| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
6. батамагаран̣ийяавимаанаван̣н̣анаа
6. Paṭhamakaraṇīyavimānavaṇṇanā
ужжамид̣̇ам̣ ман̣ит̇уун̣анд̇и гаран̣ийяавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна саавад̇т̇иваасий зго убаасаго нхаанобагаран̣аани г̇ахзд̇ваа ажиравад̇им̣ г̇анд̇ваа нхад̇ваа ааг̇ажчанд̇о бхаг̇аванд̇ам̣ саавад̇т̇им̣ бин̣д̣ааяа бависанд̇ам̣ д̣̇исваа убасан̇гамид̇ваа ванд̣̇ид̇ваа звамааха ‘‘бханд̇з гзна ниманд̇ид̇аа’’д̇и. бхаг̇аваа д̇ун̣хий ахоси. со гзнажи аниманд̇ид̇абхаавам̣ н̃ад̇ваа ааха ‘‘ад̇хиваасзд̇у мз, бханд̇з, бхаг̇аваа бхад̇д̇ам̣ анугамбам̣ убаад̣̇ааяаа’’д̇и. ад̇хиваасзси бхаг̇аваа д̇ун̣хийбхаавзна. со бхаг̇аванд̇ам̣ ад̇д̇ано г̇зхам̣ нзд̇ваа б̣уд̣̇д̇хаарахам̣ аасанам̣ бан̃н̃аабзд̇ваа д̇ад̇т̇а бхаг̇аванд̇ам̣ нисийд̣̇аабзд̇ваа бан̣ийд̇зна аннабаанзна санд̇аббзси. бхаг̇аваа гад̇абхад̇д̇агижжо д̇асса анумод̣̇анам̣ гад̇ваа баггаами. сзсам̣ ананд̇аравимаанасад̣̇исам̣. д̇зна вуд̇д̇ам̣ –
Uccamidaṃmaṇithūṇanti karaṇīyavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sāvatthivāsī eko upāsako nhānopakaraṇāni gahetvā aciravatiṃ gantvā nhatvā āgacchanto bhagavantaṃ sāvatthiṃ piṇḍāya pavisantaṃ disvā upasaṅkamitvā vanditvā evamāha ‘‘bhante kena nimantitā’’ti. Bhagavā tuṇhī ahosi. So kenaci animantitabhāvaṃ ñatvā āha ‘‘adhivāsetu me, bhante, bhagavā bhattaṃ anukampaṃ upādāyā’’ti. Adhivāsesi bhagavā tuṇhībhāvena. So bhagavantaṃ attano gehaṃ netvā buddhārahaṃ āsanaṃ paññāpetvā tattha bhagavantaṃ nisīdāpetvā paṇītena annapānena santappesi. Bhagavā katabhattakicco tassa anumodanaṃ katvā pakkāmi. Sesaṃ anantaravimānasadisaṃ. Tena vuttaṃ –
926. ‘‘ужжамид̣̇ам̣ ман̣ит̇уун̣ам̣ вимаанам̣…бз… наарияо жа нажжанд̇и суван̣н̣ачаннаа.
926. ‘‘Uccamidaṃ maṇithūṇaṃ vimānaṃ…pe… nāriyo ca naccanti suvaṇṇachannā.
928. ‘‘гзна д̇зд̇аад̣̇исо ван̣н̣о…бз… ван̣н̣о жа д̇з саб̣б̣ад̣̇исаа бабхаасад̇ий’’д̇и.
928. ‘‘Kena tetādiso vaṇṇo…pe… vaṇṇo ca te sabbadisā pabhāsatī’’ti.
930. ‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
930. ‘‘So devaputto attamano…pe… yassa kammassidaṃ phalaṃ’’.
931.
931.
‘‘гаран̣ийяаани бун̃н̃аани, бан̣д̣ид̇зна виж̇аанад̇аа;
‘‘Karaṇīyāni puññāni, paṇḍitena vijānatā;
саммаг̇г̇ад̇зсу б̣уд̣̇д̇хзсу, яад̇т̇а д̣̇иннам̣ махабпалам̣.
Sammaggatesu buddhesu, yattha dinnaṃ mahapphalaṃ.
931.
931.
‘‘ад̇т̇ааяа вад̇а мз б̣уд̣̇д̇хо, аран̃н̃аа г̇аамамааг̇ад̇о;
‘‘Atthāya vata me buddho, araññā gāmamāgato;
гад̇т̇а жид̇д̇ам̣ басаад̣̇зд̇ваа, д̇аавад̇им̣суубаг̇о ахам̣.
Kattha cittaṃ pasādetvā, tāvatiṃsūpago ahaṃ.
933. ‘‘д̇зна мзд̇аад̣̇исо ван̣н̣о…бз… ван̣н̣о жа мз саб̣б̣ад̣̇исаа бабхаасад̇ий’’д̇и.
933. ‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
931. д̇ад̇т̇а бан̣д̣ид̇знаад̇и саббан̃н̃зна. виж̇аанад̇аад̇и ад̇д̇ано хид̇аахид̇ам̣ ж̇аананд̇зна. саммаг̇г̇ад̇зсууд̇и саммаабадибаннзсу, б̣уд̣̇д̇хзсууд̇и саммаасамб̣уд̣̇д̇хзсу.
931. Tattha paṇḍitenāti sappaññena. Vijānatāti attano hitāhitaṃ jānantena. Sammaggatesūti sammāpaṭipannesu, buddhesūti sammāsambuddhesu.
932. ад̇т̇ааяаад̇и хид̇ааяа, вуд̣дхияаа ваа. аран̃н̃аад̇и вихаарад̇о, ж̇зд̇аванам̣ санд̇хааяа вад̣̇ад̇и . д̇аавад̇им̣суубаг̇од̇и д̇аавад̇им̣сад̣̇звагааяам̣, д̇аавад̇им̣сабхаванам̣ ваа уббаж̇ж̇анавасзна убаг̇ад̇о. сзсам̣ вуд̇д̇анаяамзва.
932.Atthāyāti hitāya, vuḍḍhiyā vā. Araññāti vihārato, jetavanaṃ sandhāya vadati . Tāvatiṃsūpagoti tāvatiṃsadevakāyaṃ, tāvatiṃsabhavanaṃ vā uppajjanavasena upagato. Sesaṃ vuttanayameva.
гаран̣ийяавимаанаван̣н̣анаа нидтид̇аа.
Karaṇīyavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. батамагаран̣ийяавимаанавад̇т̇у • 6. Paṭhamakaraṇīyavimānavatthu
