| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̣̇звабуд̇д̇асам̣яуд̇д̇ам̣
2. Devaputtasaṃyuttaṃ
1. батамаваг̇г̇о
1. Paṭhamavaggo
1. батамагассабасуд̇д̇аван̣н̣анаа
1. Paṭhamakassapasuttavaṇṇanā
82. д̣̇звасса буд̇д̇о д̣̇звабуд̇д̇о. д̣̇зваанам̣ ж̇анагаж̇анзд̇аб̣б̣асамб̣анд̇хаабхаавад̇о гат̇амаяам̣ д̣̇звабуд̇д̇од̇и вужжад̇ийд̇и ааха ‘‘д̣̇зваанам̣ хий’’д̇иаад̣̇и. ‘‘абаагадо ан̃н̃ад̇арод̇и вужжад̇ий’’д̇и ид̣̇ам̣ язбхуяяавасзна вуд̇д̇ам̣. баагадоби хи гад̇т̇ажи ‘‘ан̃н̃ад̇аро’’д̇и вужжад̇и. хздтаа д̣̇звад̇аасам̣яуд̇д̇з ‘‘абаагадаа ан̃н̃ад̇араа д̣̇звад̇аа’’д̇и вад̇ваа ид̇ха ‘‘баагадо д̣̇звабуд̇д̇о’’д̇и вуд̇д̇ам̣. д̇ат̇аа хисса гассабод̇и г̇од̇д̇анаамам̣ г̇ахид̇ам̣, д̇ан̃жа ко буримаж̇аад̇исид̣̇д̇хасаман̃н̃аавасзна. анусаасанам̣ анусаасо, д̇ам̣ анусаасам̣. бхигкунид̣̇д̣̇зсанд̇и бхигкусад̣̇д̣̇асса нид̣̇д̣̇зсам̣. бхигкуоваад̣̇анд̇и бхигкубхааваавахам̣ оваад̣̇ам̣. яад̣̇и бана на ассоси, гат̇амаяам̣ бан̃хам̣ гат̇зсийд̇и? ан̃н̃ад̇о суд̇ам̣ ниссааяа бан̃хам̣ гат̇зси, на бана бхаг̇авад̇о саммукаа суд̇абхаавзна.
82. Devassa putto devaputto. Devānaṃ janakajanetabbasambandhābhāvato kathamayaṃ devaputtoti vuccatīti āha ‘‘devānaṃ hī’’tiādi. ‘‘Apākaṭo aññataroti vuccatī’’ti idaṃ yebhuyyavasena vuttaṃ. Pākaṭopi hi katthaci ‘‘aññataro’’ti vuccati. Heṭṭhā devatāsaṃyutte ‘‘apākaṭā aññatarā devatā’’ti vatvā idha ‘‘pākaṭo devaputto’’ti vuttaṃ. Tathā hissa kassapoti gottanāmaṃ gahitaṃ, tañca kho purimajātisiddhasamaññāvasena. Anusāsanaṃ anusāso, taṃ anusāsaṃ. Bhikkhuniddesanti bhikkhusaddassa niddesaṃ. Bhikkhuovādanti bhikkhubhāvāvahaṃ ovādaṃ. Yadi pana na assosi, kathamayaṃ pañhaṃ kathesīti? Aññato sutaṃ nissāya pañhaṃ kathesi, na pana bhagavato sammukhā sutabhāvena.
д̇зсанд̇и яат̇аавуд̇д̇аанам̣ д̇ин̣н̣ам̣ буг̇г̇алаанам̣. ‘‘гат̇зд̇угаамо жзваа’’д̇иаад̣̇инаа хи жад̇уд̇т̇ам̣ ид̇ха уд̣̇д̇хадам̣. д̇ад̇т̇а аад̣̇ид̇о д̇ин̣н̣ам̣ бхаг̇аваа бан̃хам̣ бхаарам̣ на гарод̇и згзган̇г̇авзгаллад̇о жзва ан̇г̇ад̣̇ваяавзгаллад̇о жа, жад̇уд̇т̇асса бана убхаяан̇г̇абаарибуурад̇д̇аа бхаарам̣ гарод̇ийд̇и ааха ‘‘аяам̣ банаа’’д̇иаад̣̇и.
Tesanti yathāvuttānaṃ tiṇṇaṃ puggalānaṃ. ‘‘Kathetukāmo cevā’’tiādinā hi catutthaṃ idha uddhaṭaṃ. Tattha ādito tiṇṇaṃ bhagavā pañhaṃ bhāraṃ na karoti ekekaṅgavekallato ceva aṅgadvayavekallato ca, catutthassa pana ubhayaṅgapāripūrattā bhāraṃ karotīti āha ‘‘ayaṃ panā’’tiādi.
г̇аат̇ааяам̣ ‘‘субхаасид̇ассаа’’д̇и убаяог̇ад̇т̇з саамиважананд̇и ааха ‘‘субхаасид̇ам̣ сигкзяяаа’’д̇и. жад̇усажжаад̣̇иниссид̇ам̣ б̣уд̣̇д̇хаважанам̣ сигканд̇о жад̇уб̣б̣ид̇хам̣ важийсужарид̇ам̣ сигкад̇и наамаад̇и ааха ‘‘жад̇усажжаниссид̇ам̣…бз… сигкзяяаа’’д̇и. авад̇хааран̣зна д̇аббадибагкам̣ бадинивад̇д̇зд̇и. убаасид̇аб̣б̣анд̇и аасзвид̇аб̣б̣ам̣ бхаавзд̇аб̣б̣ам̣ б̣ахулийгаад̇аб̣б̣ам̣. адтад̇им̣сабхзд̣̇ам̣ гаммадтаананд̇и ид̣̇ам̣ д̇асса вибассанаабад̣̇адтаанад̇ам̣ хад̣̇аяз табзд̇ваа вуд̇д̇ам̣. д̇ат̇аа хи вуд̇д̇ам̣ ‘‘д̣̇уд̇ияабад̣̇зна ад̇хибан̃н̃аасигкаа гат̇ид̇аа’’д̇и. яз бана ‘‘д̣̇уд̇ияабад̣̇зна ад̇хижид̇д̇асигкаа жид̇д̇авуубасамзна ад̇хибан̃н̃аасигкаа’’д̇и батанд̇и, д̇зсам̣ бад̣̇зна адтад̇им̣саббабхзд̣̇агаммадтаанам̣ суд̣̇д̇хасамат̇агаммадтаанассзва г̇ахан̣ам̣ д̣̇адтаб̣б̣ам̣. яад̣̇и звам̣ ‘‘адтасамаабад̇д̇ивасзнаа’’д̇и ид̣̇ам̣ гат̇анд̇и? ‘‘д̇ам̣ вибассанаад̇хидтаанаанам̣ самаабад̇д̇ийнам̣ васзна гат̇ид̇а’’нд̇и вад̣̇анд̇и. зван̃жа гад̇ваа ‘‘д̣̇уд̇ияабад̣̇зна ад̇хибан̃н̃аасигкаа’’д̇и ид̣̇ам̣ важанам̣ самад̇т̇ид̇ам̣ ход̇и. сигканам̣ наама аасзвананд̇и ааха ‘‘бхаавзяяаад̇и ад̇т̇о’’д̇и. убаасананд̇и баяирубаасанам̣. д̇ан̃жа ко ассуд̇абарияаабун̣анагаммадтаануг̇г̇ахаад̣̇ивасзна д̣̇ассзнд̇о ‘‘д̇амбий’’д̇иаад̣̇имааха. ад̇хисийласигкаа гат̇ид̇аа лагкан̣ахааранаязна. важийсужарид̇асса хи сийласабхаавад̇д̇аа д̇аг̇г̇ахан̣знзва д̇ад̣̇згалагкан̣ам̣ гааяасужарид̇амби ид̇арамби г̇ахид̇амзваад̇и. зд̇т̇а жа ад̇хисийласигкааяа жид̇д̇авивзго, ад̇хибан̃н̃аасигкааяа убад̇хививзго, ад̇хижид̇д̇асигкааяа гааяавивзго гат̇ид̇о, гааяавивзго бана саруубзнзва баал̣ияам̣ г̇ахид̇од̇и д̇ивид̇хассаби вивзгасса багаасид̇ад̇д̇ам̣ д̣̇адтаб̣б̣ам̣. сзсам̣ сувин̃н̃зяяамзва.
Gāthāyaṃ ‘‘subhāsitassā’’ti upayogatthe sāmivacananti āha ‘‘subhāsitaṃ sikkheyyā’’ti. Catusaccādinissitaṃ buddhavacanaṃ sikkhanto catubbidhaṃ vacīsucaritaṃ sikkhati nāmāti āha ‘‘catusaccanissitaṃ…pe… sikkheyyā’’ti. Avadhāraṇena tappaṭipakkhaṃ paṭinivatteti. Upāsitabbanti āsevitabbaṃ bhāvetabbaṃ bahulīkātabbaṃ. Aṭṭhatiṃsabhedaṃ kammaṭṭhānanti idaṃ tassa vipassanāpadaṭṭhānataṃ hadaye ṭhapetvā vuttaṃ. Tathā hi vuttaṃ ‘‘dutiyapadena adhipaññāsikkhā kathitā’’ti. Ye pana ‘‘dutiyapadena adhicittasikkhā cittavūpasamena adhipaññāsikkhā’’ti paṭhanti, tesaṃ padena aṭṭhatiṃsappabhedakammaṭṭhānaṃ suddhasamathakammaṭṭhānasseva gahaṇaṃ daṭṭhabbaṃ. Yadi evaṃ ‘‘aṭṭhasamāpattivasenā’’ti idaṃ kathanti? ‘‘Taṃ vipassanādhiṭṭhānānaṃ samāpattīnaṃ vasena kathita’’nti vadanti. Evañca katvā ‘‘dutiyapadena adhipaññāsikkhā’’ti idaṃ vacanaṃ samatthitaṃ hoti. Sikkhanaṃ nāma āsevananti āha ‘‘bhāveyyāti attho’’ti. Upāsananti payirupāsanaṃ. Tañca kho assutapariyāpuṇanakammaṭṭhānuggahādivasena dassento ‘‘tampī’’tiādimāha. Adhisīlasikkhā kathitā lakkhaṇahāranayena. Vacīsucaritassa hi sīlasabhāvattā taggahaṇeneva tadekalakkhaṇaṃ kāyasucaritampi itarampi gahitamevāti. Ettha ca adhisīlasikkhāya cittaviveko, adhipaññāsikkhāya upadhiviveko, adhicittasikkhāya kāyaviveko kathito, kāyaviveko pana sarūpeneva pāḷiyaṃ gahitoti tividhassapi vivekassa pakāsitattaṃ daṭṭhabbaṃ. Sesaṃ suviññeyyameva.
батамагассабасуд̇д̇аван̣н̣анаа нидтид̇аа.
Paṭhamakassapasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. батамагассабасуд̇д̇ам̣ • 1. Paṭhamakassapasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. батамагассабасуд̇д̇аван̣н̣анаа • 1. Paṭhamakassapasuttavaṇṇanā
