| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
4. ниссаг̇г̇ияаган̣д̣ам̣
4. Nissaggiyakaṇḍaṃ
1. жийвараваг̇г̇о
1. Cīvaravaggo
1. батамагат̇инасигкаабад̣̇ам̣
1. Paṭhamakathinasikkhāpadaṃ
имз ко банааяасманд̇о д̇им̣са ниссаг̇г̇ияаа баажид̇д̇ияаа
Ime kho panāyasmanto tiṃsa nissaggiyā pācittiyā
д̇хаммаа уд̣̇д̣̇зсам̣ ааг̇ажчанд̇и.
Dhammā uddesaṃ āgacchanti.
459. д̇знз самаязна б̣уд̣̇д̇хо бхаг̇аваа взсаалияам̣ вихарад̇и г̇од̇амагз жзд̇ияз. д̇зна ко бана самаязна бхаг̇авад̇аа бхигкуунам̣ д̇ижийварам̣ анун̃н̃аад̇ам̣ ход̇и. чаб̣б̣аг̇г̇ияаа бхигкуу – ‘‘бхаг̇авад̇аа д̇ижийварам̣ анун̃н̃аад̇а’’нд̇и ан̃н̃знзва д̇ижийварзна г̇аамам̣ бависанд̇и, ан̃н̃зна д̇ижийварзна аараамз ажчанд̇и, ан̃н̃зна д̇ижийварзна нахаанам̣ од̇аранд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу ад̇ирзгажийварам̣ д̇хаарзссанд̇ий’’д̇и! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, ад̇ирзгажийварам̣ д̇хаарзт̇аа’’д̇и ? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, ад̇ирзгажийварам̣ д̇хаарзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
459. Tene samayena buddho bhagavā vesāliyaṃ viharati gotamake cetiye. Tena kho pana samayena bhagavatā bhikkhūnaṃ ticīvaraṃ anuññātaṃ hoti. Chabbaggiyā bhikkhū – ‘‘bhagavatā ticīvaraṃ anuññāta’’nti aññeneva ticīvarena gāmaṃ pavisanti, aññena ticīvarena ārāme acchanti, aññena ticīvarena nahānaṃ otaranti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū atirekacīvaraṃ dhāressantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, atirekacīvaraṃ dhārethā’’ti ? ‘‘Saccaṃ bhagavā’’ti. Vigarahi buddho bhagavā…pe… kathañhi nāma tumhe, moghapurisā, atirekacīvaraṃ dhāressatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
460. ‘‘яо бана бхигку ад̇ирзгажийварам̣ д̇хаарзяяа, ниссаг̇г̇ияам̣ баажид̇д̇ияа’’нд̇и.
460.‘‘Yo pana bhikkhu atirekacīvaraṃ dhāreyya, nissaggiyaṃ pācittiya’’nti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
461. 1 д̇зна ко бана самаязна ааяасмад̇о аананд̣̇асса ад̇ирзгажийварам̣ уббаннам̣ ход̇и. ааяасмаа жа аананд̣̇о д̇ам̣ жийварам̣ ааяасмад̇о саарибуд̇д̇асса д̣̇аад̇угаамо ход̇и. ааяасмаа жа саарибуд̇д̇о саагзд̇з вихарад̇и. ат̇а ко ааяасмад̇о аананд̣̇асса зд̇ад̣̇ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣ – ‘на ад̇ирзгажийварам̣ д̇хаарзд̇аб̣б̣а’нд̇и. ид̣̇ан̃жа мз ад̇ирзгажийварам̣ уббаннам̣. ахан̃жимам̣ жийварам̣ ааяасмад̇о саарибуд̇д̇асса д̣̇аад̇угаамо. ааяасмаа жа саарибуд̇д̇о саагзд̇з вихарад̇и. гат̇ам̣ ну ко маяаа бадибаж̇ж̇ид̇аб̣б̣а’’нд̇и? ат̇а ко ааяасмаа аананд̣̇о бхаг̇авад̇о зд̇амад̇т̇ам̣ аарожзси. ‘‘гийважирам̣ банаананд̣̇а, саарибуд̇д̇о ааг̇ажчиссад̇ий’’д̇и? ‘‘навамам̣ ваа, бхаг̇аваа, д̣̇ивасам̣ д̣̇асамам̣ ваа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
461.2 Tena kho pana samayena āyasmato ānandassa atirekacīvaraṃ uppannaṃ hoti. Āyasmā ca ānando taṃ cīvaraṃ āyasmato sāriputtassa dātukāmo hoti. Āyasmā ca sāriputto sākete viharati. Atha kho āyasmato ānandassa etadahosi – ‘‘bhagavatā sikkhāpadaṃ paññattaṃ – ‘na atirekacīvaraṃ dhāretabba’nti. Idañca me atirekacīvaraṃ uppannaṃ. Ahañcimaṃ cīvaraṃ āyasmato sāriputtassa dātukāmo. Āyasmā ca sāriputto sākete viharati. Kathaṃ nu kho mayā paṭipajjitabba’’nti? Atha kho āyasmā ānando bhagavato etamatthaṃ ārocesi. ‘‘Kīvaciraṃ panānanda, sāriputto āgacchissatī’’ti? ‘‘Navamaṃ vā, bhagavā, divasaṃ dasamaṃ vā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, dasāhaparamaṃ atirekacīvaraṃ dhāretuṃ. Evañca pana, bhikkhave, imaṃ sikkhāpadaṃ uddiseyyātha –
462. ‘‘нидтид̇ажийварасмим̣ бхигкунаа уб̣бхад̇асмим̣ гат̇инз д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣. д̇ам̣ ад̇иггаамаяад̇о ниссаг̇г̇ияам̣ баажид̇д̇ияа’’нд̇и.
462.‘‘Niṭṭhitacīvarasmiṃ bhikkhunā ubbhatasmiṃ kathine dasāhaparamaṃ atirekacīvaraṃ dhāretabbaṃ. Taṃ atikkāmayato nissaggiyaṃ pācittiya’’nti.
463. нидтид̇ажийварасминд̇и бхигкуно жийварам̣ гад̇ам̣ ваа ход̇и надтам̣ ваа винадтам̣ ваа д̣̇ад̣дхам̣ ваа жийвараасаа ваа убажчиннаа.
463.Niṭṭhitacīvarasminti bhikkhuno cīvaraṃ kataṃ vā hoti naṭṭhaṃ vā vinaṭṭhaṃ vā daḍḍhaṃ vā cīvarāsā vā upacchinnā.
уб̣бхад̇асмим̣ гат̇инзд̇и адтаннам̣ маад̇игаанам̣ ан̃н̃ад̇арааяа маад̇игааяа уб̣бхад̇ам̣ ход̇и, сан̇гхзна ваа анд̇араа уб̣бхад̇ам̣ ход̇и.
Ubbhatasmiṃ kathineti aṭṭhannaṃ mātikānaṃ aññatarāya mātikāya ubbhataṃ hoti, saṅghena vā antarā ubbhataṃ hoti.
д̣̇асаахабараманд̇и д̣̇асаахабарамад̇аа д̇хаарзд̇аб̣б̣ам̣.
Dasāhaparamanti dasāhaparamatā dhāretabbaṃ.
ад̇ирзгажийварам̣ наама анад̇хидтид̇ам̣ авигаббид̇ам̣.
Atirekacīvaraṃ nāma anadhiṭṭhitaṃ avikappitaṃ.
жийварам̣ наама чаннам̣ жийвараанам̣ ан̃н̃ад̇арам̣ жийварам̣, вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ, vikappanupagaṃ pacchimaṃ.
д̇ам̣ ад̇иггаамаяад̇о ниссаг̇г̇ияам̣ ход̇ий 3 д̇и згаад̣̇асз арун̣уг̇г̇аманз ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣. д̇зна бхигкунаа сан̇гхам̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ид̣̇ам̣ мз, бханд̇з, жийварам̣ д̣̇асаахаад̇игганд̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа. ниссадтажийварам̣ д̣̇аад̇аб̣б̣ам̣.
Taṃ atikkāmayato nissaggiyaṃ hotī4 ti ekādase aruṇuggamane nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ. Tena bhikkhunā saṅghaṃ upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassa vacanīyo – ‘‘idaṃ me, bhante, cīvaraṃ dasāhātikkantaṃ nissaggiyaṃ, imāhaṃ saṅghassa nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhacīvaraṃ dātabbaṃ.
464. ‘‘сун̣аад̇у мз, бханд̇з, сан̇гхо. ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣. яад̣̇и сан̇гхасса бад̇д̇агаллам̣, сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и.
464. ‘‘Suṇātu me, bhante, saṅgho. Idaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ. Yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti.
465. д̇зна бхигкунаа самб̣ахулз бхигкуу убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа вуд̣дхаанам̣ бхигкуунам̣ баад̣̇з ванд̣̇ид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамассу важанийяаа – ‘‘ид̣̇ам̣ мз, бханд̇з, жийварам̣ д̣̇асаахаад̇игганд̇ам̣ ниссаг̇г̇ияам̣. имаахам̣ ааяасманд̇аанам̣ ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. б̣яад̇д̇зна бхигкунаа бадиб̣алзна аабад̇д̇и бадиг̇г̇ахзд̇аб̣б̣аа. ниссадтажийварам̣ д̣̇аад̇аб̣б̣ам̣.
465. Tena bhikkhunā sambahule bhikkhū upasaṅkamitvā ekaṃsaṃ uttarāsaṅgaṃ karitvā vuḍḍhānaṃ bhikkhūnaṃ pāde vanditvā ukkuṭikaṃ nisīditvā añjaliṃ paggahetvā evamassu vacanīyā – ‘‘idaṃ me, bhante, cīvaraṃ dasāhātikkantaṃ nissaggiyaṃ. Imāhaṃ āyasmantānaṃ nissajjāmī’’ti. Nissajjitvā āpatti desetabbā. Byattena bhikkhunā paṭibalena āpatti paṭiggahetabbā. Nissaṭṭhacīvaraṃ dātabbaṃ.
466. ‘‘сун̣анд̇у мз ааяасманд̇аа. ид̣̇ам̣ жийварам̣ ид̇т̇аннаамасса бхигкуно ниссаг̇г̇ияам̣ ааяасманд̇аанам̣ ниссадтам̣. яад̣̇ааяасманд̇аанам̣ бад̇д̇агаллам̣, ааяасманд̇аа имам̣ жийварам̣ ид̇т̇аннаамасса бхигкуно д̣̇ад̣̇зяяу’’нд̇и.
466. ‘‘Suṇantu me āyasmantā. Idaṃ cīvaraṃ itthannāmassa bhikkhuno nissaggiyaṃ āyasmantānaṃ nissaṭṭhaṃ. Yadāyasmantānaṃ pattakallaṃ, āyasmantā imaṃ cīvaraṃ itthannāmassa bhikkhuno dadeyyu’’nti.
467. д̇зна бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ид̣̇ам̣ мз, аавусо, жийварам̣ д̣̇асаахаад̇игганд̇ам̣ ниссаг̇г̇ияам̣. имаахам̣ ааяасмад̇о ниссаж̇ж̇аамий’’д̇и. ниссаж̇ж̇ид̇ваа аабад̇д̇и д̣̇зсзд̇аб̣б̣аа. д̇зна бхигкунаа аабад̇д̇и бадиг̇г̇ахзд̇аб̣б̣аа. ниссадтажийварам̣ д̣̇аад̇аб̣б̣ам̣ – ‘‘имам̣ жийварам̣ ааяасмад̇о д̣̇аммий’’д̇и.
467. Tena bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘idaṃ me, āvuso, cīvaraṃ dasāhātikkantaṃ nissaggiyaṃ. Imāhaṃ āyasmato nissajjāmī’’ti. Nissajjitvā āpatti desetabbā. Tena bhikkhunā āpatti paṭiggahetabbā. Nissaṭṭhacīvaraṃ dātabbaṃ – ‘‘imaṃ cīvaraṃ āyasmato dammī’’ti.
468. д̣̇асаахаад̇игганд̇з ад̇игганд̇асан̃н̃ий, ниссаг̇г̇ияам̣ баажид̇д̇ияам̣. д̣̇асаахаад̇игганд̇з взмад̇иго, ниссаг̇г̇ияам̣ баажид̇д̇ияам̣. д̣̇асаахаад̇игганд̇з анад̇игганд̇асан̃н̃ий, ниссаг̇г̇ияам̣ баажид̇д̇ияам̣ . анад̇хидтид̇з ад̇хидтид̇асан̃н̃ий, ниссаг̇г̇ияам̣ баажид̇д̇ияам̣. авигаббид̇з вигаббид̇асан̃н̃ий, ниссаг̇г̇ияам̣ баажид̇д̇ияам̣. ависсаж̇ж̇ид̇з виссаж̇ж̇ид̇асан̃н̃ий, ниссаг̇г̇ияам̣ баажид̇д̇ияам̣. анадтз надтасан̃н̃ий, ниссаг̇г̇ияам̣ баажид̇д̇ияам̣. авинадтз винадтасан̃н̃ий, ниссаг̇г̇ияам̣ баажид̇д̇ияам̣. ад̣̇ад̣дхз д̣̇ад̣дхасан̃н̃ий, ниссаг̇г̇ияам̣ баажид̇д̇ияам̣. авилуд̇д̇з вилуд̇д̇асан̃н̃ий, ниссаг̇г̇ияам̣ баажид̇д̇ияам̣.
468. Dasāhātikkante atikkantasaññī, nissaggiyaṃ pācittiyaṃ. Dasāhātikkante vematiko, nissaggiyaṃ pācittiyaṃ. Dasāhātikkante anatikkantasaññī, nissaggiyaṃ pācittiyaṃ . Anadhiṭṭhite adhiṭṭhitasaññī, nissaggiyaṃ pācittiyaṃ. Avikappite vikappitasaññī, nissaggiyaṃ pācittiyaṃ. Avissajjite vissajjitasaññī, nissaggiyaṃ pācittiyaṃ. Anaṭṭhe naṭṭhasaññī, nissaggiyaṃ pācittiyaṃ. Avinaṭṭhe vinaṭṭhasaññī, nissaggiyaṃ pācittiyaṃ. Adaḍḍhe daḍḍhasaññī, nissaggiyaṃ pācittiyaṃ. Avilutte viluttasaññī, nissaggiyaṃ pācittiyaṃ.
ниссаг̇г̇ияам̣ жийварам̣ аниссаж̇ж̇ид̇ваа барибхун̃ж̇ад̇и, аабад̇д̇и д̣̇уггадасса. д̣̇асаахаанад̇игганд̇з ад̇игганд̇асан̃н̃ий, аабад̇д̇и д̣̇уггадасса. д̣̇асаахаанад̇игганд̇з взмад̇иго, аабад̇д̇и д̣̇уггадасса. д̣̇асаахаанад̇игганд̇з анад̇игганд̇асан̃н̃ий, анаабад̇д̇и.
Nissaggiyaṃ cīvaraṃ anissajjitvā paribhuñjati, āpatti dukkaṭassa. Dasāhānatikkante atikkantasaññī, āpatti dukkaṭassa. Dasāhānatikkante vematiko, āpatti dukkaṭassa. Dasāhānatikkante anatikkantasaññī, anāpatti.
469. анаабад̇д̇и анд̇од̣̇асаахам̣ ад̇хидтзд̇и, вигаббзд̇и, виссаж̇ж̇зд̇и, нассад̇и, винассад̇и, д̣аяхад̇и, ажчинд̣̇ид̇ваа г̇ан̣ханд̇и, виссаасам̣ г̇ан̣ханд̇и, уммад̇д̇агасса, аад̣̇игаммигассаад̇и.
469. Anāpatti antodasāhaṃ adhiṭṭheti, vikappeti, vissajjeti, nassati, vinassati, ḍayhati, acchinditvā gaṇhanti, vissāsaṃ gaṇhanti, ummattakassa, ādikammikassāti.
470. д̇зна ко бана самаязна чаб̣б̣аг̇г̇ияаа бхигкуу ниссадтажийварам̣ на д̣̇знд̇и. бхаг̇авад̇о зд̇амад̇т̇ам̣ аарожзсум̣. ‘‘на , бхигкавз, ниссадтажийварам̣ на д̣̇аад̇аб̣б̣ам̣. яо на д̣̇ад̣̇зяяа, аабад̇д̇и д̣̇уггадассаа’’д̇и.
470. Tena kho pana samayena chabbaggiyā bhikkhū nissaṭṭhacīvaraṃ na denti. Bhagavato etamatthaṃ ārocesuṃ. ‘‘Na , bhikkhave, nissaṭṭhacīvaraṃ na dātabbaṃ. Yo na dadeyya, āpatti dukkaṭassā’’ti.
гат̇инасигкаабад̣̇ам̣ нидтид̇ам̣ батамам̣.
Kathinasikkhāpadaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
