| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. දෙවපුත්‌තසංයුත්‌තං
2. Devaputtasaṃyuttaṃ
1. පඨමවග්‌ගො
1. Paṭhamavaggo
1. පඨමකස්‌සපසුත්‌තං
1. Paṭhamakassapasuttaṃ
82. එවං මෙ සුතං – එකං සමයං භගවා සාවත්‌ථියං විහරති ජෙතවනෙ අනාථපිණ්‌ඩිකස්‌ස ආරාමෙ. අථ ඛො කස්‌සපො දෙවපුත්‌තො අභික්‌කන්‌තාය රත්‌තියා අභික්‌කන්‌තවණ්‌ණො කෙවලකප්‌පං ජෙතවනං ඔභාසෙත්‌වා යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි. එකමන්‌තං ඨිතො ඛො කස්‌සපො දෙවපුත්‌තො භගවන්‌තං එතදවොච – ‘‘භික්‌ඛුං භගවා පකාසෙසි, නො ච භික්‌ඛුනො අනුසාස’’න්‌ති. ‘‘තෙන හි කස්‌සප, තඤ්‌ඤෙවෙත්‌ථ පටිභාතූ’’ති.
82. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho kassapo devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kassapo devaputto bhagavantaṃ etadavoca – ‘‘bhikkhuṃ bhagavā pakāsesi, no ca bhikkhuno anusāsa’’nti. ‘‘Tena hi kassapa, taññevettha paṭibhātū’’ti.
‘‘සුභාසිතස්‌ස සික්‌ඛෙථ, සමණූපාසනස්‌ස ච;
‘‘Subhāsitassa sikkhetha, samaṇūpāsanassa ca;
එකාසනස්‌ස ච රහො, චිත්‌තවූපසමස්‌ස චා’’ති.
Ekāsanassa ca raho, cittavūpasamassa cā’’ti.
ඉදමවොච කස්‌සපො දෙවපුත්‌තො; සමනුඤ්‌ඤො සත්‌ථා අහොසි. අථ ඛො කස්‌සපො දෙවපුත්‌තො ‘‘සමනුඤ්‌ඤො මෙ සත්‌ථා’’ති භගවන්‌තං අභිවාදෙත්‌වා පදක්‌ඛිණං කත්‌වා තත්‌ථෙවන්‌තරධායීති.
Idamavoca kassapo devaputto; samanuñño satthā ahosi. Atha kho kassapo devaputto ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyīti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1. පඨමකස්‌සපසුත්‌තවණ්‌ණනා • 1. Paṭhamakassapasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. පඨමකස්‌සපසුත්‌තවණ්‌ණනා • 1. Paṭhamakassapasuttavaṇṇanā
