| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ปฐมขตสุตฺตวณฺณนา
3. Paṭhamakhatasuttavaṇṇanā
๓. ตติยํ ทุกนิปาตวณฺณนายํ วุตฺตเมวฯ คาถาสุ ปน นินฺทิยนฺติ นินฺทิตพฺพยุตฺตกํฯ นินฺทตีติ ครหติฯ ปสํสิโยติ ปสํสิตพฺพยุโตฺตฯ วิจินาติ มุเขน โส กลินฺติ โย เอวํ ปวโตฺต , เตน มุเขน กลิํ วิจินาติ นามฯ กลินา เตน สุขํ น วินฺทตีติ เตน จ กลินา สุขํ น ปฎิลภติฯ สพฺพสฺสาปิ สหาปิ อตฺตนาติ สเพฺพนปิ สเกน ธเนน เจว อตฺตนา จ สทฺธิํ โย ปราชโย, โส อปฺปมตฺตโกว กลีติ อโตฺถฯ โย สุคเตสูติ โย ปน สมฺมคฺคเตสุ ปุคฺคเลสุ จิตฺตํ ปทุเสฺสยฺย, อยํ จิตฺตปโทโสว ตโต กลิโต มหนฺตตโร กลิฯ อิทานิ ตสฺส มหนฺตตรภาวํ ทเสฺสโนฺต สตํ สหสฺสานนฺติอาทิมาหฯ ตตฺถ สตํ สหสฺสานนฺติ นิรพฺพุทคณนาย สตสหสฺสํฯ ฉตฺติํสตีติ อปรานิ จ ฉตฺติํสติ นิรพฺพุทานิฯ ปญฺจ จาติ อพฺพุทคณนาย จ ปญฺจ อพฺพุทานิฯ ยมริยครหีติ ยํ อริเย ครหโนฺต นิรยํ อุปปชฺชติ, ตตฺถ เอตฺตกํ อายุปฺปมาณนฺติฯ
3. Tatiyaṃ dukanipātavaṇṇanāyaṃ vuttameva. Gāthāsu pana nindiyanti ninditabbayuttakaṃ. Nindatīti garahati. Pasaṃsiyoti pasaṃsitabbayutto. Vicināti mukhena so kalinti yo evaṃ pavatto , tena mukhena kaliṃ vicināti nāma. Kalinā tena sukhaṃ na vindatīti tena ca kalinā sukhaṃ na paṭilabhati. Sabbassāpi sahāpi attanāti sabbenapi sakena dhanena ceva attanā ca saddhiṃ yo parājayo, so appamattakova kalīti attho. Yo sugatesūti yo pana sammaggatesu puggalesu cittaṃ padusseyya, ayaṃ cittapadosova tato kalito mahantataro kali. Idāni tassa mahantatarabhāvaṃ dassento sataṃ sahassānantiādimāha. Tattha sataṃ sahassānanti nirabbudagaṇanāya satasahassaṃ. Chattiṃsatīti aparāni ca chattiṃsati nirabbudāni. Pañca cāti abbudagaṇanāya ca pañca abbudāni. Yamariyagarahīti yaṃ ariye garahanto nirayaṃ upapajjati, tattha ettakaṃ āyuppamāṇanti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ปฐมขตสุตฺตํ • 3. Paṭhamakhatasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. ปฐมขตสุตฺตาทิวณฺณนา • 3-4. Paṭhamakhatasuttādivaṇṇanā
