| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. ниссаг̇г̇ияаган̣д̣о
4. Nissaggiyakaṇḍo
1. жийвараваг̇г̇о
1. Cīvaravaggo
1. батамагат̇инасигкаабад̣̇аван̣н̣анаа
1. Paṭhamakathinasikkhāpadavaṇṇanā
459. самид̇аавинаад̇и самид̇аа’нзна гилзсаад̇и самид̇аавий, д̇зна самид̇аавинаа. ‘‘д̇ийн̣и жийварааний’’д̇и вад̇д̇аб̣б̣з ‘‘д̇ижийвара’’нд̇и вуд̇д̇ам̣. сан̇кяаабуб̣б̣о д̣̇иг̇унзгаважананд̇и зд̇т̇а лагкан̣ам̣ взд̣̇ид̇аб̣б̣ам̣. д̇ам̣ бана ад̇хидтид̇ассаби анад̇хидтид̇ассаби наамам̣ ‘‘згарад̇д̇амби жз бхигку д̇ижийварзна виббавасзяяаа’’д̇иаад̣̇ийсу д̇ижийвараад̇хидтаанзна ад̇хидтид̇асса наамам̣. ‘‘ануж̇аанаами, бхигкавз, д̇ижийварам̣ ад̇хидтаад̇у’’нд̇и (махаава. 358) зд̇т̇а анад̇хидтид̇асса наамам̣, ид̇ха д̇ад̣̇убхаяамби самбхавад̇и. ‘‘бхаг̇авад̇аа бхигкуунам̣ д̇ижийварам̣ анун̃н̃аад̇ам̣ ход̇ий’’д̇и зд̇т̇а ад̇хидтид̇амзва. ‘‘ан̃н̃знзва д̇ижийварзна г̇аамам̣ бависанд̇ий’’д̇и зд̇т̇а анад̇хидтид̇амзва. згасмим̣язва хи жийварз д̇ижийвараад̇хидтаанам̣ рухад̇и, на ид̇арасмим̣ бад̇д̇аад̇хидтаанам̣ вияа, д̇асмаа ид̇арам̣ ад̇ирзгадтаанз д̇идтад̇и. д̇зна вуд̇д̇ам̣ ‘‘гат̇ан̃хи наама чаб̣б̣аг̇г̇ияаа бхигкуу ад̇ирзгажийварам̣ д̇хаарзссанд̇ий’’д̇иаад̣̇и.
459.Samitāvināti samitā’nena kilesāti samitāvī, tena samitāvinā. ‘‘Tīṇi cīvarānī’’ti vattabbe ‘‘ticīvara’’nti vuttaṃ. Saṅkhyāpubbo digunekavacananti ettha lakkhaṇaṃ veditabbaṃ. Taṃ pana adhiṭṭhitassapi anadhiṭṭhitassapi nāmaṃ ‘‘ekarattampi ce bhikkhu ticīvarena vippavaseyyā’’tiādīsu ticīvarādhiṭṭhānena adhiṭṭhitassa nāmaṃ. ‘‘Anujānāmi, bhikkhave, ticīvaraṃ adhiṭṭhātu’’nti (mahāva. 358) ettha anadhiṭṭhitassa nāmaṃ, idha tadubhayampi sambhavati. ‘‘Bhagavatā bhikkhūnaṃ ticīvaraṃ anuññātaṃ hotī’’ti ettha adhiṭṭhitameva. ‘‘Aññeneva ticīvarena gāmaṃ pavisantī’’ti ettha anadhiṭṭhitameva. Ekasmiṃyeva hi cīvare ticīvarādhiṭṭhānaṃ ruhati, na itarasmiṃ pattādhiṭṭhānaṃ viya, tasmā itaraṃ atirekaṭṭhāne tiṭṭhati. Tena vuttaṃ ‘‘kathañhi nāma chabbaggiyā bhikkhū atirekacīvaraṃ dhāressantī’’tiādi.
460-1. батамабан̃н̃ад̇д̇ияаа банзд̇т̇а згарад̇д̇амби ад̇ирзгажийварам̣ д̇хаарзяяа, ниссаг̇г̇ияам̣ вуд̇д̇ам̣ ход̇и, д̇ад̇о барам̣ ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇ум̣. зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣, д̇ам̣ ад̇иггаамаяад̇о ниссаг̇г̇ияам̣ баажид̇д̇ияа’’’нд̇и звам̣ бхаг̇аваа барибун̣н̣ам̣ сигкаабад̣̇ам̣ бан̃н̃аабзси. ат̇а бажчимаб̣од̇хияам̣ аж̇аад̇асад̇д̇угаалз гат̇инам̣ анун̃н̃аад̇ам̣, д̇ад̇о бадтааяа бхигкуу ид̣̇ам̣ сигкаабад̣̇ам̣ ‘‘нидтид̇ажийварасмим̣ бхигкунаа уб̣бхад̇асмим̣ гат̇инз д̣̇асааха…бз… баажид̇д̇ияа’’нд̇и уд̣̇д̣̇исанд̇и, зса наяо д̣̇уд̇ияад̇ад̇ияагат̇инзсуби. д̇ат̇ааби ган̇каавид̇аран̣ияам̣ (ган̇каа. адта. гат̇инасигкаабад̣̇аван̣н̣анаа) ‘‘д̣̇асаахабараманд̇и аяамзд̇т̇а анубан̃н̃ад̇д̇ий’’д̇и зд̇д̇агам̣язва вуд̇д̇ам̣, д̇асмаа ‘‘нидтид̇ажийварасмим̣ бхигкунаа уб̣бхад̇асмим̣ гат̇инз’’д̇и важанам̣ на бан̃н̃ад̇д̇и, на жа анубан̃н̃ад̇д̇ийд̇и сид̣̇д̇хам̣. на хи бан̃н̃ад̇д̇ивад̇т̇усмим̣, анубан̃н̃ад̇д̇ивад̇т̇умхи ваа гат̇инаад̇хигааро д̣̇иссад̇ийд̇и яат̇аавуд̇д̇анаяова саарод̇и нидтамзд̇т̇а г̇анд̇аб̣б̣ам̣. ат̇ааби сияаа ‘‘гат̇инассуббад̇д̇игаалад̇о бадтааяа бхаг̇авад̇о важанам̣ анубан̃н̃ад̇д̇ибхаавзна вуд̇д̇а’’нд̇и. яад̣̇и звам̣ д̣̇вз анубан̃н̃ад̇д̇ияо сияум̣, д̇ад̇о бариваарз (бари. 24) ‘‘згаа анубан̃н̃ад̇д̇ий’’д̇иважанавирод̇хо. абижа яат̇аавуд̇д̇анаяад̣̇ийбанад̇т̇ам̣ ид̇ха д̇ам̣ важанам̣ батамабан̃н̃ад̇д̇игаалз авад̇ваа бажчаа вуд̇д̇ам̣. зд̇т̇а саад̇хид̇ад̇д̇аа д̣̇уд̇ияад̇ад̇иязсу бажчаа вуд̇д̇абатамабан̃н̃ад̇д̇ийсу звам̣ вуд̇д̇ам̣. ан̃н̃ат̇аа д̇ад̇т̇аби д̇ам̣ важанам̣ бажчаа вад̇д̇аб̣б̣ам̣ сияаа. ануг̇ан̣тибад̣̇з бана ‘‘бажчаа вуд̇д̇абхаавам̣ санд̇хааяа нидтид̇ажийварасминд̇иаад̣̇ийсу анубан̃н̃ад̇д̇ий’’д̇и вуд̇д̇ам̣. сзгкабут̇уж̇ж̇анаанам̣ бзмам̣, араханд̇аанам̣ г̇аараво. д̣̇асамам̣ ваа навамам̣ ваад̇и зд̇т̇а бхуммад̇т̇з убаяог̇аважанам̣.
460-1. Paṭhamapaññattiyā panettha ekarattampi atirekacīvaraṃ dhāreyya, nissaggiyaṃ vuttaṃ hoti, tato paraṃ ‘‘anujānāmi, bhikkhave, dasāhaparamaṃ atirekacīvaraṃ dhāretuṃ. Evañca pana, bhikkhave, imaṃ sikkhāpadaṃ uddiseyyātha ‘dasāhaparamaṃ atirekacīvaraṃ dhāretabbaṃ, taṃ atikkāmayato nissaggiyaṃ pācittiya’’’nti evaṃ bhagavā paripuṇṇaṃ sikkhāpadaṃ paññāpesi. Atha pacchimabodhiyaṃ ajātasattukāle kathinaṃ anuññātaṃ, tato paṭṭhāya bhikkhū idaṃ sikkhāpadaṃ ‘‘niṭṭhitacīvarasmiṃ bhikkhunā ubbhatasmiṃ kathine dasāha…pe… pācittiya’’nti uddisanti, esa nayo dutiyatatiyakathinesupi. Tathāpi kaṅkhāvitaraṇiyaṃ (kaṅkhā. aṭṭha. kathinasikkhāpadavaṇṇanā) ‘‘dasāhaparamanti ayamettha anupaññattī’’ti ettakaṃyeva vuttaṃ, tasmā ‘‘niṭṭhitacīvarasmiṃ bhikkhunā ubbhatasmiṃ kathine’’ti vacanaṃ na paññatti, na ca anupaññattīti siddhaṃ. Na hi paññattivatthusmiṃ, anupaññattivatthumhi vā kathinādhikāro dissatīti yathāvuttanayova sāroti niṭṭhamettha gantabbaṃ. Athāpi siyā ‘‘kathinassuppattikālato paṭṭhāya bhagavato vacanaṃ anupaññattibhāvena vutta’’nti. Yadi evaṃ dve anupaññattiyo siyuṃ, tato parivāre (pari. 24) ‘‘ekā anupaññattī’’tivacanavirodho. Apica yathāvuttanayadīpanatthaṃ idha taṃ vacanaṃ paṭhamapaññattikāle avatvā pacchā vuttaṃ. Ettha sādhitattā dutiyatatiyesu pacchā vuttapaṭhamapaññattīsu evaṃ vuttaṃ. Aññathā tatthapi taṃ vacanaṃ pacchā vattabbaṃ siyā. Anugaṇṭhipade pana ‘‘pacchā vuttabhāvaṃ sandhāya niṭṭhitacīvarasmintiādīsu anupaññattī’’ti vuttaṃ. Sekkhaputhujjanānaṃ pemaṃ, arahantānaṃ gāravo. Dasamaṃ vā navamaṃ vāti ettha bhummatthe upayogavacanaṃ.
462-3. нидтид̇ажийварасминд̇и ид̣̇ам̣ гзвалам̣ жийварабалиб̣од̇хаабхаавамад̇д̇ад̣̇ийбанад̇т̇ам̣ вуд̇д̇ам̣, д̇асмаа ‘‘надтам̣ ваа винадтам̣ ваа д̣̇ад̣дхам̣ ваа жийвараасаа ваа убажчиннаа’’д̇и вуд̇д̇ам̣. яад̣̇и д̣̇асаахабарамам̣ д̇хаарзд̇аб̣б̣ажийварад̣̇ассанад̇т̇ам̣ вуд̇д̇ам̣ сияаа, надтаад̣̇игам̣ со д̇хаарзяяа. д̇хааран̣ан̃жзд̇т̇а табанам̣, барибхог̇о ваа. д̇ам̣ д̣̇ваяам̣ гад̇зби яуж̇ж̇ад̇и, агад̇зби яуж̇ж̇ад̇и, д̇асмаа ‘‘гад̇ам̣ ваа ход̇ий’’д̇иби на вад̇д̇аб̣б̣ам̣. на хи гад̇амзва ад̇иггаамаяад̇о ниссаг̇г̇ияанд̇и, д̇асмаа яам̣ жийварам̣ убаад̣̇ааяа ‘‘нидтид̇ажийварасми’’нд̇и вуд̇д̇ам̣. д̇амби уб̣бхад̇асмим̣ гат̇инз д̣̇асаахабарамам̣ гаалам̣ д̇хаарзд̇аб̣б̣анд̇и ад̇т̇о на г̇ахзд̇аб̣б̣о. д̇ан̃хи жийварам̣ санд̇ан̃жз, уб̣бхад̇асмим̣ гат̇инз згад̣̇ивасамби барихаарам̣ на лаб̣бхад̇и. абижа ‘‘жийварам̣ наама вигаббанубаг̇ам̣ бажчима’’нд̇и вуд̇д̇ам̣. д̇ад̇т̇а жа гад̇ам̣ наама ход̇и, д̇асмааби на д̇ам̣ санд̇хааяа д̇хаарзд̇аб̣б̣анд̇и вуд̇д̇анд̇и взд̣̇ид̇аб̣б̣ам̣ асамбхавад̇о.
462-3.Niṭṭhitacīvarasminti idaṃ kevalaṃ cīvarapalibodhābhāvamattadīpanatthaṃ vuttaṃ, tasmā ‘‘naṭṭhaṃ vā vinaṭṭhaṃ vā daḍḍhaṃ vā cīvarāsā vā upacchinnā’’ti vuttaṃ. Yadi dasāhaparamaṃ dhāretabbacīvaradassanatthaṃ vuttaṃ siyā, naṭṭhādikaṃ so dhāreyya. Dhāraṇañcettha ṭhapanaṃ, paribhogo vā. Taṃ dvayaṃ katepi yujjati, akatepi yujjati, tasmā ‘‘kataṃ vā hotī’’tipi na vattabbaṃ. Na hi katameva atikkāmayato nissaggiyanti, tasmā yaṃ cīvaraṃ upādāya ‘‘niṭṭhitacīvarasmi’’nti vuttaṃ. Tampi ubbhatasmiṃ kathine dasāhaparamaṃ kālaṃ dhāretabbanti attho na gahetabbo. Tañhi cīvaraṃ santañce, ubbhatasmiṃ kathine ekadivasampi parihāraṃ na labbhati. Apica ‘‘cīvaraṃ nāma vikappanupagaṃ pacchima’’nti vuttaṃ. Tattha ca kataṃ nāma hoti, tasmāpi na taṃ sandhāya dhāretabbanti vuttanti veditabbaṃ asambhavato.
ануг̇ан̣тибад̣̇з банзд̇ам̣ вуд̇д̇ам̣ ‘‘д̇ад̇т̇а сияаа – д̇асса бхигкуно жийварам̣ надтаад̣̇ийсу ан̃н̃ад̇арам̣ яад̣̇и бхавзяяа, гад̇амам̣ жийварам̣ д̣̇асаахабарамам̣ д̇хаарзяяа. яасмаа д̇хаарзд̇аб̣б̣ажийварам̣ над̇т̇и, д̇асмаа ад̇т̇уд̣̇д̇хааравасзна гаран̣абалиб̣од̇хад̣̇ассанад̇т̇ам̣ ‘надтам̣ ваа’д̇иаад̣̇ибад̣̇аани вуд̇д̇аани. аяам̣ банад̇т̇о ‘надтам̣ ваа’д̇иаад̣̇инаа наязна вуд̇д̇ажийвараанам̣ ан̃н̃ад̇арасмим̣ жийварз асад̇и г̇ахзд̇аб̣б̣о, сад̇и д̇ам̣ д̣̇асаахабарамам̣ ад̇иггаамаяад̇о ниссаг̇г̇ияам̣. зса наяо саб̣б̣ад̇т̇а. ‘гад̇ам̣ ваа ход̇ий’д̇и вуд̇д̇ажийварамзваад̇хиббзд̇ам̣. гасмаа бана гад̇ажийварам̣ имасмим̣ ад̇т̇з ад̇хиббзд̇анд̇и на вуд̇д̇анд̇и жз? баагадад̇д̇аа. гат̇ам̣? надтавинадтажийвараад̣̇ийнам̣ д̇хааран̣асса абхаавад̇о гад̇ажийварамзва ид̇хаад̇хиббзд̇анд̇и баагадам̣. яат̇аа гим̣? яат̇аа батамаанияад̇з мзт̇унагааяасам̣саг̇г̇арахонисаж̇ж̇аанамзвааг̇ад̇ад̇д̇аа сод̇асса рахо ад̇т̇уд̣̇д̇хааравасзна вуд̇д̇од̇и баагадо, д̇асмаа ‘жагкусса рахо ид̇арасмим̣ ад̇т̇з ад̇хиббзд̇о’д̇и на вуд̇д̇о. звам̣самбад̣̇амид̣̇анд̇и взд̣̇ид̇аб̣б̣ам̣. ‘гад̇ам̣ ваа ход̇ий’д̇и ид̣̇ам̣ на вад̇д̇аб̣б̣ам̣, гасмаа? агад̇ам̣ ад̇иггаамаяад̇оби ниссаг̇г̇ияад̇д̇аа, гин̃жааби ниссаг̇г̇ияам̣ ход̇и , ид̇ха бана д̇ижийвараад̇хидтаанамад̇хиббзд̇ам̣. д̇асмим̣ д̇ижийвараад̇хидтаанз агад̇ам̣, араж̇ид̇ам̣, агаббияагад̇ан̃жа ‘имам̣ сан̇гхаадим̣ ад̇хидтаамий’д̇иаад̣̇инаа наязна ад̇хидтаад̇ум̣ на ваддад̇и, д̇ад̣̇ад̇т̇ад̣̇ийбанад̇т̇ам̣ ‘гад̇ам̣ ваа ход̇ий’д̇и вуд̇д̇ам̣. ид̇арат̇аа ‘нидтид̇ажийварасмим̣ бадилад̣̇д̇хз’д̇и вад̣̇зяяа, звам̣ санд̇з д̇ижийварам̣ д̣̇асаахам̣ ад̇иггаамаяад̇о ниссаг̇г̇ияанд̇и гат̇ам̣ бан̃н̃ааяад̇ийд̇и жз? важанаббамаан̣ад̇о. ‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇у’нд̇и вуд̇д̇ад̇д̇аа ид̇хааби ‘ад̇ирзгажийварам̣ наама анад̇хидтид̇а’нд̇и зд̇д̇агамзва вад̇д̇аб̣б̣ам̣ сияаа. яасмаа ‘гад̇ам̣ ваа ход̇ий’д̇и важанзна ид̇хаад̇хиббзд̇ажийварзна сад̣̇д̇хим̣ сзсамби д̣̇асаахабарамад̇о уд̇д̇ари д̇хаарзд̇ум̣ на лаб̣бхад̇ийд̇и ануж̇аананд̇о ‘ад̇ирзгажийварам̣ наама анад̇хидтид̇ам̣ авигаббид̇а’нд̇и ааха. д̇ад̇т̇а сияаа – яат̇аа ‘авигаббид̇а’нд̇и ад̇т̇уд̣̇д̇хааравасзна вуд̇д̇ам̣, д̇ат̇аа ‘вигаббанубаг̇ам̣ бажчима’нд̇иби. гасмаа? яасмаа д̇ижийварамзва д̣̇асаахабарамам̣ д̇хаарзд̇аб̣б̣ам̣ ‘нидтид̇ажийварасми’нд̇иаад̣̇ианубан̃н̃ад̇д̇ивасзна. ид̇арат̇аа згаахаад̇иггамзби ниссаг̇г̇ияам̣ ход̇и ‘яо бана, бхигку, ад̇ирзгажийварам̣ д̇хаарзяяа, ниссаг̇г̇ияам̣ баажид̇д̇ияа’нд̇и важанад̇о. на д̇ижийварад̇о ан̃н̃амби жийварам̣ д̣̇асаахабарамам̣ д̇хаарзд̇аб̣б̣ам̣, д̇ад̇о барам̣ ниссаг̇г̇ияам̣ ‘анд̇од̣̇асааха’нд̇и вуд̇д̇ад̇д̇аа. яат̇ааха ‘анаабад̇д̇и анд̇од̣̇асаахам̣ ад̇хидтзд̇и, вигаббзд̇ий’д̇и, ид̇арат̇аа ‘анд̇од̣̇асаахам̣ ад̇хидтзд̇ий’д̇и важанамад̇д̇амзва бхавзяяа, д̇асмаа адтагат̇ааяам̣ вуд̇д̇анаязнзва ад̇т̇о г̇ахзд̇аб̣б̣о. ид̣̇ам̣ саб̣б̣ам̣ абарз вад̣̇анд̇ий’’д̇и. зд̇т̇а анд̇огат̇инз уббаннажийварам̣ гад̇амзва санд̇ан̃жз, д̣̇асаахабарамам̣ д̇хаарзд̇аб̣б̣анд̇и ид̣̇ан̃жимасса саад̇ханад̇т̇ам̣ вуд̇д̇аважанан̃жа барад̇о ид̇хзва вуд̇д̇авижааран̣ааяа яат̇аавуд̇д̇аяуд̇д̇ияаа жа вируж̇жхад̇ийд̇и на г̇ахзд̇аб̣б̣ам̣.
Anugaṇṭhipade panetaṃ vuttaṃ ‘‘tattha siyā – tassa bhikkhuno cīvaraṃ naṭṭhādīsu aññataraṃ yadi bhaveyya, katamaṃ cīvaraṃ dasāhaparamaṃ dhāreyya. Yasmā dhāretabbacīvaraṃ natthi, tasmā atthuddhāravasena karaṇapalibodhadassanatthaṃ ‘naṭṭhaṃ vā’tiādipadāni vuttāni. Ayaṃ panattho ‘naṭṭhaṃ vā’tiādinā nayena vuttacīvarānaṃ aññatarasmiṃ cīvare asati gahetabbo, sati taṃ dasāhaparamaṃ atikkāmayato nissaggiyaṃ. Esa nayo sabbattha. ‘Kataṃ vā hotī’ti vuttacīvaramevādhippetaṃ. Kasmā pana katacīvaraṃ imasmiṃ atthe adhippetanti na vuttanti ce? Pākaṭattā. Kathaṃ? Naṭṭhavinaṭṭhacīvarādīnaṃ dhāraṇassa abhāvato katacīvarameva idhādhippetanti pākaṭaṃ. Yathā kiṃ? Yathā paṭhamāniyate methunakāyasaṃsaggarahonisajjānamevāgatattā sotassa raho atthuddhāravasena vuttoti pākaṭo, tasmā ‘cakkhussa raho itarasmiṃ atthe adhippeto’ti na vutto. Evaṃsampadamidanti veditabbaṃ. ‘Kataṃ vā hotī’ti idaṃ na vattabbaṃ, kasmā? Akataṃ atikkāmayatopi nissaggiyattā, kiñcāpi nissaggiyaṃ hoti , idha pana ticīvarādhiṭṭhānamadhippetaṃ. Tasmiṃ ticīvarādhiṭṭhāne akataṃ, arajitaṃ, akappiyakatañca ‘imaṃ saṅghāṭiṃ adhiṭṭhāmī’tiādinā nayena adhiṭṭhātuṃ na vaṭṭati, tadatthadīpanatthaṃ ‘kataṃ vā hotī’ti vuttaṃ. Itarathā ‘niṭṭhitacīvarasmiṃ paṭiladdhe’ti vadeyya, evaṃ sante ticīvaraṃ dasāhaṃ atikkāmayato nissaggiyanti kathaṃ paññāyatīti ce? Vacanappamāṇato. ‘Anujānāmi, bhikkhave, ticīvaraṃ adhiṭṭhātuṃ na vikappetu’nti vuttattā idhāpi ‘atirekacīvaraṃ nāma anadhiṭṭhita’nti ettakameva vattabbaṃ siyā. Yasmā ‘kataṃ vā hotī’ti vacanena idhādhippetacīvarena saddhiṃ sesampi dasāhaparamato uttari dhāretuṃ na labbhatīti anujānanto ‘atirekacīvaraṃ nāma anadhiṭṭhitaṃ avikappita’nti āha. Tattha siyā – yathā ‘avikappita’nti atthuddhāravasena vuttaṃ, tathā ‘vikappanupagaṃ pacchima’ntipi. Kasmā? Yasmā ticīvarameva dasāhaparamaṃ dhāretabbaṃ ‘niṭṭhitacīvarasmi’ntiādianupaññattivasena. Itarathā ekāhātikkamepi nissaggiyaṃ hoti ‘yo pana, bhikkhu, atirekacīvaraṃ dhāreyya, nissaggiyaṃ pācittiya’nti vacanato. Na ticīvarato aññampi cīvaraṃ dasāhaparamaṃ dhāretabbaṃ, tato paraṃ nissaggiyaṃ ‘antodasāha’nti vuttattā. Yathāha ‘anāpatti antodasāhaṃ adhiṭṭheti, vikappetī’ti, itarathā ‘antodasāhaṃ adhiṭṭhetī’ti vacanamattameva bhaveyya, tasmā aṭṭhakathāyaṃ vuttanayeneva attho gahetabbo. Idaṃ sabbaṃ apare vadantī’’ti. Ettha antokathine uppannacīvaraṃ katameva santañce, dasāhaparamaṃ dhāretabbanti idañcimassa sādhanatthaṃ vuttavacanañca parato idheva vuttavicāraṇāya yathāvuttayuttiyā ca virujjhatīti na gahetabbaṃ.
ид̇хзва вуд̇д̇авижааран̣аа наама – ‘‘свз гат̇инуд̣̇д̇хааро бхависсад̇ий’’д̇и аж̇ж̇а уббаннажийварам̣ д̇ад̣̇ахзва анад̇хидтаханд̇асса арун̣уг̇г̇аманз ниссаг̇г̇ияам̣. гасмаа? ‘‘нидтид̇ажийварасми’’нд̇иаад̣̇инаа сигкаабад̣̇асса вуд̇д̇ад̇д̇аа. анд̇огат̇инз ад̇ирзгад̣̇асаахамби барихаарам̣ лабхад̇и, гат̇инад̇о уд̣̇д̇хам̣ згад̣̇ивасамби на лабхад̇и. яат̇аа гим̣? яат̇аа ад̇т̇ад̇агат̇ино сан̇гхо ад̇т̇ад̇ад̣̇ивасад̇о бадтааяа яаава уб̣бхаараа згад̣̇ивасаавасзсзби гат̇инуб̣бхаарз аанисам̣сам̣ лабхад̇и, бунад̣̇ивасз на лабхад̇и. сажз сад̇исаммосаа бхааж̇анийяажийварам̣ на бхааж̇ид̇ам̣, бунад̣̇ивасз анад̇т̇ад̇агат̇инаанамби саад̇хааран̣ам̣ ход̇и. д̣̇ивасаа жз саавасзсаа, ад̇т̇ад̇агат̇инассзва сан̇гхасса баабун̣аад̇и, звамзва ад̇т̇ад̇ад̣̇ивасад̇о бадтааяа яаава уб̣бхаараа анад̇хидтид̇ам̣ авигаббид̇ам̣ ваддад̇и анун̃н̃аад̇ад̣̇ивасаб̣бханд̇арад̇д̇аа. гат̇инад̣̇ивасо г̇ан̣анубаг̇о ход̇и, уб̣бхад̇ад̣̇ивасад̇о бадтааяа д̣̇асаахабарамам̣ гаалам̣ уббаннажийварам̣ барихаарам̣ лабхад̇и, д̇ад̇о барам̣ на лабхад̇и. гасмаа? ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇у’’нд̇и важанад̇о. анд̇огат̇инзби згаад̣̇асз арун̣уг̇г̇аманз ниссаг̇г̇ияаббасан̇г̇ам̣ ‘‘нидтид̇ажийварасмим̣ уб̣бхад̇асмим̣ гат̇инз’’д̇и аяам̣ анубан̃н̃ад̇д̇и ваарзд̇ваа тид̇аа, на жа д̇з д̣̇ивасз ад̣̇ивасз агаасийд̇и. д̇ат̇аа д̇ад̇ияагат̇инз жа вижаарид̇ам̣ ‘‘нидтид̇ажийварасмим̣ бхигкунаа уб̣бхад̇асмим̣ гат̇инз бхигкуно банзва агаалажийварам̣ уббаж̇ж̇зяяаа’д̇и вад̣̇анд̇зна бхаг̇авад̇аа яам̣ маяаа хздтаа батамасигкаабад̣̇з ‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’нд̇и анун̃н̃аад̇ам̣, д̇амби гат̇инамаасад̇о б̣ахи уббаннамзва, на анд̇од̇и д̣̇ийбид̇ам̣ ход̇ий’’д̇и жа, ‘‘‘гаалзби аад̣̇исса д̣̇иннам̣ зд̇ам̣ агаалажийвара’нд̇и (баараа. 500) важанад̇о гат̇инуб̣бхаарад̇о уд̣̇д̇хам̣ д̣̇асаахабарихаарам̣ на лабхад̇ийд̇и д̣̇ийбид̇ам̣ ход̇и, д̇зхи сад̣̇д̇хим̣ буна гат̇инуб̣бхаарад̇о уд̣̇д̇хам̣ бан̃жа д̣̇ивасаани лабхад̇ийд̇и басан̇г̇оби ‘нидтид̇ажийвара…бз… киббамзва гаарзд̇аб̣б̣а’нд̇и агаалажийварасса уббад̇д̇игаалам̣ нияамзд̇ваа вуд̇д̇ад̇д̇аа ваарид̇о ход̇и. д̇ад̣̇убхаязна гат̇инаб̣бханд̇арз уббаннажийварам̣ гат̇инуб̣бхаарад̇о уд̣̇д̇хам̣ згад̣̇ивасамби барихаарам̣ на лабхад̇ийд̇и сид̣̇д̇хам̣ ход̇ий’’д̇и жа. д̇асмаа д̣̇увид̇хамбзд̇ам̣ вижааран̣ам̣ санд̇хааяа амхзхи ‘‘ид̇хзва вуд̇д̇авижааран̣ааяа яат̇аавуд̇д̇аяуд̇д̇ияаа жа вируж̇жхад̇ийд̇и на г̇ахзд̇аб̣б̣а’’нд̇и вуд̇д̇анд̇и взд̣̇ид̇аб̣б̣ам̣.
Idheva vuttavicāraṇā nāma – ‘‘sve kathinuddhāro bhavissatī’’ti ajja uppannacīvaraṃ tadaheva anadhiṭṭhahantassa aruṇuggamane nissaggiyaṃ. Kasmā? ‘‘Niṭṭhitacīvarasmi’’ntiādinā sikkhāpadassa vuttattā. Antokathine atirekadasāhampi parihāraṃ labhati, kathinato uddhaṃ ekadivasampi na labhati. Yathā kiṃ? Yathā atthatakathino saṅgho atthatadivasato paṭṭhāya yāva ubbhārā ekadivasāvasesepi kathinubbhāre ānisaṃsaṃ labhati, punadivase na labhati. Sace satisammosā bhājanīyacīvaraṃ na bhājitaṃ, punadivase anatthatakathinānampi sādhāraṇaṃ hoti. Divasā ce sāvasesā, atthatakathinasseva saṅghassa pāpuṇāti, evameva atthatadivasato paṭṭhāya yāva ubbhārā anadhiṭṭhitaṃ avikappitaṃ vaṭṭati anuññātadivasabbhantarattā. Kathinadivaso gaṇanupago hoti, ubbhatadivasato paṭṭhāya dasāhaparamaṃ kālaṃ uppannacīvaraṃ parihāraṃ labhati, tato paraṃ na labhati. Kasmā? ‘‘Anujānāmi, bhikkhave, dasāhaparamaṃ atirekacīvaraṃ dhāretu’’nti vacanato. Antokathinepi ekādase aruṇuggamane nissaggiyappasaṅgaṃ ‘‘niṭṭhitacīvarasmiṃ ubbhatasmiṃ kathine’’ti ayaṃ anupaññatti vāretvā ṭhitā, na ca te divase adivase akāsīti. Tathā tatiyakathine ca vicāritaṃ ‘‘niṭṭhitacīvarasmiṃ bhikkhunā ubbhatasmiṃ kathine bhikkhuno paneva akālacīvaraṃ uppajjeyyā’ti vadantena bhagavatā yaṃ mayā heṭṭhā paṭhamasikkhāpade ‘dasāhaparamaṃ atirekacīvaraṃ dhāretabba’nti anuññātaṃ, tampi kathinamāsato bahi uppannameva, na antoti dīpitaṃ hotī’’ti ca, ‘‘‘kālepi ādissa dinnaṃ etaṃ akālacīvara’nti (pārā. 500) vacanato kathinubbhārato uddhaṃ dasāhaparihāraṃ na labhatīti dīpitaṃ hoti, tehi saddhiṃ puna kathinubbhārato uddhaṃ pañca divasāni labhatīti pasaṅgopi ‘niṭṭhitacīvara…pe… khippameva kāretabba’nti akālacīvarassa uppattikālaṃ niyametvā vuttattā vārito hoti. Tadubhayena kathinabbhantare uppannacīvaraṃ kathinubbhārato uddhaṃ ekadivasampi parihāraṃ na labhatīti siddhaṃ hotī’’ti ca. Tasmā duvidhampetaṃ vicāraṇaṃ sandhāya amhehi ‘‘idheva vuttavicāraṇāya yathāvuttayuttiyā ca virujjhatīti na gahetabba’’nti vuttanti veditabbaṃ.
зд̇т̇ааха – ‘‘нидтид̇ажийварасмим̣ уб̣бхад̇асмим̣ гат̇инз’’д̇и ид̣̇ам̣ бхуммам̣ гим̣ жийварасса уббад̇д̇и нияамзд̇и, уд̣̇ааху д̇хааран̣ам̣, уд̣̇ааху убхаяанд̇и, гин̃жзд̇т̇а, яад̣̇и уббад̇д̇им̣ нияамзд̇и, бажчимагад̇д̇игамаасз зва уб̣бхад̇асмим̣ гат̇инз уббаннажийварам̣ д̇ад̇о бадтааяа д̣̇асаахам̣ д̇хаарзд̇аб̣б̣ам̣ анидтид̇зби д̇асмим̣ маасзд̇и аабаж̇ж̇ад̇и. ат̇а д̇хааран̣ам̣ нияамзд̇и, анд̇огат̇инз уббаннажийварам̣ уб̣бхад̇зби д̣̇асаахабарамам̣ д̇хаарзд̇аб̣б̣анд̇и аабаж̇ж̇ад̇и. ат̇а убхаяам̣ нияамзд̇и, д̇ад̇ияагат̇инз вияа висзсзд̇ваа вад̇д̇аб̣б̣анд̇и? вужжад̇з – гаамам̣ убхаяам̣ нияамзд̇и, на бана висзсанз баяож̇анам̣ ад̇т̇и. яам̣ анд̇огат̇инз уббаннажийварам̣ санд̇хааяа ‘‘нидтид̇ажийварасми’’нд̇и вуд̇д̇ам̣, на д̇ам̣ санд̇хааяа ‘‘д̇хаарзд̇аб̣б̣а’’нд̇и вуд̇д̇ам̣, саад̇хид̇ан̃хзд̇ам̣. ‘‘гад̇ам̣ ваа ход̇ий’’д̇иаад̣̇иважанад̇о д̇ад̣̇ад̇т̇асид̣̇д̇хи, д̇зна буна висзсанз баяож̇анам̣ над̇т̇и, на хи гад̇амзва ниссаг̇г̇ияам̣ гарод̇и, на жа надтаад̣̇игам̣ д̇хаарзд̇ум̣ саггаад̇и. язна ваа ад̇хиббааязна бхаг̇авад̇аа ид̣̇ам̣ сигкаабад̣̇ам̣ бан̃н̃ад̇д̇ам̣, со ад̇хиббааяо д̇ад̇ияагат̇инз багаасид̇од̇и взд̣̇ид̇аб̣б̣о. гасмаа д̇ад̇т̇а багаасид̇од̇и жз? висзсавид̇хаанад̣̇ассанаад̇хиббааяад̇о. висзсавид̇хаанан̃хи ‘‘но жасса баарибуурий’’д̇иаад̣̇и. д̇ад̇т̇ааби ‘‘жийварам̣ уббаж̇ж̇зяяаа’’д̇и авад̇ваа ‘‘агаалажийварам̣ уббаж̇ж̇зяяаа’’д̇и висзсанзна уб̣бхад̇зби гат̇инз гаалажийварам̣ ад̇т̇ийд̇и д̣̇ийбзд̇и. гин̃жзд̇ам̣? бажчимагад̇д̇игамаасз уббаннажийварам̣, д̇знзва д̇ад̇т̇а ‘‘анад̇т̇ад̇з гат̇инз згаад̣̇асамаасз уббанна’’нд̇и вуд̇д̇ам̣, д̇асмаа уббад̇д̇инияамз вуд̇д̇ад̣̇осаабхаавасид̣̇д̇хи. яан̃жа д̇ад̇т̇а ‘‘гаалзби аад̣̇исса д̣̇иннам̣ зд̇ам̣ агаалажийварам̣ наамаа’’д̇и вуд̇д̇ам̣, д̇асса д̣̇вз ад̇т̇авигаббаа. аад̣̇зсавасзна ‘‘агаалажийвара’’нд̇и лад̣̇д̇хасан̇кяамби гаалз уббаннад̇д̇аа гаалабарихаарам̣ лабхад̇и, баг̇зваанаад̣̇зсанд̇и аяам̣ батамо вигаббо уббад̇д̇инияамз вуд̇д̇ад̣̇осаабхаавамзва убад̇т̇амбхзд̇и. д̇ат̇аа аад̣̇зсавасзна агаалажийварасан̇кяам̣ г̇ад̇ам̣ жийварагаалз уббаннад̇д̇аа жийварагаалад̇о барам̣ д̣̇асаахабарихаарам̣ на лабхад̇и, баг̇зваанаад̣̇зсанд̇и аяам̣ д̣̇уд̇ияо д̇хааран̣анияамз вуд̇д̇ад̣̇осаабхаавамзва убад̇т̇амбхзд̇и. яад̣̇и звам̣ аад̣̇зсавасзна агаалажийварасса агаалажийварад̇аа гимад̇т̇игаад̇и жз? сан̇гхуд̣̇д̣̇зсигасса д̇асса ад̇т̇ад̇агат̇инассаби бхигкусан̇гхасса саад̇хааран̣абхаавад̇т̇игаад̇и взд̣̇ид̇аб̣б̣аа.
Etthāha – ‘‘niṭṭhitacīvarasmiṃ ubbhatasmiṃ kathine’’ti idaṃ bhummaṃ kiṃ cīvarassa uppatti niyameti, udāhu dhāraṇaṃ, udāhu ubhayanti, kiñcettha, yadi uppattiṃ niyameti, pacchimakattikamāse eva ubbhatasmiṃ kathine uppannacīvaraṃ tato paṭṭhāya dasāhaṃ dhāretabbaṃ aniṭṭhitepi tasmiṃ māseti āpajjati. Atha dhāraṇaṃ niyameti, antokathine uppannacīvaraṃ ubbhatepi dasāhaparamaṃ dhāretabbanti āpajjati. Atha ubhayaṃ niyameti, tatiyakathine viya visesetvā vattabbanti? Vuccate – kāmaṃ ubhayaṃ niyameti, na pana visesane payojanaṃ atthi. Yaṃ antokathine uppannacīvaraṃ sandhāya ‘‘niṭṭhitacīvarasmi’’nti vuttaṃ, na taṃ sandhāya ‘‘dhāretabba’’nti vuttaṃ, sādhitañhetaṃ. ‘‘Kataṃ vā hotī’’tiādivacanato tadatthasiddhi, tena puna visesane payojanaṃ natthi, na hi katameva nissaggiyaṃ karoti, na ca naṭṭhādikaṃ dhāretuṃ sakkāti. Yena vā adhippāyena bhagavatā idaṃ sikkhāpadaṃ paññattaṃ, so adhippāyo tatiyakathine pakāsitoti veditabbo. Kasmā tattha pakāsitoti ce? Visesavidhānadassanādhippāyato. Visesavidhānañhi ‘‘no cassa pāripūrī’’tiādi. Tatthāpi ‘‘cīvaraṃ uppajjeyyā’’ti avatvā ‘‘akālacīvaraṃ uppajjeyyā’’ti visesanena ubbhatepi kathine kālacīvaraṃ atthīti dīpeti. Kiñcetaṃ? Pacchimakattikamāse uppannacīvaraṃ, teneva tattha ‘‘anatthate kathine ekādasamāse uppanna’’nti vuttaṃ, tasmā uppattiniyame vuttadosābhāvasiddhi. Yañca tattha ‘‘kālepi ādissa dinnaṃ etaṃ akālacīvaraṃ nāmā’’ti vuttaṃ, tassa dve atthavikappā. Ādesavasena ‘‘akālacīvara’’nti laddhasaṅkhyampi kāle uppannattā kālaparihāraṃ labhati, pagevānādesanti ayaṃ paṭhamo vikappo uppattiniyame vuttadosābhāvameva upatthambheti. Tathā ādesavasena akālacīvarasaṅkhyaṃ gataṃ cīvarakāle uppannattā cīvarakālato paraṃ dasāhaparihāraṃ na labhati, pagevānādesanti ayaṃ dutiyo dhāraṇaniyame vuttadosābhāvameva upatthambheti. Yadi evaṃ ādesavasena akālacīvarassa akālacīvaratā kimatthikāti ce? Saṅghuddesikassa tassa atthatakathinassapi bhikkhusaṅghassa sādhāraṇabhāvatthikāti veditabbā.
абижа буг̇г̇аласса гат̇инад̣̇ивасааби д̣̇ивасаава. звам̣ г̇ан̣анубаг̇ад̇д̇аа агаалажийварасан̇каяаабадилаабхаанубхаавзна ‘‘уб̣бхад̇асмим̣ гат̇инз’’д̇и важанаабзгкасса аниссаг̇г̇ияад̇д̇аа д̇ад̣̇ануломад̇д̇аа ‘‘гаалажийварассабий’’д̇и звам̣ саб̣б̣ат̇аа жад̇уб̣б̣ид̇хам̣ зд̇т̇а важананд̇и взд̣̇ид̇аб̣б̣ам̣. абижа ад̇т̇и згажжзна гат̇инуд̣̇д̇хаарзна уб̣бхад̇з гат̇инз уббаннам̣ згажжасса бхигкуно гаалажийварам̣ ход̇и, згажжасса агаалажийварам̣, д̇ам̣ сиймаад̇игганд̇асса, но уб̣бхаараг̇ад̇ам̣. д̇ам̣ д̣̇виннам̣ васзна уб̣бхад̇з уббаннам̣ табзд̇ваа ид̇арзсам̣ ан̃н̃ад̇арзна уб̣бхад̇з уббаннанд̇и взд̣̇ид̇аб̣б̣ам̣. д̇ан̃хи яасса уб̣бхад̇ам̣, д̇асса агаалажийварам̣, ид̇арасса гаалажийварам̣. д̇ат̇аа ад̇т̇и згажжзна гат̇инуд̣̇д̇хаарзна уб̣бхад̇з гат̇инз уббаннам̣ саб̣б̣ассаби агаалажийварамзва ход̇и. д̇ам̣ яат̇аатабид̇ам̣ взд̣̇ид̇аб̣б̣ам̣. д̇ат̇аа ад̇т̇и уб̣бхад̇асмим̣ гат̇инз уббаннам̣ табзд̇ваа вассаанасса бажчимз маасз уббаннам̣. д̇ат̇аа ад̇т̇и уб̣бхад̇асмим̣ гат̇инз уббаннам̣ агаалажийварам̣, д̇ам̣ хзманд̇з, г̇имхз ваа уббаннанд̇и взд̣̇ид̇аб̣б̣ам̣. звам̣ буг̇г̇алагаалабхзд̣̇ад̇о б̣ахувид̇хад̇д̇аа уббаннасса ‘‘уб̣бхад̇асмим̣ гат̇инз уббанна’’нд̇и на вуд̇д̇анд̇и взд̣̇ид̇аб̣б̣ам̣. анзгам̣сигад̇д̇аа имамби ад̇т̇авигаббам̣ д̣̇ассзд̇ум̣ ‘‘уб̣бхад̇асмим̣ гат̇инзд̇и бхигкуно гат̇инам̣ уб̣бхад̇ам̣ ход̇ий’’д̇и. зд̇д̇аавад̇аа сид̣̇д̇хзби ‘‘адтаннам̣ маад̇игаанам̣ ан̃н̃ад̇арааяаа’’д̇иаад̣̇и вуд̇д̇ам̣. ‘‘д̇хаараяаамий’’д̇и бхигкунийвибхан̇г̇з ааг̇ад̇од̇и вад̇д̇аб̣б̣о. ‘‘зва’’нд̇и важанзна важанабхзд̣̇о д̇ад̇т̇а над̇т̇ийд̇и вуд̇д̇ам̣ ход̇и.
Apica puggalassa kathinadivasāpi divasāva. Evaṃ gaṇanupagattā akālacīvarasaṅkhayāpaṭilābhānubhāvena ‘‘ubbhatasmiṃ kathine’’ti vacanāpekkhassa anissaggiyattā tadanulomattā ‘‘kālacīvarassapī’’ti evaṃ sabbathā catubbidhaṃ ettha vacananti veditabbaṃ. Apica atthi ekaccena kathinuddhārena ubbhate kathine uppannaṃ ekaccassa bhikkhuno kālacīvaraṃ hoti, ekaccassa akālacīvaraṃ, taṃ sīmātikkantassa, no ubbhāragataṃ. Taṃ dvinnaṃ vasena ubbhate uppannaṃ ṭhapetvā itaresaṃ aññatarena ubbhate uppannanti veditabbaṃ. Tañhi yassa ubbhataṃ, tassa akālacīvaraṃ, itarassa kālacīvaraṃ. Tathā atthi ekaccena kathinuddhārena ubbhate kathine uppannaṃ sabbassapi akālacīvarameva hoti. Taṃ yathāṭhapitaṃ veditabbaṃ. Tathā atthi ubbhatasmiṃ kathine uppannaṃ ṭhapetvā vassānassa pacchime māse uppannaṃ. Tathā atthi ubbhatasmiṃ kathine uppannaṃ akālacīvaraṃ, taṃ hemante, gimhe vā uppannanti veditabbaṃ. Evaṃ puggalakālabhedato bahuvidhattā uppannassa ‘‘ubbhatasmiṃ kathine uppanna’’nti na vuttanti veditabbaṃ. Anekaṃsikattā imampi atthavikappaṃ dassetuṃ ‘‘ubbhatasmiṃ kathineti bhikkhuno kathinaṃ ubbhataṃ hotī’’ti. Ettāvatā siddhepi ‘‘aṭṭhannaṃ mātikānaṃ aññatarāyā’’tiādi vuttaṃ. ‘‘Dhārayāmī’’ti bhikkhunīvibhaṅge āgatoti vattabbo. ‘‘Eva’’nti vacanena vacanabhedo tattha natthīti vuttaṃ hoti.
‘‘вигаббанубаг̇ам̣ бажчима’’нд̇и ид̣̇ам̣ саб̣б̣асан̇г̇аахигад̇д̇аа вуд̇д̇ам̣. ‘‘ад̇хидтаанубаг̇ам̣ бажчима’’нд̇и асаб̣б̣асан̇г̇аахигам̣. на хи яад̇д̇агам̣ сан̇гхаади ад̇хидтаанубаг̇ам̣ бажчимам̣, д̇ад̇д̇агам̣ анд̇араваасагаад̣̇и ад̇хидтаанубаг̇ам̣ бажчимам̣ ход̇и ад̇хидтаанасса б̣ахувид̇хад̇д̇аа. на звам̣ вигаббанааяа бхзд̣̇о д̇ассаа згавид̇хад̇д̇аад̇и взд̣̇ид̇аб̣б̣ам̣. ‘‘згаад̣̇асз арун̣уг̇г̇аманз ниссаг̇г̇ияа’’нд̇и анд̇имам̣ табзд̇ваа д̇ад̇о буримад̇арасминд̇и ад̇т̇о взд̣̇ид̇аб̣б̣о. анд̇имам̣ наама абарагад̇д̇игааяа батамаарун̣уг̇г̇аманам̣. д̇ан̃хи гаалад̇д̇аа ниссаг̇г̇ияам̣ на гарод̇и, д̇знзвааха ажжзгажийварасигкаабад̣̇адтагат̇ааяам̣ ‘‘чадтид̇о бадтааяа бана уббаннам̣ анажжзгажийварамби бажжуд̣̇д̇харид̇ваа табид̇ажийварамби зд̇ам̣ барихаарам̣ лабхад̇иязваа’’д̇и (баараа. адта. 2.646-9). имам̣язва наяам̣ санд̇хааяа ‘‘ажжзгажийварасса анад̇т̇ад̇з гат̇инз згаад̣̇асад̣̇ивасаад̇хиго маасо, ад̇т̇ад̇з гат̇инз згаад̣̇асад̣̇ивасаад̇хигаа бан̃жа маасаа, д̇ад̇о барам̣ згад̣̇ивасамби барихааро над̇т̇ий’’д̇и д̇ад̇т̇звааха. имасмим̣ наяз сид̣̇д̇хз анажжзгажийварам̣ д̣̇ваад̣̇асаахз на лабхад̇ийд̇и сид̣̇д̇хамзва ход̇и. д̇ад̇о ‘‘анажжзгажийварз анажжзгажийварасан̃н̃ий, анаабад̇д̇ий’’д̇и (баараа. 650) зд̇т̇а ажжзгажийварасад̣̇исз ан̃н̃асмим̣ анад̇хидтид̇зд̇и сид̣̇д̇хам̣ ход̇и. д̇ад̇т̇а бана ‘‘бан̃жа маасаа’’д̇и уггадтабарижчзд̣̇аважанам̣. вассигасаадиган̃жа авассигасаадигабхаавам̣ бад̇ваа згаад̣̇асамаасз барихаарам̣ лабхад̇ийд̇и взд̣̇ид̇аб̣б̣ам̣.
‘‘Vikappanupagaṃ pacchima’’nti idaṃ sabbasaṅgāhikattā vuttaṃ. ‘‘Adhiṭṭhānupagaṃ pacchima’’nti asabbasaṅgāhikaṃ. Na hi yattakaṃ saṅghāṭi adhiṭṭhānupagaṃ pacchimaṃ, tattakaṃ antaravāsakādi adhiṭṭhānupagaṃ pacchimaṃ hoti adhiṭṭhānassa bahuvidhattā. Na evaṃ vikappanāya bhedo tassā ekavidhattāti veditabbaṃ. ‘‘Ekādase aruṇuggamane nissaggiya’’nti antimaṃ ṭhapetvā tato purimatarasminti attho veditabbo. Antimaṃ nāma aparakattikāya paṭhamāruṇuggamanaṃ. Tañhi kālattā nissaggiyaṃ na karoti, tenevāha accekacīvarasikkhāpadaṭṭhakathāyaṃ ‘‘chaṭṭhito paṭṭhāya pana uppannaṃ anaccekacīvarampi paccuddharitvā ṭhapitacīvarampi etaṃ parihāraṃ labhatiyevā’’ti (pārā. aṭṭha. 2.646-9). Imaṃyeva nayaṃ sandhāya ‘‘accekacīvarassa anatthate kathine ekādasadivasādhiko māso, atthate kathine ekādasadivasādhikā pañca māsā, tato paraṃ ekadivasampi parihāro natthī’’ti tatthevāha. Imasmiṃ naye siddhe anaccekacīvaraṃ dvādasāhe na labhatīti siddhameva hoti. Tato ‘‘anaccekacīvare anaccekacīvarasaññī, anāpattī’’ti (pārā. 650) ettha accekacīvarasadise aññasmiṃ anadhiṭṭhiteti siddhaṃ hoti. Tattha pana ‘‘pañca māsā’’ti ukkaṭṭhaparicchedavacanaṃ. Vassikasāṭikañca avassikasāṭikabhāvaṃ patvā ekādasamāse parihāraṃ labhatīti veditabbaṃ.
д̣̇асаахаад̇игганд̇ам̣ ниссаг̇г̇ияанд̇и зд̇т̇а аабад̇д̇ивудтаанз ‘‘д̣̇асаахаббадижчаннам̣ багкаад̇ирзгабагкамаасаад̇ирзгамаасабадижчанна’’нд̇иаад̣̇иважанабхзд̣̇о вияа, на ид̇ха важанабхзд̣̇о, д̇асмаа сам̣важчараад̇игганд̇амби д̣̇асаахаад̇игганд̇амзва наама, д̇ат̇аа д̣̇уд̇ияагат̇инзби сам̣важчаравиббавуд̇т̇амби рад̇д̇ивиббавуд̇т̇амзва. д̇ад̇ияз сам̣важчараад̇игганд̇амби маасаад̇игганд̇амзва наамаад̇и взд̣̇ид̇аб̣б̣ам̣. ‘‘анад̇хидтид̇з ад̇хидтид̇асан̃н̃ий ниссаг̇г̇ияам̣ баажид̇д̇ияа’’нд̇и ид̣̇амзгасса д̇игабаажид̇д̇ияасса аад̣̇ибад̣̇ад̣̇ийбанам̣. зса наяо авигаббид̇зд̇иаад̣̇ийсуби, д̇асмаа зд̇т̇а адтасу д̇игажчзд̣̇зсу згам̣ вид̇т̇аарзд̇ваа ид̇арзсам̣ згзгамаад̣̇ибад̣̇ам̣ вид̇т̇аарзхваа д̣̇вз д̣̇вз бхаг̇авад̇аава сан̇кид̇д̇ад̇д̇аад̇и б̣ахуусуби д̇игажчзд̣̇зсу самбхаванд̇зсу зго зва вужжад̇и, ‘‘аяам̣ винаяасса д̇хаммад̇аа’’д̇и вад̣̇анд̇и. д̣̇уггадаваарзсу бана згам̣ д̣̇уггадам̣ вид̇т̇аарзд̇ваа сзсаани сад̇д̇а д̇ат̇зва сан̇кид̇д̇аани. д̇ат̇аа анд̇иманд̇имо згзго анаабад̇д̇игодтаасод̇и взд̣̇ид̇аб̣б̣ам̣.
Dasāhātikkantaṃ nissaggiyanti ettha āpattivuṭṭhāne ‘‘dasāhappaṭicchannaṃ pakkhaatirekapakkhamāsaatirekamāsapaṭicchanna’’ntiādivacanabhedo viya, na idha vacanabhedo, tasmā saṃvaccharātikkantampi dasāhātikkantameva nāma, tathā dutiyakathinepi saṃvaccharavippavutthampi rattivippavutthameva. Tatiye saṃvaccharātikkantampi māsātikkantameva nāmāti veditabbaṃ. ‘‘Anadhiṭṭhite adhiṭṭhitasaññī nissaggiyaṃ pācittiya’’nti idamekassa tikapācittiyassa ādipadadīpanaṃ. Esa nayo avikappitetiādīsupi, tasmā ettha aṭṭhasu tikacchedesu ekaṃ vitthāretvā itaresaṃ ekekamādipadaṃ vitthārehvā dve dve bhagavatāva saṅkhittattāti bahūsupi tikacchedesu sambhavantesu eko eva vuccati, ‘‘ayaṃ vinayassa dhammatā’’ti vadanti. Dukkaṭavāresu pana ekaṃ dukkaṭaṃ vitthāretvā sesāni satta tatheva saṅkhittāni. Tathā antimantimo ekeko anāpattikoṭṭhāsoti veditabbaṃ.
анаабад̇д̇и анд̇од̣̇асааханд̇и аяам̣ сан̇кзбад̇т̇о – д̇ам̣ д̣̇асаахабарамам̣ д̇хаарзд̇аб̣б̣ам̣. д̇ам̣ ад̇ирзгажийварам̣ яат̇аасагам̣ ад̇хидтаанам̣ анд̇од̣̇асаахам̣ ад̇хидтзд̇и ваа вигаббзд̇и ваа виссаж̇ж̇зд̇и ваа ад̇д̇ано д̇хаммад̇ааяа нассад̇и ваа винассад̇и ваа д̣аяхад̇и ваа ан̃н̃о ваа д̇ам̣ ажчинд̣̇ид̇ваа г̇ан̣хаад̇и виссаасанд̇о ваа г̇ан̣хаад̇и баажид̇д̇ияад̇о анаабад̇д̇и. д̣̇уггадад̇о бана сияаа аабад̇д̇и сияаа анаабад̇д̇и сан̃н̃аабхзд̣̇зна. анд̇имаанам̣ банзд̇т̇а д̣̇виннам̣ бад̣̇аанам̣ васзна анажчиннз ажчиннасан̃н̃ий ниссаг̇г̇ияам̣ баажид̇д̇ияам̣. ависсаасаг̇г̇аахз виссаасаг̇г̇аахасан̃н̃ий ниссаг̇г̇ияам̣ баажид̇д̇ияанд̇иаад̣̇игаа д̣̇вз д̇игабаажид̇д̇ияаа, д̣̇вз жа д̣̇уггадаа сан̇кид̇д̇аад̇и взд̣̇ид̇аб̣б̣аа. зд̇т̇а хи яад̣̇и анд̇од̣̇асаахам̣ ад̇хидтзд̇и, д̣̇асаахабарамам̣ арун̣ам̣ ад̇иггамид̇ваа д̇асса д̣̇ивасабхааг̇з ад̇хидтахад̇ийд̇и взд̣̇ид̇аб̣б̣ам̣. аяам̣ д̇аава баал̣ивинижчаяо.
Anāpatti antodasāhanti ayaṃ saṅkhepattho – taṃ dasāhaparamaṃ dhāretabbaṃ. Taṃ atirekacīvaraṃ yathāsakaṃ adhiṭṭhānaṃ antodasāhaṃ adhiṭṭheti vā vikappeti vā vissajjeti vā attano dhammatāya nassati vā vinassati vā ḍayhati vā añño vā taṃ acchinditvā gaṇhāti vissāsanto vā gaṇhāti pācittiyato anāpatti. Dukkaṭato pana siyā āpatti siyā anāpatti saññābhedena. Antimānaṃ panettha dvinnaṃ padānaṃ vasena anacchinne acchinnasaññī nissaggiyaṃ pācittiyaṃ. Avissāsaggāhe vissāsaggāhasaññī nissaggiyaṃ pācittiyantiādikā dve tikapācittiyā, dve ca dukkaṭā saṅkhittāti veditabbā. Ettha hi yadi antodasāhaṃ adhiṭṭheti, dasāhaparamaṃ aruṇaṃ atikkamitvā tassa divasabhāge adhiṭṭhahatīti veditabbaṃ. Ayaṃ tāva pāḷivinicchayo.
адтагат̇ааяам̣ бана ид̇о г̇аругад̇араанийд̇иаад̣̇имхи аяам̣ жод̣̇анаабуб̣б̣ан̇г̇амо винижчаяо – г̇ан̣тибад̣̇з банасса ид̇о ниссадтажийварад̣̇аанад̇о г̇аругамби н̃ад̇д̇ид̣̇уд̇ияагаммам̣ яат̇аа абалоганзна гаронд̇и, звамид̣̇ам̣ н̃ад̇д̇ияаа гад̇д̇аб̣б̣амби багад̇иважанзна ваддад̇ийд̇и. яад̣̇и звам̣ бариваарз гаммаваг̇г̇асса адтагат̇ааяам̣ ‘‘н̃ад̇д̇игаммамби згам̣ н̃ад̇д̇им̣ табзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣а’’нд̇и (бари. адта. 482) яам̣ вуд̇д̇ам̣, д̇зна вируж̇жхзяяа. д̇знзд̇ам̣ вужжад̇и ‘‘д̇зсам̣ зд̇ам̣ анулома’’нд̇и, д̇асмаа ануломанаязнзва д̇ам̣ вуд̇д̇ам̣. нияамам̣ бана яат̇аа д̣̇виннам̣ баарисуд̣̇д̇хиубосат̇о винаа н̃ад̇д̇ияаа ход̇и, звам̣ д̣̇виннам̣ ниссадтажийварад̣̇аанамбийд̇и вад̣̇аама, д̇асмаа ‘‘ааяасмад̇о д̣̇змаа’’д̇и вад̇д̇ум̣ ваддад̇и. гат̇ам̣ банзд̇ам̣ н̃аад̇аб̣б̣анд̇и? д̇ад̣̇ануломад̇д̇аад̇и. згад̣̇звзд̣̇ам̣ н̃ад̇д̇игаммам̣ абалоганзнааби гаад̇ум̣ ваддад̇ийд̇и саад̇хананд̇и взд̣̇ид̇аб̣б̣анд̇и аажарияо. ануг̇ан̣тибад̣̇з банзд̇т̇а жод̣̇анам̣ гад̇ваа ‘‘зд̇ам̣ саад̇хид̇ам̣. н̃ад̇д̇игаммам̣ згам̣ н̃ад̇д̇им̣ табзд̇ваава гаад̇аб̣б̣а’’нд̇и баал̣ияаа ааг̇ад̇ам̣ санд̇хааяа вуд̇д̇ам̣, ид̣̇ам̣ бана баал̣ияам̣ нааг̇ад̇ам̣, лзсад̇о аахарид̇ваа вуд̇д̇анд̇и гад̇ваа зд̇ам̣ абалоганзнааби ваддад̇ийд̇и.
Aṭṭhakathāyaṃ pana ito garukatarānītiādimhi ayaṃ codanāpubbaṅgamo vinicchayo – gaṇṭhipade panassa ito nissaṭṭhacīvaradānato garukampi ñattidutiyakammaṃ yathā apalokanena karonti, evamidaṃ ñattiyā kattabbampi pakativacanena vaṭṭatīti. Yadi evaṃ parivāre kammavaggassa aṭṭhakathāyaṃ ‘‘ñattikammampi ekaṃ ñattiṃ ṭhapetvāva kātabbaṃ, apalokanakammādivasena na kātabba’’nti (pari. aṭṭha. 482) yaṃ vuttaṃ, tena virujjheyya. Tenetaṃ vuccati ‘‘tesaṃ etaṃ anuloma’’nti, tasmā anulomanayeneva taṃ vuttaṃ. Niyamaṃ pana yathā dvinnaṃ pārisuddhiuposatho vinā ñattiyā hoti, evaṃ dvinnaṃ nissaṭṭhacīvaradānampīti vadāma, tasmā ‘‘āyasmato demā’’ti vattuṃ vaṭṭati. Kathaṃ panetaṃ ñātabbanti? Tadanulomattāti. Ekadevedaṃ ñattikammaṃ apalokanenāpi kātuṃ vaṭṭatīti sādhananti veditabbanti ācariyo. Anugaṇṭhipade panettha codanaṃ katvā ‘‘etaṃ sādhitaṃ. Ñattikammaṃ ekaṃ ñattiṃ ṭhapetvāva kātabba’’nti pāḷiyā āgataṃ sandhāya vuttaṃ, idaṃ pana pāḷiyaṃ nāgataṃ, lesato āharitvā vuttanti katvā etaṃ apalokanenāpi vaṭṭatīti.
468. зса наяод̇и ан̃н̃зсам̣ жийварзсу убажигаад̣̇ийхи кааяид̇зсу мамаби кааяид̇аанийд̇иаад̣̇и. ‘‘ан̃н̃зна гад̇ам̣…бз… саад̇хага’’нд̇и важанад̇о самаанаж̇аад̇игам̣, згад̇т̇аж̇аад̇иган̃жа д̇ад̇ияагат̇инам̣ батамасамаанамзваад̇и сид̣̇д̇хам̣ ход̇и.
468.Esanayoti aññesaṃ cīvaresu upacikādīhi khāyitesu mamapi khāyitānītiādi. ‘‘Aññena kataṃ…pe… sādhaka’’nti vacanato samānajātikaṃ, ekatthajātikañca tatiyakathinaṃ paṭhamasamānamevāti siddhaṃ hoti.
469. д̇ижийварам̣ ад̇хидтаад̇унд̇и зд̇т̇а д̇ижийварам̣ д̇ижийвараад̇хидтаанзна ад̇хидтаад̇аб̣б̣аяуд̇д̇агам̣, яам̣ ваа д̇ижийвараад̇хидтаанзна ад̇хидтаад̇ум̣ авигаббзд̇ум̣ ануж̇аанаами, д̇асса ад̇хидтаанагаалабарижчзд̣̇аабхаавад̇о саб̣б̣агаалам̣ ижчанд̇асса ад̇хидтаад̇ум̣язва ануж̇аанаами, д̇ам̣ гаалабарижчзд̣̇ам̣ гад̇ваа вигаббзд̇ум̣ наануж̇аанаами. сад̇и бана бажжаяз яад̣̇аа д̇ад̣̇аа ваа бажжуд̣̇д̇харид̇ваа вигаббзд̇ум̣ ваддад̇ийд̇и ‘‘анаабад̇д̇и анд̇од̣̇асаахам̣ ад̇хидтзд̇и, вигаббзд̇ий’’д̇и важанад̇о сид̣̇д̇хам̣ ход̇ийд̇и вуд̇д̇амзд̇ам̣. вассигасаадигам̣ д̇ад̇о барам̣ вигаббзд̇ум̣язва наад̇хидтаад̇ум̣. вад̇т̇ан̃хи гад̇абарияосид̇ам̣ анд̇ожад̇умаасз вассаанад̣̇ивасам̣ аад̣̇им̣ гад̇ваа анд̇од̣̇асаахз ад̇хидтаад̇ум̣ ануж̇аанаами, жад̇умаасад̇о уд̣̇д̇хам̣ ад̇д̇ано санд̇агам̣ гад̇ваа табид̇угаамзна вигаббзд̇ум̣ ануж̇аанаамийд̇и ад̇т̇о. суг̇ад̇ажийварад̇о уунаганд̇и д̇ин̣н̣амби жийвараанам̣ уггадтабарижчзд̣̇о. ‘‘д̇ижийварам̣ бана баригкааражол̣ам̣ ад̇хидтаад̇ум̣ ваддад̇ий’’д̇и ваад̣̇з бана сад̇и д̇ат̇ааруубабажжаяз ваддад̇и. яат̇аа сад̇и бажжаяз вигаббзд̇ум̣ ваддад̇ийд̇и саад̇хид̇амзд̇ам̣, баг̇зва ан̃н̃зна ад̇хидтаанзна ад̇хидтаад̇ум̣. ‘‘анд̇од̣̇асаахам̣ ад̇хидтзд̇и, вигаббзд̇ий’’д̇и анияамад̇о вуд̇д̇анд̇и сан̇гхаади, уд̇д̇араасан̇г̇о, анд̇араваасаганд̇и ад̇хидтид̇аанад̇хидтид̇аанам̣ самаанамзва наамам̣. ‘‘аяам̣ сан̇гхаадий’’д̇иаад̣̇ийсу (махаава. 126) хи анад̇хидтид̇аа вуд̇д̇аа. ‘‘д̇ижийварзна виббавасзяяаа’’д̇и зд̇т̇а ад̇хидтид̇аа вуд̇д̇аа. сааманд̇авихаарз ваад̇и г̇ожараг̇аамад̇о вихаарзд̇и д̇хаммасирид̇т̇зро. д̣̇уурад̇арзби лаб̣бхад̇зваад̇и аажарияо. ануг̇ан̣тибад̣̇зби ‘‘сааманд̇авихаарз ваад̇и д̣̇зсанаасийсамад̇д̇ам̣, д̇асмаа табид̇адтаанам̣ саллагкзд̇ваа д̣̇уурз тид̇амби ад̇хидтаад̇аб̣б̣а’’нд̇и вуд̇д̇ам̣. сааманд̇авихааро наама яад̇т̇а д̇ад̣̇ахзва г̇анд̇ваа нивад̇д̇ид̇ум̣ саггаа. рад̇д̇ивиббаваасам̣ рагканд̇зна д̇ад̇о д̣̇уурз тид̇ам̣ ад̇хидтаад̇ум̣ на ваддад̇и, звам̣ гира махааадтагат̇ааяам̣ вуд̇д̇анд̇и. гзжи ‘‘жийваравам̣сз табид̇ам̣ ан̃н̃о баривад̇д̇ид̇ваа нааг̇ад̣̇анд̇з табзд̇и, д̇ам̣ аж̇аанид̇ваа ад̇хидтаханд̇ассаби рухад̇и жийварасса саллагкид̇ад̇д̇аа’’д̇и вад̣̇анд̇и. ад̇хидтахид̇ваад̇и баригкааражол̣аад̣̇ивасзна. маханд̇ад̇арамзваад̇иаад̣̇и саб̣б̣аад̇хидтаанасаад̇хааран̣алагкан̣ам̣ . д̇ад̇т̇а буна ад̇хидтаад̇аб̣б̣амзваад̇и ад̇хидтид̇ажийварасса згад̣̇зсабхууд̇ад̇д̇аа. анад̇хидтид̇ан̃жз, ад̇хидтид̇асса аббабхаавзна згад̣̇зсабхууд̇ам̣ ад̇хидтид̇асан̇кяамзва г̇ажчад̇и. д̇ат̇аа ад̇хидтид̇ан̃жз, анад̇хидтид̇асса згад̣̇зсабхууд̇ам̣ анад̇хидтид̇асан̇кяам̣ г̇ажчад̇ийд̇и хи лагкан̣ам̣, на гзвалан̃жзд̇т̇а д̣̇уд̇ияабаддамзва, д̇ад̇ияабаддаад̣̇игамби. яат̇ааха ‘‘ануж̇аанаами…бз… уд̇уд̣̇д̇хадаанам̣ д̣̇уссаанам̣ жад̇уг̇г̇ун̣ам̣ сан̇гхаадим̣…бз… бам̣сугуулз яаавад̣̇ад̇т̇а’’нд̇и (махаава. 348).
469.Ticīvaraṃ adhiṭṭhātunti ettha ticīvaraṃ ticīvarādhiṭṭhānena adhiṭṭhātabbayuttakaṃ, yaṃ vā ticīvarādhiṭṭhānena adhiṭṭhātuṃ avikappetuṃ anujānāmi, tassa adhiṭṭhānakālaparicchedābhāvato sabbakālaṃ icchantassa adhiṭṭhātuṃyeva anujānāmi, taṃ kālaparicchedaṃ katvā vikappetuṃ nānujānāmi. Sati pana paccaye yadā tadā vā paccuddharitvā vikappetuṃ vaṭṭatīti ‘‘anāpatti antodasāhaṃ adhiṭṭheti, vikappetī’’ti vacanato siddhaṃ hotīti vuttametaṃ. Vassikasāṭikaṃ tato paraṃ vikappetuṃyeva nādhiṭṭhātuṃ. Vatthañhi katapariyositaṃ antocatumāse vassānadivasaṃ ādiṃ katvā antodasāhe adhiṭṭhātuṃ anujānāmi, catumāsato uddhaṃ attano santakaṃ katvā ṭhapitukāmena vikappetuṃ anujānāmīti attho. Sugatacīvarato ūnakanti tiṇṇampi cīvarānaṃ ukkaṭṭhaparicchedo. ‘‘Ticīvaraṃ pana parikkhāracoḷaṃ adhiṭṭhātuṃ vaṭṭatī’’ti vāde pana sati tathārūpapaccaye vaṭṭati. Yathā sati paccaye vikappetuṃ vaṭṭatīti sādhitametaṃ, pageva aññena adhiṭṭhānena adhiṭṭhātuṃ. ‘‘Antodasāhaṃ adhiṭṭheti, vikappetī’’ti aniyamato vuttanti saṅghāṭi, uttarāsaṅgo, antaravāsakanti adhiṭṭhitānadhiṭṭhitānaṃ samānameva nāmaṃ. ‘‘Ayaṃ saṅghāṭī’’tiādīsu (mahāva. 126) hi anadhiṭṭhitā vuttā. ‘‘Ticīvarena vippavaseyyā’’ti ettha adhiṭṭhitā vuttā. Sāmantavihāre vāti gocaragāmato vihāreti dhammasiritthero. Dūratarepi labbhatevāti ācariyo. Anugaṇṭhipadepi ‘‘sāmantavihāre vāti desanāsīsamattaṃ, tasmā ṭhapitaṭṭhānaṃ sallakkhetvā dūre ṭhitampi adhiṭṭhātabba’’nti vuttaṃ. Sāmantavihāro nāma yattha tadaheva gantvā nivattituṃ sakkā. Rattivippavāsaṃ rakkhantena tato dūre ṭhitaṃ adhiṭṭhātuṃ na vaṭṭati, evaṃ kira mahāaṭṭhakathāyaṃ vuttanti. Keci ‘‘cīvaravaṃse ṭhapitaṃ añño parivattitvā nāgadante ṭhapeti, taṃ ajānitvā adhiṭṭhahantassapi ruhati cīvarassa sallakkhitattā’’ti vadanti. Adhiṭṭhahitvāti parikkhāracoḷādivasena. Mahantataramevātiādi sabbādhiṭṭhānasādhāraṇalakkhaṇaṃ . Tattha puna adhiṭṭhātabbamevāti adhiṭṭhitacīvarassa ekadesabhūtattā. Anadhiṭṭhitañce, adhiṭṭhitassa appabhāvena ekadesabhūtaṃ adhiṭṭhitasaṅkhyameva gacchati. Tathā adhiṭṭhitañce, anadhiṭṭhitassa ekadesabhūtaṃ anadhiṭṭhitasaṅkhyaṃ gacchatīti hi lakkhaṇaṃ, na kevalañcettha dutiyapaṭṭameva, tatiyapaṭṭādikampi. Yathāha ‘‘anujānāmi…pe… utuddhaṭānaṃ dussānaṃ catugguṇaṃ saṅghāṭiṃ…pe… paṃsukūle yāvadattha’’nti (mahāva. 348).
авасзсаа бхигкууд̇и вагкамаанагаалз нисиннаа бхигкуу. д̇асмаа ваддад̇ийд̇и яат̇аа ‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇у’’нд̇и вуд̇д̇ам̣, звам̣ баригкааражол̣амби вуд̇д̇ам̣, на д̇асса уггадтабарижчзд̣̇о вуд̇д̇о, на жа сан̇кяаабарижчзд̣̇о, д̇асмаа д̇ийн̣иби жийвараани бажжуд̣̇д̇харид̇ваа ‘‘имаани жийвараани баригкааражол̣аани ад̇хидтаамий’’д̇и ад̇хидтахид̇ваа барибхун̃ж̇ид̇ум̣ ваддад̇ийд̇и ад̇т̇о. ‘‘нид̇хаанамукамзд̇а’’нд̇и гат̇ам̣ бан̃н̃ааяад̇ийд̇и жз? ‘‘д̇зна ко бана самаязна бхигкуунам̣ барибун̣н̣ам̣ ход̇и д̇ижийварам̣, ад̇т̇о жа ход̇и бариссааванзхиби т̇авигаахибий’’д̇и зд̇асмим̣ вад̇т̇усмим̣ ‘‘ануж̇аанаами, бхигкавз, баригкааражол̣а’’нд̇и (махаава. 358) анун̃н̃аад̇ад̇д̇аа. бхигкуунан̃жа згамзва бариссааванам̣, т̇авигаа ваа ваддад̇и, на д̣̇вз ваа д̇ийн̣и ваад̇и бадигкзбаабхаавад̇о вигаббанубаг̇абажчимаббамаан̣аани, ад̇ирзгаббамаан̣аани ваа бариссааванаад̣̇ийни баригкаараани габбанд̇ийд̇и сид̣̇д̇хам̣. яад̣̇и звам̣ ‘‘яам̣нуунаахам̣ бхигкуунам̣ жийварз сиймам̣ б̣анд̇хзяяам̣ марияаад̣̇ам̣ табзяяа’’нд̇и (махаава. 346) важанавирод̇ход̇и жз? на, анусанд̇хияаа аж̇аананад̇о, вирод̇хад̇о жа. гим̣ вуд̇д̇ам̣ ход̇и? жийварагканд̇хагз (махаава. 326 аад̣̇аяо) батамам̣ г̇ахабад̇ижийварам̣ анун̃н̃аад̇ам̣, д̇ад̇о бааваарагосияагож̇авагамб̣алаад̣̇и. д̇ад̇о ‘‘д̇зна ко бана самаязна сан̇гхасса ужжааважаани жийвараани уббаннаани хонд̇и. ат̇а ко бхигкуунам̣ зд̇ад̣̇ахоси ‘гим̣ ну ко бхаг̇авад̇аа жийварам̣ анун̃н̃аад̇ам̣, гим̣ ананун̃н̃аад̇а’’’нд̇и зд̇асмим̣ вад̇т̇усмим̣ ‘‘ануж̇аанаами, бхигкавз, ча жийвараани кома’’нд̇иаад̣̇инаа (махаава. 339) габбияажийвараж̇аад̇и анун̃н̃аад̇аа, на бана сан̇кяаабамаан̣ам̣. д̇ад̇о ‘‘ад̣̇д̣̇аса бхаг̇аваа…бз… самб̣ахулз бхигкуу жийварзхи уб̣бхан̣д̣ид̇з сийсзби жийварабхисим̣ гарид̇ваа канд̇хзби жийварабхисим̣ гарид̇ваа гадияааби жийварабхисим̣ гарид̇ваа ааг̇ажчанд̇з, д̣̇исваана бхаг̇авад̇о зд̇ад̣̇ахоси…бз… язби ко д̇з гулабуд̇д̇аа имасмим̣ д̇хаммавинаяз сийд̇аалугаа сийд̇абхийругаа, д̇зби саггонд̇и д̇ижийварзна яаабзд̇ум̣, яам̣нуунаахам̣ бхигкуунам̣ жийварз сиймам̣ б̣анд̇хзяяам̣ марияаад̣̇ам̣ табзяяам̣ д̇ижийварам̣ ануж̇аанзяяа’’нд̇и (махаава. 346) жийварам̣ анун̃н̃аад̇ам̣, д̇ан̃жа ко згамзва. чаб̣б̣аг̇г̇ияаа бана мижчаа г̇ахзд̇ваа б̣ахууни барихарим̣су. д̇аани нзсам̣ ад̇ирзгадтаанз тид̇аани хонд̇и. д̇ад̇о ‘‘ануж̇аанаами, бхигкавз, д̣̇асаахабарамам̣ ад̇ирзгажийварам̣ д̇хаарзд̇у’’нд̇и (махаава. 347) анун̃н̃аад̇ам̣, д̇знзд̇ам̣ бан̃н̃ааяад̇и. ад̇ирзгаани б̣ахууни жийвараани д̇з барихарим̣су, ‘‘д̇аани д̣̇асаахабарамамзва д̇хаарзд̇ум̣ ануж̇аанаами, на д̇амзвзга’’нд̇и вад̣̇анд̇зна яаа буб̣б̣з д̇ижийвараад̇хидтаанасан̇каад̇аа жийварз сиймааб̣ад̣̇д̇хаа, марияаад̣̇аа жа табид̇аа, д̇ааяа сад̇иби д̇ижийвараб̣аахуллабарихаран̣аггамо д̣̇ассид̇о д̣̇ивасабарижчзд̣̇авасзна. д̇ад̇о барам̣ ‘‘ануж̇аанаами, бхигкавз, ад̇ирзгажийварам̣ вигаббзд̇у’’нд̇и (махаава. 347) ануж̇аананд̇зна винааби д̣̇ивасабарижчзд̣̇зна ад̇ирзгажийварабарихаран̣аггамо д̣̇ассид̇од̇и д̣̇взби д̇аани нид̇хаанамукаанийд̇и сид̣̇д̇хам̣. д̇ат̇аа баригкааражол̣аад̇хидтаанамби сияаа, ан̃н̃ат̇аа ид̇аражийвараад̇хидтаанаануж̇аананавирод̇хо сияаа сиймаамарияаад̣̇адтабанавирод̇хад̇о. д̇ижийвараад̇хидтаанабан̃н̃ад̇д̇иязва д̇ижийварамарияаад̣̇аа ход̇и. д̇зна вуд̇д̇ам̣ ‘‘баадзггам̣ нид̇хаанамукамзд̇а’’нд̇и. ‘‘батамам̣ д̇ижийварам̣ д̇ижийвараад̇хидтаанзна ад̇хидтаад̇аб̣б̣ам̣, буна барихарид̇ум̣ асаггонд̇зна бажжуд̣̇д̇харид̇ваа баригкааражол̣ам̣ ад̇хидтаад̇аб̣б̣ам̣, на д̇взва аад̣̇ид̇ова ид̣̇ам̣ вуд̇д̇а’’нд̇и вуд̇д̇ам̣. ‘‘яат̇аа д̇ижийварам̣ барихарид̇ум̣ асаггонд̇асса г̇илаанасса виббаваасасаммуд̇и анун̃н̃аад̇аа, аг̇илаанассаби саасан̇гасигкаабад̣̇з (баараа. 652) д̇асса анд̇арагхарз нигкзбо жа, д̇ад̇оби сад̇и бажжаяз чаарад̇д̇авиббаваасо, д̇ад̇оби асаггонд̇асса бажжуд̣̇д̇хааро, бажжуд̣̇д̇хадамби анд̇од̣̇асаахз ад̇хидтаад̇ум̣, асаггонд̇асса вигаббанаа жа анун̃н̃аад̇аа. д̇ат̇зва д̣̇виннамби саммукаабараммукаавигаббанаанам̣ барасанд̇агад̇д̇аа вигаббанабажжаяз асад̇и ‘баригкааражол̣а’нд̇и ад̇хидтахид̇ваа барибхун̃ж̇ид̇ум̣ бхаг̇авад̇аа анун̃н̃аад̇ам̣ сияаа, яад̇о д̇ад̣̇ад̇хиббааяан̃н̃уу звам̣ вад̣̇анд̇ий’’д̇и махаабажжарияамби вуд̇д̇ам̣. буб̣б̣зд̇иаад̣̇и ‘‘баадзггам̣ нид̇хаанамука’’нд̇и вуд̇д̇асса баяог̇ад̣̇ассанад̇т̇ам̣ вуд̇д̇ам̣. аб̣ад̣̇д̇хасиймааяам̣ д̣̇уббарихааранд̇и вигаббанаад̣̇иад̇т̇ааяа убажаарам̣ ад̇иггамид̇вааби г̇аманасамбхавад̇о.
Avasesā bhikkhūti vakkhamānakāle nisinnā bhikkhū. Tasmā vaṭṭatīti yathā ‘‘anujānāmi, bhikkhave, ticīvaraṃ adhiṭṭhātuṃ na vikappetu’’nti vuttaṃ, evaṃ parikkhāracoḷampi vuttaṃ, na tassa ukkaṭṭhaparicchedo vutto, na ca saṅkhyāparicchedo, tasmā tīṇipi cīvarāni paccuddharitvā ‘‘imāni cīvarāni parikkhāracoḷāni adhiṭṭhāmī’’ti adhiṭṭhahitvā paribhuñjituṃ vaṭṭatīti attho. ‘‘Nidhānamukhameta’’nti kathaṃ paññāyatīti ce? ‘‘Tena kho pana samayena bhikkhūnaṃ paripuṇṇaṃ hoti ticīvaraṃ, attho ca hoti parissāvanehipi thavikāhipī’’ti etasmiṃ vatthusmiṃ ‘‘anujānāmi, bhikkhave, parikkhāracoḷa’’nti (mahāva. 358) anuññātattā. Bhikkhūnañca ekameva parissāvanaṃ, thavikā vā vaṭṭati, na dve vā tīṇi vāti paṭikkhepābhāvato vikappanupagapacchimappamāṇāni, atirekappamāṇāni vā parissāvanādīni parikkhārāni kappantīti siddhaṃ. Yadi evaṃ ‘‘yaṃnūnāhaṃ bhikkhūnaṃ cīvare sīmaṃ bandheyyaṃ mariyādaṃ ṭhapeyya’’nti (mahāva. 346) vacanavirodhoti ce? Na, anusandhiyā ajānanato, virodhato ca. Kiṃ vuttaṃ hoti? Cīvarakkhandhake (mahāva. 326 ādayo) paṭhamaṃ gahapaticīvaraṃ anuññātaṃ, tato pāvārakosiyakojavakambalādi. Tato ‘‘tena kho pana samayena saṅghassa uccāvacāni cīvarāni uppannāni honti. Atha kho bhikkhūnaṃ etadahosi ‘kiṃ nu kho bhagavatā cīvaraṃ anuññātaṃ, kiṃ ananuññāta’’’nti etasmiṃ vatthusmiṃ ‘‘anujānāmi, bhikkhave, cha cīvarāni khoma’’ntiādinā (mahāva. 339) kappiyacīvarajāti anuññātā, na pana saṅkhyāpamāṇaṃ. Tato ‘‘addasa bhagavā…pe… sambahule bhikkhū cīvarehi ubbhaṇḍite sīsepi cīvarabhisiṃ karitvā khandhepi cīvarabhisiṃ karitvā kaṭiyāpi cīvarabhisiṃ karitvā āgacchante, disvāna bhagavato etadahosi…pe… yepi kho te kulaputtā imasmiṃ dhammavinaye sītālukā sītabhīrukā, tepi sakkonti ticīvarena yāpetuṃ, yaṃnūnāhaṃ bhikkhūnaṃ cīvare sīmaṃ bandheyyaṃ mariyādaṃ ṭhapeyyaṃ ticīvaraṃ anujāneyya’’nti (mahāva. 346) cīvaraṃ anuññātaṃ, tañca kho ekameva. Chabbaggiyā pana micchā gahetvā bahūni parihariṃsu. Tāni nesaṃ atirekaṭṭhāne ṭhitāni honti. Tato ‘‘anujānāmi, bhikkhave, dasāhaparamaṃ atirekacīvaraṃ dhāretu’’nti (mahāva. 347) anuññātaṃ, tenetaṃ paññāyati. Atirekāni bahūni cīvarāni te parihariṃsu, ‘‘tāni dasāhaparamameva dhāretuṃ anujānāmi, na tameveka’’nti vadantena yā pubbe ticīvarādhiṭṭhānasaṅkhātā cīvare sīmābaddhā, mariyādā ca ṭhapitā, tāya satipi ticīvarabāhullapariharaṇakkamo dassito divasaparicchedavasena. Tato paraṃ ‘‘anujānāmi, bhikkhave, atirekacīvaraṃ vikappetu’’nti (mahāva. 347) anujānantena vināpi divasaparicchedena atirekacīvarapariharaṇakkamo dassitoti dvepi tāni nidhānamukhānīti siddhaṃ. Tathā parikkhāracoḷādhiṭṭhānampi siyā, aññathā itaracīvarādhiṭṭhānānujānanavirodho siyā sīmāmariyādaṭṭhapanavirodhato. Ticīvarādhiṭṭhānapaññattiyeva ticīvaramariyādā hoti. Tena vuttaṃ ‘‘pāṭekkaṃ nidhānamukhameta’’nti. ‘‘Paṭhamaṃ ticīvaraṃ ticīvarādhiṭṭhānena adhiṭṭhātabbaṃ, puna pariharituṃ asakkontena paccuddharitvā parikkhāracoḷaṃ adhiṭṭhātabbaṃ, na tveva āditova idaṃ vutta’’nti vuttaṃ. ‘‘Yathā ticīvaraṃ pariharituṃ asakkontassa gilānassa vippavāsasammuti anuññātā, agilānassapi sāsaṅkasikkhāpade (pārā. 652) tassa antaraghare nikkhepo ca, tatopi sati paccaye chārattavippavāso, tatopi asakkontassa paccuddhāro, paccuddhaṭampi antodasāhe adhiṭṭhātuṃ, asakkontassa vikappanā ca anuññātā. Tatheva dvinnampi sammukhāparammukhāvikappanānaṃ parasantakattā vikappanapaccaye asati ‘parikkhāracoḷa’nti adhiṭṭhahitvā paribhuñjituṃ bhagavatā anuññātaṃ siyā, yato tadadhippāyaññū evaṃ vadantī’’ti mahāpaccariyampi vuttaṃ. Pubbetiādi ‘‘pāṭekkaṃ nidhānamukha’’nti vuttassa payogadassanatthaṃ vuttaṃ. Abaddhasīmāyaṃ dupparihāranti vikappanādiatthāya upacāraṃ atikkamitvāpi gamanasambhavato.
вассигасаадигаа анад̇ирид̇д̇аббамаан̣аад̇и д̇ассаа уггадтабарижчзд̣̇асса вуд̇д̇ад̇д̇аа вуд̇д̇ам̣. бажжад̇т̇аран̣амби ад̇хидтаад̇аб̣б̣амзваад̇и ‘‘ид̣̇ам̣, бханд̇з, амхаагам̣ сзнаасанасса убари ад̇т̇арид̇аб̣б̣а’’нд̇иаад̣̇инаа д̣̇иннам̣ наад̇хидтаад̇аб̣б̣ам̣, ‘‘ид̣̇ам̣ д̇умхаага’’нд̇и д̣̇иннам̣ саяам̣ ад̇хиббзд̇ам̣ва ад̇хидтаад̇аб̣б̣анд̇и ад̇хиббааяо. ‘‘сагим̣ ад̇хидтид̇ам̣ ад̇хидтид̇амзва ход̇и, на буна бажжуд̣̇д̇харийяад̇и гаалабарижчзд̣̇аабхаавад̇о’’д̇и ликид̇ам̣. ‘‘згаважанзнаби ваддад̇ийд̇и абарз’’д̇и вуд̇д̇ам̣. бхзсаж̇ж̇анавагаммамаад̇аабид̇уаад̣̇ийнам̣ ад̇т̇ааяаад̇и зд̇т̇а ‘‘иминаа бхзсаж̇ж̇ам̣ жзд̇аабзссаами, ид̣̇ам̣ маад̇уяаа д̣̇ассаамий’’д̇и табзнд̇зна ад̇хидтаад̇аб̣б̣ам̣. ‘‘‘ид̣̇ам̣ бхзсаж̇ж̇асса, имам̣ маад̇уяаа’д̇и вибхаж̇анд̇зна ад̇хидтаанагижжам̣ над̇т̇ийд̇и абарз’’д̇и вуд̇д̇ам̣. ‘‘сагабхаавам̣ можзд̇ваа табанам̣ санд̇хааяаахаа’’д̇и ликид̇ам̣.
Vassikasāṭikā anatirittappamāṇāti tassā ukkaṭṭhaparicchedassa vuttattā vuttaṃ. Paccattharaṇampi adhiṭṭhātabbamevāti ‘‘idaṃ, bhante, amhākaṃ senāsanassa upari attharitabba’’ntiādinā dinnaṃ nādhiṭṭhātabbaṃ, ‘‘idaṃ tumhāka’’nti dinnaṃ sayaṃ adhippetaṃva adhiṭṭhātabbanti adhippāyo. ‘‘Sakiṃ adhiṭṭhitaṃ adhiṭṭhitameva hoti, na puna paccuddharīyati kālaparicchedābhāvato’’ti likhitaṃ. ‘‘Ekavacanenapi vaṭṭatīti apare’’ti vuttaṃ. Bhesajjanavakammamātāpituādīnaṃatthāyāti ettha ‘‘iminā bhesajjaṃ cetāpessāmi, idaṃ mātuyā dassāmī’’ti ṭhapentena adhiṭṭhātabbaṃ. ‘‘‘Idaṃ bhesajjassa, imaṃ mātuyā’ti vibhajantena adhiṭṭhānakiccaṃ natthīti apare’’ti vuttaṃ. ‘‘Sakabhāvaṃ mocetvā ṭhapanaṃ sandhāyāhā’’ti likhitaṃ.
‘‘буна ад̇хидтаад̇аб̣б̣анд̇и аяам̣ сан̇г̇ийд̇ид̇о бадтааяа ааг̇ад̇аадтагат̇ааваад̣̇о. д̇ад̇о барам̣ аажарияаанам̣ д̇ад̇т̇а д̇ад̇т̇а яуд̇д̇ивижааран̣аа’’д̇и вуд̇д̇ам̣. бамаан̣ажийварассаад̇и бажчимаббамаан̣асса. д̣̇вз жийвараанийд̇и саха уд̇д̇араасан̇г̇зна. зса наяод̇и бамаан̣аяуд̇д̇зсу яад̇т̇а гад̇т̇ажийд̇иаад̣̇инаяова. ‘‘д̇ам̣ ад̇иггаамаяад̇о чзд̣̇анага’’нд̇и (баажи. 533) важанад̇о уд̇д̇ари бадисид̣̇д̇хам̣, д̇ад̇о хздтаа аббадисид̣̇д̇хад̇д̇аа ваддад̇и. д̇ад̇т̇а сияаа – д̇ижийварасса бажчимаббамаан̣ам̣ висум̣ суд̇д̇з над̇т̇ийд̇и, на вад̇д̇аб̣б̣ам̣, сигкаагаран̣ийязхи сид̣̇д̇хад̇д̇аа. гим̣ вуд̇д̇ам̣ ход̇и? ‘‘‘бариман̣д̣алам̣ ниваасзссаами, баарубиссаами, суббадижчанно анд̇арагхарз г̇амиссаамий’д̇и (баажи. 576-579) важанад̇о яад̇д̇агзна бамаан̣зна бариман̣д̣алад̇аа, суббадижчаннад̇аа жа адтагат̇ааяам̣ вуд̇д̇аггамзна самбаж̇ж̇ад̇ий’’д̇и вад̇д̇аб̣б̣ам̣. д̇зсам̣ васзна бажчимаббамаан̣анд̇и сид̣̇д̇хам̣, д̇ан̃жа ко мудтибан̃жагаад̣̇и яат̇аавуд̇д̇амзва вужжад̇з. д̇знзвааха лзсам̣ табзд̇ваа ‘‘висум̣ суд̇д̇з над̇т̇ий’’д̇и.
‘‘Puna adhiṭṭhātabbanti ayaṃ saṅgītito paṭṭhāya āgataaṭṭhakathāvādo. Tato paraṃ ācariyānaṃ tattha tattha yuttivicāraṇā’’ti vuttaṃ. Pamāṇacīvarassāti pacchimappamāṇassa. Dve cīvarānīti saha uttarāsaṅgena. Esa nayoti pamāṇayuttesu yattha katthacītiādinayova. ‘‘Taṃ atikkāmayato chedanaka’’nti (pāci. 533) vacanato uttari paṭisiddhaṃ, tato heṭṭhā appaṭisiddhattā vaṭṭati. Tattha siyā – ticīvarassa pacchimappamāṇaṃ visuṃ sutte natthīti, na vattabbaṃ, sikkhākaraṇīyehi siddhattā. Kiṃ vuttaṃ hoti? ‘‘‘Parimaṇḍalaṃ nivāsessāmi, pārupissāmi, suppaṭicchanno antaraghare gamissāmī’ti (pāci. 576-579) vacanato yattakena pamāṇena parimaṇḍalatā, suppaṭicchannatā ca aṭṭhakathāyaṃ vuttakkamena sampajjatī’’ti vattabbaṃ. Tesaṃ vasena pacchimappamāṇanti siddhaṃ, tañca kho muṭṭhipañcakādi yathāvuttameva vuccate. Tenevāha lesaṃ ṭhapetvā ‘‘visuṃ sutte natthī’’ti.
абижзд̇т̇а ад̇хиббзд̇ам̣, д̇ат̇ааби на самзд̇иязваад̇и ад̇т̇о, д̇асмаа ‘‘яад̣̇ий’’д̇иаад̣̇исамб̣анд̇хо ад̣̇д̇хаа вуд̇д̇о. яасмаа барижчинно самзд̇и жа. ид̇арзсу бана згажжасмим̣ аажарияаваад̣̇з нзва барижчзд̣̇о ад̇т̇и. згажжасмим̣ на буб̣б̣аабарам̣ самзд̇ийд̇и самб̣анд̇хо. ад̇хидтаанам̣ ад̇хидтаанамзва, барибхог̇агаалз бана араж̇ид̇ам̣ на ваддад̇и. ид̣̇ам̣ саб̣б̣ам̣ д̇ижийварз зва. имасса бана сигкаабад̣̇асса аяам̣ сан̇кзбавинижчаяо – анад̇т̇ад̇з гат̇инз хзманд̇аанам̣ батамад̣̇ивасад̇о бадтааяа ад̇т̇ад̇з гат̇инз г̇имхаанам̣ батамад̣̇ивасад̇о бадтааяа уббаннажийварам̣ санд̇хааяа ‘‘нидтид̇ажийварасми’’нд̇иаад̣̇и вуд̇д̇анд̇и.
Apicettha adhippetaṃ, tathāpi na sametiyevāti attho, tasmā ‘‘yadī’’tiādisambandho addhā vutto. Yasmā paricchinno sameti ca. Itaresu pana ekaccasmiṃ ācariyavāde neva paricchedo atthi. Ekaccasmiṃ na pubbāparaṃ sametīti sambandho. Adhiṭṭhānaṃ adhiṭṭhānameva, paribhogakāle pana arajitaṃ na vaṭṭati. Idaṃ sabbaṃ ticīvare eva. Imassa pana sikkhāpadassa ayaṃ saṅkhepavinicchayo – anatthate kathine hemantānaṃ paṭhamadivasato paṭṭhāya atthate kathine gimhānaṃ paṭhamadivasato paṭṭhāya uppannacīvaraṃ sandhāya ‘‘niṭṭhitacīvarasmi’’ntiādi vuttanti.
зд̇т̇ааха – ‘‘раж̇агзхи д̇ховаабзд̇ваа сзд̇ам̣ гаараабзнд̇ассааби ад̇хидтаанам̣ ад̇хидтаанамзваа’’д̇и важанад̇о араж̇ид̇зби ад̇хидтаанам̣ рухад̇и, д̇зна суужигаммам̣ гад̇ваа раж̇ид̇ваа габбаб̣инд̣̇ум̣ д̣̇ад̇ваа ад̇хидтаад̇аб̣б̣анд̇и нияамо на гаад̇аб̣б̣од̇и? вужжад̇з, гаад̇аб̣б̣ова бад̇д̇о вияа ад̇хидтид̇о. яат̇аа буна сзд̇абхаавам̣, д̇амб̣абхаавам̣ ваа бад̇д̇о ад̇хидтаанам̣ на виж̇ахад̇и, на жа бана д̇аад̣̇исо ад̇хидтаанам̣ убаг̇ажчад̇и, звамзд̇ам̣ д̣̇адтаб̣б̣анд̇и. ‘‘яад̇о бадтааяа барибхог̇аад̣̇аяо вадданд̇и, д̇ад̇о бадтааяа анд̇од̣̇асаахз ад̇хидтаад̇аб̣б̣а’’нд̇и вад̣̇анд̇и.
Etthāha – ‘‘rajakehi dhovāpetvā setaṃ kārāpentassāpi adhiṭṭhānaṃ adhiṭṭhānamevā’’ti vacanato arajitepi adhiṭṭhānaṃ ruhati, tena sūcikammaṃ katvā rajitvā kappabinduṃ datvā adhiṭṭhātabbanti niyamo na kātabboti? Vuccate, kātabbova patto viya adhiṭṭhito. Yathā puna setabhāvaṃ, tambabhāvaṃ vā patto adhiṭṭhānaṃ na vijahati, na ca pana tādiso adhiṭṭhānaṃ upagacchati, evametaṃ daṭṭhabbanti. ‘‘Yato paṭṭhāya paribhogādayo vaṭṭanti, tato paṭṭhāya antodasāhe adhiṭṭhātabba’’nti vadanti.
ависзсзна вуд̇д̇аважананд̇и ад̇хидтаад̇аб̣б̣ам̣ ад̇хидтзд̇и, вигаббзд̇аб̣б̣ам̣ вигаббзд̇ийд̇и звам̣ сависзсам̣ гад̇ваа аважанам̣ ‘‘на вигаббзд̇у’’нд̇и (махаава. 358) иминаа вируд̣̇д̇хам̣ вияа д̣̇иссад̇и. ид̣̇аани ид̣̇ам̣ ад̇хидтаанавигаббананаяабадиб̣ад̣̇д̇хам̣ канд̇хагам̣, баривааран̃жа миссзд̇ваа багин̣н̣агам̣ вужжад̇и – канд̇хагз д̇аава ‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣, вассигасаадигам̣ вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇иаад̣̇и вуд̇д̇ам̣. бариваарз ‘‘на нава жийвараани ад̇хидтаад̇аб̣б̣аани, на нава жийвараани вигаббзд̇аб̣б̣ааний’’д̇и (бари. 329), ‘‘д̣̇асагз д̣̇аса, згаад̣̇асагз згаад̣̇аса жийвараани ад̇хидтаад̇аб̣б̣аани, на вигаббзд̇аб̣б̣ааний’’д̇и (бари. 331) жа анзгагкад̇д̇ум̣ важанзна судту д̣̇ал̣хам̣ гад̇ваа ‘‘саб̣б̣аани жийвараани ад̇хидтаад̇аб̣б̣аани, на вигаббзд̇аб̣б̣ааний’’д̇и вуд̇д̇ам̣, д̇асмаа убхоби д̇з вируд̣̇д̇хаа вияа д̣̇иссанд̇и, канд̇хагз зва жа ‘‘вассигасаадигам̣ вассаанам̣ жаад̇умаасам̣ ад̇хидтаад̇ум̣ д̇ад̇о барам̣ вигаббзд̇у’’нд̇и (махаава. 358) вуд̇д̇ам̣. д̇ад̣̇адтагат̇ааяам̣ ‘‘вассигасаадигаа анад̇ирид̇д̇аббамаан̣аа наамам̣ г̇ахзд̇ваа вуд̇д̇анаязнзва жад̇д̇ааро вассигз маасз ад̇хидтаад̇аб̣б̣аа, д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’’д̇и вуд̇д̇ам̣. ид̣̇ан̃жа вируд̣̇д̇хам̣ вияа д̣̇иссад̇и ан̃н̃аман̃н̃ам̣ хзманд̇з бажжуд̣̇д̇хаарасамбхавад̇о, вассаанз вигаббанаасамбхавад̇о жа. д̇ат̇аа ид̇ха ‘‘анаабад̇д̇и анд̇од̣̇асаахам̣ ад̇хидтзд̇и вигаббзд̇ий’’д̇и важанаббамаан̣ад̇о саб̣б̣ад̇т̇а вигаббанааяа аббадисид̣̇д̇хабхааво взд̣̇ид̇аб̣б̣од̇и (баараа. адта. 2.469) адтагат̇ааважанам̣ бариваараважанзна вируд̣̇д̇хам̣ вияа д̣̇иссад̇и, на хи вируд̣̇д̇хам̣ д̇ат̇ааг̇ад̇аа бхаасанд̇и, д̇асмаа адтагат̇аанаяовзд̇т̇а бадисаран̣ам̣, язна саб̣б̣амби д̇ам̣ згарасам̣ ход̇и. бариваарадтагат̇ааяан̃жа вуд̇д̇ам̣ ‘‘на вигаббзд̇аб̣б̣аанийд̇и ад̇хидтид̇агаалад̇о бадтааяа на вигаббзд̇аб̣б̣ааний’’д̇и (бари. адта. 329). д̇ижийвараани ад̇хидтид̇агаалад̇о бадтааяа, вассигасаадигаад̣̇ийни жа ад̇д̇ано ад̇д̇ано ад̇хидтаанакзд̇д̇з на агаамаа вигаббзд̇аб̣б̣аанийд̇и ад̇т̇о, авасзсабаал̣и, ад̇т̇о жа ид̇ха адтагат̇ааяам̣ вуд̇д̇о, д̇асмаа саб̣б̣амбзд̇ам̣ згарасанд̇и.
Avisesenavuttavacananti adhiṭṭhātabbaṃ adhiṭṭheti, vikappetabbaṃ vikappetīti evaṃ savisesaṃ katvā avacanaṃ ‘‘na vikappetu’’nti (mahāva. 358) iminā viruddhaṃ viya dissati. Idāni idaṃ adhiṭṭhānavikappananayapaṭibaddhaṃ khandhakaṃ, parivārañca missetvā pakiṇṇakaṃ vuccati – khandhake tāva ‘‘anujānāmi, bhikkhave, ticīvaraṃ adhiṭṭhātuṃ na vikappetuṃ, vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetu’’ntiādi vuttaṃ. Parivāre ‘‘na nava cīvarāni adhiṭṭhātabbāni, na nava cīvarāni vikappetabbānī’’ti (pari. 329), ‘‘dasake dasa, ekādasake ekādasa cīvarāni adhiṭṭhātabbāni, na vikappetabbānī’’ti (pari. 331) ca anekakkhattuṃ vacanena suṭṭhu daḷhaṃ katvā ‘‘sabbāni cīvarāni adhiṭṭhātabbāni, na vikappetabbānī’’ti vuttaṃ, tasmā ubhopi te viruddhā viya dissanti, khandhake eva ca ‘‘vassikasāṭikaṃ vassānaṃ cātumāsaṃ adhiṭṭhātuṃ tato paraṃ vikappetu’’nti (mahāva. 358) vuttaṃ. Tadaṭṭhakathāyaṃ ‘‘vassikasāṭikā anatirittappamāṇā nāmaṃ gahetvā vuttanayeneva cattāro vassike māse adhiṭṭhātabbā, tato paraṃ paccuddharitvā vikappetabbā’’ti vuttaṃ. Idañca viruddhaṃ viya dissati aññamaññaṃ hemante paccuddhārasambhavato, vassāne vikappanāsambhavato ca. Tathā idha ‘‘anāpatti antodasāhaṃ adhiṭṭheti vikappetī’’ti vacanappamāṇato sabbattha vikappanāya appaṭisiddhabhāvo veditabboti (pārā. aṭṭha. 2.469) aṭṭhakathāvacanaṃ parivāravacanena viruddhaṃ viya dissati, na hi viruddhaṃ tathāgatā bhāsanti, tasmā aṭṭhakathānayovettha paṭisaraṇaṃ, yena sabbampi taṃ ekarasaṃ hoti. Parivāraṭṭhakathāyañca vuttaṃ ‘‘na vikappetabbānīti adhiṭṭhitakālato paṭṭhāya na vikappetabbānī’’ti (pari. aṭṭha. 329). Ticīvarāni adhiṭṭhitakālato paṭṭhāya, vassikasāṭikādīni ca attano attano adhiṭṭhānakhette na akāmā vikappetabbānīti attho, avasesapāḷi, attho ca idha aṭṭhakathāyaṃ vutto, tasmā sabbampetaṃ ekarasanti.
зд̇т̇ааха – яад̣̇и звам̣ ‘‘нава жийвараани наад̇хидтаад̇аб̣б̣ааний’’д̇и жа вад̇д̇аб̣б̣ам̣. вигаббид̇агаалад̇о бадтааяа хи наад̇хидтаад̇аб̣б̣аанийд̇и? зд̇т̇а вужжад̇з – ‘‘д̇ижийварам̣ ад̇хидтаад̇ум̣ на вигаббзд̇ум̣…бз… баригкааражол̣ам̣ ад̇хидтаад̇ум̣ на вигаббзд̇у’’нд̇и зд̇т̇а саб̣б̣ад̇т̇а ад̇хидтаанз бадисзд̇хаад̣̇ассанад̇о, вигаббанааяа ад̣̇ассанад̇о жа ‘‘д̇ад̇о бара’’нд̇и д̣̇вийсвзва барижчзд̣̇ад̣̇ассанад̇о жа ‘‘нава жийвараани ад̇хидтаад̇аб̣б̣аани, на вигаббзд̇аб̣б̣аани жзва вуд̇д̇анд̇и взд̣̇ид̇аб̣б̣ам̣. абаро наяо – ануж̇аанаами, бхигкавз, д̇ижийварам̣ ад̇хидтаад̇ум̣ агаамаа. гасмаа? гаалз уббаннам̣ анад̇хидтаханд̇асса гаалаад̇иггамз аабад̇д̇исамбхавад̇о, агаалз уббаннам̣ анад̇хидтаханд̇асса д̣̇асаахаад̇иггамз аабад̇д̇исамбхавад̇о жа. д̇ад̇т̇а яам̣ гаалз уббаннам̣ аббахонд̇зби д̣̇асаахз гаалаад̇иггамз аабад̇д̇игарам̣, д̇ам̣ ниссаж̇ж̇анагаалз ‘‘ид̣̇ам̣ мз, бханд̇з, ад̇ирзгажийварам̣ д̇хаарид̇ам̣ ниссаг̇г̇ияам̣, имаахам̣ сан̇гхассаа’’д̇иаад̣̇инаа ниссаж̇ж̇ид̇аб̣б̣ам̣, ид̇арам̣ яат̇аабаал̣имзва. д̇ад̇т̇а батаманаяо ‘‘яо бана, бхигку, ад̇ирзгажийварам̣ д̇хаарзяяа ниссаг̇г̇ияа’’нд̇и имааяа батамабан̃н̃ад̇д̇ияаа васзна вуд̇д̇о, д̣̇уд̇ияо анубан̃н̃ад̇д̇ияаа васзна вуд̇д̇о.
Etthāha – yadi evaṃ ‘‘nava cīvarāni nādhiṭṭhātabbānī’’ti ca vattabbaṃ. Vikappitakālato paṭṭhāya hi nādhiṭṭhātabbānīti? Ettha vuccate – ‘‘ticīvaraṃ adhiṭṭhātuṃ na vikappetuṃ…pe… parikkhāracoḷaṃ adhiṭṭhātuṃ na vikappetu’’nti ettha sabbattha adhiṭṭhāne paṭisedhādassanato, vikappanāya adassanato ca ‘‘tato para’’nti dvīsveva paricchedadassanato ca ‘‘nava cīvarāni adhiṭṭhātabbāni, na vikappetabbāni ceva vuttanti veditabbaṃ. Aparo nayo – anujānāmi, bhikkhave, ticīvaraṃ adhiṭṭhātuṃ akāmā. Kasmā? Kāle uppannaṃ anadhiṭṭhahantassa kālātikkame āpattisambhavato, akāle uppannaṃ anadhiṭṭhahantassa dasāhātikkame āpattisambhavato ca. Tattha yaṃ kāle uppannaṃ appahontepi dasāhe kālātikkame āpattikaraṃ, taṃ nissajjanakāle ‘‘idaṃ me, bhante, atirekacīvaraṃ dhāritaṃ nissaggiyaṃ, imāhaṃ saṅghassā’’tiādinā nissajjitabbaṃ, itaraṃ yathāpāḷimeva. Tattha paṭhamanayo ‘‘yo pana, bhikkhu, atirekacīvaraṃ dhāreyya nissaggiya’’nti imāya paṭhamapaññattiyā vasena vutto, dutiyo anupaññattiyā vasena vutto.
яат̇аа жа ниссаж̇ж̇ид̇аб̣б̣авад̇т̇умхи асад̇и яат̇аабаал̣им̣ авад̇ваа гзвалам̣ аабад̇д̇и зва д̣̇зсзд̇аб̣б̣аа, яат̇аа жа вассигасаадиганиссаж̇ж̇анз гзвалам̣ барияидтамад̇д̇з яат̇аабаал̣им̣ авад̇ваа яат̇аасамбхавам̣ ниссаж̇ж̇ид̇аб̣б̣ам̣, д̇ат̇аа ид̣̇амбийд̇и взд̣̇ид̇аб̣б̣ам̣. яат̇аа сам̣важчараад̇игганд̇ам̣ ад̇ирзгажийварам̣ ‘‘д̣̇асаахаад̇игганд̇а’’мижжзва вужжад̇и. сам̣важчаравиббавуд̇т̇ад̇ижийварам̣, маасаад̇игганд̇ан̃жа ‘‘рад̇д̇ивиббавуд̇т̇а’’нд̇и жа ‘‘чаарад̇д̇авиббавуд̇т̇а’’нд̇и жа вужжад̇и, д̇ат̇аа ид̣̇амби ‘‘д̣̇асаахаад̇игганд̇а’’мижжзва вужжад̇ийд̇и згз, д̇асмаа сид̣̇д̇хамид̣̇ам̣ ‘‘ануж̇аанаами, бхигкавз, д̇ижийварам̣ ад̇хидтаад̇ум̣ агаамаа’’д̇и, д̇ат̇аа агаамаа на вигаббзд̇унд̇и ад̇т̇о. ижчааяа хи сад̇и ‘‘бажжуд̣̇д̇харид̇ваа виббаваасасукад̇т̇ам̣ вигаббанааяа огаасо д̣̇инно ход̇и, д̣̇асаахаад̇иггамз жа анаабад̇д̇ий’’д̇и важанад̇о вигаббзд̇ум̣ ануж̇аанаамийд̇и вуд̇д̇ам̣ ход̇и. д̇ат̇аа вассигасаадигаа агаамаа ад̇хидтаад̇ум̣ д̣̇асаахаад̇иггамз аабад̇д̇исамбхавад̇о. гид̇д̇агам̣ гааланд̇и жз? вассаанам̣ жаад̇умаасам̣, ижчааяа бана сад̇и уд̣̇д̇хам̣язва вигаббзд̇аб̣б̣ам̣. ‘‘саб̣б̣ад̇т̇а вигаббанааяа аббадисид̣̇д̇хабхааво взд̣̇ид̇аб̣б̣о’’д̇и хи вуд̇д̇ам̣. ‘‘ад̇т̇аабад̇д̇и хзманд̇з аабаж̇ж̇ад̇и, но г̇имхз, но вассз’’д̇и (бари. 323) жа вуд̇д̇ам̣, д̇зна вуд̇д̇ам̣ адтагат̇ааяам̣ ‘‘д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’’д̇и.
Yathā ca nissajjitabbavatthumhi asati yathāpāḷiṃ avatvā kevalaṃ āpatti eva desetabbā, yathā ca vassikasāṭikanissajjane kevalaṃ pariyiṭṭhamatte yathāpāḷiṃ avatvā yathāsambhavaṃ nissajjitabbaṃ, tathā idampīti veditabbaṃ. Yathā saṃvaccharātikkantaṃ atirekacīvaraṃ ‘‘dasāhātikkanta’’micceva vuccati. Saṃvaccharavippavutthaticīvaraṃ, māsātikkantañca ‘‘rattivippavuttha’’nti ca ‘‘chārattavippavuttha’’nti ca vuccati, tathā idampi ‘‘dasāhātikkanta’’micceva vuccatīti eke, tasmā siddhamidaṃ ‘‘anujānāmi, bhikkhave, ticīvaraṃ adhiṭṭhātuṃ akāmā’’ti, tathā akāmā na vikappetunti attho. Icchāya hi sati ‘‘paccuddharitvā vippavāsasukhatthaṃ vikappanāya okāso dinno hoti, dasāhātikkame ca anāpattī’’ti vacanato vikappetuṃ anujānāmīti vuttaṃ hoti. Tathā vassikasāṭikā akāmā adhiṭṭhātuṃ dasāhātikkame āpattisambhavato. Kittakaṃ kālanti ce? Vassānaṃ cātumāsaṃ, icchāya pana sati uddhaṃyeva vikappetabbaṃ. ‘‘Sabbattha vikappanāya appaṭisiddhabhāvo veditabbo’’ti hi vuttaṃ. ‘‘Atthāpatti hemante āpajjati, no gimhe, no vasse’’ti (pari. 323) ca vuttaṃ, tena vuttaṃ aṭṭhakathāyaṃ ‘‘tato paraṃ paccuddharitvā vikappetabbā’’ti.
д̇ад̇рааяам̣ вижааран̣аа – гад̣̇аа бажжуд̣̇д̇харид̇аб̣б̣аа, гад̣̇аа вигаббзд̇аб̣б̣аа, гин̃жзд̇т̇а яасмаа ‘‘д̇ад̇о бара’’нд̇и вуд̇д̇ам̣. хзманд̇ан̃жа бад̇д̇амад̇д̇з саа ад̇хидтаанам̣ виж̇ахад̇и, д̇асмаа ‘‘бажжуд̣̇д̇харид̇ваа’’д̇и на вад̇д̇аб̣б̣ам̣ ад̇хидтаанасса над̇т̇ид̇ааяа, ат̇а ‘‘анд̇ожаад̇умаасз вигаббзд̇аб̣б̣аа’’д̇и на вад̇д̇аб̣б̣ам̣. ‘‘д̇ад̇о барам̣ вигаббзд̇у’’нд̇и хи вуд̇д̇анд̇и? зд̇т̇а згажжз вад̣̇анд̇и ‘‘вад̇д̇аб̣б̣амзд̇а’’нд̇и. яат̇аа баривуд̇т̇абариваасо, жин̣н̣амаанад̇д̇о жа санд̇о нидтид̇зсуби бариваасамаанад̇д̇ад̣̇ивасзсу, д̇ат̇аа нидтид̇зсуби ад̇хидтаанад̣̇ивасзсу саад̇хидтаанамзд̇анд̇и згз. адтагат̇аажарияаанам̣ ид̣̇ам̣ саннидтаанам̣ ‘‘гад̇д̇игабун̣н̣амад̣̇ивасз бажжуд̣̇д̇харид̇ваа баадибад̣̇ад̣̇ивасз вигаббзд̇аб̣б̣аа’’д̇и. вуд̇д̇ан̃хзд̇ам̣ бариваарадтагат̇ааяам̣ ‘‘гад̇д̇игабун̣н̣амаасияаа бажчимз баадибад̣̇ад̣̇ивасз вигаббзд̇ваа табид̇ам̣ вассигасаадигам̣ ниваасзнд̇о хзманд̇з аабаж̇ж̇ад̇и. гурунд̣̇ияам̣ бана ‘гад̇д̇игабун̣н̣амад̣̇ивасз абажжуд̣̇д̇харид̇ваа хзманд̇з аабаж̇ж̇ад̇ий’д̇и вуд̇д̇ам̣, д̇амби сувуд̇д̇ам̣. ‘жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’нд̇и хи вуд̇д̇а’’нд̇и (бари. адта. 323). д̇ад̇т̇а гурунд̣̇инаяо бажчаа вуд̇д̇ад̇д̇аа саарад̇о д̣̇адтаб̣б̣о , на буримо. ниваасзнд̇о хи г̇имхзби орзнад̣̇д̇хамаасам̣ аабаж̇ж̇ад̇и зва. ид̇ха жа ‘‘ад̇т̇аабад̇д̇и хзманд̇з аабаж̇ж̇ад̇и, но г̇имхзд̇и вуд̇д̇а’’нд̇и гурунд̣̇иважанассааяамад̇т̇о д̣̇иссад̇и.
Tatrāyaṃ vicāraṇā – kadā paccuddharitabbā, kadā vikappetabbā, kiñcettha yasmā ‘‘tato para’’nti vuttaṃ. Hemantañca pattamatte sā adhiṭṭhānaṃ vijahati, tasmā ‘‘paccuddharitvā’’ti na vattabbaṃ adhiṭṭhānassa natthitāya, atha ‘‘antocātumāse vikappetabbā’’ti na vattabbaṃ. ‘‘Tato paraṃ vikappetu’’nti hi vuttanti? Ettha ekacce vadanti ‘‘vattabbameta’’nti. Yathā parivutthaparivāso, ciṇṇamānatto ca santo niṭṭhitesupi parivāsamānattadivasesu, tathā niṭṭhitesupi adhiṭṭhānadivasesu sādhiṭṭhānametanti eke. Aṭṭhakathācariyānaṃ idaṃ sanniṭṭhānaṃ ‘‘kattikapuṇṇamadivase paccuddharitvā pāṭipadadivase vikappetabbā’’ti. Vuttañhetaṃ parivāraṭṭhakathāyaṃ ‘‘kattikapuṇṇamāsiyā pacchime pāṭipadadivase vikappetvā ṭhapitaṃ vassikasāṭikaṃ nivāsento hemante āpajjati. Kurundiyaṃ pana ‘kattikapuṇṇamadivase apaccuddharitvā hemante āpajjatī’ti vuttaṃ, tampi suvuttaṃ. ‘Cātumāsaṃ adhiṭṭhātuṃ, tato paraṃ vikappetu’nti hi vutta’’nti (pari. aṭṭha. 323). Tattha kurundinayo pacchā vuttattā sārato daṭṭhabbo , na purimo. Nivāsento hi gimhepi orenaddhamāsaṃ āpajjati eva. Idha ca ‘‘atthāpatti hemante āpajjati, no gimheti vutta’’nti kurundivacanassāyamattho dissati.
‘‘гад̇д̇игабун̣н̣амад̣̇ивасз абажжуд̣̇д̇харид̇ваа д̇асмим̣язва д̣̇ивасз авигаббзнд̇о бажчимабаадибад̣̇ад̣̇ивасз абажжуд̣̇д̇хаарабажжаяаа д̣̇уггадам̣ аабаж̇ж̇ад̇и, на, авигаббанабажжаяаа д̣̇асаахабарихаарасамбхавад̇о’’д̇и гааран̣амзгз вад̣̇анд̇и. звам̣ сад̇и хзманд̇з бад̇д̇амад̇д̇з ад̇хидтаанам̣ виж̇ахад̇ийд̇и аабаж̇ж̇ад̇и, д̇ан̃жа аяуд̇д̇ам̣. ад̇хидтаанан̃хи ‘‘ан̃н̃асса д̣̇аанзна…бз… чид̣̇д̣̇абхаавзнаад̇и имзхи навахи гааран̣зхи виж̇ахад̇ий’’д̇и (баараа. адта. 2.469) вуд̇д̇ам̣, на ‘‘ад̇хидтаанакзд̇д̇аад̇иггамзна ваа’’д̇и. асаад̇хааран̣ад̇д̇аа на вуд̇д̇анд̇и жз? на, ‘‘чид̣̇д̣̇абхаавзнаа’’д̇и на вад̇д̇аб̣б̣аббасан̇г̇ад̇о, чид̣̇д̣̇абхаавзна бана д̇ижийварассзва саб̣б̣адтагат̇аасу ад̇хидтаанавиж̇аханасса вуд̇д̇ад̇д̇аа. д̇асмаа хзманд̇асса батамад̣̇ивасз абажжуд̣̇д̇хаарабажжаяаа д̣̇уггадам̣ аабаж̇ж̇ад̇и, на бажжуд̣̇д̇харид̇ваа авигаббанабажжаяаа. ‘‘вигаббзд̇у’’нд̇и важанад̇о д̇ад̇о ад̇хидтаанам̣ на виж̇ахад̇ийд̇и бан̃н̃ааяад̇и. на хи гад̇д̇игабун̣н̣амаасияаа бажчимз баадибад̣̇ад̣̇ивасз авигаббзд̇ваа хзманд̇з аабаж̇ж̇ад̇ийд̇и вуд̇д̇анд̇и ад̇хиббааяо, яасмаа д̇ам̣ абажжуд̣̇д̇хаарабажжаяаа д̣̇уггадам̣ хзманд̇асса батамаарун̣агкан̣з зва аабаж̇ж̇ад̇и, д̇асмаа ‘‘гад̇д̇игабун̣н̣амад̣̇ивасз абажжуд̣̇д̇харид̇ваа’’д̇и вуд̇д̇ам̣. бажжуд̣̇д̇хадам̣ бана хзманд̇з д̣̇асаахабарихаарам̣ лабхад̇и. ‘‘д̣̇асаахз аббахонд̇з жийварагаалам̣ наад̇иггаамзд̇аб̣б̣аа’’д̇и (баараа. адта. 2.630) хи вуд̇д̇ам̣, д̇ан̃жа ко самаяз уббаннам̣ жз, наасамаяз. д̇ат̇аа жа саад̇хид̇ам̣ абажжуд̣̇д̇хадам̣ на ниссаг̇г̇ияам̣ ход̇и, но жа д̇ам̣ барид̣̇ахид̇ам̣, д̇асмаа гад̇д̇игабун̣н̣амад̣̇ивасз зва бажжуд̣̇д̇харан̣ан̃жа вигаббанан̃жа гад̇д̇аб̣б̣анд̇и сид̣̇д̇хам̣, зд̇т̇а жа яат̇аа ад̇ирзгажийварам̣ д̣̇асамз д̣̇ивасз вигаббзнд̇зна д̣̇асаахабарамам̣ д̇хаарид̇ам̣ ход̇и, анд̇од̣̇асаахз жа вигаббид̇ам̣ ход̇и, д̇ат̇аа гад̇д̇игабун̣н̣амааяа вигаббзнд̇зна вассаанам̣ жаад̇умаасам̣ ад̇хидтид̇ан̃жа ход̇и, д̇ад̇о барам̣ анаабад̇д̇икзд̇д̇з зва вигаббанаа жа ход̇ийд̇и взд̣̇ид̇аб̣б̣ам̣. зд̇д̇аавад̇аа ад̇т̇и вигаббанаакзд̇д̇з ад̇хидтаанам̣, ад̇хидтаанакзд̇д̇з жа вигаббанаад̇и д̣̇ийбид̇ам̣ ход̇и. ан̃н̃ат̇аа ‘‘ад̇т̇аабад̇д̇и ад̇хидтаанзна аабаж̇ж̇ад̇и, анад̇хидтаанзна аабаж̇ж̇ад̇и. ад̇т̇аабад̇д̇и вигаббанааяа аабаж̇ж̇ад̇и, авигаббанааяа аабаж̇ж̇ад̇ий’’д̇и д̣̇угзсу д̣̇вз д̣̇угаани вад̇д̇аб̣б̣аани сияум̣. д̇ад̇т̇а батамад̣̇угз батамабад̣̇ам̣ самбхавад̇и. вигаббанакзд̇д̇з хи вассигасаадигаад̣̇ийнам̣ ад̇хидтаанзна винаяаад̇исаарад̣̇уггадам̣ аабаж̇ж̇ад̇и. зд̇знзва д̣̇уд̇ияад̣̇уггадасса д̣̇уд̇ияабад̣̇ам̣ вуд̇д̇ам̣ ход̇и. анад̇хидтаанзна аабаж̇ж̇ад̇ийд̇и над̇т̇и. анд̇од̣̇асаахз анаабаж̇ж̇анад̇о, вигаббанаад̣̇исамбхавад̇о жа вигаббанааяа аабаж̇ж̇ад̇ийд̇и над̇т̇и саб̣б̣ад̇т̇а вигаббанааяа аббадисид̣̇д̇хад̇д̇аа, д̇асмаа д̇аани д̣̇угаани ‘‘на лаб̣бханд̇ий’’д̇и на вуд̇д̇аани. зд̇т̇ааха – яаа саа ‘‘ад̇т̇аабад̇д̇и хзманд̇з аабаж̇ж̇ад̇ий’’д̇и (бари. 323) важанаббамаан̣ад̇о д̣̇уггадаабад̇д̇и саад̇хид̇аа, саа сан̃жижжа абажжуд̣̇д̇харанд̇асса яуж̇ж̇ад̇и, асад̇ияаа жз, ган̃жи, анаабад̇д̇и. гад̇д̇игабун̣н̣амааяа бажжуд̣̇д̇хадам̣ сан̃жижжа авигаббаяад̇о д̣̇уггадзна саха бунад̣̇ивасз ниссаг̇г̇ияам̣, асад̇ияаа авигаббаяад̇о ниссаг̇г̇ияамзва ид̇ха батамабан̃н̃ад̇д̇ияаа. яам̣ бана вуд̇д̇ам̣ маад̇игаадтагат̇ааяам̣ (ган̇каа. адта. гат̇инасигкаабад̣̇аван̣н̣анаа) ‘‘вассигасаадигаа вассаанамаасаад̇иггамзнааби, ган̣д̣убадижчаад̣̇и ааб̣аад̇хавуубасамзнааби ад̇хидтаанам̣ виж̇ахад̇и, д̇асмаа саа д̇ад̇о барам̣ вигаббзд̇аб̣б̣аа’’д̇и, д̇знзд̇ам̣ вируж̇жхад̇и, на гзвалам̣ ид̣̇амзва, ‘‘д̇ад̇о барам̣ бажжуд̣̇д̇харид̇ваа вигаббзд̇аб̣б̣аа’’д̇и адтагат̇ааважанан̃жа вируж̇жхад̇и. д̇ад̇о барам̣ наама хи хзманд̇ам̣, д̇ад̇т̇а жз бажжуд̣̇д̇хааро, ‘‘вассигасаадигаа вассаанамаасаад̇иггамзнаабий’’д̇иаад̣̇и на яуд̇д̇ам̣ ад̇хидтаанаабхаавзна бажжуд̣̇д̇хаараабхаавад̇о. авирод̇хо жа ижчид̇аб̣б̣о, д̇асмаа ‘‘бажжуд̣̇д̇харан̣ам̣ вад̇д̇амад̇д̇а’’нд̇иваад̣̇о зд̇т̇ааби самбхавад̇ийд̇и жз? на, гурунд̣̇и важанавирод̇хад̇о. д̇ад̇т̇а хи гад̇д̇игабун̣н̣амааяа бажжуд̣̇д̇хааро вуд̇д̇о, д̇асмаа вассаанад̣̇ивасад̇д̇аа саад̇хидтаанаавасаа бажжуд̣̇д̇харийяад̇ийд̇и на бажжуд̣̇д̇хааро вад̇д̇амад̇д̇ам̣, д̇асмаа ‘‘д̇ад̇о бара’’нд̇и яаава бун̣н̣амаа ад̇хиббзд̇аа сияаа. яат̇аа жааяам̣ вигаббо, д̇ат̇аа ‘‘вассаанамаасаад̇иггамзнааби ааб̣аад̇хавуубасамзнаабий’’д̇и ид̣̇амби авассам̣ бажжуд̣̇д̇харид̇аб̣б̣ад̇ааяа вуд̇д̇ам̣ сияаа. зван̃жа сад̇и ид̇ха саманд̇абаасаад̣̇игааяа д̇ад̣̇аважанзна самзд̇и. ан̃н̃ат̇аа ид̇хаби д̇ам̣ вад̇д̇аб̣б̣ам̣ сияаад̇и яат̇аавуд̇д̇ова вид̇хи зд̇т̇а самбхавад̇и, гин̃жааби самбхавад̇и, д̣̇увин̃н̃аабаяасса бана логасса сувин̃н̃аабанад̇т̇ам̣ вуд̇д̇аа. яасмаа бана саа вассаанаад̇иггамзна ад̇хидтаанам̣ виж̇ахад̇и, хзманд̇абатамаарун̣з жа абажжуд̣̇д̇хаарабажжаяаа д̣̇уггадаа саад̇хид̇аа, д̇асмаа гад̇д̇игабун̣н̣амааяамзва бажжуд̣̇д̇харид̇ваа вигаббзд̇аб̣б̣аа, авигаббид̇ааяа ‘‘ниссаг̇г̇ияаабаж̇ж̇анамзваа’’д̇и вад̇д̇аб̣б̣ам̣. зд̇д̇аавад̇ааби санд̇осам̣ агад̇ваа винижчаяо бариязсид̇аб̣б̣о. ход̇и жзд̇т̇а –
‘‘Kattikapuṇṇamadivase apaccuddharitvā tasmiṃyeva divase avikappento pacchimapāṭipadadivase apaccuddhārapaccayā dukkaṭaṃ āpajjati, na, avikappanapaccayā dasāhaparihārasambhavato’’ti kāraṇameke vadanti. Evaṃ sati hemante pattamatte adhiṭṭhānaṃ vijahatīti āpajjati, tañca ayuttaṃ. Adhiṭṭhānañhi ‘‘aññassa dānena…pe… chiddabhāvenāti imehi navahi kāraṇehi vijahatī’’ti (pārā. aṭṭha. 2.469) vuttaṃ, na ‘‘adhiṭṭhānakhettātikkamena vā’’ti. Asādhāraṇattā na vuttanti ce? Na, ‘‘chiddabhāvenā’’ti na vattabbappasaṅgato, chiddabhāvena pana ticīvarasseva sabbaṭṭhakathāsu adhiṭṭhānavijahanassa vuttattā. Tasmā hemantassa paṭhamadivase apaccuddhārapaccayā dukkaṭaṃ āpajjati, na paccuddharitvā avikappanapaccayā. ‘‘Vikappetu’’nti vacanato tato adhiṭṭhānaṃ na vijahatīti paññāyati. Na hi kattikapuṇṇamāsiyā pacchime pāṭipadadivase avikappetvā hemante āpajjatīti vuttanti adhippāyo, yasmā taṃ apaccuddhārapaccayā dukkaṭaṃ hemantassa paṭhamaaruṇakkhaṇe eva āpajjati, tasmā ‘‘kattikapuṇṇamadivase apaccuddharitvā’’ti vuttaṃ. Paccuddhaṭaṃ pana hemante dasāhaparihāraṃ labhati. ‘‘Dasāhe appahonte cīvarakālaṃ nātikkāmetabbā’’ti (pārā. aṭṭha. 2.630) hi vuttaṃ, tañca kho samaye uppannaṃ ce, nāsamaye. Tathā ca sādhitaṃ apaccuddhaṭaṃ na nissaggiyaṃ hoti, no ca taṃ paridahitaṃ, tasmā kattikapuṇṇamadivase eva paccuddharaṇañca vikappanañca kattabbanti siddhaṃ, ettha ca yathā atirekacīvaraṃ dasame divase vikappentena dasāhaparamaṃ dhāritaṃ hoti, antodasāhe ca vikappitaṃ hoti, tathā kattikapuṇṇamāya vikappentena vassānaṃ cātumāsaṃ adhiṭṭhitañca hoti, tato paraṃ anāpattikhette eva vikappanā ca hotīti veditabbaṃ. Ettāvatā atthi vikappanākhette adhiṭṭhānaṃ, adhiṭṭhānakhette ca vikappanāti dīpitaṃ hoti. Aññathā ‘‘atthāpatti adhiṭṭhānena āpajjati, anadhiṭṭhānena āpajjati. Atthāpatti vikappanāya āpajjati, avikappanāya āpajjatī’’ti dukesu dve dukāni vattabbāni siyuṃ. Tattha paṭhamaduke paṭhamapadaṃ sambhavati. Vikappanakhette hi vassikasāṭikādīnaṃ adhiṭṭhānena vinayātisāradukkaṭaṃ āpajjati. Eteneva dutiyadukkaṭassa dutiyapadaṃ vuttaṃ hoti. Anadhiṭṭhānena āpajjatīti natthi. Antodasāhe anāpajjanato, vikappanādisambhavato ca vikappanāya āpajjatīti natthi sabbattha vikappanāya appaṭisiddhattā, tasmā tāni dukāni ‘‘na labbhantī’’ti na vuttāni. Etthāha – yā sā ‘‘atthāpatti hemante āpajjatī’’ti (pari. 323) vacanappamāṇato dukkaṭāpatti sādhitā, sā sañcicca apaccuddharantassa yujjati, asatiyā ce, kañci, anāpatti. Kattikapuṇṇamāya paccuddhaṭaṃ sañcicca avikappayato dukkaṭena saha punadivase nissaggiyaṃ, asatiyā avikappayato nissaggiyameva idha paṭhamapaññattiyā. Yaṃ pana vuttaṃ mātikāṭṭhakathāyaṃ (kaṅkhā. aṭṭha. kathinasikkhāpadavaṇṇanā) ‘‘vassikasāṭikā vassānamāsātikkamenāpi, kaṇḍupaṭicchādi ābādhavūpasamenāpi adhiṭṭhānaṃ vijahati, tasmā sā tato paraṃ vikappetabbā’’ti, tenetaṃ virujjhati, na kevalaṃ idameva, ‘‘tato paraṃ paccuddharitvā vikappetabbā’’ti aṭṭhakathāvacanañca virujjhati. Tato paraṃ nāma hi hemantaṃ, tattha ce paccuddhāro, ‘‘vassikasāṭikā vassānamāsātikkamenāpī’’tiādi na yuttaṃ adhiṭṭhānābhāvena paccuddhārābhāvato. Avirodho ca icchitabbo, tasmā ‘‘paccuddharaṇaṃ vattamatta’’ntivādo etthāpi sambhavatīti ce? Na, kurundi vacanavirodhato. Tattha hi kattikapuṇṇamāya paccuddhāro vutto, tasmā vassānadivasattā sādhiṭṭhānāvasā paccuddharīyatīti na paccuddhāro vattamattaṃ, tasmā ‘‘tato para’’nti yāva puṇṇamā adhippetā siyā. Yathā cāyaṃ vikappo, tathā ‘‘vassānamāsātikkamenāpi ābādhavūpasamenāpī’’ti idampi avassaṃ paccuddharitabbatāya vuttaṃ siyā. Evañca sati idha samantapāsādikāya tadavacanena sameti. Aññathā idhapi taṃ vattabbaṃ siyāti yathāvuttova vidhi ettha sambhavati, kiñcāpi sambhavati, duviññāpayassa pana lokassa suviññāpanatthaṃ vuttā. Yasmā pana sā vassānātikkamena adhiṭṭhānaṃ vijahati, hemantapaṭhamāruṇe ca apaccuddhārapaccayā dukkaṭā sādhitā, tasmā kattikapuṇṇamāyameva paccuddharitvā vikappetabbā, avikappitāya ‘‘nissaggiyāpajjanamevā’’ti vattabbaṃ. Ettāvatāpi santosaṃ akatvā vinicchayo pariyesitabbo. Hoti cettha –
‘‘звам̣ абхаавам̣ винаяасса баал̣и,
‘‘Evaṃ abhāvaṃ vinayassa pāḷi,
бхиннам̣ абхиннан̃жа д̇ад̣̇ад̇т̇аяуд̇д̇им̣;
Bhinnaṃ abhinnañca tadatthayuttiṃ;
вин̃н̃аад̇угаамзна д̇ад̣̇ад̇т̇авин̃н̃уу,
Viññātukāmena tadatthaviññū,
бариязсид̇аб̣б̣аа винаяз вин̃н̃ааяаа’’д̇и.
Pariyesitabbā vinaye viññāyā’’ti.
‘‘д̇уяхам̣ г̇ан̣хаахий’’д̇и вуд̇д̇з винааби ‘‘маяхам̣ г̇ан̣хаамий’’д̇и важанзна суд̣̇иннам̣ ход̇и. ид̇аро жз ад̇хиваасзд̇и, д̇знааби суг̇г̇ахид̇ам̣ ход̇и, но жз ад̇хиваасзд̇и, д̣̇знд̇зна суд̣̇иннам̣. д̇ам̣ бана вад̇т̇у на гассажи ход̇и. д̇ат̇аа ‘‘маяхам̣ г̇ан̣хаамий’’д̇и вад̣̇ад̇и, саамиго жз ад̇хиваасзд̇и, винааби ‘‘г̇ан̣хаахий’’д̇и важанзна суг̇г̇ахид̇ам̣. но жз ад̇хиваасзд̇и, саамигассзва д̇ам̣, на хи д̇ассзд̇ам̣ винаяагамманд̇и зд̇т̇а винаяагаммассад̇т̇ааяа жз г̇ан̣хаад̇и, на ваддад̇и. на гзвалам̣ ад̇д̇ано ад̇т̇ааяа г̇ахид̇ам̣ , буна д̇ассаби д̣̇зд̇и, ваддад̇ийд̇и жа. д̇ат̇аа анабзгко худ̇ваа барасса виссаж̇ж̇зд̇ваа буна д̇зна д̣̇иннам̣ ваа д̇асса виссаасанд̇о ваа барибхун̃ж̇ад̇и, ваддад̇и. д̇ад̇т̇ааби винаяагаммавасзна на ваддад̇ийд̇и згз. д̇з зва ‘‘маханд̇ам̣ ваа куд̣̇д̣̇агам̣ гарод̇ий’’д̇и зд̇т̇а ‘‘д̇ижийварз д̣̇ийгхад̇о вид̣̇ад̇т̇и анад̇иггамид̇ваа чинд̣̇ид̇ваа гарод̇и, звам̣ сзсзсубий’’д̇и вад̣̇анд̇и. зваруубзсу таанзсу бораан̣аажарияаанам̣ гат̇аамаг̇г̇ам̣ судту аажарияагуласзванааяа сан̃ж̇аанид̇ваа д̇зна сам̣санд̣̇ид̇ваа сад̇о самбаж̇аано худ̇ваа сод̇уунан̃жа жид̇д̇ам̣ авимохзд̇ваа гат̇зд̇аб̣б̣ам̣. зсаа амхаагам̣ ааяаажанаа.
‘‘Tuyhaṃ gaṇhāhī’’ti vutte vināpi ‘‘mayhaṃ gaṇhāmī’’ti vacanena sudinnaṃ hoti. Itaro ce adhivāseti, tenāpi suggahitaṃ hoti, no ce adhivāseti, dentena sudinnaṃ. Taṃ pana vatthu na kassaci hoti. Tathā ‘‘mayhaṃ gaṇhāmī’’ti vadati, sāmiko ce adhivāseti, vināpi ‘‘gaṇhāhī’’ti vacanena suggahitaṃ. No ce adhivāseti, sāmikasseva taṃ, na hi tassetaṃ vinayakammanti ettha vinayakammassatthāya ce gaṇhāti, na vaṭṭati. Na kevalaṃ attano atthāya gahitaṃ , puna tassapi deti, vaṭṭatīti ca. Tathā anapekkho hutvā parassa vissajjetvā puna tena dinnaṃ vā tassa vissāsanto vā paribhuñjati, vaṭṭati. Tatthāpi vinayakammavasena na vaṭṭatīti eke. Te eva ‘‘mahantaṃ vā khuddakaṃ karotī’’ti ettha ‘‘ticīvare dīghato vidatthi anatikkamitvā chinditvā karoti, evaṃ sesesupī’’ti vadanti. Evarūpesu ṭhānesu porāṇācariyānaṃ kathāmaggaṃ suṭṭhu ācariyakulasevanāya sañjānitvā tena saṃsanditvā sato sampajāno hutvā sotūnañca cittaṃ avimohetvā kathetabbaṃ. Esā amhākaṃ āyācanā.
батамагат̇инасигкаабад̣̇аван̣н̣анаа нидтид̇аа.
Paṭhamakathinasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамагат̇инасигкаабад̣̇ам̣ • 1. Paṭhamakathinasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамагат̇инасигкаабад̣̇аван̣н̣анаа • 1. Paṭhamakathinasikkhāpadavaṇṇanā
