| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇звабуд̇д̇асам̣яуд̇д̇ам̣
2. Devaputtasaṃyuttaṃ
1. батамаваг̇г̇о
1. Paṭhamavaggo
1. батамагассабасуд̇д̇аван̣н̣анаа
1. Paṭhamakassapasuttavaṇṇanā
82. д̣̇звабуд̇д̇асам̣яуд̇д̇асса батамз д̣̇звабуд̇д̇од̇и д̣̇зваанан̃хи ан̇гз ниб̣б̣ад̇д̇аа бурисаа д̣̇звабуд̇д̇аа наама, ид̇т̇ияо д̣̇звад̇хийд̇аро наама хонд̇и. наамавасзна абаагадаава ‘‘ан̃н̃ад̇араа д̣̇звад̇аа’’д̇и вужжад̇и, баагадо ‘‘ид̇т̇аннаамо д̣̇звабуд̇д̇о’’д̇и. д̇асмаа хздтаа ‘‘ан̃н̃ад̇араа д̣̇звад̇аа’’д̇и вад̇ваа ид̇ха ‘‘д̣̇звабуд̇д̇о’’д̇и вуд̇д̇ам̣. анусаасанд̇и анусидтим̣. аяам̣ гира д̣̇звабуд̇д̇о бхаг̇авад̇аа самб̣од̇хид̇о сад̇д̇амз вассз яамагабаадихаарияам̣ гад̇ваа д̇ид̣̇асабурз вассам̣ убаг̇амма абхид̇хаммам̣ д̣̇зсзнд̇зна жхаанавибхан̇г̇з – ‘‘бхигкууд̇и саман̃н̃ааяа бхигку, бадин̃н̃ааяа бхигкуу’’д̇и (вибха. 510). звам̣ бхигкунид̣̇д̣̇зсам̣ гат̇ияамаанам̣ ассоси. ‘‘звам̣ вид̇аггзт̇а, маа звам̣ вид̇аггаяид̇т̇а, звам̣ манасигарот̇а, маа звам̣ манасаагад̇т̇а. ид̣̇ам̣ баж̇ахат̇а, ид̣̇ам̣ убасамбаж̇ж̇а вихарат̇аа’’д̇и (баараа. 19). зваруубам̣ бана бхигкуоваад̣̇ам̣ бхигкуанусаасанам̣ на ассоси. со д̇ам̣ санд̇хааяа – ‘‘бхигкум̣ бхаг̇аваа багаасзси, но жа бхигкуно анусааса’’нд̇и ааха.
82. Devaputtasaṃyuttassa paṭhame devaputtoti devānañhi aṅke nibbattā purisā devaputtā nāma, itthiyo devadhītaro nāma honti. Nāmavasena apākaṭāva ‘‘aññatarā devatā’’ti vuccati, pākaṭo ‘‘itthannāmo devaputto’’ti. Tasmā heṭṭhā ‘‘aññatarā devatā’’ti vatvā idha ‘‘devaputto’’ti vuttaṃ. Anusāsanti anusiṭṭhiṃ. Ayaṃ kira devaputto bhagavatā sambodhito sattame vasse yamakapāṭihāriyaṃ katvā tidasapure vassaṃ upagamma abhidhammaṃ desentena jhānavibhaṅge – ‘‘bhikkhūti samaññāya bhikkhu, paṭiññāya bhikkhū’’ti (vibha. 510). Evaṃ bhikkhuniddesaṃ kathiyamānaṃ assosi. ‘‘Evaṃ vitakketha, mā evaṃ vitakkayittha, evaṃ manasikarotha, mā evaṃ manasākattha. Idaṃ pajahatha, idaṃ upasampajja viharathā’’ti (pārā. 19). Evarūpaṃ pana bhikkhuovādaṃ bhikkhuanusāsanaṃ na assosi. So taṃ sandhāya – ‘‘bhikkhuṃ bhagavā pakāsesi, no ca bhikkhuno anusāsa’’nti āha.
д̇зна хийд̇и яасмаа маяаа бхигкуно анусидти на багаасид̇аад̇и вад̣̇аси, д̇асмаа. д̇ан̃н̃звзд̇т̇а бадибхаад̇ууд̇и д̇уяхзвзсаа анусидтибагаасанаа убадтаад̇ууд̇и. яо хи бан̃хам̣ гат̇зд̇угаамо ход̇и, на жа саггод̇и саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇ид̇ваа гат̇зд̇ум̣. яо ваа на гат̇зд̇угаамо ход̇и, саггод̇и бана гат̇зд̇ум̣. яо ваа нзва гат̇зд̇угаамо ход̇и, гат̇зд̇ум̣ на жа саггод̇и. саб̣б̣зсамби д̇зсам̣ бхаг̇аваа бан̃хам̣ бхаарам̣ на гарод̇и. аяам̣ бана д̣̇звабуд̇д̇о гат̇зд̇угаамо жзва, саггод̇и жа гат̇зд̇ум̣. д̇асмаа д̇ассзва бхаарам̣ гаронд̇о бхаг̇аваа звамааха. соби бан̃хам̣ гат̇зси.
Tena hīti yasmā mayā bhikkhuno anusiṭṭhi na pakāsitāti vadasi, tasmā. Taññevettha paṭibhātūti tuyhevesā anusiṭṭhipakāsanā upaṭṭhātūti. Yo hi pañhaṃ kathetukāmo hoti, na ca sakkoti sabbaññutaññāṇena saddhiṃ saṃsanditvā kathetuṃ. Yo vā na kathetukāmo hoti, sakkoti pana kathetuṃ. Yo vā neva kathetukāmo hoti, kathetuṃ na ca sakkoti. Sabbesampi tesaṃ bhagavā pañhaṃ bhāraṃ na karoti. Ayaṃ pana devaputto kathetukāmo ceva, sakkoti ca kathetuṃ. Tasmā tasseva bhāraṃ karonto bhagavā evamāha. Sopi pañhaṃ kathesi.
д̇ад̇т̇а субхаасид̇асса сигкзт̇аад̇и субхаасид̇ам̣ сигкзяяа, жад̇усажжаниссид̇ам̣ д̣̇асагат̇аавад̇т̇униссид̇ам̣ сад̇д̇ад̇им̣саб̣од̇хибагкияаниссид̇ам̣ жад̇уб̣б̣ид̇хам̣ важийсужарид̇амзва сигкзяяа. саман̣уубаасанасса жаад̇и саман̣зхи убаасид̇аб̣б̣ам̣ саман̣уубаасанам̣ наама адтад̇им̣сабхзд̣̇ам̣ гаммадтаанам̣, д̇амби сигкзяяа бхаавзяяаад̇и ад̇т̇о. б̣ахуссуд̇аанам̣ ваа бхигкуунам̣ убаасанамби саман̣уубаасанам̣. д̇амби ‘гим̣, бханд̇з, гусала’’нд̇иаад̣̇инаа бан̃хабужчанзна бан̃н̃аавуд̣̇д̇хад̇т̇ам̣ сигкзяяа. жид̇д̇авуубасамасса жаад̇и адтасамаабад̇д̇ивасзна жид̇д̇авуубасамам̣ сигкзяяа. ид̇и д̣̇звабуд̇д̇зна д̇иссо сигкаа гат̇ид̇аа хонд̇и. буримабад̣̇зна хи ад̇хисийласигкаа гат̇ид̇аа, д̣̇уд̇ияабад̣̇зна ад̇хибан̃н̃аасигкаа, жид̇д̇авуубасамзна ад̇хижид̇д̇асигкаад̇и звам̣ имааяа г̇аат̇ааяа сагаламби саасанам̣ багаасид̇амзва ход̇и. батамам̣.
Tattha subhāsitassa sikkhethāti subhāsitaṃ sikkheyya, catusaccanissitaṃ dasakathāvatthunissitaṃ sattatiṃsabodhipakkhiyanissitaṃ catubbidhaṃ vacīsucaritameva sikkheyya. Samaṇūpāsanassa cāti samaṇehi upāsitabbaṃ samaṇūpāsanaṃ nāma aṭṭhatiṃsabhedaṃ kammaṭṭhānaṃ, tampi sikkheyya bhāveyyāti attho. Bahussutānaṃ vā bhikkhūnaṃ upāsanampi samaṇūpāsanaṃ. Tampi ‘kiṃ, bhante, kusala’’ntiādinā pañhapucchanena paññāvuddhatthaṃ sikkheyya. Cittavūpasamassa cāti aṭṭhasamāpattivasena cittavūpasamaṃ sikkheyya. Iti devaputtena tisso sikkhā kathitā honti. Purimapadena hi adhisīlasikkhā kathitā, dutiyapadena adhipaññāsikkhā, cittavūpasamena adhicittasikkhāti evaṃ imāya gāthāya sakalampi sāsanaṃ pakāsitameva hoti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. батамагассабасуд̇д̇ам̣ • 1. Paṭhamakassapasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. батамагассабасуд̇д̇аван̣н̣анаа • 1. Paṭhamakassapasuttavaṇṇanā
