанаа анижжалагкан̣аад̣̇ийни убаниж̇жхааяад̇и, вибассанааяа убаниж̇жхааяанагижжам̣ бана маг̇г̇зна сиж̇жхад̇ийд̇и маг̇г̇о лагкан̣уубаниж̇жхаананд̇и вужжад̇и. палам̣ бана нирод̇хасса д̇ат̇алагкан̣ам̣ убаниж̇жхааяад̇ийд̇и лагкан̣уубаниж̇жхаананд̇и вужжад̇и. имасмим̣ банад̇т̇з аарамман̣уубаниж̇жхаанамзва жхаананд̇и ад̇хиббзд̇ам̣.
Paṭhamanti gaṇanānupubbatā paṭhamaṃ, idaṃ paṭhamaṃ samāpajjatītipi paṭhamaṃ. Paccanīkadhamme jhāpetīti jhānaṃ, iminā yogino jhāyantītipi jhānaṃ, paccanīkadhamme ḍahanti gocaraṃ vā cintentīti attho. Sayaṃ vā taṃ jhāyati upanijjhāyatīti jhānaṃ, teneva upanijjhāyanalakkhaṇanti vuccati. Tadetaṃ ārammaṇūpanijjhānaṃ , lakkhaṇūpanijjhānanti duvidhaṃ hoti. Tattha ārammaṇūpanijjhānanti saha upacārena aṭṭha samāpattiyo vuccanti. Kasmā? Kasiṇādiārammaṇūpanijjhāyanato. Lakkhaṇūpanijjhānanti vipassanāmaggaphalāni vuccanti. Kasmā? Lakkhaṇūpanijjhāyanato. Ettha hi vipassanā aniccalakkhaṇādīni upanijjhāyati, vipassanāya upanijjhāyanakiccaṃ pana maggena sijjhatīti maggo lakkhaṇūpanijjhānanti vuccati. Phalaṃ pana nirodhassa tathalakkhaṇaṃ upanijjhāyatīti lakkhaṇūpanijjhānanti vuccati. Imasmiṃ panatthe ārammaṇūpanijjhānameva jhānanti adhippetaṃ.
зд̇т̇ааха – ‘‘гад̇амам̣ бана д̇ам̣ жхаанам̣ наама, яам̣ савид̇аггам̣ савижаарам̣…бз… бийд̇исуканд̇и звам̣ абад̣̇зсам̣ арахад̇ий’’д̇и? вужжад̇з – яат̇аа сад̇хано сабариж̇анод̇иаад̣̇ийсу табзд̇ваа д̇ханан̃жа бариж̇анан̃жа ан̃н̃о абад̣̇зсаарахо ход̇и, звам̣ табзд̇ваа вид̇аггаад̣̇ид̇хаммз ан̃н̃ам̣ абад̣̇зсаарахам̣ над̇т̇и. яат̇аа бана сарат̇аа сабад̇д̇и сзнаад̇и вуд̇д̇з сзнан̇г̇зсуязва сзнаасаммуд̇и, звамид̇ха бан̃жасу ан̇г̇зсуязва жхаанасаммуд̇и взд̣̇ид̇аб̣б̣аа. гад̇амзсу бан̃жасу? вид̇агго, вижааро, бийд̇и, сукам̣, жид̇д̇згаг̇г̇ад̇аад̇и зд̇зсу. зд̇аанзва хисса ‘‘савид̇аггам̣ савижаара’’нд̇иаад̣̇инаа наязна ан̇г̇абхаавзна вуд̇д̇аани. авуд̇д̇ад̇д̇аа згаг̇г̇ад̇аа ан̇г̇ам̣ на ход̇ийд̇и жз д̇ан̃жа на. гасмаа? вуд̇д̇ад̇д̇аа зва. сааби хи вибхан̇г̇з ‘‘жхаананд̇и вид̇агго вижааро бийд̇и сукам̣ жид̇д̇ассзгаг̇г̇ад̇аа’’д̇и звам̣ вуд̇д̇ааязва. д̇асмаа яат̇аа савид̇аггам̣ савижааранд̇и, звам̣ сажид̇д̇згаг̇г̇ад̇анд̇и ид̇ха авуд̇д̇зби иминаа вибхан̇г̇аважанзна жид̇д̇згаг̇г̇ад̇ааби ан̇г̇амзваад̇и взд̣̇ид̇аб̣б̣аа. язна хи ад̇хиббааязна бхаг̇авад̇аа уд̣̇д̣̇зсо гад̇о, со зва д̇зна вибхан̇г̇зби багаасид̇од̇и.
Etthāha – ‘‘katamaṃ pana taṃ jhānaṃ nāma, yaṃ savitakkaṃ savicāraṃ…pe… pītisukhanti evaṃ apadesaṃ arahatī’’ti? Vuccate – yathā sadhano saparijanotiādīsu ṭhapetvā dhanañca parijanañca añño apadesāraho hoti, evaṃ ṭhapetvā vitakkādidhamme aññaṃ apadesārahaṃ natthi. Yathā pana sarathā sapatti senāti vutte senaṅgesuyeva senāsammuti, evamidha pañcasu aṅgesuyeva jhānasammuti veditabbā. Katamesu pañcasu? Vitakko, vicāro, pīti, sukhaṃ, cittekaggatāti etesu. Etāneva hissa ‘‘savitakkaṃ savicāra’’ntiādinā nayena aṅgabhāvena vuttāni. Avuttattā ekaggatā aṅgaṃ na hotīti ce tañca na. Kasmā? Vuttattā eva. Sāpi hi vibhaṅge ‘‘jhānanti vitakko vicāro pīti sukhaṃ cittassekaggatā’’ti evaṃ vuttāyeva. Tasmā yathā savitakkaṃ savicāranti, evaṃ sacittekaggatanti idha avuttepi iminā vibhaṅgavacanena cittekaggatāpi aṅgamevāti veditabbā. Yena hi adhippāyena bhagavatā uddeso kato, so eva tena vibhaṅgepi pakāsitoti.
убасамбаж̇ж̇аад̇и убаг̇анд̇ваа, баабун̣ид̇ваад̇и вуд̇д̇ам̣ ход̇и. убасамбаад̣̇аяид̇ваа ваа, нибпаад̣̇зд̇ваад̇и вуд̇д̇ам̣ ход̇и. вибхан̇г̇з бана ‘‘убасамбаж̇ж̇аад̇и батамасса жхаанасса лаабхо бадилаабхо бад̇д̇и самбад̇д̇и пусанаа сампусанаа сажчигирияаа убасамбад̣̇аа’’д̇и вуд̇д̇ам̣. д̇ассааби звамзвад̇т̇о взд̣̇ид̇аб̣б̣о. вихаасинд̇и б̣од̇химан̣д̣з нисаж̇ж̇асан̇каад̇зна ирияаабат̇авихаарзна ид̇ивуд̇д̇аббагааражхаанасаман̇г̇ий худ̇ваа ад̇д̇абхаавасса ирияам̣ вуд̇д̇им̣ бааланам̣ яабанам̣ яаабанам̣ жаарам̣ вихаарам̣ абхинибпаад̣̇зсинд̇и ад̇т̇о. вуд̇д̇ан̃хзд̇ам̣ вибхан̇г̇з – ‘‘вихарад̇ийд̇и ирияад̇и вад̇д̇ад̇и баалзд̇и яабзд̇и яаабзд̇и жарад̇и вихарад̇и, д̇зна вужжад̇и вихарад̇ий’’д̇и (вибха. 512).
Upasampajjāti upagantvā, pāpuṇitvāti vuttaṃ hoti. Upasampādayitvā vā, nipphādetvāti vuttaṃ hoti. Vibhaṅge pana ‘‘upasampajjāti paṭhamassa jhānassa lābho paṭilābho patti sampatti phusanā samphusanā sacchikiriyā upasampadā’’ti vuttaṃ. Tassāpi evamevattho veditabbo. Vihāsinti bodhimaṇḍe nisajjasaṅkhātena iriyāpathavihārena itivuttappakārajhānasamaṅgī hutvā attabhāvassa iriyaṃ vuttiṃ pālanaṃ yapanaṃ yāpanaṃ cāraṃ vihāraṃ abhinipphādesinti attho. Vuttañhetaṃ vibhaṅge – ‘‘viharatīti iriyati vattati pāleti yapeti yāpeti carati viharati, tena vuccati viharatī’’ti (vibha. 512).
гим̣ бана гад̇ваа бхаг̇аваа имам̣ жхаанам̣ убасамбаж̇ж̇а вихаасийд̇и? гаммадтаанам̣ бхаавзд̇ваа. гад̇арам̣? аанаабаанассад̇игаммадтаанам̣. ан̃н̃зна д̇ад̣̇ад̇т̇игзна гим̣ гаад̇аб̣б̣анд̇и? ан̃н̃знаби зд̇ам̣ ваа гаммадтаанам̣ бат̇авийгасин̣аад̣̇ийнам̣ ваа ан̃н̃ад̇арам̣ бхаавзд̇аб̣б̣ам̣. д̇зсам̣ бхааванаанаяо висуд̣̇д̇химаг̇г̇з (висуд̣̇д̇хи. 1.55) вуд̇д̇анаязнзва взд̣̇ид̇аб̣б̣о. ид̇ха бана вужжамаанз ад̇ибхаарияам̣ винаяанид̣̇аанам̣ ход̇и, д̇асмаа баал̣ияаа ад̇т̇аббагаасанамад̇д̇амзва гаромаад̇и.
Kiṃ pana katvā bhagavā imaṃ jhānaṃ upasampajja vihāsīti? Kammaṭṭhānaṃ bhāvetvā. Kataraṃ? Ānāpānassatikammaṭṭhānaṃ. Aññena tadatthikena kiṃ kātabbanti? Aññenapi etaṃ vā kammaṭṭhānaṃ pathavīkasiṇādīnaṃ vā aññataraṃ bhāvetabbaṃ. Tesaṃ bhāvanānayo visuddhimagge (visuddhi. 1.55) vuttanayeneva veditabbo. Idha pana vuccamāne atibhāriyaṃ vinayanidānaṃ hoti, tasmā pāḷiyā atthappakāsanamattameva karomāti.
батамаж̇жхаанагат̇аа нидтид̇аа.
Paṭhamajjhānakathā niṭṭhitā.
