| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. батамакамасуд̇д̇ам̣
4. Paṭhamakhamasuttaṃ
164. ‘‘жад̇ассо имаа, бхигкавз, бадибад̣̇аа. гад̇амаа жад̇ассо? агкамаа бадибад̣̇аа, камаа бадибад̣̇аа, д̣̇амаа бадибад̣̇аа, самаа бадибад̣̇аа. гад̇амаа жа, бхигкавз, агкамаа бадибад̣̇аа? ид̇ха, бхигкавз, згажжо 1 аггосанд̇ам̣ бажжаггосад̇и, росанд̇ам̣ бадиросад̇и, бхан̣д̣анд̇ам̣ бадибхан̣д̣ад̇и. аяам̣ вужжад̇и, бхигкавз, агкамаа бадибад̣̇аа.
164. ‘‘Catasso imā, bhikkhave, paṭipadā. Katamā catasso? Akkhamā paṭipadā, khamā paṭipadā, damā paṭipadā, samā paṭipadā. Katamā ca, bhikkhave, akkhamā paṭipadā? Idha, bhikkhave, ekacco 2 akkosantaṃ paccakkosati, rosantaṃ paṭirosati, bhaṇḍantaṃ paṭibhaṇḍati. Ayaṃ vuccati, bhikkhave, akkhamā paṭipadā.
‘‘гад̇амаа жа, бхигкавз, камаа бадибад̣̇аа? ид̇ха, бхигкавз, згажжо аггосанд̇ам̣ на бажжаггосад̇и, росанд̇ам̣ на бадиросад̇и, бхан̣д̣анд̇ам̣ на бадибхан̣д̣ад̇и. аяам̣ вужжад̇и, бхигкавз, камаа бадибад̣̇аа.
‘‘Katamā ca, bhikkhave, khamā paṭipadā? Idha, bhikkhave, ekacco akkosantaṃ na paccakkosati, rosantaṃ na paṭirosati, bhaṇḍantaṃ na paṭibhaṇḍati. Ayaṃ vuccati, bhikkhave, khamā paṭipadā.
‘‘гад̇амаа жа, бхигкавз, д̣̇амаа бадибад̣̇аа? ид̇ха, бхигкавз, бхигку жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и; рагкад̇и жагкунд̣̇рияам̣; жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий; яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и ; рагкад̇и манинд̣̇рияам̣; манинд̣̇рияз сам̣варам̣ аабаж̇ж̇ад̇и. аяам̣ вужжад̇и, бхигкавз, д̣̇амаа бадибад̣̇аа.
‘‘Katamā ca, bhikkhave, damā paṭipadā? Idha, bhikkhave, bhikkhu cakkhunā rūpaṃ disvā na nimittaggāhī hoti nānubyañjanaggāhī; yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati; rakkhati cakkhundriyaṃ; cakkhundriye saṃvaraṃ āpajjati. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī; yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati ; rakkhati manindriyaṃ; manindriye saṃvaraṃ āpajjati. Ayaṃ vuccati, bhikkhave, damā paṭipadā.
‘‘гад̇амаа жа, бхигкавз, самаа бадибад̣̇аа? ид̇ха, бхигкавз, бхигку уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и самзд̇и б̣яанд̇ийгарод̇и анабхаавам̣ г̇амзд̇и; уббаннам̣ б̣яаабаад̣̇авид̇аггам̣…бз… уббаннам̣ вихим̣саавид̇аггам̣… уббаннуббаннз баабагз агусалз д̇хаммз наад̇хиваасзд̇и баж̇ахад̇и винод̣̇зд̇и самзд̇и б̣яанд̇ийгарод̇и анабхаавам̣ г̇амзд̇и. аяам̣ вужжад̇и, бхигкавз, самаа бадибад̣̇аа. имаа ко, бхигкавз, жад̇ассо бадибад̣̇аа’’д̇и. жад̇уд̇т̇ам̣.
‘‘Katamā ca, bhikkhave, samā paṭipadā? Idha, bhikkhave, bhikkhu uppannaṃ kāmavitakkaṃ nādhivāseti pajahati vinodeti sameti byantīkaroti anabhāvaṃ gameti; uppannaṃ byāpādavitakkaṃ…pe… uppannaṃ vihiṃsāvitakkaṃ… uppannuppanne pāpake akusale dhamme nādhivāseti pajahati vinodeti sameti byantīkaroti anabhāvaṃ gameti. Ayaṃ vuccati, bhikkhave, samā paṭipadā. Imā kho, bhikkhave, catasso paṭipadā’’ti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. батамакамасуд̇д̇аван̣н̣анаа • 4. Paṭhamakhamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-6. батамакамасуд̇д̇аад̣̇иван̣н̣анаа • 4-6. Paṭhamakhamasuttādivaṇṇanā
