| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. ниссаг̇г̇ияаган̣д̣ам̣
4. Nissaggiyakaṇḍaṃ
1. жийвараваг̇г̇о
1. Cīvaravaggo
1. батамагат̇инасигкаабад̣̇аван̣н̣анаа
1. Paṭhamakathinasikkhāpadavaṇṇanā
459. самид̇аавинаад̇и самид̇абаабзна. г̇од̇амагз жзд̇иязд̇и г̇од̇амаяагкасса жзд̇ияадтаанз гад̇авихааро вужжад̇и. барибхун̃ж̇ид̇ум̣ анун̃н̃аад̇ам̣ ход̇ийд̇и бхаг̇авад̇аа г̇ахабад̇ижийварз анун̃н̃аад̇з б̣ахууни жийвараани лабхид̇ваа бхан̣д̣игам̣ гад̇ваа сийсзби канд̇хзби гадияааби табзд̇ваа ааг̇ажчанд̇з бхигкуу д̣̇исваа жийварз сиймам̣ б̣анд̇ханд̇зна д̇ижийварам̣ барибхог̇ад̇т̇ааяа анун̃н̃аад̇ам̣, на бана ад̇хидтаанавасзна. нахааяанд̇и зд̇т̇аад̇и нахаанам̣, нахаанад̇ид̇т̇ам̣.
459.Samitāvināti samitapāpena. Gotamake cetiyeti gotamayakkhassa cetiyaṭṭhāne katavihāro vuccati. Paribhuñjituṃ anuññātaṃ hotīti bhagavatā gahapaticīvare anuññāte bahūni cīvarāni labhitvā bhaṇḍikaṃ katvā sīsepi khandhepi kaṭiyāpi ṭhapetvā āgacchante bhikkhū disvā cīvare sīmaṃ bandhantena ticīvaraṃ paribhogatthāya anuññātaṃ, na pana adhiṭṭhānavasena. Nahāyanti etthāti nahānaṃ, nahānatitthaṃ.
460. зго гира б̣раахман̣о жинд̇зси ‘‘б̣уд̣̇д̇харад̇анасса жа сан̇гхарад̇анасса жа бууж̇аа бан̃н̃ааяад̇и, гат̇ам̣ ну ко д̇хаммарад̇анам̣ бууж̇ид̇ам̣ наама ход̇ий’’д̇и. со бхаг̇аванд̇ам̣ убасан̇гамид̇ваа зд̇амад̇т̇ам̣ бужчи. бхаг̇аваа ааха ‘‘сажзби б̣раахман̣а д̇хаммарад̇анам̣ бууж̇зд̇угаамо, згам̣ б̣ахуссуд̇ам̣ бууж̇зхий’’д̇и. б̣ахуссуд̇ам̣ бханд̇з аажигкат̇аад̇и. бхигкусан̇гхам̣ бужчаад̇и. со бхигкуу убасан̇гамид̇ваа ‘‘б̣ахуссуд̇ам̣ бханд̇з аажигкат̇аа’’д̇и ааха. аананд̣̇ад̇т̇зро б̣раахман̣аад̇и. б̣раахман̣о т̇зрам̣ сахассаг̇гханагзна жийварзна бууж̇зси. д̇зна вуд̇д̇ам̣ ‘‘бадилаабхавасзна уббанна’’нд̇и. уббанна-сад̣̇д̣̇о нибпаннабарияааяоби ход̇ийд̇и д̇ам̣ бадигкибанд̇о ааха ‘‘но нибпад̇д̇ивасзнаа’’д̇и. батамамзва хи д̇ам̣ д̇анд̇авааяагаммзна нибпаннам̣.
460. Eko kira brāhmaṇo cintesi ‘‘buddharatanassa ca saṅgharatanassa ca pūjā paññāyati, kathaṃ nu kho dhammaratanaṃ pūjitaṃ nāma hotī’’ti. So bhagavantaṃ upasaṅkamitvā etamatthaṃ pucchi. Bhagavā āha ‘‘sacepi brāhmaṇa dhammaratanaṃ pūjetukāmo, ekaṃ bahussutaṃ pūjehī’’ti. Bahussutaṃ bhante ācikkhathāti. Bhikkhusaṅghaṃ pucchāti. So bhikkhū upasaṅkamitvā ‘‘bahussutaṃ bhante ācikkhathā’’ti āha. Ānandatthero brāhmaṇāti. Brāhmaṇo theraṃ sahassagghanakena cīvarena pūjesi. Tena vuttaṃ ‘‘paṭilābhavasena uppanna’’nti. Uppanna-saddo nipphannapariyāyopi hotīti taṃ paṭikkhipanto āha ‘‘no nipphattivasenā’’ti. Paṭhamameva hi taṃ tantavāyakammena nipphannaṃ.
т̇зрасса санд̇игз убаж̇жхам̣ г̇аахаабзд̇ваа саяам̣ ануссааванагаммам̣ гарод̇ийд̇и зд̇т̇а саарибуд̇д̇ад̇т̇зроби д̇ат̇зва гарод̇ийд̇и д̣̇адтаб̣б̣ам̣. звам̣ згамзгзна ад̇д̇ано бад̇д̇ажийварам̣ д̣̇ад̇ваа баб̣б̣ааж̇зд̇ваа убаж̇жхам̣ г̇ан̣хаабид̇аани бан̃жа бан̃жа бхигкусад̇аани ахзсум̣. ааяасманд̇ам̣ аананд̣̇ам̣ ад̇ивияа мамааяад̇ийд̇и аананд̣̇ад̇т̇зро д̇аава мамааяад̇у акийн̣аасавабхаавад̇о, саарибуд̇д̇ад̇т̇зро гат̇анд̇и? на ид̣̇ам̣ мамааяанам̣ г̇зхассид̇абзмавасзна, ат̇а ко г̇ун̣асамбхааванаавасзнаад̇и нааяам̣ д̣̇осо. навамам̣ ваа д̣̇ивасам̣ д̣̇асамам̣ ваад̇и бхуммад̇т̇з убаяог̇аважанам̣ , навамз ваа д̣̇асамз ваа д̣̇ивасзд̇и ад̇т̇о. сажз бхавзяяаад̇и сажз гассажи звам̣ сияаа. вуд̇д̇асад̣̇исамзваад̇и зд̇т̇а ‘‘вуд̇д̇ад̣̇ивасамзваа’’д̇иби батанд̇и. д̇хаарзд̇унд̇и зд̇т̇а ‘‘аахаа’’д̇и баатасзсо д̣̇адтаб̣б̣о.
Therassa santike upajjhaṃ gāhāpetvā sayaṃ anussāvanakammaṃ karotīti ettha sāriputtattheropi tatheva karotīti daṭṭhabbaṃ. Evaṃ ekamekena attano pattacīvaraṃ datvā pabbājetvā upajjhaṃ gaṇhāpitāni pañca pañca bhikkhusatāni ahesuṃ. Āyasmantaṃ ānandaṃ ativiya mamāyatīti ānandatthero tāva mamāyatu akhīṇāsavabhāvato, sāriputtatthero kathanti? Na idaṃ mamāyanaṃ gehassitapemavasena, atha kho guṇasambhāvanāvasenāti nāyaṃ doso. Navamaṃ vā divasaṃ dasamaṃ vāti bhummatthe upayogavacanaṃ , navame vā dasame vā divaseti attho. Sace bhaveyyāti sace kassaci evaṃ siyā. Vuttasadisamevāti ettha ‘‘vuttadivasamevā’’tipi paṭhanti. Dhāretunti ettha ‘‘āhā’’ti pāṭhaseso daṭṭhabbo.
462-463. нидтид̇ажийварасминд̇и бхуммаважанасса лобам̣ гад̇ваа нид̣̇д̣̇зсод̇и ааха ‘‘нидтид̇з жийварасми’’нд̇и, жийварасса гаран̣абалиб̣од̇хз убажчиннзд̇и вуд̇д̇ам̣ ход̇и. баасабаддаг̇ан̣тигабаддабарияосаанам̣ яам̣ гин̃жи гаад̇аб̣б̣ам̣, д̇ам̣ гад̇ваад̇и яож̇зд̇аб̣б̣ам̣. суужияаа бадисаамананд̇и ид̣̇ам̣ суужигаммасса саммаа баринидтид̇абхаавад̣̇ассанад̇т̇ам̣ вуд̇д̇ам̣, суужигамманидтаанамзвзд̇т̇а бамаан̣ам̣. зд̇зсамбийд̇и винадтаад̣̇им̣ бараамасад̇и.
462-463.Niṭṭhitacīvarasminti bhummavacanassa lopaṃ katvā niddesoti āha ‘‘niṭṭhite cīvarasmi’’nti, cīvarassa karaṇapalibodhe upacchinneti vuttaṃ hoti. Pāsapaṭṭagaṇṭhikapaṭṭapariyosānaṃ yaṃ kiñci kātabbaṃ, taṃ katvāti yojetabbaṃ. Sūciyā paṭisāmananti idaṃ sūcikammassa sammā pariniṭṭhitabhāvadassanatthaṃ vuttaṃ, sūcikammaniṭṭhānamevettha pamāṇaṃ. Etesampīti vinaṭṭhādiṃ parāmasati.
гат̇инз жа уб̣бхад̇асминд̇и яам̣ сан̇гхасса гат̇инам̣ ад̇т̇ад̇ам̣, д̇асмим̣ гат̇инз жа уб̣бхад̇зд̇и ад̇т̇о. д̣̇уд̇ияасса балиб̣од̇хасса абхаавам̣ д̣̇ассзд̇ийд̇и ааваасабалиб̣од̇хасса абхаавам̣ д̣̇ассзд̇и. зд̇т̇а жа ‘‘нидтид̇ажийварасмим̣ уб̣бхад̇асмим̣ гат̇инз’’д̇и имзхи д̣̇вийхи бад̣̇зхи д̣̇виннам̣ балиб̣од̇хаанам̣ абхаавад̣̇ассанзна ад̇т̇ад̇агат̇инасса бан̃жамаасаб̣бханд̇арз яаава жийварабалиб̣од̇хо ааваасабалиб̣од̇хо жа на убажчиж̇ж̇ад̇и, д̇аава анад̇хидтид̇ам̣ авигаббид̇ам̣ ад̇ирзгажийварам̣ д̣̇асаахад̇о барамби табзд̇ум̣ ваддад̇ийд̇и д̣̇ийбзд̇и. ад̇т̇ад̇агат̇инасса хи яаава гат̇инасса уб̣бхаараа анааманд̇ажааро асамаад̣̇аанажааро яаавад̣̇ад̇т̇ажийварам̣ г̇ан̣абхож̇анам̣ яо жа д̇ад̇т̇а жийваруббаад̣̇од̇и имз бан̃жаанисам̣саа лаб̣бханд̇и. баггаманам̣ анд̇о ассаад̇и баггамананд̇игаа. звам̣ сзсааби взд̣̇ид̇аб̣б̣аа. вид̇т̇ааро банзд̇т̇а ааг̇ад̇адтаанзязва аави бхависсад̇и.
Kathine ca ubbhatasminti yaṃ saṅghassa kathinaṃ atthataṃ, tasmiṃ kathine ca ubbhateti attho. Dutiyassa palibodhassa abhāvaṃ dassetīti āvāsapalibodhassa abhāvaṃ dasseti. Ettha ca ‘‘niṭṭhitacīvarasmiṃ ubbhatasmiṃ kathine’’ti imehi dvīhi padehi dvinnaṃ palibodhānaṃ abhāvadassanena atthatakathinassa pañcamāsabbhantare yāva cīvarapalibodho āvāsapalibodho ca na upacchijjati, tāva anadhiṭṭhitaṃ avikappitaṃ atirekacīvaraṃ dasāhato parampi ṭhapetuṃ vaṭṭatīti dīpeti. Atthatakathinassa hi yāva kathinassa ubbhārā anāmantacāro asamādānacāro yāvadatthacīvaraṃ gaṇabhojanaṃ yo ca tattha cīvaruppādoti ime pañcānisaṃsā labbhanti. Pakkamanaṃ anto assāti pakkamanantikā. Evaṃ sesāpi veditabbā. Vitthāro panettha āgataṭṭhāneyeva āvi bhavissati.
команд̇и комасуд̇д̇зхи вааяид̇ам̣ комабадажийварам̣, д̇ат̇аа сзсаани. саан̣анд̇и саан̣аваагасуд̇д̇зхи гад̇ажийварам̣. бхан̇г̇анд̇и комасуд̇д̇аад̣̇ийни саб̣б̣аани згажжаани ваа миссзд̇ваа гад̇ажийварам̣. бхан̇г̇амби ваагамаяамзваад̇и гзжи. д̣̇угуулам̣ баддун̣н̣ам̣ сомаарабадам̣ жийнабадам̣ ид̣̇д̇хиж̇ам̣ д̣̇звад̣̇иннанд̇и имаани бана ча жийвараани зд̇зсам̣язва ануломаанийд̇и висум̣ на вуд̇д̇аани. д̣̇угуулан̃хи саан̣асса ануломам̣ ваагамаяад̇д̇аа. баддун̣н̣ад̣̇зсз сан̃ж̇аад̇авад̇т̇ам̣ баддун̣н̣ам̣. ‘‘баддун̣н̣агосзяяависзсо’’д̇и хи абхид̇хаанагосз вуд̇д̇ам̣. сомаарад̣̇зсз жийнад̣̇зсз жа ж̇аад̇авад̇т̇аани сомааражийнабадаани. баддун̣н̣аад̣̇ийни д̇ийн̣и госзяяасса ануломаани баан̣агзхи гад̇асуд̇д̇амаяад̇д̇аа. ид̣̇д̇хиж̇ам̣ зхибхигкуунам̣ бун̃н̃ид̣̇д̇хияаа ниб̣б̣ад̇д̇ажийварам̣, д̇ам̣ комаад̣̇ийнам̣ ан̃н̃ад̇арам̣ ход̇ийд̇и д̇зсам̣ зва ануломам̣. д̣̇звад̇аахи д̣̇иннам̣ жийварам̣ д̣̇звад̣̇иннам̣, д̇ам̣ габбаругкз ниб̣б̣ад̇д̇ам̣ ж̇аалинияаа д̣̇зваган̃н̃ааяа ануруд̣̇д̇хад̇т̇зрасса д̣̇иннавад̇т̇асад̣̇исам̣, д̇амби комаад̣̇ийнам̣язва ануломам̣ ход̇и д̇зсу ан̃н̃ад̇арабхаавад̇о.
Khomanti khomasuttehi vāyitaṃ khomapaṭacīvaraṃ, tathā sesāni. Sāṇanti sāṇavākasuttehi katacīvaraṃ. Bhaṅganti khomasuttādīni sabbāni ekaccāni vā missetvā katacīvaraṃ. Bhaṅgampi vākamayamevāti keci. Dukūlaṃ paṭṭuṇṇaṃ somārapaṭaṃ cīnapaṭaṃ iddhijaṃ devadinnanti imāni pana cha cīvarāni etesaṃyeva anulomānīti visuṃ na vuttāni. Dukūlañhi sāṇassa anulomaṃ vākamayattā. Paṭṭuṇṇadese sañjātavatthaṃ paṭṭuṇṇaṃ. ‘‘Paṭṭuṇṇakoseyyaviseso’’ti hi abhidhānakose vuttaṃ. Somāradese cīnadese ca jātavatthāni somāracīnapaṭāni. Paṭṭuṇṇādīni tīṇi koseyyassa anulomāni pāṇakehi katasuttamayattā. Iddhijaṃ ehibhikkhūnaṃ puññiddhiyā nibbattacīvaraṃ, taṃ khomādīnaṃ aññataraṃ hotīti tesaṃ eva anulomaṃ. Devatāhi dinnaṃ cīvaraṃ devadinnaṃ, taṃ kapparukkhe nibbattaṃ jāliniyā devakaññāya anuruddhattherassa dinnavatthasadisaṃ, tampi khomādīnaṃyeva anulomaṃ hoti tesu aññatarabhāvato.
маж̇жхимасса бурисасса вид̣̇ад̇т̇им̣ санд̇хааяа ‘‘д̣̇вз вид̣̇ад̇т̇ияо’’д̇иаад̣̇и вуд̇д̇ам̣. иминаа д̣̇ийгхад̇о вад̣дхагийхад̇т̇аббамаан̣ам̣ вид̇т̇аарад̇о д̇ад̇о убад̣дхаббамаан̣ам̣ вигаббанубаг̇анд̇и д̣̇ассзд̇и. д̇ат̇аа хи ‘‘суг̇ад̇авид̣̇ад̇т̇и наама ид̣̇аани маж̇жхимасса бурисасса д̇иссо вид̣̇ад̇т̇ияо, вад̣дхагийхад̇т̇зна д̣̇ияад̣дхо хад̇т̇о ход̇ий’’д̇и гудигаарасигкаабад̣̇адтагат̇ааяам̣ (баараа. адта. 2.348-349) вуд̇д̇ам̣, д̇асмаа суг̇ад̇ан̇г̇улзна д̣̇ваад̣̇асан̇г̇улам̣ вад̣дхагийхад̇т̇зна д̣̇ияад̣дхо хад̇т̇од̇и сид̣̇д̇хам̣. зван̃жа гад̇ваа суг̇ад̇ан̇г̇улзна адтан̇г̇улам̣ вад̣дхагийхад̇т̇аббамаан̣анд̇и ид̣̇ам̣ ааг̇ад̇амзваад̇и.
Majjhimassa purisassa vidatthiṃ sandhāya ‘‘dve vidatthiyo’’tiādi vuttaṃ. Iminā dīghato vaḍḍhakīhatthappamāṇaṃ vitthārato tato upaḍḍhappamāṇaṃ vikappanupaganti dasseti. Tathā hi ‘‘sugatavidatthi nāma idāni majjhimassa purisassa tisso vidatthiyo, vaḍḍhakīhatthena diyaḍḍho hattho hotī’’ti kuṭikārasikkhāpadaṭṭhakathāyaṃ (pārā. aṭṭha. 2.348-349) vuttaṃ, tasmā sugataṅgulena dvādasaṅgulaṃ vaḍḍhakīhatthena diyaḍḍho hatthoti siddhaṃ. Evañca katvā sugataṅgulena aṭṭhaṅgulaṃ vaḍḍhakīhatthappamāṇanti idaṃ āgatamevāti.
д̇ам̣ ад̇иггаамаяад̇од̇и зд̇т̇а д̇анд̇и жийварам̣ гаалам̣ ваа бараамасад̇и. д̇асса яо арун̣од̇и д̇асса жийваруббаад̣̇ад̣̇ивасасса яо ад̇игганд̇о арун̣о. жийваруббаад̣̇ад̣̇ивасзна сад̣̇д̇хинд̇и жийваруббаад̣̇ад̣̇ивасасса ад̇игганд̇аарун̣зна сад̣̇д̇хинд̇и ад̇т̇о. д̣̇ивасасад̣̇д̣̇зна хи д̇ам̣д̣̇ивасаниссид̇о арун̣о вуд̇д̇о. б̣анд̇хид̇ваад̇и раж̇ж̇уаад̣̇ийхи б̣анд̇хид̇ваа. взтзд̇ваад̇и вад̇т̇аад̣̇ийд̇и взтзд̇ваа.
Taṃ atikkāmayatoti ettha tanti cīvaraṃ kālaṃ vā parāmasati. Tassa yo aruṇoti tassa cīvaruppādadivasassa yo atikkanto aruṇo. Cīvaruppādadivasena saddhinti cīvaruppādadivasassa atikkantaaruṇena saddhinti attho. Divasasaddena hi taṃdivasanissito aruṇo vutto. Bandhitvāti rajjuādīhi bandhitvā. Veṭhetvāti vatthādīti veṭhetvā.
важанийяод̇и сан̇гхам̣ абзгкид̇ваа вуд̇д̇ам̣. ан̃н̃ат̇ааби вад̇д̇аб̣б̣анд̇и зд̇т̇а ‘‘яааяа гааяажи бхаасааяа бад̣̇абадибаадияаа авад̇вааби ад̇т̇амад̇д̇з вуд̇д̇з ваддад̇ий’’д̇и вад̣̇анд̇и. д̇знаад̇и аабад̇д̇им̣ бадиг̇г̇ан̣ханд̇зна. бадиг̇г̇аахагзна ‘‘бассасий’’д̇и вуд̇д̇з д̣̇зсагзна вад̇д̇аб̣б̣аважанам̣ д̣̇ассзд̇и ‘‘аама бассаамий’’д̇и. буна бадиг̇г̇аахагзна вад̇д̇аб̣б̣аважанамааха ‘‘ааяад̇им̣ сам̣варзяяаасий’’д̇и. звам̣ вуд̇д̇з буна д̣̇зсагзна вад̇д̇аб̣б̣аважанам̣ ‘‘саад̇ху судту сам̣вариссаамий’’д̇и. иминаа ад̇д̇ано ааяад̇им̣ сам̣варз бад̇идтид̇абхаавам̣ д̣̇ассзд̇и. д̣̇вийсу бана самб̣ахулаасу ваад̇и д̣̇вийсу самб̣ахулаасу ваа аабад̇д̇ийсу буриманаязнзва важанабхзд̣̇о взд̣̇ид̇аб̣б̣о. н̃ад̇д̇ияам̣ аабад̇д̇им̣ сарад̇и виварад̇ийд̇и зд̇т̇а д̣̇вз аабад̇д̇ияод̇и ваа самб̣ахулаа аабад̇д̇ияод̇и ваа вад̇д̇аб̣б̣анд̇и ад̇хиббааяо. жийварад̣̇аанзбийд̇и ниссадтажийварасса д̣̇аанзби. вад̇т̇увасзнаад̇и жийвараг̇ан̣анааяа. г̇ан̣асса вуд̇д̇аа баал̣иязвзд̇т̇а баал̣ийд̇и д̣̇вийсу имаахам̣ ааяасманд̇аанам̣ ниссаж̇ж̇аамийд̇и важанз висзсаабхаавад̇о вуд̇д̇ам̣. звам̣…бз… вад̇д̇ум̣ ваддад̇ийд̇и вад̇ваа д̇ад̇т̇а гааран̣амааха ‘‘ид̇о г̇аругад̇арааний’’д̇иаад̣̇и. д̇ад̇т̇а ид̇од̇и ид̇о ниссадтажийварад̣̇аанад̇о. н̃ад̇д̇игаммад̇о н̃ад̇д̇ид̣̇уд̇ияагаммам̣ г̇аругад̇аранд̇и ааха ‘‘ид̇о г̇аругад̇арааний’’д̇и. имаахам̣ жийваранд̇и зд̇т̇а ‘‘имам̣ жийвара’’нд̇иби батанд̇и.
Vacanīyoti saṅghaṃ apekkhitvā vuttaṃ. Aññathāpi vattabbanti ettha ‘‘yāya kāyaci bhāsāya padapaṭipāṭiyā avatvāpi atthamatte vutte vaṭṭatī’’ti vadanti. Tenāti āpattiṃ paṭiggaṇhantena. Paṭiggāhakena ‘‘passasī’’ti vutte desakena vattabbavacanaṃ dasseti ‘‘āma passāmī’’ti. Puna paṭiggāhakena vattabbavacanamāha ‘‘āyatiṃ saṃvareyyāsī’’ti. Evaṃ vutte puna desakena vattabbavacanaṃ ‘‘sādhu suṭṭhu saṃvarissāmī’’ti. Iminā attano āyatiṃ saṃvare patiṭṭhitabhāvaṃ dasseti. Dvīsu pana sambahulāsu vāti dvīsu sambahulāsu vā āpattīsu purimanayeneva vacanabhedo veditabbo. Ñattiyaṃ āpattiṃ sarati vivaratīti ettha dve āpattiyoti vā sambahulā āpattiyoti vā vattabbanti adhippāyo. Cīvaradānepīti nissaṭṭhacīvarassa dānepi. Vatthuvasenāti cīvaragaṇanāya. Gaṇassa vuttā pāḷiyevettha pāḷīti dvīsu imāhaṃ āyasmantānaṃ nissajjāmīti vacane visesābhāvato vuttaṃ. Evaṃ…pe… vattuṃ vaṭṭatīti vatvā tattha kāraṇamāha ‘‘itogarukatarānī’’tiādi. Tattha itoti ito nissaṭṭhacīvaradānato. Ñattikammato ñattidutiyakammaṃ garukataranti āha ‘‘ito garukatarānī’’ti. Imāhaṃ cīvaranti ettha ‘‘imaṃ cīvara’’ntipi paṭhanti.
468. на ид̇ха сан̃н̃аа рагкад̇ийд̇и ид̣̇ам̣ взмад̇игам̣ анад̇игганд̇асан̃н̃ан̃жа санд̇хааяа вуд̇д̇ам̣. яоби звам̣сан̃н̃ий, д̇ассабийд̇и на гзвалам̣ ад̇игганд̇з ад̇игганд̇асан̃н̃исса, ат̇а ко взмад̇игасса анад̇игганд̇асан̃н̃иссабийд̇и ад̇т̇о. ‘‘на ид̇ха сан̃н̃аа рагкад̇ий’’д̇иаад̣̇инаа вуд̇д̇амад̇т̇ам̣ сзсад̇д̇игзби ад̇ид̣̇исад̇и. зса наяо саб̣б̣ад̇т̇аад̇и зса наяо авинадтаад̣̇ийсубийд̇и ан̃н̃зсам̣ жийварзсу убажигаад̣̇ийхи кааяид̇зсу ‘‘маяхамби жийварам̣ кааяид̇а’’нд̇и звам̣сан̃н̃ий ход̇ийд̇иаад̣̇инаа яож̇зд̇аб̣б̣анд̇и д̣̇ассзд̇и. анадтад̇о авилуд̇д̇асса висзсамааха ‘‘басаяхаавахааравасзнаа’’д̇и. т̇зяяаавахааравасзна г̇ахид̇ан̃хи надтанд̇и ад̇хиббзд̇ам̣, басаяхаавахааравасзна г̇ахид̇ам̣ вилуд̇д̇анд̇и. анаабад̇д̇и ан̃н̃зна гад̇ам̣ бадилабхид̇ваа барибхун̃ж̇ад̇ийд̇и ид̣̇ам̣ нисийд̣̇анасант̇ад̇ам̣ санд̇хааяа вуд̇д̇ам̣. яам̣ язна хи бураан̣асант̇ад̇асса сааманд̇аа суг̇ад̇авид̣̇ад̇т̇им̣ анаад̣̇ияид̇ваа ан̃н̃ам̣ навам̣ нисийд̣̇анасант̇ад̇ам̣ гад̇ам̣, д̇асса д̇ам̣ ниссаг̇г̇ияам̣ ход̇и. д̇асмаа ‘‘анаабад̇д̇и ан̃н̃зна гад̇ам̣ бадилабхид̇ваа барибхун̃ж̇ад̇ий’’д̇и ид̣̇ам̣ барасса ниссаг̇г̇ияам̣ абарасса барибхун̃ж̇ид̇ум̣ ваддад̇ийд̇и имамад̇т̇ам̣ саад̇хзд̇и. барибхог̇ам̣ санд̇хааяа вуд̇д̇анд̇и анад̇игганд̇з ад̇игганд̇асан̃н̃исса взмад̇игасса жа барибхун̃ж̇анд̇ассзва д̣̇уггадам̣, на бана абарибхун̃ж̇ид̇ваа табзнд̇ассаад̇и ад̇хиббааяо.
468.Naidha saññā rakkhatīti idaṃ vematikaṃ anatikkantasaññañca sandhāya vuttaṃ. Yopi evaṃsaññī, tassapīti na kevalaṃ atikkante atikkantasaññissa, atha kho vematikassa anatikkantasaññissapīti attho. ‘‘Na idha saññā rakkhatī’’tiādinā vuttamatthaṃ sesattikepi atidisati. Esa nayo sabbatthāti esa nayo avinaṭṭhādīsupīti aññesaṃ cīvaresu upacikādīhi khāyitesu ‘‘mayhampi cīvaraṃ khāyita’’nti evaṃsaññī hotītiādinā yojetabbanti dasseti. Anaṭṭhato aviluttassa visesamāha ‘‘pasayhāvahāravasenā’’ti. Theyyāvahāravasena gahitañhi naṭṭhanti adhippetaṃ, pasayhāvahāravasena gahitaṃ viluttanti. Anāpatti aññena kataṃ paṭilabhitvā paribhuñjatīti idaṃ nisīdanasanthataṃ sandhāya vuttaṃ. Yaṃ yena hi purāṇasanthatassa sāmantā sugatavidatthiṃ anādiyitvā aññaṃ navaṃ nisīdanasanthataṃ kataṃ, tassa taṃ nissaggiyaṃ hoti. Tasmā ‘‘anāpatti aññena kataṃ paṭilabhitvā paribhuñjatī’’ti idaṃ parassa nissaggiyaṃ aparassa paribhuñjituṃ vaṭṭatīti imamatthaṃ sādheti. Paribhogaṃ sandhāya vuttanti anatikkante atikkantasaññissa vematikassa ca paribhuñjantasseva dukkaṭaṃ, na pana aparibhuñjitvā ṭhapentassāti adhippāyo.
469. д̇ижийварам̣ ад̇хидтаад̇унд̇и наамам̣ вад̇ваа ад̇хидтаад̇ум̣. на вигаббзд̇унд̇и наамам̣ вад̇ваа на вигаббзд̇ум̣. зса наяо саб̣б̣ад̇т̇а. д̇асмаа д̇ижийвараад̣̇ийни ад̇хидтаханд̇зна ‘‘имам̣ сан̇гхаадим̣ ад̇хидтаамий’’д̇иаад̣̇инаа наамам̣ вад̇ваа ад̇хидтаад̇аб̣б̣ам̣. вигаббзнд̇зна бана ‘‘имам̣ сан̇гхаади’’нд̇иаад̣̇инаа д̇асса д̇асса жийварасса наамам̣ аг̇г̇ахзд̇ваава ‘‘имам̣ жийварам̣ д̇уяхам̣ вигаббзмий’’д̇и вигаббзд̇аб̣б̣ам̣. д̇ижийварам̣ ваа ход̇у ан̃н̃ам̣ ваа, яад̣̇и д̇ам̣ д̇ам̣ наамам̣ г̇ахзд̇ваа вигаббзд̇и, авигаббид̇ам̣ ход̇и, ад̇ирзгажийварадтаанзязва д̇идтад̇и. д̇ад̇о барам̣ вигаббзд̇унд̇и ‘‘жад̇умаасад̇о барам̣ вигаббзд̇ваа барибхун̃ж̇ид̇ум̣ анун̃н̃аад̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘д̇ад̇о барам̣ вигаббзд̇ваа яаава ааг̇аамисам̣важчарз вассаанам̣ жаад̇умаасам̣, д̇аава табзд̇ум̣ анун̃н̃аад̇а’’нд̇иби вад̣̇анд̇и. ‘‘д̇ад̇о барам̣ вигаббзд̇ум̣ ануж̇аанаамийд̇и зд̇д̇аавад̇аа вассигасаадигам̣ ган̣д̣уббадижчаад̣̇ин̃жа д̇ам̣ д̇ам̣ наамам̣ г̇ахзд̇ваа вигаббзд̇ум̣ анун̃н̃аад̇анд̇и звамад̇т̇о на г̇ахзд̇аб̣б̣о д̇ад̇о барам̣ вассигасаадигаад̣̇инаамассзва абхаавад̇о. д̇асмаа д̇ад̇о барам̣ вигаббзнд̇знаби наамам̣ г̇ахзд̇ваа на вигаббзд̇аб̣б̣ам̣. убхиннамби д̇ад̇о барам̣ вигаббзд̇ваа барибхог̇асса анун̃н̃аад̇ад̇д̇аа д̇ат̇аа вигаббид̇ам̣ ан̃н̃анаамзна ад̇хидтахид̇ваа барибхун̃ж̇ид̇аб̣б̣а’’нд̇и д̇ийсуби г̇ан̣тибад̣̇зсу вуд̇д̇ам̣.
469.Ticīvaraṃ adhiṭṭhātunti nāmaṃ vatvā adhiṭṭhātuṃ. Na vikappetunti nāmaṃ vatvā na vikappetuṃ. Esa nayo sabbattha. Tasmā ticīvarādīni adhiṭṭhahantena ‘‘imaṃ saṅghāṭiṃ adhiṭṭhāmī’’tiādinā nāmaṃ vatvā adhiṭṭhātabbaṃ. Vikappentena pana ‘‘imaṃ saṅghāṭi’’ntiādinā tassa tassa cīvarassa nāmaṃ aggahetvāva ‘‘imaṃ cīvaraṃ tuyhaṃ vikappemī’’ti vikappetabbaṃ. Ticīvaraṃ vā hotu aññaṃ vā, yadi taṃ taṃ nāmaṃ gahetvā vikappeti, avikappitaṃ hoti, atirekacīvaraṭṭhāneyeva tiṭṭhati. Tato paraṃ vikappetunti ‘‘catumāsato paraṃ vikappetvā paribhuñjituṃ anuññāta’’nti tīsupi gaṇṭhipadesu vuttaṃ. Keci pana ‘‘tato paraṃ vikappetvā yāva āgāmisaṃvacchare vassānaṃ cātumāsaṃ, tāva ṭhapetuṃ anuññāta’’ntipi vadanti. ‘‘Tato paraṃ vikappetuṃ anujānāmīti ettāvatā vassikasāṭikaṃ kaṇḍuppaṭicchādiñca taṃ taṃ nāmaṃ gahetvā vikappetuṃ anuññātanti evamattho na gahetabbo tato paraṃ vassikasāṭikādināmasseva abhāvato. Tasmā tato paraṃ vikappentenapi nāmaṃ gahetvā na vikappetabbaṃ. Ubhinnampi tato paraṃ vikappetvā paribhogassa anuññātattā tathā vikappitaṃ aññanāmena adhiṭṭhahitvā paribhuñjitabba’’nti tīsupi gaṇṭhipadesu vuttaṃ.
бажжуд̣̇д̇хараамийд̇и табзми, барижжаж̇аамийд̇и ваа ад̇т̇о. имам̣ сан̇гхаадим̣ ад̇хидтаамийд̇и зд̇т̇а ‘‘имам̣ жийварам̣ сан̇гхаадим̣ ад̇хидтаамийд̇и звамби вад̇д̇ум̣ ваддад̇ий’’д̇и г̇ан̣тибад̣̇зсу вуд̇д̇ам̣, д̇амби ‘‘имам̣ жийварам̣ баригкааражол̣ам̣ ад̇хидтаамий’’д̇и иминаа самзд̇и. гааяавигаарам̣ гаронд̇знаад̇и хад̇т̇зна жийварам̣ бараамасанд̇зна ваа жаалзнд̇зна ваа. д̣̇увид̇ханд̇и саммукабараммукабхзд̣̇зсу д̣̇увид̇хам̣. хад̇т̇абаасзд̇и ид̣̇ам̣ д̣̇ваад̣̇асахад̇т̇ам̣ санд̇хааяа вуд̇д̇ам̣, д̇асмаа д̣̇ваад̣̇асахад̇т̇аб̣бханд̇арз тид̇ам̣ ‘‘има’’нд̇и вад̇ваа ад̇хидтаад̇аб̣б̣ам̣. д̇ад̇о барам̣ ‘‘зд̇а’’нд̇и вад̇ваа ад̇хидтаад̇аб̣б̣анд̇и гзжи вад̣̇анд̇и. г̇ан̣тибад̣̇зсу банзд̇т̇а на гин̃жи вуд̇д̇ам̣. баал̣ияам̣ адтагат̇ааяан̃жа саб̣б̣ад̇т̇а ‘‘хад̇т̇абаасо’’д̇и ад̣дхад̇зяяахад̇т̇о вужжад̇и, д̇асмаа ид̇ха висзсавигаббанааяа гааран̣ам̣ г̇авзсид̇аб̣б̣ам̣. сааманд̇авихааро наама яад̇т̇а д̇ад̣̇ахзва г̇анд̇ваа нивад̇д̇ид̇ум̣ саггаа. ‘‘сааманд̇авихаарз’’д̇и ид̣̇ам̣ д̣̇зсанаасийсамад̇д̇ам̣, д̇асмаа табид̇адтаанам̣ саллагкзд̇ваа д̣̇уурз тид̇амби ад̇хидтаад̇аб̣б̣анд̇и вад̣̇анд̇и. табид̇адтаанам̣ саллагкзд̇ваад̇и жа ид̣̇ам̣ табид̇адтаанасаллагкан̣ам̣ анужчавиганд̇и гад̇ваа вуд̇д̇ам̣, жийварасаллагкан̣амзвзд̇т̇а бамаан̣ам̣.
Paccuddharāmīti ṭhapemi, pariccajāmīti vā attho. Imaṃ saṅghāṭiṃ adhiṭṭhāmīti ettha ‘‘imaṃ cīvaraṃ saṅghāṭiṃ adhiṭṭhāmīti evampi vattuṃ vaṭṭatī’’ti gaṇṭhipadesu vuttaṃ, tampi ‘‘imaṃ cīvaraṃ parikkhāracoḷaṃ adhiṭṭhāmī’’ti iminā sameti. Kāyavikāraṃ karontenāti hatthena cīvaraṃ parāmasantena vā cālentena vā. Duvidhanti sammukhaparammukhabhedesu duvidhaṃ. Hatthapāseti idaṃ dvādasahatthaṃ sandhāya vuttaṃ, tasmā dvādasahatthabbhantare ṭhitaṃ ‘‘ima’’nti vatvā adhiṭṭhātabbaṃ. Tato paraṃ ‘‘eta’’nti vatvā adhiṭṭhātabbanti keci vadanti. Gaṇṭhipadesu panettha na kiñci vuttaṃ. Pāḷiyaṃ aṭṭhakathāyañca sabbattha ‘‘hatthapāso’’ti aḍḍhateyyahattho vuccati, tasmā idha visesavikappanāya kāraṇaṃ gavesitabbaṃ. Sāmantavihāro nāma yattha tadaheva gantvā nivattituṃ sakkā. ‘‘Sāmantavihāre’’ti idaṃ desanāsīsamattaṃ, tasmā ṭhapitaṭṭhānaṃ sallakkhetvā dūre ṭhitampi adhiṭṭhātabbanti vadanti. Ṭhapitaṭṭhānaṃ sallakkhetvāti ca idaṃ ṭhapitaṭṭhānasallakkhaṇaṃ anucchavikanti katvā vuttaṃ, cīvarasallakkhaṇamevettha pamāṇaṃ.
ад̇хидтахид̇ваа табид̇авад̇т̇зхийд̇и баригкааражол̣анаамзна ад̇хидтахид̇ваа табид̇авад̇т̇зхи. ад̇хидтаанад̇о буб̣б̣з сан̇гхаадиаад̣̇ивохаарасса абхаавад̇о ‘‘имам̣ бажжуд̣̇д̇хараамий’’д̇и баригкааражол̣асса висум̣ бажжуд̣̇д̇хааравид̇хим̣ д̣̇ассзд̇и. баригкааражол̣анаамзна бана ад̇хидтид̇ад̇д̇аа ‘‘имам̣ баригкааражол̣ам̣ бажжуд̣̇д̇хараамий’’д̇и вуд̇д̇зби нзвад̇т̇и д̣̇осод̇и вин̃н̃ааяад̇и. бажжуд̣̇д̇харид̇ваа буна ад̇хидтаад̇аб̣б̣аанийд̇и ид̣̇ан̃жа сан̇гхаадиаад̣̇ижийваранаамзна ад̇хидтахид̇ваа барибхун̃ж̇ид̇угаамам̣ санд̇хааяа вуд̇д̇ам̣. баригкааражол̣анаамзнзва ад̇хидтахид̇ваа барибхун̃ж̇анд̇асса бана буб̣б̣згад̇аад̇хидтаанамзва ад̇хидтаанам̣. ад̇хидтаанагижжам̣ над̇т̇ийд̇и иминаа габбаб̣инд̣̇уд̣̇аанагижжамби над̇т̇ийд̇и д̣̇ассзд̇и. мудтибан̃жагаад̣̇ид̇ижийвараббамаан̣аяуд̇д̇ам̣ санд̇хааяа ‘‘д̇ижийварам̣ банаа’’д̇иаад̣̇и вуд̇д̇ам̣. баригкааражол̣ам̣ ад̇хидтаад̇унд̇и баригкааражол̣ам̣ гад̇ваа ад̇хидтаад̇ум̣. б̣ад̣̇д̇хасиймааяам̣ авиббаваасасиймаасаммуд̇исаб̣бхаавад̇о жийваравиббаваасзби нзвад̇т̇и д̣̇осод̇и на д̇ад̇т̇а д̣̇уббарихаарад̇аад̇и ааха ‘‘аб̣ад̣̇д̇хасиймааяам̣ д̣̇уббарихаара’’нд̇и.
Adhiṭṭhahitvā ṭhapitavatthehīti parikkhāracoḷanāmena adhiṭṭhahitvā ṭhapitavatthehi. Adhiṭṭhānato pubbe saṅghāṭiādivohārassa abhāvato ‘‘imaṃ paccuddharāmī’’ti parikkhāracoḷassa visuṃ paccuddhāravidhiṃ dasseti. Parikkhāracoḷanāmena pana adhiṭṭhitattā ‘‘imaṃ parikkhāracoḷaṃ paccuddharāmī’’ti vuttepi nevatthi dosoti viññāyati. Paccuddharitvā puna adhiṭṭhātabbānīti idañca saṅghāṭiādicīvaranāmena adhiṭṭhahitvā paribhuñjitukāmaṃ sandhāya vuttaṃ. Parikkhāracoḷanāmeneva adhiṭṭhahitvā paribhuñjantassa pana pubbekataadhiṭṭhānameva adhiṭṭhānaṃ. Adhiṭṭhānakiccaṃ natthīti iminā kappabindudānakiccampi natthīti dasseti. Muṭṭhipañcakāditicīvarappamāṇayuttaṃ sandhāya ‘‘ticīvaraṃ panā’’tiādi vuttaṃ. Parikkhāracoḷaṃ adhiṭṭhātunti parikkhāracoḷaṃ katvā adhiṭṭhātuṃ. Baddhasīmāyaṃ avippavāsasīmāsammutisabbhāvato cīvaravippavāsepi nevatthi dosoti na tattha dupparihāratāti āha ‘‘abaddhasīmāyaṃ dupparihāra’’nti.
анад̇ирид̇д̇аббамаан̣аад̇и суг̇ад̇авид̣̇ад̇т̇ияаа д̣̇ийгхасо ча вид̣̇ад̇т̇ияо д̇ирияам̣ ад̣дхад̇зяяавид̣̇ад̇т̇ин̃жа анад̇игганд̇аббамаан̣аад̇и ад̇т̇о. нану жа вассигасаадигаа вассаанаад̇иггамзна, ган̣д̣уббадижчаад̣̇и ааб̣аад̇хавуубасамзна ад̇хидтаанам̣ виж̇ахад̇и. д̇знзва маад̇игаадтагат̇ааяам̣ (ган̇каа. адта. гат̇инасигкаабад̣̇аван̣н̣анаа) ‘‘вассигасаадигаа вассаанамаасаад̇иггамзнаби, ган̣д̣уббадижчаад̣̇и ааб̣аад̇хавуубасамзнаби ад̇хидтаанам̣ виж̇ахад̇ий’’д̇и вуд̇д̇ам̣. д̇асмаа ‘‘д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’’д̇и гасмаа вуд̇д̇ам̣. сад̇и хи ад̇хидтаанз бажжуд̣̇д̇хааро яуд̇д̇од̇и? зд̇т̇а д̇аава д̇ийсуби г̇ан̣тибад̣̇зсу ид̣̇ам̣ вуд̇д̇ам̣ ‘‘бажжуд̣̇д̇харид̇ваад̇и ид̣̇ам̣ бажжуд̣̇д̇харан̣ам̣ санд̇хааяа на вуд̇д̇ам̣, бажжуд̣̇д̇харид̇ваад̇и бана вассигасаадигабхаавад̇о абанзд̇ваад̇и звамад̇т̇о г̇ахзд̇аб̣б̣о. д̇асмаа хзманд̇асса батамад̣̇ивасад̇о бадтааяа анд̇од̣̇асаахз вассигасаадигабхаавад̇о абанзд̇ваа вигаббзд̇аб̣б̣аад̇и имамад̇т̇ам̣ д̣̇ассзд̇ум̣ ‘д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’д̇и вуд̇д̇а’’нд̇и.
Anatirittappamāṇāti sugatavidatthiyā dīghaso cha vidatthiyo tiriyaṃ aḍḍhateyyavidatthiñca anatikkantappamāṇāti attho. Nanu ca vassikasāṭikā vassānātikkamena, kaṇḍuppaṭicchādi ābādhavūpasamena adhiṭṭhānaṃ vijahati. Teneva mātikāṭṭhakathāyaṃ (kaṅkhā. aṭṭha. kathinasikkhāpadavaṇṇanā) ‘‘vassikasāṭikā vassānamāsātikkamenapi, kaṇḍuppaṭicchādi ābādhavūpasamenapi adhiṭṭhānaṃ vijahatī’’ti vuttaṃ. Tasmā ‘‘tato paraṃ paccuddharitvā vikappetabbā’’ti kasmā vuttaṃ. Sati hi adhiṭṭhāne paccuddhāro yuttoti? Ettha tāva tīsupi gaṇṭhipadesu idaṃ vuttaṃ ‘‘paccuddharitvāti idaṃ paccuddharaṇaṃ sandhāya na vuttaṃ, paccuddharitvāti pana vassikasāṭikabhāvato apanetvāti evamattho gahetabbo. Tasmā hemantassa paṭhamadivasato paṭṭhāya antodasāhe vassikasāṭikabhāvato apanetvā vikappetabbāti imamatthaṃ dassetuṃ ‘tato paraṃ paccuddharitvā vikappetabbā’ti vutta’’nti.
гзжи бана ‘‘яат̇аа гат̇инамаасаб̣бханд̇арз уббаннажийварам̣ гат̇инамаасаад̇иггамз ниссаг̇г̇ияам̣ ход̇и, звамаяам̣ вассигасаадигааби вассаанамаасаад̇иггамз ниссаг̇г̇ияаа ход̇и, д̇асмаа гад̇д̇игабун̣н̣амад̣̇ивасз бажжуд̣̇д̇харид̇ваа д̇ад̇о барам̣ хзманд̇асса батамад̣̇ивасз вигаббзд̇аб̣б̣аад̇и звамад̇т̇о г̇ахзд̇аб̣б̣о. бажжуд̣̇д̇харид̇ваа д̇ад̇о барам̣ вигаббзд̇аб̣б̣аад̇и бад̣̇аяож̇анаа взд̣̇ид̇аб̣б̣аа’’д̇и жа вад̣̇анд̇и, д̇ам̣ на яуд̇д̇ам̣. гат̇инамаасз уббаннан̃хи жийварам̣ ад̇ирзгажийварадтаанз тид̇ад̇д̇аа авасаанад̣̇ивасз анад̇хидтид̇ам̣ гат̇инамаасаад̇иггамз ниссаг̇г̇ияам̣ ход̇и. аяам̣ бана вассигасаадигаа ад̇хидтахид̇ваа табид̇ад̇д̇аа на д̇зна сад̣̇исаад̇и вассаанаад̇иггамз гат̇ам̣ ниссаг̇г̇ияаа ход̇и. анад̇хидтид̇аавигаббид̇амзва хи д̇ам̣д̇ам̣гаалаад̇иггамз ниссаг̇г̇ияам̣ ход̇и, д̇асмаа хзманд̇зби вассигасаадигаа д̣̇асаахам̣ барихаарам̣ лабхад̇иязва. звам̣ ган̣д̣уббадижчаад̣̇иби ааб̣аад̇хавуубасамзна ад̇хидтаанам̣ виж̇ахад̇и, д̇асмаа д̇ад̇о барам̣ д̣̇асаахам̣ барихаарам̣ лабхад̇и, д̣̇асаахам̣ бана анад̇иггамид̇ваа вигаббзд̇аб̣б̣аад̇и.
Keci pana ‘‘yathā kathinamāsabbhantare uppannacīvaraṃ kathinamāsātikkame nissaggiyaṃ hoti, evamayaṃ vassikasāṭikāpi vassānamāsātikkame nissaggiyā hoti, tasmā kattikapuṇṇamadivase paccuddharitvā tato paraṃ hemantassa paṭhamadivase vikappetabbāti evamattho gahetabbo. Paccuddharitvā tato paraṃ vikappetabbāti padayojanā veditabbā’’ti ca vadanti, taṃ na yuttaṃ. Kathinamāse uppannañhi cīvaraṃ atirekacīvaraṭṭhāne ṭhitattā avasānadivase anadhiṭṭhitaṃ kathinamāsātikkame nissaggiyaṃ hoti. Ayaṃ pana vassikasāṭikā adhiṭṭhahitvā ṭhapitattā na tena sadisāti vassānātikkame kathaṃ nissaggiyā hoti. Anadhiṭṭhitaavikappitameva hi taṃtaṃkālātikkame nissaggiyaṃ hoti, tasmā hemantepi vassikasāṭikā dasāhaṃ parihāraṃ labhatiyeva. Evaṃ kaṇḍuppaṭicchādipi ābādhavūpasamena adhiṭṭhānaṃ vijahati, tasmā tato paraṃ dasāhaṃ parihāraṃ labhati, dasāhaṃ pana anatikkamitvā vikappetabbāti.
гзжи бана ‘‘ад̇хидтаанабхзд̣̇алагкан̣з авуд̇д̇ад̇д̇аа вассигасаадигаа вассаанамаасаад̇иггамзби, ган̣д̣уббадижчаад̣̇и ааб̣аад̇хз вуубасанд̇зби ад̇хидтаанам̣ на виж̇ахад̇и, д̇асмаа ‘д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’д̇и ид̣̇ам̣ вуд̇д̇а’’нд̇и вад̣̇анд̇и, д̇ам̣ маад̇игаадтагат̇ааяа на самзд̇и, саманд̇абаасаад̣̇игааяа бана самзд̇и. д̇ат̇аа хи ‘‘вассигасаадигаа вассаанамаасаад̇иггамзнаби, ган̣д̣уббадижчаад̣̇и ааб̣аад̇хавуубасамзнаби ад̇хидтаанам̣ виж̇ахад̇ий’’д̇и ид̣̇ам̣ саманд̇абаасаад̣̇игааяам̣ над̇т̇и, бариваарадтагат̇ааяан̃жа ‘‘ад̇т̇аабад̇д̇и хзманд̇з аабаж̇ж̇ад̇и, но г̇имхз’’д̇и зд̇т̇а ид̣̇ам̣ вуд̇д̇ам̣ ‘‘гад̇д̇игабун̣н̣амаасияаа бажчимз баадибад̣̇ад̣̇ивасз вигаббзд̇ваа табид̇ам̣ вассигасаадигам̣ ниваасзнд̇о хзманд̇з аабаж̇ж̇ад̇и. гурунд̣̇ияам̣ бана ‘гад̇д̇игабун̣н̣амад̣̇ивасз абажжуд̣̇д̇харид̇ваа хзманд̇з аабаж̇ж̇ад̇ий’д̇и вуд̇д̇ам̣, д̇амби сувуд̇д̇ам̣. жаад̇умаасам̣ ад̇хидтаад̇ум̣, д̇ад̇о барам̣ вигаббзд̇унд̇и хи вуд̇д̇а’’нд̇и (бари. адта. 323).
Keci pana ‘‘adhiṭṭhānabhedalakkhaṇe avuttattā vassikasāṭikā vassānamāsātikkamepi, kaṇḍuppaṭicchādi ābādhe vūpasantepi adhiṭṭhānaṃ na vijahati, tasmā ‘tato paraṃ paccuddharitvā vikappetabbā’ti idaṃ vutta’’nti vadanti, taṃ mātikāṭṭhakathāya na sameti, samantapāsādikāya pana sameti. Tathā hi ‘‘vassikasāṭikā vassānamāsātikkamenapi, kaṇḍuppaṭicchādi ābādhavūpasamenapi adhiṭṭhānaṃ vijahatī’’ti idaṃ samantapāsādikāyaṃ natthi, parivāraṭṭhakathāyañca ‘‘atthāpatti hemante āpajjati, no gimhe’’ti ettha idaṃ vuttaṃ ‘‘kattikapuṇṇamāsiyā pacchime pāṭipadadivase vikappetvā ṭhapitaṃ vassikasāṭikaṃ nivāsento hemante āpajjati. Kurundiyaṃ pana ‘kattikapuṇṇamadivase apaccuddharitvā hemante āpajjatī’ti vuttaṃ, tampi suvuttaṃ. Cātumāsaṃ adhiṭṭhātuṃ, tato paraṃ vikappetunti hi vutta’’nti (pari. aṭṭha. 323).
д̇ад̇т̇а махааадтагат̇ааяам̣ ниваасанабажжаяаа д̣̇уггадам̣ вуд̇д̇ам̣, гурунд̣̇адтагат̇ааяам̣ бана абажжуд̣̇д̇хаарабажжаяаа. д̇асмаа гурунд̣̇ияам̣ вуд̇д̇анаязнзва вассигасаадигаа вассаанамаасаад̇иггамзби ад̇хидтаанам̣ на виж̇ахад̇ийд̇и бан̃н̃ааяад̇и. гурунд̣̇ияан̃хи ‘‘вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и важанад̇о яад̣̇и гад̇д̇игабун̣н̣амааяам̣ на бажжуд̣̇д̇харзяяа, авиж̇ахид̇аад̇хидтаанаа вассигасаадигаа хзманд̇ам̣ самбад̇д̇аа вигаббанагкзд̇д̇з ад̇хидтаанасаб̣бхаавад̇о д̣̇уггадам̣ ж̇анзд̇и, д̇асмаа гад̇д̇игабун̣н̣амааяам̣ зва бажжуд̣̇д̇харид̇ваа хзманд̇з вигаббзд̇аб̣б̣аад̇и иминаа ад̇хиббааязна ‘‘гад̇д̇игабун̣н̣амад̣̇ивасз абажжуд̣̇д̇харид̇ваа хзманд̇з аабаж̇ж̇ад̇ий’’д̇и вуд̇д̇ам̣, д̇асмаа виймам̣сид̇ваа яуд̇д̇ад̇арам̣ г̇ахзд̇аб̣б̣ам̣.
Tattha mahāaṭṭhakathāyaṃ nivāsanapaccayā dukkaṭaṃ vuttaṃ, kurundaṭṭhakathāyaṃ pana apaccuddhārapaccayā. Tasmā kurundiyaṃ vuttanayeneva vassikasāṭikā vassānamāsātikkamepi adhiṭṭhānaṃ na vijahatīti paññāyati. Kurundiyañhi ‘‘vassānaṃ cātumāsaṃ adhiṭṭhātuṃ, tato paraṃ vikappetu’’nti vacanato yadi kattikapuṇṇamāyaṃ na paccuddhareyya, avijahitādhiṭṭhānā vassikasāṭikā hemantaṃ sampattā vikappanakkhette adhiṭṭhānasabbhāvato dukkaṭaṃ janeti, tasmā kattikapuṇṇamāyaṃ eva paccuddharitvā hemante vikappetabbāti iminā adhippāyena ‘‘kattikapuṇṇamadivase apaccuddharitvā hemante āpajjatī’’ti vuttaṃ, tasmā vīmaṃsitvā yuttataraṃ gahetabbaṃ.
нахаанад̇т̇ааяа анун̃н̃аад̇ад̇д̇аа ‘‘ван̣н̣абхзд̣̇амад̇д̇арад̇д̇ааби жзсаа ваддад̇ий’’д̇и вуд̇д̇ам̣. д̣̇вз бана на вадданд̇ийд̇и д̣̇виннам̣ ад̇хидтаанаабхаавад̇о вуд̇д̇ам̣. ‘‘сажз вассаанз абараа вассигасаадигаа уббаннаа ход̇и, буримавассигасаадигам̣ бажжуд̣̇д̇харид̇ваа вигаббзд̇ваа жа ад̇хидтаад̇аб̣б̣аа’’д̇и вад̣̇анд̇и. бамаан̣аяуд̇д̇анд̇и д̣̇ийгхасо суг̇ад̇авид̣̇ад̇т̇ияаа д̣̇вз вид̣̇ад̇т̇ияо, вид̇т̇аарад̇о д̣̇ияад̣дхаа, д̣̇асаа вид̣̇ад̇т̇ийд̇и иминаа бамаан̣зна яуд̇д̇ам̣. бамаан̣игаад̇и суг̇ад̇авид̣̇ад̇т̇ияаа д̣̇ийгхасо жад̇ассо вид̣̇ад̇т̇ияо, д̇ирияам̣ д̣̇вз вид̣̇ад̇т̇ияод̇и звам̣ вуд̇д̇аббамаан̣аяуд̇д̇аа. бажжуд̣̇д̇харид̇ваа вигаббзд̇аб̣б̣аад̇и зд̇т̇а яам̣ вад̇д̇аб̣б̣ам̣, д̇ам̣ хздтаа вуд̇д̇амзва. ‘‘сагим̣ ад̇хидтид̇ам̣ ад̇хидтид̇амзва ход̇и, буна на бажжуд̣̇д̇харийяад̇и гаалабарижчзд̣̇аабхаавад̇о’’д̇и вад̣̇анд̇и. абарз бана ‘‘згаважанзнаби ваддад̇ийд̇и д̣̇ассанад̇т̇ам̣ ‘сагим̣ ад̇хидтид̇ам̣ ад̇хидтид̇амзваа’д̇и вуд̇д̇а’’нд̇и вад̣̇анд̇и. убхаяад̇т̇ааби асса важанасса ид̇ха важанз абуб̣б̣ам̣ баяож̇анам̣ на д̣̇иссад̇и, д̇знзва маад̇игаадтагат̇ааяам̣ имасмим̣ таанз ‘‘сагим̣ ад̇хидтид̇ам̣ ад̇хидтид̇амзва ход̇ий’’д̇и ид̣̇ам̣ бад̣̇ам̣ на вуд̇д̇ам̣.
Nahānatthāya anuññātattā ‘‘vaṇṇabhedamattarattāpi cesā vaṭṭatī’’ti vuttaṃ. Dve pana na vaṭṭantīti dvinnaṃ adhiṭṭhānābhāvato vuttaṃ. ‘‘Sace vassāne aparā vassikasāṭikā uppannā hoti, purimavassikasāṭikaṃ paccuddharitvā vikappetvā ca adhiṭṭhātabbā’’ti vadanti. Pamāṇayuttanti dīghaso sugatavidatthiyā dve vidatthiyo, vitthārato diyaḍḍhā, dasā vidatthīti iminā pamāṇena yuttaṃ. Pamāṇikāti sugatavidatthiyā dīghaso catasso vidatthiyo, tiriyaṃ dve vidatthiyoti evaṃ vuttappamāṇayuttā. Paccuddharitvā vikappetabbāti ettha yaṃ vattabbaṃ, taṃ heṭṭhā vuttameva. ‘‘Sakiṃ adhiṭṭhitaṃ adhiṭṭhitameva hoti, puna na paccuddharīyati kālaparicchedābhāvato’’ti vadanti. Apare pana ‘‘ekavacanenapi vaṭṭatīti dassanatthaṃ ‘sakiṃ adhiṭṭhitaṃ adhiṭṭhitamevā’ti vutta’’nti vadanti. Ubhayatthāpi assa vacanassa idha vacane apubbaṃ payojanaṃ na dissati, teneva mātikāṭṭhakathāyaṃ imasmiṃ ṭhāne ‘‘sakiṃ adhiṭṭhitaṃ adhiṭṭhitameva hotī’’ti idaṃ padaṃ na vuttaṃ.
‘‘ад̇д̇ано санд̇агабхаавад̇о можзд̇ваа табид̇ам̣ санд̇хааяа махаабажжарияам̣ анаабад̇д̇и вуд̇д̇аа’’д̇и вад̣̇анд̇и. иминаа бхзсаж̇ж̇ам̣ жзд̇аабзссаами, ид̣̇ам̣ маад̇уяаа д̣̇ассаамийд̇и табзнд̇зна ад̇хидтаад̇аб̣б̣ам̣, ид̣̇ам̣ бхзсаж̇ж̇асса, ид̣̇ам̣ маад̇уяаад̇и виссаж̇ж̇зд̇ваа сагасанд̇агабхаавад̇о можид̇з ад̇хидтаанагижжам̣ над̇т̇ийд̇и ад̇хиббааяо. сзнаасанабаригкаарад̇т̇ааяа д̣̇иннабажжад̇т̇аран̣зд̇и зд̇т̇а ‘‘аниваасзд̇ваа абаарубид̇ваа жа гзвалам̣ ман̃жабийтзсуязва ад̇т̇арид̇ваа барибхун̃ж̇ияамаанам̣ бажжад̇т̇аран̣ам̣ ад̇д̇ано санд̇агамби анад̇хидтаад̇ум̣ ваддад̇ий’’д̇и вад̣̇анд̇и. хздтаа бана ‘‘бажжад̇т̇аран̣амби ад̇хидтаад̇аб̣б̣амзваа’’д̇и ависзсзна вуд̇д̇ад̇д̇аа ад̇д̇ано санд̇агам̣ ад̇хидтаад̇аб̣б̣амзваад̇и амхаагам̣ канд̇и, виймам̣сид̇ваа г̇ахзд̇аб̣б̣ам̣.
‘‘Attano santakabhāvato mocetvā ṭhapitaṃ sandhāya mahāpaccariyaṃ anāpatti vuttā’’ti vadanti. Iminā bhesajjaṃ cetāpessāmi, idaṃ mātuyā dassāmīti ṭhapentena adhiṭṭhātabbaṃ, idaṃ bhesajjassa, idaṃ mātuyāti vissajjetvā sakasantakabhāvato mocite adhiṭṭhānakiccaṃ natthīti adhippāyo. Senāsanaparikkhāratthāya dinnapaccattharaṇeti ettha ‘‘anivāsetvā apārupitvā ca kevalaṃ mañcapīṭhesuyeva attharitvā paribhuñjiyamānaṃ paccattharaṇaṃ attano santakampi anadhiṭṭhātuṃ vaṭṭatī’’ti vadanti. Heṭṭhā pana ‘‘paccattharaṇampi adhiṭṭhātabbamevā’’ti avisesena vuttattā attano santakaṃ adhiṭṭhātabbamevāti amhākaṃ khanti, vīmaṃsitvā gahetabbaṃ.
‘‘хийнааяаавад̇д̇анзнаад̇и сигкам̣ аббажжагкааяа г̇ихибхаавуубаг̇аманзнаа’’д̇и д̇ийсуби г̇ан̣тибад̣̇зсу вуд̇д̇ам̣, д̇ам̣ яуд̇д̇ам̣ ан̃н̃асса д̣̇аанз вияа жийварз нираалаяабхаавзнзва барижжад̇д̇ад̇д̇аа. гзжи бана ‘‘хийнааяаавад̇д̇анзнаад̇и бхигкунияаа г̇ихибхаавуубаг̇аманзнаа’’д̇и звамад̇т̇ам̣ г̇ахзд̇ваа ‘‘бхигку бана виб̣бхаманд̇оби яаава сигкам̣ на бажжагкаад̇и, д̇аава бхигкуязваад̇и ад̇хидтаанам̣ на виж̇ахад̇ий’’д̇и вад̣̇анд̇и, д̇ам̣ на г̇ахзд̇аб̣б̣ам̣ ‘‘бхигкунияаа хийнааяаавад̇д̇анзнаа’’д̇и висзсзд̇ваа авуд̇д̇ад̇д̇аа. бхигкунияаа хи г̇ихибхаавуубаг̇аманз ад̇хидтаанавиж̇аханам̣ висум̣ вад̇д̇аб̣б̣ам̣ над̇т̇и д̇ассаа виб̣бхаманзнзва ассаман̣ийбхаавад̇о. сигкаабажжагкаанзнаад̇и бана ид̣̇ам̣ сажз бхигкулин̇г̇з тид̇ова сигкам̣ бажжагкаад̇и , д̇асса гааяалаг̇г̇амби жийварам̣ ад̇хидтаанам̣ виж̇ахад̇ийд̇и д̣̇ассанад̇т̇ам̣ вуд̇д̇ам̣. ганидтан̇г̇улинакавасзнаад̇и хздтимабарижчзд̣̇ам̣ д̣̇ассзд̇и. бамаан̣ажийварассаад̇и бажчимаббамаан̣ам̣ санд̇хааяа вуд̇д̇ам̣. д̣̇вз жийвараани баарубанд̇ассаад̇и анд̇арагхараббавзсанад̇т̇ааяа суббадижчаннасигкаабад̣̇з вуд̇д̇анаязна сан̇гхаадим̣ уд̇д̇араасан̇г̇ан̃жа згад̇о гад̇ваа баарубанд̇асса. сан̇гхарид̇адтаанзд̇и д̣̇вийсуби анд̇зсу сан̇гхарид̇адтаанз. зса наяод̇и иминаа бамаан̣аяуд̇д̇зсу яад̇т̇а гад̇т̇ажи чид̣̇д̣̇ам̣ ад̇хидтаанам̣ виж̇ахад̇и, маханд̇зсу бана д̇ад̇о барзна чид̣̇д̣̇ам̣ ад̇хидтаанам̣ на виж̇ахад̇ийд̇и аяамад̇т̇о д̣̇ассид̇о. саб̣б̣зсууд̇и д̇ижийвараад̣̇ибхзд̣̇зсу саб̣б̣ажийварзсу.
‘‘Hīnāyāvattanenāti sikkhaṃ appaccakkhāya gihibhāvūpagamanenā’’ti tīsupi gaṇṭhipadesu vuttaṃ, taṃ yuttaṃ aññassa dāne viya cīvare nirālayabhāveneva pariccattattā. Keci pana ‘‘hīnāyāvattanenāti bhikkhuniyā gihibhāvūpagamanenā’’ti evamatthaṃ gahetvā ‘‘bhikkhu pana vibbhamantopi yāva sikkhaṃ na paccakkhāti, tāva bhikkhuyevāti adhiṭṭhānaṃ na vijahatī’’ti vadanti, taṃ na gahetabbaṃ ‘‘bhikkhuniyā hīnāyāvattanenā’’ti visesetvā avuttattā. Bhikkhuniyā hi gihibhāvūpagamane adhiṭṭhānavijahanaṃ visuṃ vattabbaṃ natthi tassā vibbhamaneneva assamaṇībhāvato. Sikkhāpaccakkhānenāti pana idaṃ sace bhikkhuliṅge ṭhitova sikkhaṃ paccakkhāti , tassa kāyalaggampi cīvaraṃ adhiṭṭhānaṃ vijahatīti dassanatthaṃ vuttaṃ. Kaniṭṭhaṅgulinakhavasenāti heṭṭhimaparicchedaṃ dasseti. Pamāṇacīvarassāti pacchimappamāṇaṃ sandhāya vuttaṃ. Dve cīvarāni pārupantassāti antaragharappavesanatthāya suppaṭicchannasikkhāpade vuttanayena saṅghāṭiṃ uttarāsaṅgañca ekato katvā pārupantassa. Saṅgharitaṭṭhāneti dvīsupi antesu saṅgharitaṭṭhāne. Esa nayoti iminā pamāṇayuttesu yattha katthaci chiddaṃ adhiṭṭhānaṃ vijahati, mahantesu pana tato parena chiddaṃ adhiṭṭhānaṃ na vijahatīti ayamattho dassito. Sabbesūti ticīvarādibhedesu sabbacīvaresu.
ан̃н̃ам̣ бажчимаббамаан̣ам̣ наама над̇т̇ийд̇и суд̇д̇з ааг̇ад̇ам̣ над̇т̇ийд̇и ад̇хиббааяо. ид̣̇аани д̇амзва вибхаавзд̇ум̣ ‘‘яан̃хий’’д̇иаад̣̇и вуд̇д̇ам̣. ‘‘д̇ам̣ ад̇иггамаяад̇о чзд̣̇анагам̣ баажид̇д̇ияа’’нд̇и вуд̇д̇ад̇д̇аа ааха ‘‘д̇ад̇о уд̇д̇ари бадисид̣̇д̇хад̇д̇аа’’д̇и. д̇ам̣ на самзд̇ийд̇и баригкааражол̣асса вигаббанубаг̇абажчимам̣ бажчимаббамаан̣анд̇и г̇ахзд̇ваа ид̇арзсам̣ д̇ижийвараад̣̇ийнам̣ мудтибан̃жагаад̣̇ибхзд̣̇ам̣ бажчимаббамаан̣ам̣ санд̇хааяа ‘‘зса наяо’’д̇иаад̣̇иважанам̣ на самзд̇и д̇аад̣̇исасса бажчимаббамаан̣асса суд̇д̇з абхаавад̇од̇и ад̇хиббааяо. анд̇хагадтагат̇ааяам̣ вуд̇д̇аважанам̣ на самзд̇ийд̇и иминаава бадигкзбзна вигаббанубаг̇абажчимасса анд̇о яад̇т̇а гад̇т̇ажи чид̣̇д̣̇ам̣ ад̇хидтаанам̣ виж̇ахад̇ийд̇и аяамби наяо бадигкид̇д̇оязваад̇и д̣̇адтаб̣б̣ам̣. д̇ижийваран̃хи табзд̇ваа сзсажийварзсу чид̣̇д̣̇зна ад̇хидтаанавиж̇аханам̣ наама над̇т̇и, д̇асмаа ад̇хидтахид̇ваа табид̇зсу сзсажийварзсу вигаббанубаг̇абажчимам̣ аббахонд̇ам̣ гад̇ваа кан̣д̣аакан̣д̣игам̣ чиннзсуби ад̇хидтаанавиж̇аханам̣ над̇т̇и. сажз бана ад̇хидтаанад̇о буб̣б̣зязва д̇аад̣̇исам̣ ход̇и, ажийварад̇д̇аа ад̇хидтаанагижжам̣ над̇т̇и. куд̣̇д̣̇агам̣ жийваранд̇и мудтибан̃жагаад̣̇ибхзд̣̇аббамаан̣ад̇о ануунамзва куд̣̇д̣̇агажийварам̣. маханд̇ам̣ ваа куд̣̇д̣̇агам̣ гарод̇ийд̇и зд̇т̇а д̇ин̣н̣ам̣ жийвараанам̣ жад̇уусу бассзсу яасмим̣ бад̣̇зсз чид̣̇д̣̇ам̣ ад̇хидтаанам̣ на виж̇ахад̇и, д̇асмим̣ бад̣̇зсз саманд̇ад̇о чинд̣̇ид̇ваа куд̣̇д̣̇агам̣ гаронд̇асса ад̇хидтаанам̣ на виж̇ахад̇ийд̇и ад̇хиббааяо.
Aññaṃ pacchimappamāṇaṃ nāma natthīti sutte āgataṃ natthīti adhippāyo. Idāni tameva vibhāvetuṃ ‘‘yañhī’’tiādi vuttaṃ. ‘‘Taṃ atikkamayato chedanakaṃ pācittiya’’nti vuttattā āha ‘‘tato uttari paṭisiddhattā’’ti. Taṃ na sametīti parikkhāracoḷassa vikappanupagapacchimaṃ pacchimappamāṇanti gahetvā itaresaṃ ticīvarādīnaṃ muṭṭhipañcakādibhedaṃ pacchimappamāṇaṃ sandhāya ‘‘esa nayo’’tiādivacanaṃ na sameti tādisassa pacchimappamāṇassa sutte abhāvatoti adhippāyo. Andhakaṭṭhakathāyaṃ vuttavacanaṃ na sametīti imināva paṭikkhepena vikappanupagapacchimassa anto yattha katthaci chiddaṃ adhiṭṭhānaṃ vijahatīti ayampi nayo paṭikkhittoyevāti daṭṭhabbaṃ. Ticīvarañhi ṭhapetvā sesacīvaresu chiddena adhiṭṭhānavijahanaṃ nāma natthi, tasmā adhiṭṭhahitvā ṭhapitesu sesacīvaresu vikappanupagapacchimaṃ appahontaṃ katvā khaṇḍākhaṇḍikaṃ chinnesupi adhiṭṭhānavijahanaṃ natthi. Sace pana adhiṭṭhānato pubbeyeva tādisaṃ hoti, acīvarattā adhiṭṭhānakiccaṃ natthi. Khuddakaṃ cīvaranti muṭṭhipañcakādibhedappamāṇato anūnameva khuddakacīvaraṃ. Mahantaṃ vā khuddakaṃ karotīti ettha tiṇṇaṃ cīvarānaṃ catūsu passesu yasmiṃ padese chiddaṃ adhiṭṭhānaṃ na vijahati, tasmiṃ padese samantato chinditvā khuddakaṃ karontassa adhiṭṭhānaṃ na vijahatīti adhippāyo.
саммукаавигаббанаа бараммукаавигаббанаад̇и зд̇т̇а саммукзна вигаббанаа бараммукзна вигаббанаад̇и звамад̇т̇о г̇ахзд̇аб̣б̣о. саннихид̇аасаннихид̇абхааванд̇и аасаннад̣̇уурабхаавам̣. аасаннад̣̇уурабхааво жа ад̇хидтаанз вуд̇д̇анаязнзва взд̣̇ид̇аб̣б̣о. барибхог̇аад̣̇аяоби вадданд̇ийд̇и зд̇т̇а ад̇хидтаанассаби анд̇ог̇ад̇хад̇д̇аа сажз сан̇гхаадиаад̣̇инаамзна ад̇хидтахид̇ваа барибхун̃ж̇ид̇угаамо ход̇и, ад̇хидтаанам̣ гаад̇аб̣б̣ам̣. но жз, на гаад̇аб̣б̣ам̣, вигаббанамзва бамаан̣ам̣, д̇асмаа ад̇ирзгажийварам̣ наама на ход̇и. мид̇д̇од̇и д̣̇ал̣хамид̇д̇о. санд̣̇идтод̇и д̣̇идтамид̇д̇о наад̇ид̣̇ал̣хамид̇д̇о. вигаббид̇авигаббанаа наамзсаа ваддад̇ийд̇и ад̇хидтид̇аад̇хидтаанам̣ вияаад̇и ад̇хиббааяо ависзсзна вуд̇д̇аважананд̇и д̇ижийвараад̣̇им̣ ад̇хидтзд̇и, вассигасаадигам̣ ган̣д̣уббадижчаад̣̇ин̃жа вигаббзд̇ийд̇и авад̇ваа саб̣б̣ажийвараанам̣ ависзсзна вигаббзд̇ийд̇и вуд̇д̇аважанам̣. д̇ижийварасан̇кзбзнаад̇и д̇ижийваранийхаарзна, сан̇гхаадиаад̣̇иад̇хидтаанавасзнаад̇и вуд̇д̇ам̣ ход̇и.
Sammukhāvikappanā parammukhāvikappanāti ettha sammukhena vikappanā parammukhena vikappanāti evamattho gahetabbo. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo. Paribhogādayopi vaṭṭantīti ettha adhiṭṭhānassapi antogadhattā sace saṅghāṭiādināmena adhiṭṭhahitvā paribhuñjitukāmo hoti, adhiṭṭhānaṃ kātabbaṃ. No ce, na kātabbaṃ, vikappanameva pamāṇaṃ, tasmā atirekacīvaraṃ nāma na hoti. Mittoti daḷhamitto. Sandiṭṭhoti diṭṭhamitto nātidaḷhamitto. Vikappitavikappanā nāmesā vaṭṭatīti adhiṭṭhitaadhiṭṭhānaṃ viyāti adhippāyo avisesena vuttavacananti ticīvarādiṃ adhiṭṭheti, vassikasāṭikaṃ kaṇḍuppaṭicchādiñca vikappetīti avatvā sabbacīvarānaṃ avisesena vikappetīti vuttavacanaṃ. Ticīvarasaṅkhepenāti ticīvaranīhārena, saṅghāṭiādiadhiṭṭhānavasenāti vuttaṃ hoti.
д̇уяхам̣ д̣̇змийд̇иаад̣̇ийсу ‘‘д̇асмим̣ гаалз на г̇ан̣хид̇угаамоби сажз на бадигкибад̇и, буна г̇ан̣хид̇угаамад̇ааяа сад̇и г̇ахзд̇ум̣ ваддад̇ий’’д̇и вад̣̇анд̇и. ид̇т̇аннаамассаад̇и бараммукз тид̇ам̣ санд̇хааяа вад̣̇ад̇и. ‘‘д̇уяхам̣ г̇ан̣хаахий’’д̇и вуд̇д̇з ‘‘маяхам̣ г̇ан̣хаамий’’д̇и вад̣̇ад̇и, суд̣̇иннам̣ суг̇г̇ахид̇ан̃жаад̇и зд̇т̇а ‘‘яат̇аа барад̇о ‘д̇ава санд̇агам̣ гарохий’д̇и вуд̇д̇з д̣̇уд̣̇д̣̇иннамби ‘саад̇ху, бханд̇з, маяхам̣ г̇ан̣хаамий’д̇и важанзна ‘суг̇г̇ахид̇ам̣ ход̇ий’д̇и вуд̇д̇ам̣, звамид̇хааби ‘д̇уяхам̣ г̇ан̣хаахий’д̇и вуд̇д̇з суд̣̇иннад̇д̇аа ‘маяхам̣ г̇ан̣хаамий’д̇и авуд̇д̇зби ‘суд̣̇иннамзваа’’’д̇и вад̣̇анд̇и. ‘‘г̇ан̣хаахийд̇и жа аан̣ад̇д̇ияаа г̇ахан̣асса д̇аббадиб̣ад̣̇д̇хад̇аагаран̣авасзна бавад̇д̇ад̇д̇аа д̇ад̣̇аа г̇ан̣хаамийд̇и жид̇д̇з ануббаад̣̇ид̇з бажчаа г̇ахзд̇ум̣ на лабхад̇ий’’д̇и вад̣̇анд̇и.
Tuyhaṃ demītiādīsu ‘‘tasmiṃ kāle na gaṇhitukāmopi sace na paṭikkhipati, puna gaṇhitukāmatāya sati gahetuṃ vaṭṭatī’’ti vadanti. Itthannāmassāti parammukhe ṭhitaṃ sandhāya vadati. ‘‘Tuyhaṃ gaṇhāhī’’ti vutte ‘‘mayhaṃ gaṇhāmī’’ti vadati, sudinnaṃ suggahitañcāti ettha ‘‘yathā parato ‘tava santakaṃ karohī’ti vutte duddinnampi ‘sādhu, bhante, mayhaṃ gaṇhāmī’ti vacanena ‘suggahitaṃ hotī’ti vuttaṃ, evamidhāpi ‘tuyhaṃ gaṇhāhī’ti vutte sudinnattā ‘mayhaṃ gaṇhāmī’ti avuttepi ‘sudinnamevā’’’ti vadanti. ‘‘Gaṇhāhīti ca āṇattiyā gahaṇassa tappaṭibaddhatākaraṇavasena pavattattā tadā gaṇhāmīti citte anuppādite pacchā gahetuṃ na labhatī’’ti vadanti.
д̇ам̣ на яуж̇ж̇ад̇ийд̇и винаяагаммасса гаран̣авасзна г̇ахзд̇ваа д̣̇иннад̇д̇аа вуд̇д̇ам̣. сажз бана баро сажжад̇оязва виссаасам̣ г̇ан̣хаад̇и, буна гзнажи гааран̣зна д̇зна д̣̇иннам̣ д̇асса на ваддад̇ийд̇и над̇т̇и. ниссаг̇г̇ияам̣ бана жийварам̣ ж̇аанид̇ваа ваа аж̇аанид̇ваа ваа г̇ан̣ханд̇ам̣ ‘‘маа г̇ан̣хаахий’’д̇и нивааран̣ад̇т̇ам̣ вуд̇д̇ам̣. гааяаваажаахи гад̇д̇аб̣б̣аад̇хидтаанавигаббанаанам̣ агад̇ад̇д̇аа ход̇ийд̇и ааха ‘‘гааяаваажаад̇о самудтаад̇ий’’д̇и. жийварасса ад̇д̇ано санд̇агад̇аа, ж̇аад̇иббамаан̣аяуд̇д̇ад̇аа, чиннабалиб̣од̇хабхааво, ад̇ирзгажийварад̇аа, д̣̇асаахаад̇иггамод̇и имаанзд̇т̇а бан̃жа ан̇г̇аани.
Taṃ na yujjatīti vinayakammassa karaṇavasena gahetvā dinnattā vuttaṃ. Sace pana paro saccatoyeva vissāsaṃ gaṇhāti, puna kenaci kāraṇena tena dinnaṃ tassa na vaṭṭatīti natthi. Nissaggiyaṃ pana cīvaraṃ jānitvā vā ajānitvā vā gaṇhantaṃ ‘‘mā gaṇhāhī’’ti nivāraṇatthaṃ vuttaṃ. Kāyavācāhi kattabbaadhiṭṭhānavikappanānaṃ akatattā hotīti āha ‘‘kāyavācāto samuṭṭhātī’’ti. Cīvarassa attano santakatā, jātippamāṇayuttatā, chinnapalibodhabhāvo, atirekacīvaratā, dasāhātikkamoti imānettha pañca aṅgāni.
батамагат̇инасигкаабад̣̇аван̣н̣анаа нидтид̇аа.
Paṭhamakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамагат̇инасигкаабад̣̇ам̣ • 1. Paṭhamakathinasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
