| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
3. පඨමඛතසුත්‌තවණ්‌ණනා
3. Paṭhamakhatasuttavaṇṇanā
3. තතියං දුකනිපාතවණ්‌ණනායං වුත්‌තමෙව. ගාථාසු පන නින්‌දියන්‌ති නින්‌දිතබ්‌බයුත්‌තකං. නින්‌දතීති ගරහති. පසංසියොති පසංසිතබ්‌බයුත්‌තො. විචිනාති මුඛෙන සො කලින්‌ති යො එවං පවත්‌තො , තෙන මුඛෙන කලිං විචිනාති නාම. කලිනා තෙන සුඛං න වින්‌දතීති තෙන ච කලිනා සුඛං න පටිලභති. සබ්‌බස්‌සාපි සහාපි අත්‌තනාති සබ්‌බෙනපි සකෙන ධනෙන චෙව අත්‌තනා ච සද්‌ධිං යො පරාජයො, සො අප්‌පමත්‌තකොව කලීති අත්‌ථො. යො සුගතෙසූති යො පන සම්‌මග්‌ගතෙසු පුග්‌ගලෙසු චිත්‌තං පදුස්‌සෙය්‍ය, අයං චිත්‌තපදොසොව තතො කලිතො මහන්‌තතරො කලි. ඉදානි තස්‌ස මහන්‌තතරභාවං දස්‌සෙන්‌තො සතං සහස්‌සානන්‌තිආදිමාහ. තත්‌ථ සතං සහස්‌සානන්‌ති නිරබ්‌බුදගණනාය සතසහස්‌සං. ඡත්‌තිංසතීති අපරානි ච ඡත්‌තිංසති නිරබ්‌බුදානි. පඤ්‌ච චාති අබ්‌බුදගණනාය ච පඤ්‌ච අබ්‌බුදානි. යමරියගරහීති යං අරියෙ ගරහන්‌තො නිරයං උපපජ්‌ජති, තත්‌ථ එත්‌තකං ආයුප්‌පමාණන්‌ති.
3. Tatiyaṃ dukanipātavaṇṇanāyaṃ vuttameva. Gāthāsu pana nindiyanti ninditabbayuttakaṃ. Nindatīti garahati. Pasaṃsiyoti pasaṃsitabbayutto. Vicināti mukhena so kalinti yo evaṃ pavatto , tena mukhena kaliṃ vicināti nāma. Kalinā tena sukhaṃ na vindatīti tena ca kalinā sukhaṃ na paṭilabhati. Sabbassāpi sahāpi attanāti sabbenapi sakena dhanena ceva attanā ca saddhiṃ yo parājayo, so appamattakova kalīti attho. Yo sugatesūti yo pana sammaggatesu puggalesu cittaṃ padusseyya, ayaṃ cittapadosova tato kalito mahantataro kali. Idāni tassa mahantatarabhāvaṃ dassento sataṃ sahassānantiādimāha. Tattha sataṃ sahassānanti nirabbudagaṇanāya satasahassaṃ. Chattiṃsatīti aparāni ca chattiṃsati nirabbudāni. Pañca cāti abbudagaṇanāya ca pañca abbudāni. Yamariyagarahīti yaṃ ariye garahanto nirayaṃ upapajjati, tattha ettakaṃ āyuppamāṇanti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. පඨමඛතසුත්‌තං • 3. Paṭhamakhatasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3-4. පඨමඛතසුත්‌තාදිවණ්‌ණනා • 3-4. Paṭhamakhatasuttādivaṇṇanā
