| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ပဌမကာမဘူသုတ္တဝဏ္ဏနာ
5. Paṭhamakāmabhūsuttavaṇṇanā
၃၄၇. ဧလံ ဝုစ္စတိ ဒောသော, တံ ဧတသ္သ နတ္ထီတိ နေလံ, တံ အင္ဂံ ဧတသ္သာတိ နေလင္ဂော, သုဝိသုဒ္ဓသီလဂုဏော။ တေနာဟ ‘‘နေလင္ဂန္တိ ခော, ဘန္တေ, သီလာနမေတံ အဓိဝစန’’န္တိ။ အဋ္ဌကထာယံ ပန ဒောသာဘာဝမေဝ ဒသ္သေတုံ ‘‘နေလင္ဂောတိ နိဒ္ဒောသော’’တိ ဝုတ္တံ။ ဧတံ ဘိက္ခုံ အာဂစ္ဆန္တန္တိ မဟာကပ္ပိနတ္ထေရံ သန္ဓာယ ဝုတ္တံ။ အတ္တနော ဒိဋ္ဌေန ကထေသီတိ အတ္တနော သဗ္ဗညုတညာဏေန ပစ္စက္ခတော ဥပလက္ခိတေန အတ္ထေန ကထေသိ။ အယံ ပန နယဂ္ဂာဟေနာတိ အယံ ပန ဂဟပတိ အသုတ္ဝာ ကေဝလံ နယဂ္ဂာဟေန အာဟ။
347. Elaṃ vuccati doso, taṃ etassa natthīti nelaṃ, taṃ aṅgaṃ etassāti nelaṅgo, suvisuddhasīlaguṇo. Tenāha ‘‘nelaṅganti kho, bhante, sīlānametaṃ adhivacana’’nti. Aṭṭhakathāyaṃ pana dosābhāvameva dassetuṃ ‘‘nelaṅgoti niddoso’’ti vuttaṃ. Etaṃ bhikkhuṃ āgacchantanti mahākappinattheraṃ sandhāya vuttaṃ. Attano diṭṭhena kathesīti attano sabbaññutaññāṇena paccakkhato upalakkhitena atthena kathesi. Ayaṃ pana nayaggāhenāti ayaṃ pana gahapati asutvā kevalaṃ nayaggāhena āha.
ပဌမကာမဘူသုတ္တဝဏ္ဏနာ နိဋ္ဌိတာ။
Paṭhamakāmabhūsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. ပဌမကာမဘူသုတ္တံ • 5. Paṭhamakāmabhūsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ပဌမကာမဘူသုတ္တဝဏ္ဏနာ • 5. Paṭhamakāmabhūsuttavaṇṇanā
