| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਪਠਮਖਤਸੁਤ੍ਤવਣ੍ਣਨਾ
3. Paṭhamakhatasuttavaṇṇanā
੩. ਤਤਿਯਂ ਦੁਕਨਿਪਾਤવਣ੍ਣਨਾਯਂ વੁਤ੍ਤਮੇવ। ਗਾਥਾਸੁ ਪਨ ਨਿਨ੍ਦਿਯਨ੍ਤਿ ਨਿਨ੍ਦਿਤਬ੍ਬਯੁਤ੍ਤਕਂ। ਨਿਨ੍ਦਤੀਤਿ ਗਰਹਤਿ। ਪਸਂਸਿਯੋਤਿ ਪਸਂਸਿਤਬ੍ਬਯੁਤ੍ਤੋ। વਿਚਿਨਾਤਿ ਮੁਖੇਨ ਸੋ ਕਲਿਨ੍ਤਿ ਯੋ ਏવਂ ਪવਤ੍ਤੋ , ਤੇਨ ਮੁਖੇਨ ਕਲਿਂ વਿਚਿਨਾਤਿ ਨਾਮ। ਕਲਿਨਾ ਤੇਨ ਸੁਖਂ ਨ વਿਨ੍ਦਤੀਤਿ ਤੇਨ ਚ ਕਲਿਨਾ ਸੁਖਂ ਨ ਪਟਿਲਭਤਿ। ਸਬ੍ਬਸ੍ਸਾਪਿ ਸਹਾਪਿ ਅਤ੍ਤਨਾਤਿ ਸਬ੍ਬੇਨਪਿ ਸਕੇਨ ਧਨੇਨ ਚੇવ ਅਤ੍ਤਨਾ ਚ ਸਦ੍ਧਿਂ ਯੋ ਪਰਾਜਯੋ, ਸੋ ਅਪ੍ਪਮਤ੍ਤਕੋવ ਕਲੀਤਿ ਅਤ੍ਥੋ। ਯੋ ਸੁਗਤੇਸੂਤਿ ਯੋ ਪਨ ਸਮ੍ਮਗ੍ਗਤੇਸੁ ਪੁਗ੍ਗਲੇਸੁ ਚਿਤ੍ਤਂ ਪਦੁਸ੍ਸੇਯ੍ਯ, ਅਯਂ ਚਿਤ੍ਤਪਦੋਸੋવ ਤਤੋ ਕਲਿਤੋ ਮਹਨ੍ਤਤਰੋ ਕਲਿ। ਇਦਾਨਿ ਤਸ੍ਸ ਮਹਨ੍ਤਤਰਭਾવਂ ਦਸ੍ਸੇਨ੍ਤੋ ਸਤਂ ਸਹਸ੍ਸਾਨਨ੍ਤਿਆਦਿਮਾਹ। ਤਤ੍ਥ ਸਤਂ ਸਹਸ੍ਸਾਨਨ੍ਤਿ ਨਿਰਬ੍ਬੁਦਗਣਨਾਯ ਸਤਸਹਸ੍ਸਂ। ਛਤ੍ਤਿਂਸਤੀਤਿ ਅਪਰਾਨਿ ਚ ਛਤ੍ਤਿਂਸਤਿ ਨਿਰਬ੍ਬੁਦਾਨਿ। ਪਞ੍ਚ ਚਾਤਿ ਅਬ੍ਬੁਦਗਣਨਾਯ ਚ ਪਞ੍ਚ ਅਬ੍ਬੁਦਾਨਿ। ਯਮਰਿਯਗਰਹੀਤਿ ਯਂ ਅਰਿਯੇ ਗਰਹਨ੍ਤੋ ਨਿਰਯਂ ਉਪਪਜ੍ਜਤਿ, ਤਤ੍ਥ ਏਤ੍ਤਕਂ ਆਯੁਪ੍ਪਮਾਣਨ੍ਤਿ।
3. Tatiyaṃ dukanipātavaṇṇanāyaṃ vuttameva. Gāthāsu pana nindiyanti ninditabbayuttakaṃ. Nindatīti garahati. Pasaṃsiyoti pasaṃsitabbayutto. Vicināti mukhena so kalinti yo evaṃ pavatto , tena mukhena kaliṃ vicināti nāma. Kalinā tena sukhaṃ na vindatīti tena ca kalinā sukhaṃ na paṭilabhati. Sabbassāpi sahāpi attanāti sabbenapi sakena dhanena ceva attanā ca saddhiṃ yo parājayo, so appamattakova kalīti attho. Yo sugatesūti yo pana sammaggatesu puggalesu cittaṃ padusseyya, ayaṃ cittapadosova tato kalito mahantataro kali. Idāni tassa mahantatarabhāvaṃ dassento sataṃ sahassānantiādimāha. Tattha sataṃ sahassānanti nirabbudagaṇanāya satasahassaṃ. Chattiṃsatīti aparāni ca chattiṃsati nirabbudāni. Pañca cāti abbudagaṇanāya ca pañca abbudāni. Yamariyagarahīti yaṃ ariye garahanto nirayaṃ upapajjati, tattha ettakaṃ āyuppamāṇanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਪਠਮਖਤਸੁਤ੍ਤਂ • 3. Paṭhamakhatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਪਠਮਖਤਸੁਤ੍ਤਾਦਿવਣ੍ਣਨਾ • 3-4. Paṭhamakhatasuttādivaṇṇanā
