| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౫. పఠమకామభూసుత్తవణ్ణనా
5. Paṭhamakāmabhūsuttavaṇṇanā
౩౪౭. ఏలం వుచ్చతి దోసో, తం ఏతస్స నత్థీతి నేలం, తం అఙ్గం ఏతస్సాతి నేలఙ్గో, సువిసుద్ధసీలగుణో. తేనాహ ‘‘నేలఙ్గన్తి ఖో, భన్తే, సీలానమేతం అధివచన’’న్తి. అట్ఠకథాయం పన దోసాభావమేవ దస్సేతుం ‘‘నేలఙ్గోతి నిద్దోసో’’తి వుత్తం. ఏతం భిక్ఖుం ఆగచ్ఛన్తన్తి మహాకప్పినత్థేరం సన్ధాయ వుత్తం. అత్తనో దిట్ఠేన కథేసీతి అత్తనో సబ్బఞ్ఞుతఞ్ఞాణేన పచ్చక్ఖతో ఉపలక్ఖితేన అత్థేన కథేసి. అయం పన నయగ్గాహేనాతి అయం పన గహపతి అసుత్వా కేవలం నయగ్గాహేన ఆహ.
347. Elaṃ vuccati doso, taṃ etassa natthīti nelaṃ, taṃ aṅgaṃ etassāti nelaṅgo, suvisuddhasīlaguṇo. Tenāha ‘‘nelaṅganti kho, bhante, sīlānametaṃ adhivacana’’nti. Aṭṭhakathāyaṃ pana dosābhāvameva dassetuṃ ‘‘nelaṅgoti niddoso’’ti vuttaṃ. Etaṃ bhikkhuṃ āgacchantanti mahākappinattheraṃ sandhāya vuttaṃ. Attano diṭṭhena kathesīti attano sabbaññutaññāṇena paccakkhato upalakkhitena atthena kathesi. Ayaṃ pana nayaggāhenāti ayaṃ pana gahapati asutvā kevalaṃ nayaggāhena āha.
పఠమకామభూసుత్తవణ్ణనా నిట్ఠితా.
Paṭhamakāmabhūsuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౫. పఠమకామభూసుత్తం • 5. Paṭhamakāmabhūsuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౫. పఠమకామభూసుత్తవణ్ణనా • 5. Paṭhamakāmabhūsuttavaṇṇanā
