| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
3-4. பட²மக²தஸுத்தாதி³வண்ணனா
3-4. Paṭhamakhatasuttādivaṇṇanā
3-4. ததியே கலிந்தி அபராத⁴ங். விசினாதீதி ஆசினோதி பஸவதி. தேன ச கலினா ஸுக²ங் ந படிலப⁴தீதி தேன அபராதே⁴ன ஸுக²ங் ந விந்த³தி. நிந்தி³யப்பஸங்ஸாய ஹி பஸங்ஸியனிந்தா³ய ச ஸமகோவ விபாகோ. பஸங்ஸியனிந்தா³தி ச ஸம்பன்னகு³ணபரித⁴ங்ஸனவஸேன பவத்தியா மஹாஸாவஜ்ஜதாய கடுகதரவிபாகா. நிந்தி³யப்பஸங்ஸா பன கத²ங் தாய ஸமவிபாகாதி சே? தஸ்மிங் அவிஜ்ஜமானகு³ணஸமாரோபனேன அத்தனோ பரேஸஞ்ச மிச்சா²படிபத்திஹேதுபா⁴வதோ பஸங்ஸியேன தஸ்ஸ ஸப்³பா⁴வகரணதோ ச. லோகேபி ஹி அஸூரங் ஸூரேன ஸமங் கரொந்தோ கா³ரய்ஹோ ஹோதி, பகே³வ து³ப்படிபன்னங் ஸுப்படிபன்னேன ஸமங் கரொந்தோதி. ஸகேன த⁴னேனாதி அத்தனோ ஸாபதெய்யேன. அப்பமத்தகோவ கலீதி தி³ட்ட²த⁴ம்மிகத்தா ஸப்படிகாரத்தா ச அப்பமத்தகோ அபராதோ⁴. அயங்…பே॰… மஹந்ததரோ கலி கதூபசிதத்தா ஸம்பராயிகத்தா அப்படிகாரத்தா ச.
3-4. Tatiye kalinti aparādhaṃ. Vicinātīti ācinoti pasavati. Tena ca kalinā sukhaṃ na paṭilabhatīti tena aparādhena sukhaṃ na vindati. Nindiyappasaṃsāya hi pasaṃsiyanindāya ca samakova vipāko. Pasaṃsiyanindāti ca sampannaguṇaparidhaṃsanavasena pavattiyā mahāsāvajjatāya kaṭukataravipākā. Nindiyappasaṃsā pana kathaṃ tāya samavipākāti ce? Tasmiṃ avijjamānaguṇasamāropanena attano paresañca micchāpaṭipattihetubhāvato pasaṃsiyena tassa sabbhāvakaraṇato ca. Lokepi hi asūraṃ sūrena samaṃ karonto gārayho hoti, pageva duppaṭipannaṃ suppaṭipannena samaṃ karontoti. Sakena dhanenāti attano sāpateyyena. Appamattakova kalīti diṭṭhadhammikattā sappaṭikārattā ca appamattako aparādho. Ayaṃ…pe… mahantataro kali katūpacitattā samparāyikattā appaṭikārattā ca.
நிரப்³பு³தோ³தி க³ணனாவிஸேஸோ ஏஸோதி ஆஹ ‘‘நிரப்³பு³த³க³ணனாயா’’தி, ஸதஸஹஸ்ஸங் நிரப்³பு³தா³தி அத்தோ². நிரப்³பு³த³பரிமாணங் பன வஸ்ஸக³ணனாய ஏவங் வேதி³தப்³ப³ங். யதே²வ ஹி ஸதங் ஸதஸஹஸ்ஸானங் கோடி ஹோதி, ஏவங் ஸதங் ஸதஸஹஸ்ஸானங் கோடியோ பகோடி நாம ஹோதி, ஸதங் ஸதஸஹஸ்ஸானங் பகோடியோ கோடிபகோடி, ஸதங் ஸதஸஹஸ்ஸகோடிபகோடியோ நஹுதங், ஸதங் ஸதஸஹஸ்ஸனஹுதானி நின்னஹுதங், ஸதங் ஸதஸஹஸ்ஸனின்னஹுதானி ஏகங் அப்³பு³த³ங், ததோ வீஸதிகு³ணிதங் நிரப்³பு³த³ங். யங் அரியே க³ரஹந்தோ நிரயங் உபபஜ்ஜதீதி அரியே க³ரஹந்தோ யங் நிரப்³பு³த³ஸங்கா²தங் நிரயங் உபபஜ்ஜதி, நிரப்³பு³தோ³தி ச பாடியேக்கோ நிரயோ நத்தி², அவீசிம்ஹியேவ பன நிரப்³பு³த³க³ணனாய பச்சிதப்³ப³ட்டா²னஸ்ஸேதங் நாமங். சதுத்த²ங் உத்தானமேவ.
Nirabbudoti gaṇanāviseso esoti āha ‘‘nirabbudagaṇanāyā’’ti, satasahassaṃ nirabbudāti attho. Nirabbudaparimāṇaṃ pana vassagaṇanāya evaṃ veditabbaṃ. Yatheva hi sataṃ satasahassānaṃ koṭi hoti, evaṃ sataṃ satasahassānaṃ koṭiyo pakoṭi nāma hoti, sataṃ satasahassānaṃ pakoṭiyo koṭipakoṭi, sataṃ satasahassakoṭipakoṭiyo nahutaṃ, sataṃ satasahassanahutāni ninnahutaṃ, sataṃ satasahassaninnahutāni ekaṃ abbudaṃ, tato vīsatiguṇitaṃ nirabbudaṃ. Yaṃ ariye garahanto nirayaṃ upapajjatīti ariye garahanto yaṃ nirabbudasaṅkhātaṃ nirayaṃ upapajjati, nirabbudoti ca pāṭiyekko nirayo natthi, avīcimhiyeva pana nirabbudagaṇanāya paccitabbaṭṭhānassetaṃ nāmaṃ. Catutthaṃ uttānameva.
பட²மக²தஸுத்தாதி³வண்ணனா நிட்டி²தா.
Paṭhamakhatasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
3. பட²மக²தஸுத்தங் • 3. Paṭhamakhatasuttaṃ
4. து³தியக²தஸுத்தங் • 4. Dutiyakhatasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
3. பட²மக²தஸுத்தவண்ணனா • 3. Paṭhamakhatasuttavaṇṇanā
4. து³தியக²தஸுத்தவண்ணனா • 4. Dutiyakhatasuttavaṇṇanā
