| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3-4. батамакад̇асуд̇д̇аад̣̇иван̣н̣анаа
3-4. Paṭhamakhatasuttādivaṇṇanā
3-4. д̇ад̇ияз галинд̇и абараад̇хам̣. вижинаад̇ийд̇и аажинод̇и басавад̇и. д̇зна жа галинаа сукам̣ на бадилабхад̇ийд̇и д̇зна абараад̇хзна сукам̣ на винд̣̇ад̇и. нинд̣̇ияаббасам̣сааяа хи басам̣сияанинд̣̇ааяа жа самагова вибааго. басам̣сияанинд̣̇аад̇и жа самбаннаг̇ун̣абарид̇хам̣санавасзна бавад̇д̇ияаа махаасааваж̇ж̇ад̇ааяа гадугад̇аравибаагаа. нинд̣̇ияаббасам̣саа бана гат̇ам̣ д̇ааяа самавибаагаад̇и жз? д̇асмим̣ авиж̇ж̇амаанаг̇ун̣асамааробанзна ад̇д̇ано барзсан̃жа мижчаабадибад̇д̇ихзд̇убхаавад̇о басам̣сиязна д̇асса саб̣бхаавагаран̣ад̇о жа. логзби хи асуурам̣ суурзна самам̣ гаронд̇о г̇аараяхо ход̇и, баг̇зва д̣̇уббадибаннам̣ суббадибаннзна самам̣ гаронд̇од̇и. сагзна д̇ханзнаад̇и ад̇д̇ано саабад̇зяязна. аббамад̇д̇агова галийд̇и д̣̇идтад̇хаммигад̇д̇аа саббадигаарад̇д̇аа жа аббамад̇д̇аго абараад̇хо. аяам̣…бз… маханд̇ад̇аро гали гад̇уубажид̇ад̇д̇аа самбарааяигад̇д̇аа аббадигаарад̇д̇аа жа.
3-4. Tatiye kalinti aparādhaṃ. Vicinātīti ācinoti pasavati. Tena ca kalinā sukhaṃ na paṭilabhatīti tena aparādhena sukhaṃ na vindati. Nindiyappasaṃsāya hi pasaṃsiyanindāya ca samakova vipāko. Pasaṃsiyanindāti ca sampannaguṇaparidhaṃsanavasena pavattiyā mahāsāvajjatāya kaṭukataravipākā. Nindiyappasaṃsā pana kathaṃ tāya samavipākāti ce? Tasmiṃ avijjamānaguṇasamāropanena attano paresañca micchāpaṭipattihetubhāvato pasaṃsiyena tassa sabbhāvakaraṇato ca. Lokepi hi asūraṃ sūrena samaṃ karonto gārayho hoti, pageva duppaṭipannaṃ suppaṭipannena samaṃ karontoti. Sakena dhanenāti attano sāpateyyena. Appamattakova kalīti diṭṭhadhammikattā sappaṭikārattā ca appamattako aparādho. Ayaṃ…pe… mahantataro kali katūpacitattā samparāyikattā appaṭikārattā ca.
нираб̣б̣уд̣̇од̇и г̇ан̣анаависзсо зсод̇и ааха ‘‘нираб̣б̣уд̣̇аг̇ан̣анааяаа’’д̇и, сад̇асахассам̣ нираб̣б̣уд̣̇аад̇и ад̇т̇о. нираб̣б̣уд̣̇абаримаан̣ам̣ бана вассаг̇ан̣анааяа звам̣ взд̣̇ид̇аб̣б̣ам̣. яат̇зва хи сад̇ам̣ сад̇асахассаанам̣ годи ход̇и, звам̣ сад̇ам̣ сад̇асахассаанам̣ годияо багоди наама ход̇и, сад̇ам̣ сад̇асахассаанам̣ багодияо годибагоди, сад̇ам̣ сад̇асахассагодибагодияо нахуд̇ам̣, сад̇ам̣ сад̇асахассанахуд̇аани ниннахуд̇ам̣, сад̇ам̣ сад̇асахассаниннахуд̇аани згам̣ аб̣б̣уд̣̇ам̣, д̇ад̇о вийсад̇иг̇ун̣ид̇ам̣ нираб̣б̣уд̣̇ам̣. яам̣ арияз г̇араханд̇о нираяам̣ убабаж̇ж̇ад̇ийд̇и арияз г̇араханд̇о яам̣ нираб̣б̣уд̣̇асан̇каад̇ам̣ нираяам̣ убабаж̇ж̇ад̇и, нираб̣б̣уд̣̇од̇и жа баадиязгго нираяо над̇т̇и, авийжимхиязва бана нираб̣б̣уд̣̇аг̇ан̣анааяа бажжид̇аб̣б̣адтаанассзд̇ам̣ наамам̣. жад̇уд̇т̇ам̣ уд̇д̇аанамзва.
Nirabbudoti gaṇanāviseso esoti āha ‘‘nirabbudagaṇanāyā’’ti, satasahassaṃ nirabbudāti attho. Nirabbudaparimāṇaṃ pana vassagaṇanāya evaṃ veditabbaṃ. Yatheva hi sataṃ satasahassānaṃ koṭi hoti, evaṃ sataṃ satasahassānaṃ koṭiyo pakoṭi nāma hoti, sataṃ satasahassānaṃ pakoṭiyo koṭipakoṭi, sataṃ satasahassakoṭipakoṭiyo nahutaṃ, sataṃ satasahassanahutāni ninnahutaṃ, sataṃ satasahassaninnahutāni ekaṃ abbudaṃ, tato vīsatiguṇitaṃ nirabbudaṃ. Yaṃ ariye garahanto nirayaṃ upapajjatīti ariye garahanto yaṃ nirabbudasaṅkhātaṃ nirayaṃ upapajjati, nirabbudoti ca pāṭiyekko nirayo natthi, avīcimhiyeva pana nirabbudagaṇanāya paccitabbaṭṭhānassetaṃ nāmaṃ. Catutthaṃ uttānameva.
батамакад̇асуд̇д̇аад̣̇иван̣н̣анаа нидтид̇аа.
Paṭhamakhatasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
3. батамакад̇асуд̇д̇ам̣ • 3. Paṭhamakhatasuttaṃ
4. д̣̇уд̇ияакад̇асуд̇д̇ам̣ • 4. Dutiyakhatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
3. батамакад̇асуд̇д̇аван̣н̣анаа • 3. Paṭhamakhatasuttavaṇṇanā
4. д̣̇уд̇ияакад̇асуд̇д̇аван̣н̣анаа • 4. Dutiyakhatasuttavaṇṇanā
