| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9-10. батамагат̇аавад̇т̇усуд̇д̇аад̣̇иван̣н̣анаа
9-10. Paṭhamakathāvatthusuttādivaṇṇanā
69-70. навамз (д̣̇ий. ни. дий. 1.17; д̣̇ий. ни. абхи. дий. 1.17; сам̣. ни. дий. 2.5.1080) д̣̇уг̇г̇ад̇ид̇о сам̣саарад̇о жа нияяаад̇и зд̇знаад̇и нияяаанам̣, саг̇г̇амаг̇г̇о, могкамаг̇г̇о жа. д̇ам̣ нияяаанам̣ арахад̇и, нияяаанз ваа нияуд̇д̇аа, нияяаанам̣ ваа палабхууд̇ам̣ зд̇иссаа ад̇т̇ийд̇и нияяаанигаа. важийд̣̇ужжарид̇асам̣гилзсад̇о нияяаад̇ийд̇и ваа ийгаарасса рассад̇д̇ам̣, яагаарасса жа гагаарам̣ гад̇ваа нияяаанигаа, жзд̇анааяа сад̣̇д̇хим̣ сампаббалаабаа взраман̣и. д̇аббадибагкад̇о анияяаанигаа, д̇ассаа бхааво анияяаанигад̇д̇ам̣, д̇асмаа анияяаанигад̇д̇аа. д̇иражчаанабхууд̇анд̇и д̇ирогаран̣абхууд̇ам̣. г̇зхассид̇агат̇аад̇и г̇зхаббадисам̣яуд̇д̇аа. гаммадтаанабхаавзд̇и анижжад̇аабадисам̣яуд̇д̇ажад̇усажжагаммадтаанабхаавз.
69-70. Navame (dī. ni. ṭī. 1.17; dī. ni. abhi. ṭī. 1.17; saṃ. ni. ṭī. 2.5.1080) duggatito saṃsārato ca niyyāti etenāti niyyānaṃ, saggamaggo, mokkhamaggo ca. Taṃ niyyānaṃ arahati, niyyāne vā niyuttā, niyyānaṃ vā phalabhūtaṃ etissā atthīti niyyānikā. Vacīduccaritasaṃkilesato niyyātīti vā īkārassa rassattaṃ, yakārassa ca kakāraṃ katvā niyyānikā, cetanāya saddhiṃ samphappalāpā veramaṇi. Tappaṭipakkhato aniyyānikā, tassā bhāvo aniyyānikattaṃ, tasmā aniyyānikattā. Tiracchānabhūtanti tirokaraṇabhūtaṃ. Gehassitakathāti gehappaṭisaṃyuttā. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve.
саха ад̇т̇знаад̇и саад̇т̇агам̣, хид̇аббадисам̣яуд̇д̇анд̇и ад̇т̇о. ‘‘сураагат̇аа’’д̇иби баатод̇и ааха ‘‘сураагат̇анд̇и баал̣ияам̣ банаа’’д̇и. саа банзсаа гат̇аа ‘‘зваруубаа навасураа бийд̇аа рад̇иж̇ананий ход̇ий’’д̇и ассаад̣̇авасзна на ваддад̇и, аад̣̇ийнававасзна бана ‘‘уммад̇д̇агасам̣вад̇д̇анигаа’’д̇иаад̣̇инаа наязна ваддад̇и. д̇знааха ‘‘анзгавид̇хам̣…бз… аад̣̇ийнававасзна ваддад̇ий’’д̇и. висикаад̇и гхарасаннивзсо. висикааг̇ахан̣зна жа д̇анниваасино г̇ахид̇аа ‘‘г̇аамо ааг̇ад̇о’’д̇иаад̣̇ийсу вияа. д̇знзвааха ‘‘суураа самад̇т̇аа’’д̇и жа ‘‘сад̣̇д̇хаа басаннаа’’д̇и жа. гумбхадтаанаббад̣̇зсзна гумбхад̣̇аасияо вуд̇д̇аад̇и ааха ‘‘гумбхад̣̇аасигат̇аа ваа’’д̇и.
Saha atthenāti sātthakaṃ, hitappaṭisaṃyuttanti attho. ‘‘Surākathā’’tipi pāṭhoti āha ‘‘surākathanti pāḷiyaṃ panā’’ti. Sā panesā kathā ‘‘evarūpā navasurā pītā ratijananī hotī’’ti assādavasena na vaṭṭati, ādīnavavasena pana ‘‘ummattakasaṃvattanikā’’tiādinā nayena vaṭṭati. Tenāha ‘‘anekavidhaṃ…pe… ādīnavavasena vaṭṭatī’’ti. Visikhāti gharasanniveso. Visikhāgahaṇena ca tannivāsino gahitā ‘‘gāmo āgato’’tiādīsu viya. Tenevāha ‘‘sūrā samatthā’’ti ca ‘‘saddhā pasannā’’ti ca. Kumbhaṭṭhānappadesena kumbhadāsiyo vuttāti āha ‘‘kumbhadāsikathā vā’’ti.
рааж̇агат̇аад̣̇ибуримагат̇ааяа , логагкааяигаад̣̇ибажчимагат̇ааяа ваа винимуд̇д̇аа буримабажчимагат̇аа вимуд̇д̇аа. уббад̇д̇итид̇исам̣хаараад̣̇ивасзна логам̣ агкааяад̇ийд̇и логагкааяигаа. асугзна наамаад̇и баж̇аабад̇инаа б̣рахмунаа, иссарзна ваа. вид̇ан̣д̣асаллаабагат̇аад̇и ‘‘адтийнам̣ сзд̇ад̇д̇аа сзд̇од̇и на вад̇д̇аб̣б̣о, бад̇д̇аанам̣ гаал̣ад̇д̇аа гаал̣од̇и бана вад̇д̇аб̣б̣о’’д̇и звамаад̣̇игаа. аад̣̇и-сад̣̇д̣̇зна ‘‘сзлабубпалагаани вияа ж̇ийвид̣̇аавирабаараяад̇д̇ивисаалаа над̇т̇и, яам̣ яо гожи д̇ирияаамаанаа гад̇ад̇д̇аа’’д̇и звамаад̣̇ийнам̣ сан̇г̇ахо д̣̇адтаб̣б̣о. сааг̇арад̣̇звзнаад̇и сааг̇арабуд̇д̇арааж̇уухи. кад̇од̇и зд̇ам̣ згаважанам̣ д̇зхи бажжзгам̣ кад̇ад̇д̇аа ‘‘сааг̇арад̣̇звзна кад̇ад̇д̇аа’’д̇и вуд̇д̇ам̣. сахамуд̣̇д̣̇аа самуд̣̇д̣̇од̇и вуд̇д̇о. бхавад̇и вад̣̇д̇хад̇и зд̇знаад̇и бхаво. бхаваабхаваа хонд̇ийд̇и ид̇ибхаваабхавагат̇аа. зд̇т̇а жа бхавод̇и сассад̇ам̣, абхавод̇и ужчзд̣̇ам̣. бхавод̇и вуд̣̇д̇хи, абхавод̇и хаани. бхавод̇и гаамасукам̣, абхавод̇и ад̇д̇агиламат̇од̇и ид̇и имааяа чаб̣б̣ид̇хааяа ид̇ибхаваабхавагат̇ааяа сад̣̇д̇хим̣ б̣аад̇д̇им̣са д̇иражчаанагат̇аа наама хонд̇и. ат̇а ваа баал̣ияам̣ саруубад̇о анааг̇ад̇ааби аран̃н̃абаб̣б̣ад̇анад̣̇ийд̣̇ийбагат̇аа ид̇исад̣̇д̣̇зна сан̇г̇ан̣хид̇ваа б̣аад̇д̇им̣са д̇иражчаанагат̇аа вуд̇д̇аа. д̣̇асамз над̇т̇и вад̇д̇аб̣б̣ам̣.
Rājakathādipurimakathāya , lokakkhāyikādipacchimakathāya vā vinimuttā purimapacchimakathā vimuttā. Uppattiṭhitisaṃhārādivasena lokaṃ akkhāyatīti lokakkhāyikā. Asukena nāmāti pajāpatinā brahmunā, issarena vā. Vitaṇḍasallāpakathāti ‘‘aṭṭhīnaṃ setattā setoti na vattabbo, pattānaṃ kāḷattā kāḷoti pana vattabbo’’ti evamādikā. Ādi-saddena ‘‘selapupphalakāni viya jīvidāvirapārayattivisālā natthi, yaṃ yo koci tiriyāmānā katattā’’ti evamādīnaṃ saṅgaho daṭṭhabbo. Sāgaradevenāti sāgaraputtarājūhi. Khatoti etaṃ ekavacanaṃ tehi paccekaṃ khatattā ‘‘sāgaradevena khatattā’’ti vuttaṃ. Sahamuddā samuddoti vutto. Bhavati vaddhati etenāti bhavo. Bhavābhavā hontīti itibhavābhavakathā. Ettha ca bhavoti sassataṃ, abhavoti ucchedaṃ. Bhavoti vuddhi, abhavoti hāni. Bhavoti kāmasukhaṃ, abhavoti attakilamathoti iti imāya chabbidhāya itibhavābhavakathāya saddhiṃ bāttiṃsa tiracchānakathā nāma honti. Atha vā pāḷiyaṃ sarūpato anāgatāpi araññapabbatanadīdīpakathā itisaddena saṅgaṇhitvā bāttiṃsa tiracchānakathā vuttā. Dasame natthi vattabbaṃ.
батамагат̇аавад̇т̇усуд̇д̇аад̣̇иван̣н̣анаа нидтид̇аа.
Paṭhamakathāvatthusuttādivaṇṇanā niṭṭhitā.
яамагаваг̇г̇аван̣н̣анаа нидтид̇аа.
Yamakavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
9. батамагат̇аавад̇т̇усуд̇д̇ам̣ • 9. Paṭhamakathāvatthusuttaṃ
10. д̣̇уд̇ияагат̇аавад̇т̇усуд̇д̇ам̣ • 10. Dutiyakathāvatthusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9-10. гат̇аавад̇т̇усуд̇д̇ад̣̇ваяаван̣н̣анаа • 9-10. Kathāvatthusuttadvayavaṇṇanā
