| Library / Tipiṭaka / திபிடக • Tipiṭaka / விமானவத்து²-அட்ட²கதா² • Vimānavatthu-aṭṭhakathā |
6. பட²மகரணீயவிமானவண்ணனா
6. Paṭhamakaraṇīyavimānavaṇṇanā
உச்சமித³ங் மணிதூ²ணந்தி கரணீயவிமானங். தஸ்ஸ கா உப்பத்தி? ப⁴க³வா ஸாவத்தி²யங் விஹரதி ஜேதவனே. தேன ஸமயேன ஸாவத்தி²வாஸீ ஏகோ உபாஸகோ ந்ஹானோபகரணானி க³ஹெத்வா அசிரவதிங் க³ந்த்வா ந்ஹத்வா ஆக³ச்ச²ந்தோ ப⁴க³வந்தங் ஸாவத்தி²ங் பிண்டா³ய பவிஸந்தங் தி³ஸ்வா உபஸங்கமித்வா வந்தி³த்வா ஏவமாஹ ‘‘ப⁴ந்தே கேன நிமந்திதா’’தி. ப⁴க³வா துண்ஹீ அஹோஸி. ஸோ கேனசி அனிமந்திதபா⁴வங் ஞத்வா ஆஹ ‘‘அதி⁴வாஸேது மே, ப⁴ந்தே, ப⁴க³வா ப⁴த்தங் அனுகம்பங் உபாதா³யா’’தி. அதி⁴வாஸேஸி ப⁴க³வா துண்ஹீபா⁴வேன. ஸோ ப⁴க³வந்தங் அத்தனோ கே³ஹங் நெத்வா பு³த்³தா⁴ரஹங் ஆஸனங் பஞ்ஞாபெத்வா தத்த² ப⁴க³வந்தங் நிஸீதா³பெத்வா பணீதேன அன்னபானேன ஸந்தப்பேஸி. ப⁴க³வா கதப⁴த்தகிச்சோ தஸ்ஸ அனுமோத³னங் கத்வா பக்காமி. ஸேஸங் அனந்தரவிமானஸதி³ஸங். தேன வுத்தங் –
Uccamidaṃmaṇithūṇanti karaṇīyavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sāvatthivāsī eko upāsako nhānopakaraṇāni gahetvā aciravatiṃ gantvā nhatvā āgacchanto bhagavantaṃ sāvatthiṃ piṇḍāya pavisantaṃ disvā upasaṅkamitvā vanditvā evamāha ‘‘bhante kena nimantitā’’ti. Bhagavā tuṇhī ahosi. So kenaci animantitabhāvaṃ ñatvā āha ‘‘adhivāsetu me, bhante, bhagavā bhattaṃ anukampaṃ upādāyā’’ti. Adhivāsesi bhagavā tuṇhībhāvena. So bhagavantaṃ attano gehaṃ netvā buddhārahaṃ āsanaṃ paññāpetvā tattha bhagavantaṃ nisīdāpetvā paṇītena annapānena santappesi. Bhagavā katabhattakicco tassa anumodanaṃ katvā pakkāmi. Sesaṃ anantaravimānasadisaṃ. Tena vuttaṃ –
926. ‘‘உச்சமித³ங் மணிதூ²ணங் விமானங்…பே॰… நாரியோ ச நச்சந்தி ஸுவண்ணச²ன்னா.
926. ‘‘Uccamidaṃ maṇithūṇaṃ vimānaṃ…pe… nāriyo ca naccanti suvaṇṇachannā.
928. ‘‘கேன தேதாதி³ஸோ வண்ணோ…பே॰… வண்ணோ ச தே ஸப்³ப³தி³ஸா பபா⁴ஸதீ’’தி.
928. ‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
930. ‘‘ஸோ தே³வபுத்தோ அத்தமனோ…பே॰… யஸ்ஸ கம்மஸ்ஸித³ங் ப²லங்’’.
930. ‘‘So devaputto attamano…pe… yassa kammassidaṃ phalaṃ’’.
931.
931.
‘‘கரணீயானி புஞ்ஞானி, பண்டி³தேன விஜானதா;
‘‘Karaṇīyāni puññāni, paṇḍitena vijānatā;
ஸம்மக்³க³தேஸு பு³த்³தே⁴ஸு, யத்த² தி³ன்னங் மஹப்ப²லங்.
Sammaggatesu buddhesu, yattha dinnaṃ mahapphalaṃ.
931.
931.
‘‘அத்தா²ய வத மே பு³த்³தோ⁴, அரஞ்ஞா கா³மமாக³தோ;
‘‘Atthāya vata me buddho, araññā gāmamāgato;
கத்த² சித்தங் பஸாதெ³த்வா, தாவதிங்ஸூபகோ³ அஹங்.
Kattha cittaṃ pasādetvā, tāvatiṃsūpago ahaṃ.
933. ‘‘தேன மேதாதி³ஸோ வண்ணோ…பே॰… வண்ணோ ச மே ஸப்³ப³தி³ஸா பபா⁴ஸதீ’’தி.
933. ‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
931. தத்த² பண்டி³தேனாதி ஸப்பஞ்ஞேன. விஜானதாதி அத்தனோ ஹிதாஹிதங் ஜானந்தேன. ஸம்மக்³க³தேஸூதி ஸம்மாபடிபன்னேஸு, பு³த்³தே⁴ஸூதி ஸம்மாஸம்பு³த்³தே⁴ஸு.
931. Tattha paṇḍitenāti sappaññena. Vijānatāti attano hitāhitaṃ jānantena. Sammaggatesūti sammāpaṭipannesu, buddhesūti sammāsambuddhesu.
932. அத்தா²யாதி ஹிதாய, வுட்³டி⁴யா வா. அரஞ்ஞாதி விஹாரதோ, ஜேதவனங் ஸந்தா⁴ய வத³தி . தாவதிங்ஸூபகோ³தி தாவதிங்ஸதே³வகாயங், தாவதிங்ஸப⁴வனங் வா உப்பஜ்ஜனவஸேன உபக³தோ. ஸேஸங் வுத்தனயமேவ.
932.Atthāyāti hitāya, vuḍḍhiyā vā. Araññāti vihārato, jetavanaṃ sandhāya vadati . Tāvatiṃsūpagoti tāvatiṃsadevakāyaṃ, tāvatiṃsabhavanaṃ vā uppajjanavasena upagato. Sesaṃ vuttanayameva.
கரணீயவிமானவண்ணனா நிட்டி²தா.
Karaṇīyavimānavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / விமானவத்து²பாளி • Vimānavatthupāḷi / 6. பட²மகரணீயவிமானவத்து² • 6. Paṭhamakaraṇīyavimānavatthu
