| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. தே³வபுத்தஸங்யுத்தங்
2. Devaputtasaṃyuttaṃ
1. பட²மவக்³கோ³
1. Paṭhamavaggo
1. பட²மகஸ்ஸபஸுத்தவண்ணனா
1. Paṭhamakassapasuttavaṇṇanā
82. தே³வபுத்தஸங்யுத்தஸ்ஸ பட²மே தே³வபுத்தோதி தே³வானஞ்ஹி அங்கே நிப்³ப³த்தா புரிஸா தே³வபுத்தா நாம, இத்தி²யோ தே³வதீ⁴தரோ நாம ஹொந்தி. நாமவஸேன அபாகடாவ ‘‘அஞ்ஞதரா தே³வதா’’தி வுச்சதி, பாகடோ ‘‘இத்த²ன்னாமோ தே³வபுத்தோ’’தி. தஸ்மா ஹெட்டா² ‘‘அஞ்ஞதரா தே³வதா’’தி வத்வா இத⁴ ‘‘தே³வபுத்தோ’’தி வுத்தங். அனுஸாஸந்தி அனுஸிட்டி²ங். அயங் கிர தே³வபுத்தோ ப⁴க³வதா ஸம்போ³தி⁴தோ ஸத்தமே வஸ்ஸே யமகபாடிஹாரியங் கத்வா தித³ஸபுரே வஸ்ஸங் உபக³ம்ம அபி⁴த⁴ம்மங் தே³ஸெந்தேன ஜா²னவிப⁴ங்கே³ – ‘‘பி⁴க்கூ²தி ஸமஞ்ஞாய பி⁴க்கு², படிஞ்ஞாய பி⁴க்கூ²’’தி (விப⁴॰ 510). ஏவங் பி⁴க்கு²னித்³தே³ஸங் கதி²யமானங் அஸ்ஸோஸி. ‘‘ஏவங் விதக்கேத², மா ஏவங் விதக்கயித்த², ஏவங் மனஸிகரோத², மா ஏவங் மனஸாகத்த². இத³ங் பஜஹத², இத³ங் உபஸம்பஜ்ஜ விஹரதா²’’தி (பாரா॰ 19). ஏவரூபங் பன பி⁴க்கு²ஓவாத³ங் பி⁴க்கு²அனுஸாஸனங் ந அஸ்ஸோஸி. ஸோ தங் ஸந்தா⁴ய – ‘‘பி⁴க்கு²ங் ப⁴க³வா பகாஸேஸி, நோ ச பி⁴க்கு²னோ அனுஸாஸ’’ந்தி ஆஹ.
82. Devaputtasaṃyuttassa paṭhame devaputtoti devānañhi aṅke nibbattā purisā devaputtā nāma, itthiyo devadhītaro nāma honti. Nāmavasena apākaṭāva ‘‘aññatarā devatā’’ti vuccati, pākaṭo ‘‘itthannāmo devaputto’’ti. Tasmā heṭṭhā ‘‘aññatarā devatā’’ti vatvā idha ‘‘devaputto’’ti vuttaṃ. Anusāsanti anusiṭṭhiṃ. Ayaṃ kira devaputto bhagavatā sambodhito sattame vasse yamakapāṭihāriyaṃ katvā tidasapure vassaṃ upagamma abhidhammaṃ desentena jhānavibhaṅge – ‘‘bhikkhūti samaññāya bhikkhu, paṭiññāya bhikkhū’’ti (vibha. 510). Evaṃ bhikkhuniddesaṃ kathiyamānaṃ assosi. ‘‘Evaṃ vitakketha, mā evaṃ vitakkayittha, evaṃ manasikarotha, mā evaṃ manasākattha. Idaṃ pajahatha, idaṃ upasampajja viharathā’’ti (pārā. 19). Evarūpaṃ pana bhikkhuovādaṃ bhikkhuanusāsanaṃ na assosi. So taṃ sandhāya – ‘‘bhikkhuṃ bhagavā pakāsesi, no ca bhikkhuno anusāsa’’nti āha.
தேன ஹீதி யஸ்மா மயா பி⁴க்கு²னோ அனுஸிட்டி² ந பகாஸிதாதி வத³ஸி, தஸ்மா. தஞ்ஞேவெத்த² படிபா⁴தூதி துய்ஹேவேஸா அனுஸிட்டி²பகாஸனா உபட்டா²தூதி. யோ ஹி பஞ்ஹங் கதே²துகாமோ ஹோதி, ந ச ஸக்கோதி ஸப்³ப³ஞ்ஞுதஞ்ஞாணேன ஸத்³தி⁴ங் ஸங்ஸந்தி³த்வா கதே²துங். யோ வா ந கதே²துகாமோ ஹோதி, ஸக்கோதி பன கதே²துங். யோ வா நேவ கதே²துகாமோ ஹோதி, கதே²துங் ந ச ஸக்கோதி. ஸப்³பே³ஸம்பி தேஸங் ப⁴க³வா பஞ்ஹங் பா⁴ரங் ந கரோதி. அயங் பன தே³வபுத்தோ கதே²துகாமோ சேவ, ஸக்கோதி ச கதே²துங். தஸ்மா தஸ்ஸேவ பா⁴ரங் கரொந்தோ ப⁴க³வா ஏவமாஹ. ஸோபி பஞ்ஹங் கதே²ஸி.
Tena hīti yasmā mayā bhikkhuno anusiṭṭhi na pakāsitāti vadasi, tasmā. Taññevettha paṭibhātūti tuyhevesā anusiṭṭhipakāsanā upaṭṭhātūti. Yo hi pañhaṃ kathetukāmo hoti, na ca sakkoti sabbaññutaññāṇena saddhiṃ saṃsanditvā kathetuṃ. Yo vā na kathetukāmo hoti, sakkoti pana kathetuṃ. Yo vā neva kathetukāmo hoti, kathetuṃ na ca sakkoti. Sabbesampi tesaṃ bhagavā pañhaṃ bhāraṃ na karoti. Ayaṃ pana devaputto kathetukāmo ceva, sakkoti ca kathetuṃ. Tasmā tasseva bhāraṃ karonto bhagavā evamāha. Sopi pañhaṃ kathesi.
தத்த² ஸுபா⁴ஸிதஸ்ஸ ஸிக்கே²தா²தி ஸுபா⁴ஸிதங் ஸிக்கெ²ய்ய, சதுஸச்சனிஸ்ஸிதங் த³ஸகதா²வத்து²னிஸ்ஸிதங் ஸத்ததிங்ஸபோ³தி⁴பக்கி²யனிஸ்ஸிதங் சதுப்³பி³த⁴ங் வசீஸுசரிதமேவ ஸிக்கெ²ய்ய. ஸமணூபாஸனஸ்ஸ சாதி ஸமணேஹி உபாஸிதப்³ப³ங் ஸமணூபாஸனங் நாம அட்ட²திங்ஸபே⁴த³ங் கம்மட்டா²னங், தம்பி ஸிக்கெ²ய்ய பா⁴வெய்யாதி அத்தோ². ப³ஹுஸ்ஸுதானங் வா பி⁴க்கூ²னங் உபாஸனம்பி ஸமணூபாஸனங். தம்பி ‘கிங், ப⁴ந்தே, குஸல’’ந்திஆதி³னா பஞ்ஹபுச்ச²னேன பஞ்ஞாவுத்³த⁴த்த²ங் ஸிக்கெ²ய்ய. சித்தவூபஸமஸ்ஸ சாதி அட்ட²ஸமாபத்திவஸேன சித்தவூபஸமங் ஸிக்கெ²ய்ய. இதி தே³வபுத்தேன திஸ்ஸோ ஸிக்கா² கதி²தா ஹொந்தி. புரிமபதே³ன ஹி அதி⁴ஸீலஸிக்கா² கதி²தா, து³தியபதே³ன அதி⁴பஞ்ஞாஸிக்கா², சித்தவூபஸமேன அதி⁴சித்தஸிக்கா²தி ஏவங் இமாய கா³தா²ய ஸகலம்பி ஸாஸனங் பகாஸிதமேவ ஹோதி. பட²மங்.
Tattha subhāsitassa sikkhethāti subhāsitaṃ sikkheyya, catusaccanissitaṃ dasakathāvatthunissitaṃ sattatiṃsabodhipakkhiyanissitaṃ catubbidhaṃ vacīsucaritameva sikkheyya. Samaṇūpāsanassa cāti samaṇehi upāsitabbaṃ samaṇūpāsanaṃ nāma aṭṭhatiṃsabhedaṃ kammaṭṭhānaṃ, tampi sikkheyya bhāveyyāti attho. Bahussutānaṃ vā bhikkhūnaṃ upāsanampi samaṇūpāsanaṃ. Tampi ‘kiṃ, bhante, kusala’’ntiādinā pañhapucchanena paññāvuddhatthaṃ sikkheyya. Cittavūpasamassa cāti aṭṭhasamāpattivasena cittavūpasamaṃ sikkheyya. Iti devaputtena tisso sikkhā kathitā honti. Purimapadena hi adhisīlasikkhā kathitā, dutiyapadena adhipaññāsikkhā, cittavūpasamena adhicittasikkhāti evaṃ imāya gāthāya sakalampi sāsanaṃ pakāsitameva hoti. Paṭhamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. பட²மகஸ்ஸபஸுத்தங் • 1. Paṭhamakassapasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. பட²மகஸ்ஸபஸுத்தவண்ணனா • 1. Paṭhamakassapasuttavaṇṇanā
